رسائل المجموعة

ياأُستاذ كُتكُت .. تعليمنا راح فيها !

يسعد لي مساكون كلياتكون .. من شباب وصبايا … ولما يفوت الزلمه ويأرى الحكايتي هون لازم أولو أودفيل اللي عام بيخفف الآلام والصُداع النصفي … وشو بدّي أحكي لألكون عن الي جواتي .. أكيد حكاياتي راح تخزين العين << تخزين العين لين تبرعها وتفتّق جنوبها !

 

شلون النتايج معكم .. عساكم نجحتم زي ولد عمّي .. ناجحن في كل المواد إلا الإملاء  طيب ادامه راسبن في الاملاء شلون نجح في غيرها ! .. الوكاد انه نجح وبالدفدفه خذ منتاز .. الله يالدنيا أوّل .. وقسم بالله نفحّط عشان نجيب جيّد .. وآلحين الواحد كسرتن متكسمره وبالراحة ياخذ جيّد جدّاً .. يا أن التعليم متواطئ أو أن الدعوه فيها إنّ وخواتها التوائم .. وماودّي بصراحة أجيب طاري الرشاوي بموضوعي أبد أبد

الكلام المذكور أعلاه ماطلع مني عبث .. ولد عمّي شرى له مطعم وجاب له كم لبناني .. وقال لي : اسمع يامُدمن .. أنت مُدير المطعم وخلّك على راسهم وتابع الوضع من قريب عشان بيتكم قريب منه .. ومن ادخل المطعم وماأسمع إلا هالكلام الزين  .. وبدال ماصير ( مُديرن ) عليهم .. صرت أسيح على الطاوله لاشعورياً وعيوني تبدا تقلّب من زود الخقاق .. والله يا عليهم كلامن ذرب ويخلي النفسية عندي مقفّلة من الصباح خضرا والمؤشر طايرن فوق ويالله تلحق على السهم عشان تاخذه من تحت .. وعشان كذا قلت أصير اليوم لبناني وباتسر اصير سوري .. غدينا نتلقلق ونصير نويعمين شوي بدل هالتحكحك بالجدران .

= = =

** المُقدمه **
المواضيع والردود اللي فيذا لاتعبر عن رايكم بل تعبر عن راي مدمنوه ووخّر منّاك ياوزير التعليم تراي عاطل وماعندي شغل إلا انت وربعك هل الكراسي .. كل يوم نشذّب من ظهوركم

** اللي بعد المُقدمه **
غرامي مع الدراسه غرام ..

 

غرام وليل وأشواق وتغلّي … يفزّ القلب في شوفك واغنّي

بس أنا غرامي غير .. على وزن ( جده غير وسوريا ارخص وابها برادها تسايد ويكسّر العظام ) ..
أيام المدارس .. أجمل الأيام .. من خلالها يمُرّ ركب الصداقه والتعارف .. فلان يعرف فلان .. وفلان مشى مع فلان ليين خرّبه ثم تخرّجوا سوى .
تبقى الذِكرى خالده .. لايغيبُ عنها إلا من غابت عن مُحيّاه ريحُ المحبّه .

من زمان وانا اقول : يازينك يامُدرسنا : صالح كُتكُت .. مُدرّس العلوم اللي ماكان يشرح لنا إلا وهو ( فاغِرَ الفاه وفي أُصبُعِ يَدِهِ اليُسرى خاتم حِجازي دقّة 42 كنّه خاتم اثيوبي مشعوذ )   يقول أنه وارثه أباً عن جدّ .. وكل مازعل على طالب قال له بصوته المخيس ( أُندُر ندرت حالك .. طالع الخاتم في يدّي )   .. ومعنى هالكلام أنك يالطالب أعقل واركد وعض لك على شحمة والا تراي باحطّ الخاتم بجبهتك لين يطلع وسم ماتنساه طول عمرك !

قبل أسبوع كنت أعبّي بنزين من محـــطة تعطي ( علبة مناديل فاين ) على كل 40 لتر 95 ، وبالصدفه شفت ( كُتكُت ) .. قصدي ( أستاذ صالح )  .. واقف يعبّي بنزين ومطلّع يدّه الشمال مع الدريشــه والخاتم يلقلق ويبرق .. عرفته بالخاتم .. وانا اللي انطلتز من سيارتي واروح له ركض .. ولع وشوق وحباً له ..

مُدمن : كُتكُت
كُتكُت : أستاذ صالح
مُدمن : قصدي أُستاذ صالح
كُتكُت : مرحب مراحب .. كيفك يابني .. أنتاااااا ويييين ؟
مُدمن
: والله ياأُستاذ .. الدنيا تفرّق .. ماتجمع .. بس أبشّرك ؟
كُتكُت : أيوه .. بشّرني .. أيش بك ؟


مُدمن : ولد عمّي شرى كرسيدا بُقس 


كُتكُت : وانا مالي في ولد عمّك .. إنتا بشّرني يابني .. كيفك وكيف مُستقبلك العامر .. كيف شبابك وكيف حياتك .. خبّرني يابني عنّك وخليني استبشر بأن أحد تلاميزي صار دكتور 


مُدمن(( وانا فاتحن خشّتي يوم سمعته يقول دكتور وماصدقته وقسم بالله ، حتى لو يجيب لي مصحف ابو طمغة قدّام وورى ثم قطع يمين ماصدقته أبد الآبدين ))والله يادكتور قصدي ياأُستاذ ماصرت دكتور .. بغيت اصير .. بس وزير الصحّه قعد لي عظم وقال هذا لازم تشوفون له حلّ ومايصلح يصير دكتور أبداً .. مع أني يا أُستاذ صالح كنت متفوّق في مادتك ( مادة العلوم ) .. بس كذا الدنيا .. والناس ماتبغى للواحد الخير أبداً .. شفت كيف

 
كُتكُت : أيوا شااايف .. شافتك بقعا ياكسول … والا الأصل إنك تكون نموذج حي لشبابنا .. تعرف يامُدمن .. إنتا مع أنك كُنت مهنّق معانا في الفصل إلا أني يوم شُفتك عرفت أنك ( دكتور أخلاق )  .. يكفي أنك نزلت وسلّمت علي ..

 
مُدمن : أبداً .. أبداً .. أنا شفتك قلت أسلّم وادقّ تحيه لأحلى أُستاز بالدنيا .. ويكفي إنك إنتا الوحيد اللي كُنت تعطيني وجه .. ومنت مثل أستاذ ( عُمر ) بتاع مادّة الأدب … عديم الأدب طويل الرقبه عريض النُخره .. ياشيخ أستاذ : عُمر كرته هذا .. بهذلني وغربلني وهو السبب أني ما أكون دكتور .
كُتكُت : أخبار الزُملا والشباب .. تشوفهم ؟
مُدمن : أيوه أشوفهم .. أشوف كُل الشباب وكُلّهم يسلمون عليك … بعضهم يسلم عليك من عنبر خمسه بقسم شرطة الديرة .. وبعضهم يسلّم عليك من عنبر سبعه بقسم السليمانية .

 
كُتكُت : أيش بهم ..
مُدمن : والا شي .. تعرف أنت .. شباب صايع والبركه فيك .
كُتكُت : تعرف يامُدمن .. شباب و (( تلاميز اليوم )) أيش يقولوا لينا في الفصل والمدرسة .
مُدمن : ( مابرح فاقّن خشته مع الكُتكُت ) .. أيش يقولوا ؟
كُتكُت : يقولوا بِكُل بجاحه .. وعدنا فـ الشارع … يامُدمن الوضع تغيّر .. مانُضرُب .. مانقدر نتكلّم .. حتى ولي أمر الطالب مانعرفوا إلا في التسجيل بس .. الله يا أيام زمان .. كانوا الطلاب كويسين .. مايقدروا ينفسوا بحرف واحِد .. وكُنا نعرف نتفاهم معاهم ونعطيهم الدروس صح ونتوطى في بطونهم كمان .. ومايقدر الواحد ينفس .. ولو نفس شلت الطاوله على راسو .. ودخلتها بفمّو لين تطلع له ستّ رجول بدال ماهيا ثنتين .. 
مُدمن : ( وهو بالعن العافيه ) .. توصّي شي كُتكُت … مواعد أمي بوديها لسوق الزل بنشتري فرشتين للصالة

 
كُتكُت : أقولك أحترمني وماتقول كُتكُت مرّه تانيه .. قول أُستاز ..

 
مُدمن : أبشر طال عمرك أُستااااااااز ! .. سلام
كُتكُت
: مرحب ..

** خبر عالطاير ..  **

اقتباس:


الجلد لــ 3 طُلّاب داخل مدرسة ثانوية في ( .. تم الحذف .. )

أصدرت مدرسة ( .. تم الحذف .. ) قراراً بالجلد لثلاثة طُلّاب تتراوح أعمارهم بين 18 و20 سنة بـ 200 جلدة لكل منهم يتم تنفيذها لكل منهم داخل أسوار المدرسة ، وإحالتهم أيضاً جنائياً للجهات المختصة .
وكان الطُلّاب الثلاثة قد تعرّضوا لمُدرّس الرياضيات حين خروجه من المدرسة وانتهاء اليوم الدراسي وانهالوا عليه بالضرب حتى سال الدم من رأسه وذلك بعدد من الهروات والأخشاب .
ويسعى أولياء أمور الطلاب الثلاثة من خلال وساطات عديدة لإقناع المدرس بالتنازل ، الأمر الذي يرفضه المدرس تماماً .


** وليَ حتسي بقوله لكم  **


أنتم ياحقون التعليم .. يارجالات العلم .. إيصال العلم ليس بالشدّه المؤدي لجفاء الطالب ومحاولته استقبال المعلومة من باب الخوف فقط .. وليس أيضاً باللين المؤدي إلى الإفراط فينقلب الطالب على أُستاذه فلا هيبة لمُعلم أو تبجيلٌ لِمُربي .. بل بطريقة إيصال الفكرة والمعلومة من الأب لابنه .. والمُربي لِمُتلقيه … والأًستاذ لطالبه ..
سلام كبير كبر راسك ثلاث مرّات ياكُتكُت ..
قصدي يا أُستاز صالح

مقالات ذات صلة

‫16 تعليقات

  1. عندما نريد أن نبني جسرا من جسورنا … الميزانية المرصودة له (شيك مفتوح) … نذهب الى مجاهل غابات الأمازون أو أدغال أفريقيا لنأتي بمن سيقومون بالتصميم والتنفيذ… (قلتو عني مجنون أو غشيم … الله يسامحكم على كل حال) … لكن للأسف هذه هي الحقيقة في واقع مؤسستنا التعليميه في الربع قرن الماضي … إن التدمير الذي مورس في حق العلم والمعلمين لا يغتفر… فتحت مسمى عصرنة التعليم تم استيراد مايسمى بمفاهيم التعليم الحديثه التي لم تجر لمخترعيها الا الدمار وأجيال المجرمين وقطاع الطرق في العالم الغربي … وهذه المفاهيم هي التي أعطت الحق لطفل في العاشرة أو دونها لأن يقف بكل ندية وقلة أدب أمام معلمه أو معلمته … من أهم الحرف وأعرقها على مر الزمان (إلا هذا الزمن) مهنة المعلم … يا ترى ما سيقول أمير الشعراء لو رأى المدرس في أيامنا هذه … هل كان تمسك بما قال … قم للمعلم وفه التبجيلا — كاد المعلم أن يكون رسولا ؟؟؟ اليوم إن كنت ستقطع علاقة مع صديق تمنى لإبنه أن يصبح معلما… زال التعليم بزوال هيبة المعلم … أنا لا أدعوا لإعطاء المجال لحفنة من الساديين الدخلاء على رسالة التعلييم لممارسة ساديتهم على الأبناء … لكن لنستقي من الماضي العتيد لمعلمينا لا من نظريات غربية من إبتدعها الآن ينادي بل ويتوسل الى نسيانها ليؤسس من جديد لجيل متعلم مؤدب … بالله عليكم حتى لو كانت النظريات الفاشلة تغذي العقل بالعلم (وهذا إفتراض أثبت فشله علميا) فما حاجة مجتمعاتنا الى متعلمين بدون أدب ؟ عندما شبه الشاعر الأم بالمدرسة لم يكن مخطئا … الأم مدرسة إذا أعددتها … أعددت شعبا طيب الأعراق … إنه كان يربط بين العراقة والمدرسة … والعراقة كما لا يخفى على الجميع لا تتأتى بالعلم منفصلا عن الأدب … سبحانه وتعالى بدأ خاتمة الرسالات بالحث على العلم (إقرأ) لكن في نفس الوقت إختار خير خلقه سيدنا ونبينا محمد صلوات ربي وسلامه عليه وعلى آل بيته الأطهار وأصحابه رضوان الله عليهم … كان خلقه القرآن … وإنك لعلى خلق عظيم … فلنتعلم أحبتي … هذا هو الإسلام وهذا معلمه وأختم بخير ماختم به مدمن الشاهي مقاله … قول رب العزة والجلال ( ولو كنت فظا غليظ القلب لانفضوا من حولك) … تحية لكل من يخطط ليعيد لنا المعلم وهيبته والمدرسة ودورها في صناعة جسورنا التي سنعبر عليها الى الرقي والريادة والعصر الذهبي للأمة الإسلامية.

  2. الله يرحم ايام زمان…ايام الادب والاخلاق والاحترام للمعلمين والمعلمات..ايام ماكنا نفكر ان نحط عيوننا في عيون اساتذتنا من الادب..اما الان يجيك الواحد طول صبعك.!! ويتكلم ويقل ادبه..ياجماعة والله تربيه خايسه ماقول الا الله يعين المعلمين والمعلمات…آآآآآآآآمين

  3. امزح ترى لاتستعجل وتهوش علي عشان عنوان تعليقي ، بس من الفرحة يوم شفتك كتبتها ههههههه التدريس ولّى زمانه والمدرس راح صوته والبلا في ( من أمان العقاب أساء الأدب )

  4. والله التعليم عندنا مااش وأي كلام .. يبيله ضبط ..عيالنا يروحون المدرسه يفرغون طاقاتهم ..ويتطاولون على المدرسين ويجون ..مافي رادع لهم يردعهم .. \ / \ مــبدع يامدمن .. طرح مميز وأسلوب أروع لاعدمت قلمك المميز .. انتظر جديدك \ / \ كــبرياء ..

  5. يعطيك العافيه يا مدمن موضوع ولا اروع دايما اسلوبك مضحك ويوصل الفكره وبالنسبة للتعليم قاعد يتطور وايد وان شالله الاجيال الجايه فيها الخير كل الشكر

  6. بصراحه وبدووووووووووووووووووووووووووووووووووون مجامله كتاباتك دايم تسعدني والقى بها نوع من الدعابه اللي تخليني بالطيب بالغصب اقراها لنهايه ثانيا مواضيعك دايم روعه يابعد حيي وشوله مو كل اسبوع تنزل اكثر من موزوع احسن ثالثا الاساتذه دايم يكسروا الخاطر يابعد حالي وبالرغم من العصبيه الا اننا قلبنا كبير ودايم نذكرهم بالخير صووووووووووووووووح اخيرا شكرا لك

  7. راحت هيبة المعلمين …وصار للطالب الكلمة الأولى والأخيرة ..حتى الرسوب ممنوع في مدارسنا ….ماغير حيلنا ندفدف الكسالى الين مايآخذ وثيقة الثانويه ….ويفكنا من وجهه …وبعدين يأخوي (مدمن حشيش 🙂 عفواً قصدي شاي ) الخبر اللي في آخر موضوعك بصراحة انا اعترض على جلد الطلاب المفروض يجلدون المعلم مئتين جلدة عشان ليه يخلي الطلاب يضربونه …هذا هو مقصدك …وان كان لا ..فتعليقك على الموضوع يحمل هذا المعنى ….عالعموم أنا متابعة لكتاباتك …. راااائعه جدا جدا ….وإن كان رايك أحياناً اختلف معه…لكن تبقى مواضيعك بنكهة الشاي اللي الواحد يخرم له

  8. هلا بالمدمن المعزّب ، يقولون انك عانس هو صدز خخخخخ موضوعك على الجرح وعسى ربي لايخلينا منك ومره ثانيه عطنا خبر انك بتكتب موضوع بالقروب والا ترى بحق

  9. اذاراحت هيبة المعلم انتهي التعليم والعلم الذي لايعلم الأخلاق بئس به شكرا لكم

  10. الله يعز الحكومة إذ كنت قد كلامك رح للوزير وقل له ولا كلامك في الهواء طاير وشكرا …

  11. والله انا مدرس ثانوي وعارف المشاكل الي يواجهها المعلمين ويكفي انه تم تحويل عدد من الطلاب لادارة التعليم بسبب تلفظهم على عدد من المعلمين وكذالك طالب قام بلعن معلم امام طاقم المدرسه كاملا …..وكيف كان الرد؟ احسموا من درجات السلوك واعطوهم تعهد………….. قمت المصخرة في تعليمنا كيف تبغونا نؤدي عملنا بشكل الصحيح وما هيئلك الجو انك تعطي الي عندك ……….ودي اكمل لكن ضاق خلقي

  12. ادعولنا لطالبات وطلاب ثالث ثانوي علمي وادبي مع اني ادبي نيال الي خلص الموضوع جدا جميييييييييل هو في كم مدرسه عنا بدها ضرب عنجد كان يقولو كاد المعلم ان يكون رسولا هذا زمااااااااااااااااااان الحين كاد المعلم ان يكون……………… كملوها انتم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى