وطني يريدني زبالاً..!



حتى وقت قريب كنا نتهكم على نقص فرص التوظيف ونقول ربما نعمل زبالين
ولم يطول الوقت كثيراً حتى تحقق هذا الكابوس المقرف .
ويخرج علينا إعلان يطلب عمال نظافة بشرط أن يكون سعودياً
يا لسخرية القدر أعظم دوله نفطية على وجه الكرة الأرضية تريد أن يصبح أبناؤها زبالين !

تخيل عزيز الشاب وأنت ممسك بعصا المكنسة ولون ثيابك الزاهي البرتقالي يا لسخرية القدر هل أنا سعودي !
تخيل نفسك تمشي مرفوع الرأس وخيشه البلاستيك تتدلى من خلف ظهرك يا لسخرية القدر هل أنا سعودي !
تخيل نفسك تمشي في الحارات وتجمع علب الببسي يا لسخرية القدر هل أنا سعودي !


تعليقات 58

  1. يا اخي العزيز دعنا ننظر الى الموضوع من كل الزوايا من دون حساسية لا انكر ان الوظيفه غير لائقة بالشاب السعودي انا معك في هذا الامر ولكن هذا لا يعني ان مهنة عامل النظافة مهنة غير شريفه لكننا تعودنا على الترف والعز لذا نحن لا نتقبل مثل هذه المهن لاننا ننظر لها على انها مهن دونيه هي في الحقيقه غير ذلك لو تركنا العنصريه والتعصب وفكرنا بعقلانيه وتواضع عامل النظافه مهنة مثل باقي المهن لها راتب ولها فائده للمجتمع ولكن انا معك بأن الموضوع من الصعب ان نتقبله بهذه السهوله على الرغم من ان هناك دول عظمه عاملو النظافه فيها من نفس البلد والجنسيه هم لا يشعرون مثلنا ولا يفكرون مثلنا بالعكس هم يعتقدون بأنهم اولى من غيرهم من باقي الجنسيات بهذه الوظيفه لانها بلدهم وهم احق بنظافتها هل نستطيع ان نقول انهم مخطئين بتفكيرهم؟

  2. اخي فهد لن انكر كيف تجمعت الدموع في عيناي حين قرأت الخبر !! لا اعلم أهو بسبب الصدمه !! أم بسبب الكبرياء الباقي في قلبي ، كيف يعقل ان يقوم سعوديا بالتنظيف !! وا أسفاه عليكِ دولتي .. لكم كنت فخورة لأني منكِ .. أما الآن فأنا حقيقة لا أعلم ماشعوري اتجاهكِ ..!

  3. المهنــه شريفــه بسس هل هي تنـآسب ابنـآء اكبر مصدر للنفـط في العـآلم وـآ أسفي

  4. موضوع طرحته في عام 2006 ونحن الان في 2009 ومافيه اي جديد .. نفس الكلام اللي نعيد . http://abunawaf.com/%D9%87%D8%B0%D9%8A-%D8%B3%D8%B9%D9%88%D8%AF%D8%A9-%D9%88%D9%88%D8%B7%D9%86%D9%8A%D8%A9-%D8%9F%D8%9F-%D8%B5%D9%88%D8%B1%D8%A9/ وهذا رابط لموضوع أخر طرحته بعنوان ماذا يحتاج المجتمع موضحا فيه بعض الافكار والتي لم تجد أي أذان صايغه http://abunawaf.com/%D9%85%D8%A7%D8%B0%D8%A7-%D9%8A%D8%AD%D8%AA%D8%A7%D8%AC-%D8%A7%D9%84%D9%85%D8%AC%D8%AA%D9%85%D8%B9/

  5. العنيدة الكلام موجه لكى.. تعالى عندى وظيفة زبالة فى مستشفى حكومى تسوى مثل ما يسوى الهنود عمال النظافة … هذه مهنه شريفة لكى … انا اتحدا انك تقبلى بهذه الوظيفة حتى لو كنتى تحت خط الفقر… ثانيا الحكومة بتصرف معاشات للرجال قبل النساء وهذا من فضل ربى. المساله ليست نظرة بل بالعكس انا انظف واكنس حوش منزلى مع العامل وليس مهنتى زبال؟؟؟ ياريت تفكرى قبل ما تكتبى.

  6. أختي العنيدة .. هذي الدول لا تملك نفطا كنفطك ومكانة كمكانتك الله يرأف بحالنا .. احباط احباط .. عذرا لا اعلم ما اقول .. 🙁

  7. والله شي يخوف بالفعل اخررررررررر الزمن عيالنا اخوانا اولادنا يشتغلون زبالين في دوله النفط العالميه الحين عندنا بالبلد حال االاجنبي المغترب افضل مليون مره من حال السعودي ابن البلد انا نفسي اخش محل مقدر اشتري نفس اللي تشتريه الاجنبيه اخت العنيده لاتاخذك عاطفتك زياده الموضوع مافيه عصبيه ولا هم يحزنون ايه شريفه بس مهينه مهينه مهينه و ماتليق بابناء بلدنا الغالي اسألي نفسك ليه الهنود يشتغلون زبالين لانهم بلد فقر فقر حنا نختلف عنهم ربي منعم علينا بأرض كلها نفط فهل من المعقول نهرب من الحقيقه ونقول مهنه شريفه

  8. زبآآل !!!!!!! إذا وصلت زبآآل أروح أدج برى ديرتي أبرك لي اللي قاهرني أنهم يتشرطون بعد ومقابله شخصيه وتقديم عن طريق النت .. العنيد .. تسلم يا بعدي ع الكلام الحلو والرد العنيف =)

  9. يا حرام …ايا مكانه وايا نفط ؟؟؟ والله بتزعلوا …ما طار طير وارتفع الا كما طار وقع …انبياء كانوا رعاه …وانتوا شايفين حالكون بفلوسكون!!! ..الله يزيدكون يارب ويزيد كل البشر …اخرتنا قطعة قطنه …اتقوا الله والزبال بضل احسن واشرف من ايا بني ادم عايش على حساب العالم التانيه او على حساب اهلوا …..

  10. عيدوا قراءة شروط التوظيف لانهم كاتبين ولن ينظر لأي مؤهل دراسي أعلــــــــــــــــى من شهادة الكفاءة يعني الوظايف مو نازله لكم يا اصحاب التعليم العالي,, روحوا القرى وروحوا لبعض الاحياء الفقيره راح تلقون شباب ليتهم يفكون الخط ,, وربي انها بالنسبة لهم مصدر عيش وباب رزق,, يعني هذا الحل الامثل لطرد الاجانب وتوظيف المستحقيـــــن من ابناء البلد,, بدل ما يمد يده للآخرين

  11. [ الكنّاس, رجل مهمته النظافة يحتقره أناس مهمتهم القذارة ] << مقولة لمجهول.. لو الله يفككم من الغرور يا اصحاب اكبر دولة مصدرة للنفط كان حنا بخييير,, لو حنا نقدر النعمة ونتواضع كان ما وصل حالنا للي حنا فيه,, وما ودانا ورى الشمس وخلانا من الدول النامية الا الكبرياء والترفع عن اعمال تعتبرونها وضيعه .. و ش فيها لما يعمل في قسم نظافة ؟؟ وبعدين ليه يعني تطلقون عليها زبال ! العيب مو بالمهنه العيب في مسمى زبال ؟! ** معليش بس وطنك ما يبغاك تكون زبال ,, وطنك يبغى يقلل من العماله الاجنبيه فيه ويستهلك طاقات اجيالة .. ^ وقبل لا نفتخر على اننا اكبر دولة مصدرة للنفط ويصيبنا استياء على مهنة عامل نظافة سعودي,, خلونا نتذكر اننا من اكثر الدول استقداماً للخدم ومن اقل الدول انتاجاً.. خلونا نستحقر انفسنا شوي ونتذكر ان الرسول اللهم صلي وسلم عليه خرج من ارضنا ولا نعمل بسنته ونحتذي بأخلاقه الا قليل.. * احد العلماء الغربيين قال بـ معنى كلامه الموجه للعرب : انتم ثرواتكم تحت ارجلكم ( يقصد النفط ) وثرواتنا فوق ارجلنا ( يقصد العقل ) فثرواتكم تنضب مع مرور الزمن أما ثرواتنا تزداد وتنمو مع مرور الزمن. صحيح غيرنا ما عندهم نفط بس عندهم اللي افضل منه -وبالمناسبه : اغلب الدول الاجنبيه حاليا تعمل على تقليل استعمال النفط والبحث عن مصادر اخرى,, يعني بعد كم سنه البرميل = 1 دولار.. وبعدها مجرد نكتب في كتب التاريخ اننا من اكبر مصدرين النفط دون ان نعي تلك النعمة واستكبرنا حتى جعلها الله نكالاً علينا -بالتوفيق لكل سعودي يكون رجل نظافة.. -الله يهدينا لطريق الخير جميعاً -اعذروني على الاطالة واتمنى اختلاف الرأي لا يفسد للود قضية

  12. تعليقي بسيط… صحيح أنها مهنة لاتناسب مؤهلات البعض العالية… لكن البعض لم يجهد نفسه في الدراسة…هل يستحق أن يصبح مديرا لمن هم أعلى منه تعليما..؟؟!!!! تبقى المسألة مسألة ماتريده أنت وماذا علمت لتحصل على ماتريد… (بين قــ((عن نفسي لا أريد أن أكون زبالا))ــوسين) وتبقى تلك اللتي تنظفها بلدك….. تحيتي ::ياسر::

  13. الرد ل kinan اولا باين من لهجتك انك من بلاد الشام !! ياحرام ليش؟؟؟!!!احنا الحمد لله لنا مكانتنا والجميع يعرف هذا الشي النفطاظن انه حقيقه وواقع ان السعوديه بلد النفط احنا ولله الحمد دائما برفعه ولا وقعنا زي ما تعتقد !! الانبياء كانو رعاة واحنا كانو اجدادنا رعاة ولا نخجل بل نفخر كل الفخر بهذا الشي ..احنا مو شايفين حالنا بفلوسنا مثل ما قلت,ياخي احنا ما عشنا على حساب عالم ثانيه ولا على حساب اهلنا لكن باين من ردك الهجومي علينا انك زعلان اننا بلد نفط … على العموم يا kinan الموضوع يخص المواطن السعودي في بلده المملكه العربيه السعوديه اللي اكثركم يترك بلده عشان يعمل فيها!!! بالنهايه شكرا على زعلك علينا !!!!!!!!!!!!!!!!!!!!!!! عجيب

  14. أنا سعودي وافتخر اني سعودي ولكن ولله الحمد لم يصل بي الفخر الى درجة الكبر والغرور. سعودي على العين والراس بس لو نفكر بواقعيه شوي… امريكا اللي اغنى من بلدنا واقوى من بلدنا ولو بغت وطت على خشومنا واخذت نفطنا اللي فرحين فيه, الزبالين عندهم من بلدهم… وامريكا مجرد مثال لانه معظم دول العالم على هذا الحال… انا شاب سعودي افضل اني البس اللبس البرتقالي وانظف شوارع وطني على اني انغف عند التلفزيون طول اليوم لا شغل ولا مشغله واكون عبء على الوطن… لذلك ارجو من الجميع البقاء في حدود الفخر والابتعاد عن الكبر وما يحتاج اذكر احاديث الرسول عن هذا الموضوع… ولا تنسون الواقعيه

  15. بإختصار نحن لسنا منزهين .. والنظافة شي جميل … فلنظر بإيجابيه … وهذا أفضل من السرقة أو السحاذهـ … لا نريد إلا كرسي دوار ومكتب .. وواحد نقول له جيب اثنين طعمية وواحد شاهي شخص معه ابتدائية .. بالله وين يتوظف ؟ لأن احدد وظائف كبيرة لكي لا أكون ساخراً … وأيضاً هذا لا يمنع الدولة من واجبها تقديم وظائف لكافة السعوديين .. الذين يستحقون الوظيفة التي فيها اجانب … تحياتي لبلادي وحكامها الحلوووووووووين …

  16. ما شفتوا شى الوعد قدام :(:(:(:مانقو ا الا الله يعيين عيالناوالله شى يفطر القلب على مستقبلهم

  17. شوف والله وانا اخوكم حتى الهندي او الباكستاني مايرضى يشتغل زبال ولاكن هم فقط البنجلديش وطبعا اكيد فيه ناس كثيرين حاقدين علينا كا مجتمع سعودي ولما يسمعون مثل هالخبر يفرحون ويتشمتون ولاكن اذا وصلت فينا زبال بكره تشوف بالجرايد اعلان لدينا خادمات سعوديات ….. فابكل صراحه اخاف من هاليوم ولا ادري وش اقول

  18. السلام عليكم عامل نظافة مهنة شريفة أحسن من الشحاذة ومن السرقة B لكن قبل توظفني مكان البنقالي والهندي, هذي هي الديرة قدامكم مليانه وظايف شاغلينها الاجانب وآكلين خيرها .:~ اذا خلصت الوظايف وما بقى الا وظيفة عمال النظافة في ذاك الوقت الوضع بيختلف.:$ لكن على سبيل المثال معهد الادارة يخرّج محاسبين وسكرتارية من الجنسين. والشركات والمؤسسات كل المحاسبين والسكرتارية أجانب 8) غير الحكومة يجيبون مهندسين أجانب على تأشيرات عمال نظافة8) خلاص أرررحمونااااا, من المثالية :> سوق الخضار, سوق الذهب, محلات الجملة, الصناعية, والمعهد المهني يخرج سنويا المئات !!!! ادعموهم وافتحوا لهم ورش ومعامل, وبعدين سعودوا وظائف عمال النظافة. أييييييييييييييه يازمن.:(:(:(

  19. كلها فبركه عشان يقولون فيه وظايف بس الزبال وظيفه ؟؟ انا اتوقع ان كلمة زبال مو مسمى وظيفي بل هي مسمى للمهانه

  20. طبعاً الموضوع مش سهل لكنه مو صعب كسعودي تشتغل زبال ما فيها مشكلة … قبلك المصري اشتغل زبال وقبلك السوري اشتغل زبال وما في دولة إلا الزبالين فيها من نفس الجنسية هذي بلدكم إنتم المسؤولين عن نظافتها ألا ترون أن الإهانة في مد اليد وطلب العون من الغير بعدين الوظيفة هذي مو للجامعيين لطلاب الكفاءة يعني إذا ما درست ثانوي ولا جامعة تبغى تصير دكتور مثلاً أو مدير عام ؟؟؟؟؟؟؟؟؟ الوظيفة إيش ما كانت ما هي عيب … العيب في الجلسة في البيت أو مد اليد طلباً للمساعدة يا سعودي دولتك نفطية على العين والراس لكن إنت إيش ؟؟؟ متعلم ؟؟ جامعي ؟؟؟ مثقف ؟؟؟؟ إذا إنت ما ساعدت نفسك لو تيجي عشر دول جنب دولتك ما راح تفيدك أعتقد إنو على الشباب رؤية هذا الخبر من باب آخر غير الإهانة شوفو الجانب المشرق من الموضوع يعني إذا الشخص غير متعلم وما يعرف يشتغل شيء إيش ينتظر وظيفة ؟؟؟ إذا زبال ما تعجبك .. في غيرك يتمناها !!!!

  21. ياشباب الإعلان يقول إبتدائي ومتوسط هذا المؤهل وأنا أشوف الشغله مناسبه للي هذا مؤهله حتى العسكرية الحين ماعاد تقبل أقل من الثانوي يعني إذا مؤهلك إبتدائي وتبغى وظيفه مالك إلا هذا الخيار

  22. اللحين لنفترض إن حقين الابتدائي والمتوسط لقوا إعلان عمال النظافة وقبلوا بالوظيفة وتوظفوا وعاشوا للأبد سعداء!! خريجين الجامعات اللي ماتوظفوا وهم من تخصصات شبه نادرة فيه دفعات ما تعدى عشين وثلاثين خريج مالتوظف منهم الا 4 وبمساعدة الواسطة ؟؟ طيب ليش تدرسونهم تخصص ما هو مطلوب أبدا؟ هم الآن جامعيين ولكن برواتب أقل بكثير من نظرائهم, وماهم على التخصص اللي تخرجوا عليه ؟؟ الله كريم.

  23. الصرااااحة اكبر مهزلة من اكبر الدول المنتجه للنفط واخترها زباااال الله يرحم حالنا بس

  24. أنا أتفق مع الأخ Hamad يحكي والدي حفظه الله أنه كانوا سعوديين من يجمعون الزبايل وكان ذا في زمن والدي أي أنه في زمن قريب لا يتعدى 50 سنه وحتى في تلك الفتره كان هناك بترول على فكره بما أننا السعوديين بشكل عام نحتقر كلمة زبال فلماذا لا يعاد تسمة هذه الوظيفه وتسمى عامل نظافه

  25. الشيئ المحزن في الموضوع ليست الوظائف المطروحة كما هو موضح أعلاه .. بل المحزن هو وجود فئة من الشعب لم تستطع إكمال دراستها .. حتى إن عند البعض منهم يعتبر إجتياز الإبتدائية بالمعجزة … فما رأيك أن يتم طرح وظائف إداريين وهندسيين للمواطنين الذين لاتتجاوز مؤهلاتهم الإبتدائية .. بل إن بعضهم يعجز عن كتابة إسمه كتابة صحيحة أو قرآءة سطور قليلة بشكل صحيح … صحيح أن لكل شخص ظروفه التي تمنعه من اكمال دراسته ,,, ولكن الكثير من أبناء هذا الوطن يكره الدراسة لحد العدواة .. .. فهل نجازيه على قبوله بالجهل بوظيفة راقية .. لو كان حريصا على نفسه لما إضطر للعمل في وظيفة عامل نظافة (( بالرغم من العمل ليس عيبا ً )) .. تقبلوا تعليقي بصدر رحب

  26. يا لسخرية القدر أعظم دوله نفطية على وجه الكرة الأرضية تريد أن يصبح أبناؤها زبالين ! B <<< هذي عيونا 8) <<< وهذي عيون بعض الناس اللي عيالهم متوظفين على المرتبه 15 من اول سنه يالله عش دهراً ترى عجباًً

  27. خلاص ماباقي عذر لكم يالسعوديين الشغل بهالبلد وش كثرة ترى عادي الواحد يشتغل حداد والاسواق والا خياط والا بناء والامزارع والاسمكري والاخطاط والامنسق حدائق والامهندس صراحة مانشوف احد بها المواطن استعينوا بالله وقوموا وخلوا عنكم االنوم والكسل ودوروا رزقكم واقول كما قال الرسول صلى الله عليه وسلم( كلن ميسر لما خلق له)

  28. صحيح المهنة شريفة واحسن من الشحاته وصحيح ايضا ان دولتنا من الدول المصدرة للنفط وما نرضىآ اننا نشتغل زبالين او على قولتهم عمال نظافة بس السؤال اللي يسدح نفسه هل ترضون من يعيش في بلدكم وياخذ فلوس انتم تستحقونها وفوق هذا كله يسرقكم ولا يهينكم ولا يكشف عوراتكم ولا ما همه بيت فلان انسرق ولا سيارة علان انسرقت يعني بالعربي ما يخاف علىآ البلد من المحتالين والسراقين ومن ذا الكلام الللي ابغىآ اوصله لكم انتم احق انكم تحافظوا علىآ نظافة البلد وامنها واستقرارها اكثر من اي جنسية ثانية وانا مع اللي قال ان في ناس مستغلين مناصب عالية في البلد هم من جنسيات اجنبية وهذا ظلم في شباب سعوديين يستحقوا هذي المناصب بس وين اللي يطبق النظام ووين اللي يقبلون الشباب السعودي ويفضلوهم على الاجانب بس ما اقول غير حسبي الله ونعم الوكيل ولا حول ولا قوة الا بالله.. ولا تنسوا ترىآ الاجانب اللي في بلدنا مغتربين واحتمال انهم يسوون اي شي لبناتنا ولا حتىآ لعيالنا والله المستعان.. وانا عن نفسي لو ما لقيت وظيفه غير عامل نظافة اقدم عليها ولا اني اقعد طول عمري اطلب فلوس من ابوي // ابوي مو قاعد طول العمر لي لازم اعتمد على نفسي … الله يطول بعمره وبعمر الوالدهـ والله يحفظ لكم ابائكم وامهاتكم وكل من يعز عليكم.. ارجوا اني ما اكون طولت عليكم… اخوكم فصولي….:)

  29. الوظيفه موب عيب ولا غلط ولا تستحقر النا س اللي يشتغلون في ها المكان على الأقل ازين من انك تمد ايدك للغير {صحصح ان الأمور مفروض ما توصل له الدرجه} بس الي يقهر ان السعودي قاعد وغيره يشتغل ازين منه هذا اللي يقهر ولا يجيك سعودي سواق {؟؟؟؟؟؟ }هذا انا شفته بعيوني هذا اللي يموت قهر لو برا معليش .

  30. :(عامل النظافه مهنه شريفه كلنا نتفق ولكن اذا اصبحت المراكز القياديه سعوديه ميه في الميه ساعتها قولو ان الشاب السعودي متعالي ويحب الكسل لكن الاجانب عندنا راتب الواحد فيهم براتب ثلاثه او اربعه من عيالنا رجال الامن في المولات والشركات ووتقولون عليهم متكبرين للاسف حال يبكي ماوصل له حالنا وسلمولي على وزير العمل 🙁

  31. يا خي اللي يغبنك ان الاجانب الله يلعنهم ويشيلهم ع ها الديرة مالين ها الديرة ويقولون ليش ما فية وظايف في السعودية يا خي شل ها الاجانب وضفهم من ها الديرة عشان يكون فية وظايف لسعودين والله يا عيال اني مرة شفت مصري يشتغل في شركة موبايلي ويقولون لية ما فية وظايف يا خي شل ها المصري وحط بدالة سعودي يا خي ولا المدارس الاهلية كلها مصرين يا خي لو من الدولة اقول لهم جيبو سعودين ولا ضف وانتم مدرستكم عمركم لا تحطون مدرسة والشركات كلها اجانب يا رجال خلها ع ربك بس هذ اللي اقولة

  32. كم بيكون الراتب 800تساوي كثير عند البنغال اما عندنا ما تساوي نص اجار البيت8572

  33. يا اخي العزيز دعنا ننظر الى الموضوع من كل الزوايا من دون حساسية لا انكر ان الوظيفه غير لائقة بالشاب السعودي انا معك في هذا الامر ولكن هذا لا يعني ان مهنة عامل النظافة مهنة غير شريفه لكننا تعودنا على الترف والعز لذا نحن لا نتقبل مثل هذه المهن لاننا ننظر لها على انها مهن دونيه هي في الحقيقه غير ذلك لو تركنا العنصريه والتعصب وفكرنا بعقلانيه وتواضع عامل النظافه مهنة مثل باقي المهن لها راتب ولها فائده للمجتمع ولكن انا معك بأن الموضوع من الصعب ان نتقبله بهذه السهوله على الرغم من ان هناك دول عظمه عاملو النظافه فيها من نفس البلد والجنسيه هم لا يشعرون مثلنا ولا يفكرون مثلنا بالعكس هم يعتقدون بأنهم اولى من غيرهم من باقي الجنسيات بهذه الوظيفه لانها بلدهم وهم احق بنظافتها هل نستطيع ان نقول انهم مخطئين بتفكيرهم؟ (اختي العنيده بارك الله فيك وجهة نظرك صحيحه وكلامك موزون)

  34. خلاص ماباقي عذر لكم يالسعوديين الشغل بهالبلد وش كثرة ترى عادي الواحد يشتغل حداد والاسواق والا خياط والا بناء والامزارع والاسمكري والاخطاط والامنسق حدائق والامهندس صراحة مانشوف احد بها المواطن استعينوا بالله وقوموا وخلوا عنكم االنوم والكسل ودوروا رزقكم واقول كما قال الرسول صلى الله عليه وسلم( كلن ميسر لما خلق له) صح لسانك يالقمرا هذا الكلام الصح خلونا نشد الهمه وننافس الوافدين ولاتسوون مثل واحد من الشباب قال لمديره ان امه مريضه وبيوديها المستشفى وهذا كله على شان يتابع مباراة قام المدير اتصل عليه لقى يبي يتطمن على الوالده لقى جواله مقفل قام اتصل على اخوه وللاسف لما يال المدير لقى المواطن الفاضل في البيت يتابع المباراه اسالكم بالله هذا تصرف؟؟؟؟؟؟؟؟؟

  35. الدنيا دارت يا أخوتي الاشقاء في السعوديه كم من بنغالي وباكستاني وعربي ( العرب تسموهم أجانب رغم أنهم إخوتكم ) بهدلتوه وذوقتوه طعم المرارة وكم شخص أجنبي وفد إليكم يبتغي لقمة عيشه وشتمتوه وأذقتوه طعم الذل والهوااان أنا ولدت في السعودية وعشت فيها 15 سنة ولا أنكر أن لها فضلا علي ولكن في يوم من الايام لم أرتح من كلمة أجنبي أو كلمة كلمات الذل يا أسود ويا عبد ويا اجنبي وغير الاقامة وذل القائمين في الجوازات لأني شخص غير سعودي رغم أني ولد فيها وعمل أبي فيها لمدة 30 سنة هذا غير أعمامي وأخوالي أضعف الايمان كان تريحوهم من الاقامة وتسهلوا امور اللي يخدم بلاد الحرمين بشرف ونزاهة وكما قال الشاعر لقد اسمعت لو ناديت حيا …. ولكن لا حياة لمن تناد ولو نارا نفخت بها اضآت …. ولكنك تنفخ في رماد وآخر شئ تسفير والمستحقات الخدمة ما حد يعطيه لأنه أجنبي وهو اللي جاء يشحد عندنا …!؟ معليش أخوتي الاعزاء أنا أزعل عليكم لأنكم إخوتي وأحبتي المفرووض الاوربي والامريكي يكون زبال في بلاد الحرمين لا السعودي ولا السوري ولا أي شخص عربي أو مسلم يكون عامل نظافة لأنو قاعد في بلاد الحرمين وللأسف القضية جت بالعكس ومع ذلكـ لم تقدروا إخوتكم فدار الزمان وأصبحتم زبالين في بلدكم تقرفووون هذالعمل وتذكروا أن الله يراكم وما تفعلون وتذكروا ان الله يمهل ولا يهمل وتذكروا ان دعوة الظالم مستجابة أخوتي السموحه على الاطالة وسامحوني أيضا لو تكلمت بكلام يسيء لكم لأنكم إخوتي في الله أخوكـم فتــvipــاح

  36. يا جماعة الخير الرسول صلى الله عليه وسلم كان راعي للغنم وهو سيد الخلق وقدوتنا ونبي الله نوح كان نجار ليش نترفع عن مهنة شريفة ونظيفة بالله عليكم ايش احسن عامل نظافة ياكل من عرق جبينه او عاطل عن العمل وعالة على المجتمع ويتسكع بالشوارع او متسول او تاجر مخدرات او مفحط او حرامي حكموا عقولك واتركو عنكم المضاهر الكذابة اغلب دول العالم الغنية والمتقدمة عمالهم هم ابناء البلد اللي بنوها بسواعدهم واذا صرنا دولة نفطية ليش ما ينظفها ابناءها ليش نجيب من الدول الفقيرة ويملونها مشاكل وجرايم وحوالات لدولهم وبنفس الوقت تطالبون بالسعودة وتشتكون من البطالة شكلكم تبون سعودة مكاتب وكراسي وتلفونات ودوام 6 ساعات اعلموا ان هذا رزق من الله والله سبحانه وتعالى مقسم الارزاق وحنا اذا اختلفنا في شي نرجع للكتاب والسنة مو للعادات والتقاليد والاعراف اذا المهنة شريفة وحلال لكن ما يمنع ان الواحد يبحث عن وظيفة احسن ويطمح في تطوير نفسه وانا شخصيا لو مامعي مؤهل عالي وما لقيت وظيفة احسن ما عندي مانع اشتغل فيها واوكل عيالي واعف نفسي من طلب الناس وعلى فكرة كل واحد منا عامل نظافة في بيته وغرفته وسيارته الا اللي تربوا مع الخدم هم اللي ما ينظفون قذاراتهم لانهم ………. وفي الختام اقول الزبال شخص نظيف يحتقره اناس يحبون القذارة واعتذر عن اي اساءه غير مقصودة والسلام

  37. يبدو ان صاحب الموضوع لايدرك الواقع الذي نعيشه ويريد ان يوظف مدير فليس هكذا تعلمنا فالعمل شرف والدوله يجب ان يكون فيها الزبال والمدرس والدكتور والعسكري لكي تكون دوله متكامله والسعودي يجب ان يكون قدوه للمسلمين بعدم التعاليفتواضع فهي صفه المسلم يااخي

  38. ياجماعه الخير الوظيفه مقدمه لحمله الابتدائي , يعني وش تبونه يتوظف مدير مكتب ؟؟ بعدين اش الغرور ذا والشعارات اللي رافعينها ؟ امريكا وهي اغني من بلدكم الزبال فيها امريكي واللي يستهزئ بالهند لعلمك الهند فيها علماء وعلم وحضاره احسن من بلدك سيبوكم من العنصريه الزايده , البلد ماحتتطور الا لما كل العاملين فيها من عيال البلد

  39. الحمدلله على النعمه والعافيه؟ قبل فتره قصيره كان كل الفراشين والمراسلين من اهل البلد حتى طغت النعمه عليناولاعرفناقدرهاولاوفيناهاشكرهافدارت الأيام وهانحن كماترون(ولئن شكرتم لأزيدنكم)فاحمدواربكم ولاتغرنكم الدنياواقبالهافليس بعدالصعودالاالنزول؟ :$:$:$:$:$:$:$:$

  40. السلام عليكم ياجماعه العمل مافيه شئ وهذا الموضوع المطروح يعنون فيه المتقاعدين وكبرين السن اول كان يقولي جدي الله يرحمه انا كل عمال البلديه حق النظافه سعوديين وجونا عيال بنقل وستلموا منهم والله ياجماعة الخير اني قراءة امس مقال لصحفي اني اها يابطني من الضحك تاره والاستغراب تارة يقول انه في صديق له وهو ماشي بالسيارة وقف عند الاشاره مااخذ الا الشاب انيق الملابس يعبي سخصيه بكل المعنى يحسبه انه بيسئله عن شئ الموهم طلع الاخ طرار يطر عند الاشارات قاله ياخي بانصحك انت تبحث عن عمل احسن لك من ذي الطراره قاله والله يااخي بحثت فى كل مكان لم احصل قاله اركب معي اشغلك سواق عندي والان ايش رد عليه الاخ روح ياشيخ مابقي الااشتغل سواق وغذرا على الاطاله ؟ والسلام

  41. احنا شعب كفرنا بالنعمة ولم نمحد الله عليها ( الا من رحم الله ) والنعمة زوالة غررونا وتكبرنا خلنا نحتقر العالم أقسم بالله العظيم اذا استمر الشعب السعودي خصوصا والخليجي عموما في تكبره وكفره بنعم الله عليهم والله اننا راح نصير زبالين عند الايرانين وغيرهم . مثل ماكان في نانس من الخليج يشتغلون زبالين في السعودية .. واحنا لو احترما وطنا كنا احترمنا ولكن ناكل من خيره ونتفل عليه

  42. بصراحه لو وزير البلدية والشؤن القروية يضع بدل سكن وبدل ميدان وبدل وسخه وبدل مواصلات اعتقد ماراح يكون فيه بطالة في البلاد بس المشكلة الوضيفه مافيها اي محفزات لكي تشجع الشاب السعودي للعمل ولكن بهذه الشروط المذكوره للاسف وضعة لصخريه والاستهزاء

  43. بعض الوطنية احيانا تؤدي بصاحبها الى المهالك. ليسال كل شاب اين النفط والذي تصنف هذه الدوله باغنى دول العالم لماذا كل هذا الدفاع الغير منطقي لينظر كل شاب بمنظار الحق وليتكلم ولا يدافع عن الظلم والطغيان

  44. و الله ما وهقكم إلا الغرور طيب اللي مو معجبه هالوظايف لا يشتغل غيرك يشحد عند المساجد ولا يسرق و يطب على بيوت الناس الخبر مو لعيال النعمه للمحتاجين و تقفلت بوجيههم البيبان

  45. السلام للجميع القصه يا جماعه انا بشوفها قصة قناعة ورضى الشخص المقدم على هيك عمل ، ومابنكر انها صعبه ، بس الانسان بيقدر يجمل اي صورة وبنفس الوقت العكس، ليش ما ننظر للموضوع بنظره تفائلية حنشوف الأقليه ايلي ممكن يتقبلو الموضوع بس بالتوعيه ايلي بتبدأ من البيت ، بس الانسب طبعا براي ايلي يشتغلو ن هالوظيفه يكون محتاجين بدل مايكون شحاتين ..

  46. السلام عليكم يا جماعة وش بكم طايرين بالعجه .. الدولة ماقصرت معكم ولا فيكم تعليم مجاني من الابتدائي الى الجامعة وانتم ترفسون النعمة . ياخي يقول لك ابتدائي ومتوسط ولن يتم النظر في مؤهل اعلى من ذلك يعني بالعربي يبغون يشيلون ( الجحلط ) من الشوارع وهم الفئة الضاله بالشوارع هههاي بدل مايسرقون بنزين من السيارات ويسرقون البيوت ويتجمعون في الحواري لا شغله ولا مشغله امس بالليل (الجحلط) كاسرين عداد كهرب ومطفين الانارة علينا بالحارة هذه وظايف لهم احسن من التسكع بالشوارع ويجلسون عالة على اهاليهم وعلى الدولة وياخذون دخان من الرايح والجاي (مسوين ضريبة) على خلق الله على العموم لكل مجتهد نصيب .. والشغل ماهوب عيب لو انا معي ابتدائي قدمت عليهم وظيفة حكومية ياسلامي عليكم يالسعودية .. يادار الشيم .. يادار الأبطال

  47. عجيب والله شخص عنده متوسط ولاأبتدئي وش تبغاه يوضفونه..؟ مدرس ولا دكتور ولا موظف على مكتب..؟ الدوله موفرتله التعليم مجاني من الابتدائي الى الثانوي اما الجامعي مو مجاني بس الا تعطيك مكافأه في بعض الجامعات توصل الى اكثر من2000 ريال واذا قدمت ماجستير ودكتوراه يعطونك مكاقأه وكمان يعطونك مبلغ 3 الى4الف عشان تكاليف الطبع ونفس الكلام على الدكتوراه وبالاخير صاحبنا ذا ابتدائي بالقوه فلح فيها ..احمد ربه انه لقى احد يوظفه ولا معروف سلفا لو مسكوا اشكاله عمل النظافه تلقى شوارعنا مافيه اوسخ منها..لأنها بصراحه ماهو مقدر النعمه الي هو فيها واكيد انه راح يتهاون بالوظيفه يمكن قبل عشرين او ثلاثين سنه الابتدائي تعتبر شهاده وقبل فتره الثانوي كانت تعتبر شهاده اما الحين فزمن الكليات والدراسات العليا فقط!

  48. ياجماعة الخير معقوله اللي قاعد يصير ؟؟؟ الملك عبدالله يتبرع بمليار دولار أمريكي لعباس وليس لغزة وشعبه زبالين !! ليش كذا ؟؟؟ : ( 🙁 🙁 🙁

  49. اخي الكريم عامل نظافه هذه وظيفه كأي وظيفه لك الحق في قبولهااو ورفضهاولاكن لاتقوم باحباط من يحتاج لها واذا انتم زعلانين على هذه الوظيفه انهم نزلوها للسعوديين فأعلم ان هناك وظيفه ادنى من عامل نظافه وهي وظيفه عامل في الصرف الصحي ولاكن المذهل تعرفون كم نسبه السعوديين في هذه الوظيفه 85% ورواتب 5000ريال وفاتحين بيوت في العاصمه اخي الكريم هذه خدمه الوطن وعلم انه افضل من ان يكون سارق او مدمن او على الصدقات والله ثم والله لو عرضت هذه الوظيفه على قبل لا اتوظف لاخذتها نحن شعب اتكالي نبي مكيف ومكتب وتلفون وراجعنا بكره اخي الكريم …وما من دابه في الارض الا ورزقها على الله سبحا نه

  50. لقمة الخبز لا تعرف زبالا من غيره وليش التكبر يعني مدام الواحد محتاج لوظيفة يقدم ماراح حده يضربه شو يعني سعودي يعني بيعيش باخدم وحشم؟؟؟ وبالنهاية كلنا للتراب وماحدا احسن من حدا

  51. المشكللللللللللللللللللللللللللللله منتم فااهمينهاا 😮 هالوظيفه ماافيهاا شي ابد يعني لو يتغير المسمى خلاااص لكن بالله يجيك وااحد داارس ومخلص الجااامعه يروح ويصير زبال؟؟ خير يااطير مااهو تكبر والله 🙁 لكن ع طوول هالسنين ودك يطلع بشي زين 🙂 اما لو كاان اكبر شهاده معااه راابع ابتداائي مااعليه يتوظف فيهااا :~ وبالنهااااااااايه اكيد ياسالي كلنااا ترااب وااحد

  52. لايخفى عليكم احبتي الاضطهاد الذي تواجه العماله البنقاليه في السعوديه مع اني لا اصنف البنقاليه كالبشر انهم ملاك نزل من السماء لقد واجهوا معناتا صعبه في هذا البلد حتى انهم في فكروا انهم يهاجرون من البلد ويدورون لهم بلد ثاني بس ماهان عليهم البلد لم يعد دخل 10000 ريال بالكافي لحيات البرستيج لدى البنقالي .. الشباب السعودي متعلم وفاهم وبدى ياخذ المجال عليهم لكن البنقاليه لهم بالمرصاد بكل ماتعنيه الكلمه وطبعا كله بسبب نفوذ كومار تصدقون اعرف بنقالي تعطيه فلوس يخلص لك معاملتك من المحكمه تخيلوا المحكمه والمحكه الكبرى بعد .. ومن عند الرئيس … وانت كسعودي لايد تقبل ان تكون زبال لان ماعندك خيار ثاني اذا طلعت للامور الاحترافيه فا ابو شكيم وربعه مسيطرين على الوضع وانت ماعندك باور زيهم … زي مايقولون حميتهم لابناء جلدتهم وان لم يجدوا لاي واحد ماهو سعودي … الان اقبل بالوظيفه وحاول تثبت نفسك في الثلاث شهور الاولى تراها تجريبيه يعني لايطردونك وبعدين انت الان عندك الفرصه صدقني بعد كم سنه يعني 40 او 50 سنه يصير راتبك زي البنقالي شد حيلك والقلب داعي لك فهد

  53. ليه يعني هوّ السعودي على راسه ريشة ؟ ما اشوف فيها شي ابدا ! مشكلتنا انغرّينا بروحنا زيادة وهذي النتيجة على فكرة كاتبين بشروط التوظيف انّه الحد الاعلى للمستوى التعليمي هو الكفاءة، ماطلب خرّيجين طبّ للعمل كـ منظفّين شوارع ؟ فرصة للي مستواهم التعليمي سيّء ولا حصلوا وظيفة تمشّي روحهم، ازين من انهم يقعدون بالبيت لا شغل ولا مشغلة غير انهم يجلبون المشاكل للبيت والاهل

  54. يعني برايك ياعزيزتي العنيده ان من الشعب السعودي عادي يشتغل عامل نظافه طيب خليني نوقف في هذه الحظه ونتخيل مع بعض دوله غنيه في المواد النفطيه ,, ماذا تتوقعين من شعبهاا ليس تكبر ياعزيزتي بل يعني في العقل ياغلاهم دوله عظمى وتملك النفط بكثره, يعمل شابً من هذا الدوله العظمى عامل نظافه صدق ان الشغل مب عيب بس في شغله تفرق عن شغله الله لايحدنا علي هذا الامر يعني اشتغل اي شغله اما عامل نظافه مافي امل اذا الله اراد ماراح اعملهاا بحياااتي .. تقديري لكم

  55. الرسول عليه الصلاة والسلام كان يخصف نعله ويساعد أهله وهو من قال أن اماطة الأذى عن الطريق صدقة لذا لم التكبر ..؟؟ المواطن الامريكي والذي ينتمي للدولة العظمى الاولى عالميايعمل عامل نظافة دون تكبر لأنه فرض احترامه على الناس بعمله أما الشعب السعودي وللأسف فقد فرض المال الذي وهبه اياه الله احترامه على الناس تذكر أن النفط سينتهي قريبا وتأكد أنه في وقتها- ان بقيت على هذه العقلية – فلن تجد من يوظفك تحت مسمى عامل نظافة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

وطني يريدني زبالاً..!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول