سفر و سياحة

..:: و يا بعــيـــــد وجـابك الله … لـين عـندي وصـلــكــ ::.. برشلونه جـ 1 ــ‎

 
هلا بللي يصيب العـطر بالريبهـ ..
يقول العطر انا زايل ويبـقى بي
هلا بللي يقول الورد وش لي به
من المـهدي أنا أو هو لأطيابي؟
هلا بللي علي يقسى وماريبه
هلا بللي ابد ما لان لعتـابي
هلا بللي عجزت ألقى عذاريبه
هلا بللي تحبه كل أسبابي
مساء فاق كل الشعر ترحيبه
بجية من سكن جفني وأهدابي
مساء فاض بالإحساس والطيبة
مسـاء مايليق إلاّ بأحبابي

يا مسااااااااااااااا الورد
يا هلا والله ومليووووووون غلا هلا كلن بسمه
كيفكم مع الاجـــازه فيه اللي مسااااااااااااافر .. وفيه اللي بيسااااااااااااافر … وفيه اللي حارس بيتهم ..
أتمنى أن الجـميع بألف ألف خـير وعاااااااااااااافيه ياربـ
اليوم حـبايبي .. راح نكمل سلسله رحـلتنا …

نسيتوها .. ذيك ذيك الرحـله اللي ادهرنا فيها من كذا أسبوع وكيذا
… لمن فاته الأجزاء اللي راحت من السلسلة … واللي الحـين مفهي يقول وش يتكلم عنه المايسترو

حنا طال عمرك .. كان مخـطط الرحـله متل هيك


عاد حـنا خـلصنا فينيسيا … والحـين راح نبدا في بررررررررررررشلونهـ
ها عسااااااااااااك استوعـبت ؟ والله مدري عنك
الموووووووووهم .. وش رايكم نبدا
؟ قبل ما نبدا … لازم الطقوس اللي هيا هيااااااااااااا

مفرحـاتك جـهزها … ( عاد شف اذا برضو فهيت مع كلمات مفرحات ما علي منك .. ارجع للتقارير الاوله وبتلاقي المعنى مرزوزن قدامك ) … مرزوزن = اي بالواجـهه جهز مفرحاتك … جـوالك حطه ع السايلنت .. ودخـله تحت اقرب كنبه .. ايوووووووووه نفس حركات العـجز اذا عطاها ولدها باقي الفلوس .. وين تحطها ؟
نبداااااااااااااا ؟ .. هياااااااااااااااااااا بنا

بعـد ما خلصنا من فينيسيا … قلت بطلع لبرشلونه … منها نشوف وش هالديره .. ومنها نسلم ع ميسي والعيال جـلست ادور طيران يطلع من فينيسيا الى برشلونه … حصلت هالخطوط الاقتصاديه


وموقعـهم .. هونــ ،،،

هالشركه حليوه .. مثل طيران ناس وهيك يعـني … كل ما تحـجز بدري .. كل ما تلاقي سعـر رخيص جــــــدا جـدا
بس وش عـيبهم .. عـيبهم لو معـاك شنط كثيره .. مثل وضعنا كخليجيين … سوف يصلخـونك صلخ بسعـر العـفش الزايد … الرحـلات هذه للي معـه شونيطه .. ( تصغير شنطه ) …
يعني عادي جـدا التذكرة ب 300 ريال .. بس عفش زايد ادفع 1000 ريال .. تصير تذكرتك 1300 ريال
… عشان هيك .. نصيحة .. نصيحة .. وادري ان الكثير صعـب يتقبلها بس منيب منيب منيب .. بقولها
الكثير اذا جا يسافر برى … يقش أبو دولابه … تحـس انه بيهاجـر … ما راح يرجع .. ياخذ كل جـنوزه .. وتيشيرتاته وشوزاته وووووووووو … ما يبقي شي .. والمشكلة ايش ؟ .. انه اذا رجع من السفرة .. وفتح شنطته يلاقي شغـلتين … الأولى ان فيه كثير من ملابسه ما لمسهم ولا لبسهم .. والشغل الثانية أن أكثر شي لبسه هناك .. اللي شراه من هناك … فحـط ببالك انك تقصد بملابسك + انك احتمال كبير تشتري من هناك …
المهم اني طلعـت اللي بقليبي … وشكرا

عاد اقول لكم … حـجـزت مع هالخـطوط … وفعلا اخـذو مني عفش زايد .. بس لأن اعلى شي عندهم 15 كيلو للشنطه الظاهر .. 15 كيلو هذه الشنطه اللي اروح بها للنادي يوميا … فلازم تدفع شوي زيادة …
بس فعـلا كان الطيران حـلو مش بطال … ايـــــــــــه اهم شي في الخطوط هذه … ان اللي يركب أول يختار اي مقعـد … يعني مثل الباص بالضبط … بس برضو حـلو خطوطهم ..

هذه بالنسبة للخطوط … بالنسبة للاوتيل اللي حـجـزته … كان اوتيل اسمهـ ..
Grand Marina

صراحه الأوتيل رااااااااااااااااااايق لا من مكانه … حـولك كل شي … ولا من معـامله الموظفين عندهم … ابتسامته تشق وجـهه طول الوقت … يا اخي من حـماسه تحـس انه وده يروح بك المطار ويدخل شناطك ويركبك الطياره ويربط حـزام المقعـد ويشغـل الشاشه اللي قدامك ويسكر دريشه مقعـدك عشان الشمس <<< تحمس تحمس

لا والله الاوتيل مره اعـجـبني … جـنبك المارينا … تتمشى ع البحـر والجـو اللي يجـنن … ما عليك ما عليك .. نبي ناخذ لفه عليه بعـد شوي … وقدامك شارع الرمبلا .. هذه شارع كله خرشه في برشلونه … ما عليك ما عليك نبي ناخذ لفه عليه بعـد

وبعـد جنب شارع الرمبلا سوق شعـبي ودواعيس رايقهـ … ما عليك ما عليك نبي ناخذ لفه عليه بعـد <<< اشغـلتنا بهالفيس المهم نرجع لفندقنا … ايه صدق … هل فعلا ( ركز ع هل فعلا ) … هل فعلا حنا اذا سافرنا والا يعني اي شي حولنا نقول لنا << صدقني محـد فهم

فندق نسكنه … يصبح = فندقنا
بقاله نشتري منها مفرحات دائما .. تصبح = بقالتنا
شارع اللي قدام البيت … يصبح = شارعنا
ابوك اللي ما جابته امك … يصبح = ابونا <<< لا عاد هذه صدق

احبنا وحنا كل شي لنا ما شاء الله
اقول لك .. اول ما جيت احـجز الاوتيل … قلت لهم ابي النفااااااااااااااااااااااهـ … ابي غرفتن ع البحر هذا اولا .. وابي غرفتن احس فيها بأيش ؟ .. ايوووووه بالنفاااااااااااااااااااهـ … يقول لك سافرتااااااااااا ؟ قال ايه .. قال سكنتا في غرفه حسيت فيها بالنفااااااااه ؟ قال لا .. قال اجل ما سافرتااااااااااااا <<< الكوفي ماش

رحلتي من فينيسيا الى برشلونه كانت الصباح .. تقريبا الساعه 10 .. وصلت برشلونه تقريبا الساعه 12 وشوي … وهون وانا مقبلن ع الاوتيل

كل شي يفتح النفس بهالاوتيل .. حتى مقدمتهم تجنن

. وهون المدخـل ..


بعـد ما وصلت .. ولقيت الريسبشنه .. وعطيتها رقم الحـجـز .. قالت تفضل .. طبعا قالتها بالاسباني .. بس عارف لو اكتبها لكم محـدن عارفها .. << اشوى انك شسمه اخـذت كرت الدخـول .. وقلت الحـقوني بالشناط ع بال ما اشغـل المكيف <<< فاهم غلط
وامشي للغرفه . بس قبل الغرفه وشو ؟ .. ايوووووووووه الممر المؤدي للغرفه

يعـطرون موكيتهم <<< .

وامشي وامشي وامشي وامشي <<< يبي يوضح لهم ان الاوتيل كبير
لين وصلت للغـرفهـ .. خلونا ندخـل …

ادخـل أدخـل محـدن حـولك

مشكلتي الازليه مع الفنادق اللي تستخدم كروت بدل المفاتيح .. هي اني لما اطلع احـط الكرت يم الجـوال .. وعادي ناسي طبعا … وتروح تتمشى .. وتلف وتدور .. وترجع الاوتيل .. وتمشي وتمشي .. لين توصل باب غرفتك .. ثم تطلع الكرت .. ما ينفتح الباب .. ليش ؟ عشانك حاط عند الجـوال .. عاد انزل تحت لهم .. وعطهم اثبات ان هالغرفه لك عشان يعطونك كرت بديل … هذه الحركه صارت لي 567482.264 مره .. صرت احرص ع الكرت اكثر من اني احرص ع الجوال .

خلونا ندخـل الغرفه بس

أول ما تدخل تلاقي هالممر … يحـسسك بأيش ؟ … لالالالا .. جـد بأيش ؟ .. لالالالا لازم تقول .. ولا أكمل التقرير الا قايل
ايوووووه .. يحـسسك بالنفااااااااااااااااااااااهـ

طبعا ع اليسار باب دوره المياه وانت بكرامه … دوره المياه وملحقاتها … الشور و المغسلة .. وذاك الشي و كيذا يعـني
نمشي قدااااااااااام … نشوف

هذه التخـت
هذولي تخـتهم مريح … مو مثل حق فينيسيا .. هذا ما تتحـكـك فيه .
وبرضو

احلى شي تلبس شرابك .. ثم تروح هنااااااااااااااك اخر الممر .. وتجـي طااااااااااااااير .. ثم اعووووو . وتنط النطه الرقاديه السريريه .
وبرضو

لا يغـرك عدم تواجـد كبيره كبيره من المخاد .. لأن هناك بجوارك تلفون .. فيه الرقم ( 0 ) .. وهو احلى رقم بالفنادق .. ويمكنك هواشهم وطلب المزيد من المخاد <<< يسويها بكل اوتيل حتى قبل ما يشوف السرير .
وبرضو لازم نطير شوي

فوائد الشراب اللهم لك الحـمد
بس بالله عليك … ارجع للصوره فوق … ما فيه احساس جا بدالك ؟ … لالالالالالالالازم تقول .. لازم لازم … ايوووووووووووووه … هو النفااااااااااااااااااااااااهـ
و دامنا طايرين طايرين … نشوف نوع جـبس السقف …

<<<<
هو مو فندقنا ؟ .. خلاص بكيفنا بكيفنا نسوي اللي نبي … نطير نتزحلق نسوي اللي نبي … يالله بس مشينا نشوف الحمام <<< وش فيك معصب طيب

حركه حـلوه اعـجبتني في هالاوتيل … كل الأغراض تبع المغـسله .. يحطونها بشكل انيق في اكياس وكراتين مغلفهـ .. وكل يومك يغـيرونها لك بشكل حـلو
وبرضو عشان يمديك لو تبي تزرف منها وتحطها بشنطتك وترجع بها ديرتك .. يعـنني استخدمتها .. وانت نصااااااااااااب

المكان الخـاص بالرطــــرطــــــــــهـ ..
الرطرطه = هي الاستمتاع بقذف الماء بكل الاتجهات من غير حسيب ولا رقيب
. وبرضو

تـلفوووووووووون
كلم سويسرا برجـليك ويديكـ .

وبرضو

ناعـمه على الخـشهـ .
طبعا يوم جـيت احـجز … كنت مررررررررره مركز ع نقطة ان السويت يكون ع البحـر
يوم فتحت الستاير … والاقي هالمنظر ..

هذا من شباك الغـرفهـ

بعـد ما ريحـت شوي .. كالعـاده لازم ناخـذ لفه ع الأشياءات حـول الأوتيل
الاوتيل مثل ما ذكرت … جـنبه اشياء كثيره حـلوه … تقدر تمشي لها ع رجيلاتك …. طبعا للي يحـبون المشي … خـفـفوا هالشحـوم … جـنب الأوتيل كان الماااااااااااااااارينا
نروح نشوفه ؟
هياااااااااااااااااااا بنا

. نشوف هنا الممشى حول المارينا … والكوشكات والحركتكات ..

. وبرضو ..

هالجـسر اللي هاليسار … يوديك لمول كبير ..
. وبرضو

الجـلسه هنا … الله الله
. وبرضو

يخـت الوالد … بنشر علينا سنه من السنين … ونسينا نصلـحـه وتركه
<<< قال وش اكبر من الشسمه قال ذاك الشي .
الجـو كان بارد .. بس البراد اللي يحـبه قلبك .. يعـني جاكيت وبس يكفي بس فيه بعض الناس الا تستمتع بهوايتها

المويه بااااااااااااااارده … بس مدري وش يحـس به خوينا

. نشوف هون

شوف كيف الجلسات … وكلن بحـاله .. وانواع الروااااااااااااااااقــ
واللي جالس ع الارض شفه يسار .. عااااااااااااااااااادي ؟؟؟ شوف الجـهه الثانيه هناك … هذاك فندقنا … طبعا عشان تجـي هنا مو تسبح … لالالا … فيه طريق ع جنب وكيذا … بس عشان اوضح ان كل شي قريب من هالاوتيل ..
. وجـنبك مول كبير …

فيه مطاعم وسينما ومحلات وهيك يعـني

. نسرح شوي

جيتني مثل الشروق .. اللي محى عتم اللياليــ ،،،
جيت فرحه للحزين .. اللي من همومه هلكــ ،،، .

سخرك سبحانهـ …. اللي في عيوني كملـكــ ..

ممتلي بالحب قلبي .. وغير قلبي قلب ماليــ
،،، اهدني قلبك حبيبي .. خلني فيه اعشقـكــ

 

كانني احلم طلبتك .. خلني هايم لحاليــ
،،، خلني بالحـلم عايش فيه … دامي به معـــكـــ ..

.

ما تمنيتك لأنك .. كنت ابعدــ من خياليــ
،، ما خطر في بالي مره .. اني ممكن اوصلـكــ …

.

وياا بعــيد وجاااااااااااااابك الله ….
لين عندي … وصــلــكــ

. ايـــــــــــــــوه .. وش كنا نقول …
ايه المارينا … اقول لك فيه كشكات تبيع مفرحات من نوع ثاني … عاد قلت ما بدهاش ع هالجـو الزين … والجلسات الأحـلى …
وش رايك نجـلس شوي ؟ ما ودك بشي يحـرك الضرس
خـلونا نشوف هالنوتيلا وش يقولون به

ايووووووووووووه .. .

ثم

جـالس يسيــــــــــــــــــــح
يسيح يعني يميع … مو يسيح يعني يبكي .. يصيح … <<< تـكـروني

تذكرت نكته احـبها كثير مع اني دايم اقولها اسمعها
التكرونيه اللي جـالسه مع بنات … قالت اتحـداكم تعـروفون اسم هـبيبي !!! … قالوا طيب يبدا بحـرف ايش ؟ … قالت يبدا بحـرف الألف
قالوا امممممممممم … احـمد ؟ قالت لالالالالا
قالوا .. امممممممممم … ابراهيم ؟ قالت لالالالالالالالالالا
قالوا طيب خلاص تعبنا .. وش اسمه ؟ قالت : أبـّــودي
<<<< انحاش انحااااااااااااش

المهم انحـرق النوتيلا وحـنا نقول النكته وهذا هو خـلص

طـعـمهـ … هو كولا بااااااااااااااااااااااارد .. اوووووف
. واللي يحـبون الموالح

ناقصنا فـلم
<<< ما يعـتـرف بالبوب كورن الا لازم فيه فلم .
هالجـلسات الرايقه .. توديك عالم ثااااااااااااني وراكم شي ؟
خـلونا نجـلس لين تغـيب الشمس … بعـدين ناخـذ لنا عشا .. ونرجع الأوتيل … خبركم جايين من سفر وكيذا .. واستعـدادا ليوم بكره ناخـذ لنا كم صوره ليلهـ


. وبرضو


. وبرضو

ملكني بين ترغـــــيبة وترهيبهـ ،،،
يفارقني … وهو واقف على بابيــ ،،، ,

وبرضو

.

ونرجع مع الطريق اللي جـينا معـهـ ,,,

بدا يبرد الجـو .

ونرجع للاوتيل …

الى هيك يا حـلوين … نكون خلصنا من الحلقه الأولى من برشلونهـ في الحلقه الثانيه نبي نطلع ونتمشى بشارع الرمبلا … وراح نتعـرف ع شي مهم

راح نتعـرف ع سالفه الأخـت …

مررررررررزوقــهـ ..

فديت الشريطه اللي مغـطـيه الجـبههـ .. فديت اللون الغـجـري اللي يلمع .. فديت اللي لها جـبهه من ورا بعـد
ههههههههههههههـ .. هي وخواتها وسواليفــهم

ومفااااااااااااااجـآآآت حـلوه … بس انت تاااااااااابعنا

نمشي …!!! … ما أسمع …. نمشي ؟؟؟
لالالالالالا … تمشي فين يا سيدي … بما ان الحـر يقولون يبي يوصل للـ 70
خـذ برد ع قليبكـ …

بااااااااااااااااااااارد بالعافيه يااااااااااااااربـ

يا حـلوين مثل ما تعـودنا … … اللي عنده استفسار .. او سؤال او ملاحظه .. او اي شي .. ممكن عن طريق المدونه www.al-maistro.com
او ممكن عن طريق حسابي بتويتر
@Maistro_9

أتمنى من كل كل قلبي .. انك انبسطت .. وغـيرت جـوك شوي ..
أشوفكم على خــير …
دمت في أمان الله وحفظه …
دمت بكاااامل عافيتكمــ ،،،
و … و … وطبعا …. لكـــ …. انت بس … مو لـغـيركـ ..
 
المايسترو ،،،

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى