ياعيني ياماهر على التصوير اللي مامثله بالدنيا ( مقطع فيديو ) !


مساء المشمش السوري ياحلويـــن ..

 كيفكم مع السهر .. والله يا أنتم بعد ماترحمون أنفسكم .. سهر في الليل .. ثم تصلّون الفجر .. واغسل يدك يامُدمن أن شفت أحد يصلي الظهر .. كل واحداً خامد في فراشه وسعابيله تقوطر على هالمخده الصفرا !


بالصدفة البارح طاح في يدي مقطع حليو ومسرّب في الديره لخوينا ماهر السوداني يــــوم انه بزر وفطفوط ويهبّل ولابعد صار اقشر يناطح الحمير << أمش ياللي يهبّل .. والله انه شين ويحوّم التسبد بعد !

صراحه لمقطع يسدّ النفس مع أن الصوت يمشّي الحال .. بس لزوم أعرّفكم على جميع الخشش اللي في البشكه مع المدعو / ماهر ..
بدايةً : ماهر السوداني .. هو المُطرب حقنا .. طاق العمامه ( الحمرا ) ويبي ياخذ الجنسيه بالقوّه .. أغسل يدك يازول تاخذها .. إلا إذا تقدمت لنادي النصر فابشر بها .. بس بشرط أنك تشوت عسماوي !

الشباب اللي جالسين ..
الأول : دحيّم .. والله ياهو بعد شين .. طاق لي النظاره السودا .. ويبي يصير زين بالقوّه .. ومن شف طول يديه قال في نفسه ( بالله .. مثل هذا تقبله سويّر ) !

الثاني : آية الله ( راشد الاقرع ) .. الطاقيه ماخذه نصف الوجه .. والسنون صفرا لها سنين ماشافت مسواك !  
الثالث : راشد .. أكبر راس على وجه الدنيا .. داز له أبو الوسايط عشان يدخل موسوعة جنيس لأكبر راس في الدنيا … بس كرشوه لأنهم لقوا حبشي راسه أكبر منه .. !
الرابع والأخير : سالم المنزوي .. دايم على أسمه .. يحب ينزوي عن عيون الناس .. والسبب أنه فتنه ويخاف على نفسه من العين الحمرا .. المشكله أني دايم أقول له ( ياسالم تراك شين ) .. ويحلف بالله أن أمه تقول له دايم ( القرد في عين أمه غزال ) .. !

يقولون أن المشهد تم تسجيله عند المسجد بعد عصريه .. وحريصين جداً أنهم يخلون المشهد ( فيديو كلب أبن كلب ) نفس فكرة [ فيديو كليب ] بس على وتر ( الوجه أحلى وأطلق سبعين مرّه ) !
 المشهد برعاية ( مستوصفات وبناشر العم عوصمان )
سلام

لتحميل المقطع .. أدعس على الرابط بخشمك

:: مدمن شاهي ::


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ياعيني ياماهر على التصوير اللي مامثله بالدنيا ( مقطع فيديو ) !

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول