: و كل دقة قلب فيني لك قصيده … [ فندق كمبينسكي دبي ] :


يسعـد لي هالمسااااااااااا ..
هلا والله ومليون غلا ..
هلا بحبايبي أنا ..
أتمنى أن الجميع بخير وعافيه ..

/

راح نتكلم اليوم عن فندق روووووعه ..
جربته قبل فتره بسيطه ..
لما رجعـت من سفرتي لصيف 2008 .. قلت يا ولد .. ما دامك مارن دبي برجعـتك .. يومنك ما تجلس كم يوم فيها ؟.
( يومنك = اي لماذا لا .. )
( مارن = احذف النون وخلصنا )
فأخترت هالفندق .. لأكثر من سبب صراحه ..

طيب ..
دقيقه بس نصلح الكرسي
نلف الشاشه
ألبس النظاره عشان ما أسمع أحد
<<< فاهم النظاره غـلط ..
أقرب مفرحاتي قبل ما يذن ..
جوالي يسرح ويمرح فوق سريري مدري وش يسوي ..
نبداااااااااا …!!!
طيب ..
هياااااااااااا بنا ..

\

الفندق اللي راح نتكلم عنه اليوم هو …
فندق كمبينسكي دبي

فندق

.. .. ..
كان فيه أكثر من سبب لأختياري لهالفندق ..
من أهم الأسباب .. أن الفندق بعـيد شوي عن الزحمه وعن المناطق المزعجـه شوي في دبي ..
لأني حبيت أختم رحلتي الصيفيه بشي هاااااااااااادي . وبرضو راقي ..
حجزت فيه أربع أيام ..
خلونا الحين نتكلم شوي عن …

أسعـار الفندق تختلف صراحه من فتره لفتره .. ومن شهر لشهر ..
أنا أخذته في شهر أوقست .. يعـني شهر 8 ..
لما جيت أحجز .. عطاني أكثر من خيار ..
فيه غرفه عاديه .. وهيك شكلها ..


مثل ما تشوف الغـرفه وااااسعـه وراقيه ،،،
هذه تقريبا لقيتها بسعـر 1400 ريال في الليله ..
فيه اللي تجي اعلى مستوى من هذه .. وتسمى قراند ديلوكس ..
تجي غرفه نوم .. وقبلها جلسه .. وبينهم فاصل ..
هذه حصلتها تقريبا بسعـر 1600 الليله .. وهي اللي أخذتها
قلت ما دامك تبي تريح من هالجهد الجهيــد .. يومنك ما تاخذ هالسويت ؟ ..
( يومنك = تم شرحها فوق )
فحجزت أربع ليالي فيها ..
قبل ما نشرشح أبو الغـرفه شرشحه ..
نبي نشوف موقع الفندق .. ومميزاته ..

الفندق موقعـه في نفس مول الإمارات ..
أبد ما يمديك تطلع من غرفتك .. ألا خااااااامن وجهـك في محـل سافورا اللي في مول الإمارات
هذه دلاله على قرب الشسمه لشسمه ..
ايوووووووه صح عليك ..

على طاري سافورا
وش قصة هالمحل مع الخليجين في باريس
من جد ما تشوف فرع هناك .. إلا فيه 24874278 خليجي وخليجيه ..
كأن ما فيه فرع ألا هناك ..
والمشكله تشوف الوحده داخله المحل وهي لاطه برميل مكياج على خشتها …
وتدخل عشان تدور شي يحسن البشره ..
بشررررررره ميييييييين وانتي وزنك 77 كيلو ..
( 50 شحوم + 20 مستحضرات تجميل ومكياج + 5 البف )

المهم
فكان أكثر عامل شجعـني أني أخذ في هالفندق .. هو أنه في هالمول الروعه ..
عشان الواحد ما يبعـد ولا يروح كثير .. كل ما فضى ينزل هالمول يتمشى ويتقهوى ويغـير جو $ ..
طيب .. شو رايكم نشوف الجناح اللي أخذته مع بعـض ..

قبل ما نشوف الجناح مع بعـض ..
وش احسن شي ممكن الواحد يسويه لنفسه ؟ ..
أنه يدلعـها ..
صدقني أحس . أحسن . أحسن . وأكوس .. وكل ابو شي زين .. أنك تدلع نفسك
من هالمنطلق .. قلت بدلع نفسي هون ..
كانت خط رحلة العـوده لسفرتي .. ( باريس – أبوظبي – الرياض ) ..
وصلت أبو ظبي تقريبا ع الساعه 8 بالليل
على طول أخذت تاكسي .. وقلت هيا بنا إلى فندق كمبينسكي ..
أول ما وصلت الفندق .. قلت لهم عندي حجز برقم هيك وهيك ..
تشك تشششك . تششك شششك . كككك . شكشك .. <<< صوت الكيبورد يتأكد من حجزي
المهم قال اوكي .. عطنا الجواز والبطاقه واسترح شوي ..
جلست في اللوبي ..

شوي .. جاب لي كرت الغـرفه .. وجوازي وبطاقتي اللي عطيته .. وقال الله لا يهينك وقع هنا ..
وأنا اللي أشخمط ورحت لغـرفتي . لأن ما فيني حيل أبد ..
نشوف مع بعـض الممر ..


هذا الممر اللي بين الغـرف .. طبعـا كان الجو هاااااااااااادي
وبما أن الجو هادي ..
يلزمنا صوره انبطاحـيه ..


أبد أبد .. ترى فرشتهم ما يعـطرونها أبد ..
المهم .. أنا غرفتي هنااااااااااااااااااااااك
شفت ذيك الغـرفه اللي في آخر الممر ؟ ..
( ذيك = هاذيك )
أبد غرفتي لف يمين .. تجي في وجهـك
أول ما وصلت .. أبد .. أشرت ببطاقتي للباب .. شوي الا قايل .. تشك تشك .. يعـني أنفتح الباب ..
مثل ما قلت فوق ..
السويت هذا . جاي على شكل غرفه + صاله بجلسه .. بينهم جدار ..
نشوف صوره الجلسه مع بعـض ..


هذه الجلسه .. مريــــــحـــتن جـدن .. من زود الراحه ودك تسحب على السرير . وتجي تنام عليها
<<< صدقتـكـ
وهذه زاويه ثانيه للجـلسه ..


وقدام هالجلسه .. طبعـا فيه التلفزيون …

فيه قنوات الأي آرت تي . والشوتايم . والأوربيت .. وكل أبو القنوات المفتوحه
وبرضو مثل ما تشوف تحت .. فيه الديفيدي بلير .. لو كنت خرمان أفلام . وجايبن سيدياتك معـك ..
وإلا تبي تخربها .. وجايب معـاك البلايستيشن . أبد .. غززززه هناك و ألعـب ..
( غزه = ليست عاصمه فلسطين . لالالا .. بل بمعـنى اشبكه )

وبرضو تشوف الكيبورد .. لو تبي تستخدم النت عن طريق التلفزيون والا شي ..
على يمين الجلسه . فيه طاوله أكل صغـيره .. وجنبها الثلاجه والكوفي ميكر ..

مثل ما تشوف .. طاوله أكل صغـيره ..
وهناك الكوفي ميكر .. والكيسان .. والبرنقلز مرتزن فوق
( مرتزن = أي واقف بشموخ )

نقـرب شوي نشوف الكوفي ميكر ..

أحلى شي في كل أبو الفنادق .. هالشي اللي فوق
كل ما مسكت معـك .. تضبط لك كوفي . تروووووووق به راسك ..
نقرب الكام شوي نشوف محتويات هالصندوق ..

على طاري الكام
ترى هالتقرير آآآآآآآآخـر تقرير بهالكام
لأني شريت وحـده أحسن
ونبي نبدا نصور فيها التقارير الجايه …
ايوه . وش كنا نحتسي ..
نشوف صندوق الكوفي ..


طيب .. نبوص ع الثلاجـه ..

أي شي يسار مهوب زين ..
إلا الهوليستون ..
طبعـا الهويليستون هذا بـ 35
فعشان كيذا لا تتهور وتشتريه .. زدها 10 ريال وأشتر كرتون من برى ..
طيب .. ما ودكم نروح نشوف الغـرفه ..
أول شي .. خلونا نشوف وضعـيه الغـرفه من الصاله ..


هالصوره مصوره وانا جالس ع كراسي طاوله الأكل اللي في الصاله …
مثل ما أنت شايف . فيه باب سحب بين الـغـرفه والصاله اللي فيها الجلسه ..
يعـني ممكن تسكر الباب .. ولا تسمع شي أبد باللي في الصاله ..
طيب . خلونا نقرب شوي نشوف السرير وغرفه النوم ..
أول ما تدخـل الغـرفه .. تشوف هالشي الرووووووووعه


هالسرير يااااااااا فيه راااااااااحـه ..
أبد .. المفروض الواحـد اذا نام ع السرير هذا .. يضبط ساعته أنه ترن كل نص ساعه ..
ليش ترن كل نص ساعه ؟
مو عشان يصحى ..
لالالالالا
ترن كل نص ساعه .. عشان ينتقل لمكان و زاويه ثانيه في السرير .. ( يتقلب )
وبكيذا يستغـل كل مساحه السرير
<<< لا عاد تفكر وانت فيك النوم
نشوف زاويه ثانيه ..


أحلى شي المخاد كثيره
كل ما تزعل من وحده .. على طول . برووووووم .. شتها . وهات الثانيه ..
قدام السرير . برضو فيه تلفزيون ثاني ..
حاطينه لأنه مثلا كنت انت تتابع مسلسل .. اوكي ؟
بعـدين طلعـت تتمشى في المول .. وتأخرت على موعد بدايه المسلسل .. اوكي ؟
وش تسوي ؟
دافع مبلغ وقدره في حجز غرفه كبيره . وآخر شي يفوتك بدايه المسلسل ؟..
لالالالا . ما عندهم الكلام هذا ..
لا تروح تشغـل تلفزيون الصاله .. لالالالا ..
تجي لتلفزيون الغـرفه وتشغـله .. تلاقي المسلسل لسى ما بدا .. يحتـريك تنام ع سريرك ..
( هيه . هيه . لا تصدق .. )
المهم فيه تلفزيون ثاني . وقسم .. شوف ..


وتحته مثل الكومودينه صغـيره .. فيه استشوار . عشان اللي شعـره شسمه .. يكون هذا أهم من كل ابو الفندق .
ونشوف صوره ثانيه ..

( تم أخـذ هالصوره في وضعـيه التـنـطيط ع السرير )
<<<< اللهم لك الحـمد
وهو صوره تااااااااااانيه …

..
طيب .. بعـد ما شفنا الحـين الصاله + غرفه النوم .. نبوص ع بعـض ع دوره المياه . ( وانتم بكرامه ) ..
دوره المياه عندهم أكبر من مجلس شقتي ..
الحمام مع الشور .. لهم بابين .. باب صغـير ينفتح ع الصاله .. وباب ثاني ينفتح ع غرفه النوم ..
شوف كيف جاي الباب اللي ينفتح ع غرفه النوم ..


شفت الباب اللي هنااااااااااااااك
هذاك الباب اللي يوديك للي شسمه ..
طبعا الباب الفاصل بين الحمام والغـرفه .. فيه مثل القطعـه من تحت .. تسحب أي مويه ممكن تطلع
يعـني لو تبي مررررره مرررررررره تلعـب بأبو المويه هناك .. أطمئن عزيزي المقيم .. ألعـب على راحتـك .. وطشم مثل ما تبي
ع فكره ..
هناك موصلين سماعات في السقـف .. تطلع لك صوت أي شي أنت مشغـله في التلفزيون ..
<<< خطمه سريعـه
طيب نروح نشوف مع بعـض ..

..
هذه مغـسلتين .. وفوط صغـيره وحركات يعـني ..
زاويه تااااااااانيهـ ،،،،


والحـمام الصدقي الصدقي .. له باب صغـير ثاني
بوص ..

الروب حقهم يجـنن
وألا المرايا ذيك الدائريه .. لو لك خشم أضافي وعايش عمرك ما تدري عنه . تطلعـه لك من زود الوضوح
وطبعـا فيه البانيو
نشوفه ..


وطبعـا فيه شور ..
له باب قزاز خاص ..
شوف

..
مدري ليش حاطين مكان للجلوس
<<< اقول أهااااااا بس
الغـرفه اللي أخذتها تطل ع شارع الشيخ زاااااايد ..
وهذه صوره من شباك الغـرفه …


\

مثل ما ذكرنا في البدايه . أن الفندق موجود في نفس مول الإمارات …
وطبعـا أحلى .. أحلى شي .. أنك تناااااااااااام نومه عميقه . وأليمه
بعـدين تمسك معـك مسكات مدري وش تبي
من ضمن المسكات .. أنك تتمشى في المول وهم مسكرين . آآآآآآآآخــر الليل
مثل هيكـ ،،،،


طبعـا ما فيه ولا واحد يتمشى .. لأني قايل لهم وخـرو شوي .. بصور عشان بنزل تقرير وهيك يعـني ..
<<< اشوى أنك تتمشى آخر الليل
وهذه صوره ثانيهـ .,,,


ومثل ما هو معـروف .. أن مول الإمارات فيه صاله تزلج روعه .. قلنا نلقط لها صورتين ..


حتى الثلج نايم ..
<<<
وهذهـ ،،،،

بررررررررد
وأحلى شي برضو ..
أنك تقوم الصبح بدري .. وتطلع لآآآآخـر دور .. عشان تطلب فطورك ع المسبـح


من وجهة نظري أعطي الفندق 10 على 10 ..
ممكن العـيب الوحيد فيه .. هو بعـده عن وسط دبي . وبعـض الأماكن الهامه هناك .. وأنه لو تبي تطلع لها من الفندق وكانت الشوارع زحمه .. فالله يعـينك
غير كيذا . اشوفه مكان مناسب جـدا . وخاصه أن المول زاده جمال فوق جماله ..

\

إلى هنا نكون وصلنا لآخـر التقرير ..
أتمنى أني قدرت أوصل لك نبذه بسيطه عن هالفندق ..
وأتمنى أنك أنبسط بكل دقيقه بقراءه هالسطور ..

\

اشوفكم على خير ..
دمتم في أمان الله وحفظه ..
لكــــــ … انت بس .. مو لغيركـ ..

المايسترو


تعليقات 50

  1. مرحباا المايسترووو.. انتظر جديدك من زماااان مااقدر استغني عن تقاريرك من جد تومانور الايميل 😀 بس مافيني صبر قريته بالمنتدى قبل يووصل متابعه لك بقوووة 😀 تقريرك خيااااااااااال والفندق يهووس تقاريرك ادمااااااااااان 🙂

  2. جميل جدا ً هذا الفندق وعشت معاك روح المغامرة فيه وعسا الله لا يحرمنا منك ولا من تقريراتك الطيبة .

  3. اخيراً رجعت بتقاريرك يالله نبي الجديد عني انا مشتاااقه لجديدك والسنه زرت لندن من ورى تقاريرك الحلوه وفيني فضول اشوف تقرير فرنسا .. موفق اخوي والله ايهنيك بعمرك

  4. السلام عليكم ورحمته الله وبركاته مرحبا أخوي التقرير جميل والفندق رااااائع واختيار موفق وإلى الأمام جهد مبذول وموفق والمرأة بالغت في وصف الميك اب والمرأة لابد ان تهتم بمظهرها وجمالها بكل الوسائل لكن أنتم يحتاروا معكم النساء ان مااهتمت تقولوا ماتهتم وان اهتمت قلتوا حاطه كل شئ ولكن المرأة عليها بنفسها ومايرضي ربها ونفسها:) تحياتي

  5. أقول كم تصرف انت ؟؟؟؟؟؟؟؟؟؟؟!!! ووش معنى مسوي موضوع خاص بهالفندق ؟؟!! يمدحون فندق البطحا

  6. ماشالله تقرير اكثر من رائع انا دايم اروح له بس ماعمري تخيلت ان غرفه بهالروعه:~ انشالله السفره الجايه بسكن فيه وبقول لهم انك انت اللي سويت لهم دعايه:D يمكن يسكنونك ببلاش:) ومره متحمسه اشوف تقريرك لسفرة باريس8)

  7. دبي كل شي فيها رووعه بصراحه اتحفتنا بالتقارير الروعه وحسيت انك اخذتنا معك:) بإنتظار التقارير والسفرات الجايه

  8. والله يا انك هبلت فيني من بعد انترلاكن من زمان عنك ..يالله عاد ننتظر باريس 18 .. 22 .. اوقست 8)

  9. ماشاء الله ..والله فندق صح تصدق لو اني ادخل هذا الفندق ليله ان ماعاد اكلم اخوياي.. تصدق اخر مره دخلت فندق او بالاصح شقه .. بالشرقيه ..وكان ايجاره ..60 ريال .. وبعد تخاصمنا معاه عشان يخفض السعر وفوق كذا كانت قطيه …ههههههههههههه …والان كل مااروح مكه …مااستاجر ..انام بالسياره ههههههه وبعدها امشي.. يارب يرزقنا مثلك …ه

  10. يالطيييييييييييف روووووووووووووووووووووعه جنان خيال بصراحه جوووووو فضيع ورايق يابختك 🙁

  11. 😀 احس انك ولد نعمة الله لايغير عليك اجل غرفة بـ1600 في الليلة B ياخوي وش رايك تصير صديقي :$

  12. ذووق عالي .. وأسلوب راائع يجذب القارئ …. أشكرك أخي الفاضل على التقارير الجميلة …

  13. السلام عليكم: الحقيقة أهنيك على المواضيع الممتازة والأسلوب الرائع والمعلومات الكثيرة والتي أستفدت منها كثيرا خصوصا عند السفر لباريس فبارك الله فيك…ومزيدا من التقدم

  14. مااايسترووو 🙁 فتحت جرووح ذكرياات الاجازات 🙁 مع اني زرت هالاوتيل 3 مرات .. إلا ان تقريرك عيشني جوه اكثرر 😀 احلى شي عجبني فيه قريب من السينما .. ويمديك تاخذ دروس في السكيينق (L) يعطييك العاافيه مايسترو إلا متى الاجازه الجايه 😛 ؟

  15. 😀 بصرآحه ماخليت شي .. ياخي انا ماقد طلعت من السعوديه والحين احس اني طلعت .. بالروح طبعاً :$ مشكور يا المبدع المآيسترو .. ودي وتقديري

  16. انا والله معجب جذا بمواضيعك واتابعها بستمرار وياليت ما تطول وتمتعنا بمواضيعك الحلوه

  17. صور من جد ابداع وفنتكه مشكور خيووووو ع هيك تقارير كنت تابعت تقاريرك في باريس ولندن …الخ واعجبني طريقه الطرح تشكراتي الحاره

  18. ونستنا الله يونسك بالعافية وتقرير مشوق وكله كوم والصورة الإنبطاحية كوم ثاني:D 😀 😀 فعلاً زاوية عجيبة! بإنتظار جديدك0

  19. السلام عليكم ورحمة الله وبركاته اخي العزيز انت فعلاً مايسترو باختياراتك وتعليقاتك انا من اشد المعجبين والمتابعين لكل تقاريرك تفتح النفس للسفر يعجبني تنظيمك جداً جداً جداً نادر مانلقى شخص منظم بالسفر كذا احب الشخص اللي يرفه نفسه ويسافر صححححح يعني مو اسم اني سافرت وبس لا مسافر يعني مسافر على طريقة المايسترو ولا لا عاد احد يسافر شكري الجزيل لك ولا تكفي الاف سطور المديح او الاعجاب بكل جزئية من تقاريرك بداية من المقدمة مروراً على ذكر اداء الصلاة الى نهاية الموضوع الاوتيل 10/10 ومواضيعك 10/10

  20. الماااايسترو !!! شكرا لك بحجم ابداعك ! طلعتني من همي والله يهاالتقرير!! حسيت ان فيه امل في هالحياة !!!! انت مبدع >>> متعوبة عليها هع:D

  21. الباين انك مدلع نفسك صح بها الرحلة الحلوة والله حسدتك اخي الكريم ,وصور الفندق غاية في الروعه والجمال والاجمل من الرحله وصور الفندق خفة دمك وظرافتك في التعليق على الموضوع اتمنالك الصحه والعافية وطول العمر عشان تسافر اكثر واكثر

  22. ماشاء الله عليك ،،، صيفت عندنا معناته ان شاء الله استانست في دبي ،،،، واهنيك على اختيارك لكمبينسكي دبي ،، ونتريا يديدك اختك يتيمة زايد

  23. 🙂 مساء الخير المايسترو مشكور ع التقرير الاكثر من رائع و بصراحه اشتهيت اروح لهلفندق شكله رومنسي وهادي ورهيييييييييييب يعطيك العافيه و ننتظر المزيد تحياتي

  24. شكرا على الموضوع لكنك ذكرت في موضوعك ان غزة عاصمة فلسطين وهذا خطأ!!!! يجب الا نساعد على نسيان القدس … فالقدس هي العاصمة الوحيدة لدولة فلسطين مهما كان … أرجو ان تكون غلطة …. شكرا

  25. المـآيستروو ,., الله لآ يضـرك على هـالإبدآع .. أستمعت جدآ بتقآريرك 😀 شكرآ (F)

  26. حياك الله يا المايسترو و الله من جد مايستروا مااشا الله عليك و عيني عليك كلود تدري …….. و الله توحي لي انك ذواق … اي من جد و اللهواق الفندق الفخم و الصور الروعة و الابداع في اخراجها صدقني و الله جدا استمتعت بها الريبورت تحياتي:D

  27. من جد ياخذ العقل المكان وتصويرك له زاده جمال يعطيك العافية ، حمستني اني اروح له بإجازتي الجايه …

  28. يهبل هالفندق بصراحه الله يهنيك بس دبي اسعارها يؤيؤ 🙁 فل الحجاج هههههههههههه مشكور اخوي بصراحه وناسه هالموضوع :$ الله يعطيك العافيه

  29. مشكور اخوي على التقرير من جد رررررررررررررررررئع بس يوم شفت صالة التزلج انقهرت:( لاني رحت المول ولا دخلت صالة التزلج

  30. 😀 حلو واعجبني الصور ماشالله بس فيه شي ماله داعي هالخمر بعد ويوفرون للناس الخمر حسبي الله عليهم امحق من خليج!!

  31. مساء/صباح الورد لاحلى عضو المايسترو ماشالله تقرير ولا اروع.. من جد تقاريرك تاخذني وتعيشنى بنفس اجواءك.. لاتحرمنا جديدك… ملآآآحظه صغيره .. اخواني الى يردون بكلمات مثل : مريش ولد نعمه وماعرف ايش ,,,من الذوق ذكر الله لو بكلمه ماشالله .. تحيتي ..

  32. مشتاق لتقاريرك ما تدري شكثر مشتاق *** مشتاق لها اكثر من الشوق فيني… شكرن على التقرير الجميل,,وياريتك حاط لك صوره وانت تتزلج .. ماعندك روح المغامره مووووليه!! واي كاميرا شريت حاليا… انا بعد صار ودي اشتري! تحياتي

  33. مساء الخير للجميع اقول ياخي لازم اروح لدبي عشان انام على السريروالله انك شوقتني واجد ومشكور على التقديم

  34. المايسترو .. فندق جميل واسلوبك الممتع زاده جمال على جماله تسلم ع الرحله الحلوه .. صراحة ما كنت متابعه تقاريرك انما من الان ورايح ان شاء الله متااااااابعه .. B مشكوووووووووووور ….

  35. بسألك انت جد سعودي والا متسعود 😀 لان اللي مثلك واللي يسوي مثل سواتك صدقني انه مو سعودي لان السعوديين يروحون على باب الله وعلى البركه تمشي الامور مـــاشـــاء الله عليك ..سحرني تصوير يديك يشهد الله انك فنان .. وتغطياتك كلها جنان ( المايسترو ) :> متابع لكل ماهو موجود هنا من تغطياتك من شرح وتصوير وابداع في كل لقطاتك لــ الامام يا اخوي .. وشهادة حق اني عرفة جزء من الدول والمواقع اللي شرحتها ، من تغطياتك اتمنى لك السلامه والتطور والرفعه الدائمه لـ كـ تحياتي واصدق امنياتي

  36. والله حرام ياخي انك تدفع 1600 ريال في الليلة ولمدة اربع ليالي ماشفت شي مميز ويستدعي تدفع6300 ريال بكم ليلة بعدين انت رايح اتشم الهواى وتشوف البلاد والعباد ويله راح تسجن نفسك باربع جدران وكمان في مشروبات روحية هههههه الله يعين العباد لو تصدق بالمبلغ للاسرة فقية مستورة او قدمتها لعماية لناس محتاجين لعلاج او ساهمت فيها كدفعة بناء مستشفى علاج السرطان بمصر او السعودية لكان افضل لك واحب اذكرك اخي ان الانسان يسال يوم القيامة عن ماله من اين اكتسبه وفيما انفقه والسلام ختام

  37. الصراحة موضوع جميل المايسترو وانت أحلى من الموضوع شوقتني اسافر دبي ولو لليلتين فقط 0000000ممكن تقابلني هناك 000هههههههههه 0 يعطيك العافية :$B

  38. صراحه تقرير مكلف يحسسك انك من جد انت الي عايش التجربه بس اخوي انا عندي سؤال ابي اسالك هو انا احب التصوير وحاب اعرف نوعية الكاميرا الي معاك لان صورها صراحة روعه

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

: و كل دقة قلب فيني لك قصيده … [ فندق كمبينسكي دبي ] :

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول