وسائط MMS – تدري وش ينهي غيابك


السلام عليكم ورحمة الله
كيفكم اعضاء القروب إن شاالله إنكم طيبين
والله بصراحه ما أعرف للمقدمات
بس اليوم جايبة لكم كم حبة وسائط
وكل القصايد الموجود مع الرسايل
لشاعر مبدع بمعنى الكلمة أحب إني أحفظ حقوقه وأذكر اسمه وهذا الواجب علي اصلا
الشاعر هو أحمد الصانع
أتمنى تعجبكم

تفزلوا

1

وسائط

تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما خانك ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها شفاتي ..!

2

وسائط

تقول : آسف ..؟! يا خلف الله !!
بقى بـ ( وجه ) التسامح / دم …؟
أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك

3

وسائط

بقّيت لي بغياب روحك … مساكين !
…… عيني .. وقلبي .. والأمل … والأماني !!؟ كنّ الثواني … في غيابك سكاكين !
…… ليتك تذوق شوي …. / طعم الثواني ! القلب ماهو قلب والعين .. مو عين !
…… حتى مكاني … ماأحسّه … / مكاني ! شفني على جال السهر أنطرك لين !
…… حسيت بان الجال .. / يصفق عشاني ! مديت قلبي ! قبل لاآمدّ …… يدّين !
…… وطلبت كلي ! . قلت : جالك .. هذاني !

والحين شفنا وين !؟ .. واحلامنا وين !
…… ضعنا اندوّر … للسعادة ….http://www.abunawaf.com/ مواني ! وش بيننا !؟ إلا التعب واسود البين !؟
…… وشي ٍ لعب في حسبتي .. واحتواني ! كل شي بكاني من غيابك إلى اللحين !
…… حتى عدوي ! .. من غيابك http://www.abunawaf.com/ بكاني !! ماعاد تفرق جرح واحد ! … وجرحين !
…… الموت واحد .. له عذابك …. / خذاني ! ياصاحبي .. يكفي غيابك .. وبعدين !؟
…… ماخفت ربك بس … أنت و زماني !؟

4

وسائط

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

خطوتي الأولى غيابك , راح أطبّقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه

5

وسائط

تدري وش وقَّف غيابك ؟
وقَّف غيابك [ سنيني ] !
نبض قلبي ..
ليه ساكت ؟

والدموع اللي تباكت ؟
كل هذا صار فيني !!

يعني معقوله تغيب
وما تراجع بـ القرار ؟

منظر غيابك كئيب !
واقف بـ سكة قطار !

في قفص صدري ربيت
كيف أحس الطير طار ؟

لا نهاري هو نهار ..
وفيك أسهى ما دريت !

ومن يكلمني يقول :
يا بخت من به سهيت

إنت ما حسيت يمكن
والغياب أكبر دليل ,

دايم يردد لسانك :
لذَّة الشي القليل

راضي قلبي في قليلك !
المهم ألمح وجودك

تحترق أعصاب قلبي ..
وإنت غايب !
يا برودك !!!

6

وسائط

ما أبي من زود حُبي .http://www.abunawaf.com/ أربكك !
لمَّا تسألني أحبك ..؟ قلت أموت !!

إنت مثل الحلم ولمَّا أمسكك
أدري إنِّك واقع / وتطري البيوت ..

يا عيون الريم وشلون أشبكك ؟!
من يشوفك قال : ما شا الله توت ..!

إنت فكره و ماني قادر أحبكك
فوت في قلبي .. بلا إستئذان فوت !

في حياتي ,, صرت دايم ( أدركك ) !
أشبعك وأجوع لك وأعطيك قوت

لو طريقك يتعِب القلب أسلكك
بعد صوتك ما يعوِّض أيّ صوت !!

أدري يا قلبي .. غيابه / يهلكك ..
داخلك عايش …. وفي حالة ثبوت !

كيف أعبِّر عن شعوري و أملكك ؟!
خايف أتكلَّم .. يداهمني .. السكوت !

لو يقولوا .. [ يا أموت أو أتركك ] ….؟!
والله إنِّي من غلاتك .. راح أموت !!

7

وسائط

 كِذَبْ .. من قال : مـا أحبك .! , وفيني ( ما أظنَّه ) حس ……
كأنه حْبَّنا : جيشٍ كبير : وحضرته / جاسوس !!

حبيبي . . .
طالبك لقِّن عذولي , و , حاسدي كم درس …..
أبي ترجع و تقراني من عيوني بلا قاموس ,

يا غالي . . .
وش تبي أكثر ؟ يا (( سادس )) هـ الحواس الخمس !
فراقك حلم أزعجني ويجيني دوووم هـ الكابوس ,

غيابك : ليل : يا وجه القمر , وإلا , يا طهر الشمس …..
سواد / وظلمةٍ عيَّى يفيد ….. ويضوي الفانوس

كِسَرني البُعد , و , أشواقي !! رغم إنِّي عزيز النفـس
حبيبي . . .
كل ما أنسى ! يذكرني بك الطاووس

8

وسائط

عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي خاااابت
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

9

وسائط

أحبك ( لا ) ما أبيها !
أبي أكثر من [ أحبك ] …
ومدامك دنيتي فيها
حبيبي ما أبي أكثر !

قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ….
ما أقدر !!

معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !

حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر …..!

في النهاية
أتمنى إني قدمت شئ يرتقي لذائقتكم
و يكون بمستوى القروب

و ترى تهمني كثير ارائكم
واها في شئ ثاني بعد لأحد يتعب نفسه ويسوي إضافه تراني ما أعرف وشو الماسنجر و لا أدل له طريق
ولو يوم قدر الله علي ودخلت للضرورة فمصير كل الإضافات للحذف
إذا في أحد يقبل على نفسه انه ينحذف يسوي إضافة
بسم الله عليك اخلصي بس خخخخ
تحياتي للجميع

سبحان الله وبحمده .. عدد خلقه .. ورضا نفسه
و زنة عرشه .. و مداد كلماته


تعليقات 14

  1. مرحبا اخوي اهنيك بصراحه رسايلك مؤثره لدرجة اني حبيت ايميلك كله وودي اقصه واحطه في جيبي هههههههههههه

  2. هلا بك وسائط وكلمات حلوة تصلح للرومانسيين .. انا بعيد عنها شوي ( اقصد الرومنسيه) 🙂 ويمكن فاتت من جنبي وانا ما ادري ! همسة صغيرة ارجو تقبلها في الرسال رقم (2) الكلمة ( يا خلف الله) وردت بهذا الشكل وهذا خطأ الصواب ( يخلف الله) من الفعل خلف يخلف وليس خلف الله احد . ( لاشيء قبله ولا بعده ) سبحانه تقبل التحية وفقك الله وبارك فيك

  3. يعطيكم العافية بس حاب أستفسر رسايل زي كذا أقدر أرسلها على جوالي وشلون لأنها مررررررره حلوه تكفون أفيدوني وتقبلوا تحياتي

  4. بسم الله ماشاء الله تباركـ الله عالروووووووعة .. ماني مصدق في ناس تقدر تبدع لهالدرجة .. ! ماأقول غير إلى الأمام دائماً .. واستمري أختي في طرح مثل هذهـ المواضيع الرائعة بحق .. وتقبلي أرق التحايا واد مكة

  5. awl shai tslm 3la hlklam ele fo8 elmobd3 this us the first time a7e6 comment 3la mwtho3 bs mn kthr ma oho rw3a ystahl yn8alk 3leh thnx it’s fantastic realy

  6. كتاباتك فوق الرائعة ووفوق القمة ومناسبة لزماننا هذا ياليت تكثر لنا من مواضيع الخيانة والنفاق والغش واتزيد لانها هي اصلا الموجودة في هذا الزمان وموضة العصر …. مع تمنياتي لك بالمزيد من التقدم وفي انتظاار الأجمل والأجمل واتمنى ان لاتبطئ في تقديم الجديد .. والى الامام

  7. يعطيك ربي العافيه وبالنسبه الى الوسائط الاولى اروع ماقيل وبجد تسلم هالانامل الذهبيه اياد

  8. الف الف شكر ماشاء الله تبارك الله فعلاا ابداااع بمعنى الكلمه سلمت يداك وننتظر جديدك الرائع

  9. السلام عليكم.. دايم ايميلاتك تعجبني وتصاميمك اروع واروع ماشاء الله 🙂 لكن عندي ملاحظه على احجام الـMMS احسه كبير حبتين (ايقونه متوزيه)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

وسائط MMS – تدري وش ينهي غيابك

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول