وزارة الداخلية طيحني وأترك غيري


السلام عليكم ورحمة الله وبركاته

وكل عام والجميع بألف خير وجعلنا ممن
أفنى وقته في صيامه وقيامه.
أشكر كل من تواصل وسأل . ولا اطيل


وزارة الداخليه طيحني واترك غيري

جريئ أم جميل ذلك القرار الذي قرء على مسامعنا قبل أيام قليلة الصادر من وزارة الداخلية .

يقول القرار أن وزارة الداخلية قد طبقة نظام التوقيف بحق أي شاب يرتدي بعض الملابس المخجلة ومنها لبس البنطال او الشورت
بطريقة ( طيحني ) أو موديل ( سامحني يا بابا ) . ليتني استطيع إيصال صفة ذلك اللباس دون ان اذكر تلك الأسامي المخجله .
ويتضمن القرار أيضا التصدي لإسبوع الشجرة أقصد ( الكدش ) وطول الشعر والقزع .
وهذا القرار جدا اسعد العقلاء والجم بعض العقول ( النخره ). المطالبة بحقوق المرأة تارة وبالحقوق الشخصية تارة اخرى حتى
باتوا يطالبون بحقوق الحيوان ( اكرمكم الله ).
وكأن الإسلام لم يكفل تلك الحقوق فحقوق المرأة لن أتطرق لذكرها لأن من ينكر تجاهل الإسلام لتلك الحقوق شخص جاهل بكل إختصار
أما بالنسبه للحقوق الشخصيه جاءت تعليقاتهم على تلك الصيغ:
( انا اشوف كل شخص حر بتصرفاته دامه ما يضر احد )
( شلون يمنعون هاللبس وهو غير منافي للشريعة )
( بيلبسوننا على كيفهم )

كل ما سبق وأكثر قد تأتي ردة فعل للقرار وقد تأتي كوجهات نظر لأثكر من شخص عند طرح تلك القضيه في أي مجلس أو منتدى لتبادل
وجهات النظر وهذا حق خاص بغض النظر عن الإحترام من عدمه لوجهة النظر ( بتحفظ ).
حرية التصرف حق لكل شخص شرط ألا يخدش الحياء العام وما ورد خدش بل صدع للحياء.
الأصل في الدين في جميع المسائل التحليل الا ما حٌرم بالكاتب او السنه او بالاجماع وما سبق حرام بالكتاب والسنه والإجماع لأن فيه
تشبه بالكفار وظهور للعورة.
الدستور هو القرآن والسنه فمن الواجب منع كل ما يخالف ذلك وتطبيق العقوبات بحقه .

تلك هي الإجابة على بعض ما ورد من وجهات نظر يحتمل ورودها كردة فعل أو وجهة نظر .
اكرر اعجابي بالقرار الا اني اتحفظ على العينات المطبق عليها هذا القرار واقصد بالعينات كل شاب ( عادي ) يتم ايقافه من رجال الدولة
سواء كانوا رجال شرطه او هيئة.
عينات اخرى تم غض الطرف عنها مع وجودها بشكل واضح الى واضح جدا لكل مسؤول ويا حبذا لو تم جعلهم العينات الاولى لتطبيق
القرار لأنهم يعدون للأسف قدوه لبعض الأشخاص لا سيما صغار السن والمراهقين.
فكيف تطبق القرار بحق مراهق اخذ من ( كدش )بعضهم قدوه وتنسى ان تطبق القرار ولو بالمانصحه والأمر
لأشخاص نراهم ويراهم غيرنا في المحافل العالمية ويعتقدون أن هذا ما عليه الشباب السعودي.
ذلك الشاب المراهق قد لا يراه إلا انا وغيري من مرتادي الأماكن العامة في المملكه . اما مثل بعض من يُسلط الضوء عليهم اعلاميا تراهم
اعين العالم أجمع في جميع المحافل المحلية والإقليميه والقارية والعالمية .
نعلم أن الملاعب السعودية تم ( سن ) بعض القرارات بححقها بحكم انا واجهة للشباب السعودي ولكن لما لا تفعل تلك القرارات ولو بحق
اللاعبين السعوديين . فلكم في كدش ماجد المرشدي ( سابقا ) و نايف هزازي وقزع محمد نور وقصة السعران خير دليل على ان الشر
ينبع من رموزه.

قفله
الحمد لله على سلامة سيدي صاحب السمو الملكي الأمير محمد بن نايف مساعد وزير الداخلية للشؤون الأمنية وجعل الله كيد من ارادنا
وأراد بلادنا وقاداتنا في نحره


بقلم الملازم / سلمان الحردان
تواقيع وحروف


تعليقات 73

  1. الله يعطيك العافية أخوي سلمان .. لكن من وجهة نظري تطبيق القرار على الشاب (العادي) سليم .. من باب أنه ليس كل من طلع على السطح وأبرزته الشهرة يعتبر (قدوة) ..

  2. مقال طيب ياملازم يعطيك العافيه بس كونك اعتبرت لاعبى الكره رموز فاانت اخفقت اتمنى لك التوفيق وليسوا رموز الا لمن ارادهم رمز تحيه طيبهB

  3. اشكرك وانا سعيده بهذا الخبر الذي قد يصحي شباب الامه من الضياع والاستهتار وعدم الاحساس بالرجوله

  4. اخوي سلمان انا معاك فـ كلامك كلام سليم وتحليل موفق لـكن فـ موضوعك بعض الاسقاطات على اشخاص .. انت فـ موضوعك تطالب بتطبيق القرار على الجميع من مبدأ المساواة ايضاً اتمنى من مبدأ المساواة لو ذكرت جميع المخالفين المشهورين .. او ماجبت سيرة نايف هزازاي وابو نوران وغيرهم ممن ذكرتهم من الاساس ! بالتوفيق

  5. والله ياغالي انا معاك في الي تقوله وموضوع اللبس يقهر تحس انك في مدرسه او شي انا احب انه يكون الوطن اكثر حريه عشان لا نحس يوم نخرج من اعمالنا او من مدارسنا اننا مازلنا مكبوتين ورانا بشر يراقبوننا في اشياء مباحه لنا في ديننا انا اشوف انه من الغباء منع البس والشعر وما الى ذلك وزيد الطين بله وهذا يئثر على شعور هواه تربية الشعور او اللبس على الموضه بيسير مثلهم مثل مدمنين المخدرات والارهابين كلهم مطاردين صحيح انه الذنب يفرق بس بما انه ذنب بيصغر بنضره الذنب الثاني يعني هي خاربه بيعميها

  6. اوافقك في انو لازم يمنعو البناطيل الي ذكرتها لانها تظهر العورة اما الشعر هل هوا يظهر العورة ؟ السنة النبوية والكل مجتمع انو القزع من القصات المحرمة لكن هل الكدش أو الشعر الطويل من المحرمات ؟ او انهم عندما يرون شاب ملتزم ومطيل لشعره تركوه واذا لم يكن ملتزم ومطيل لشعره يمسكوه ؟؟ اعتقد انو القرار في شي من الظلم والله يكون في العون

  7. السلام عليكم و رحمة الله,, اولاً: الحمد لله على سلامة صاحب السمو الملكي الأمير محمد بن نايف وإن شاء الله ربي يحفظه و يحفظ كل قيادتنا الغالي على قلوبنا.. ثانياً: عزيزي الملازم سلمان اشكرك على موضوعك الحلو.. بس عندي نقطه لو ممكن القرار حلو و عاجبني بس حبيت اسئلك هل القرار يطبق على كل انسان في المملكة العربية السعودية.؟ لو كانت اجابتك بنعم ردي لك .. اتحداك.. لانه لا يطبق إلا على المواطنين العاديين او ما درج تسميتهم مواطن من الدرجه الثانيه.. على العموم انا لن اتطرق لموضوع التفرقه ولا الواسطه ولا لاي شي من هذا القبيل لكن سؤالي لماذا يمنع لبس ما يسمى بــ ( البرمودا) ؟ << تراهم ما مسكوه عشان برمودا ابد :~ فهو لباس ساتر ولا يوجد فيه اي اسبال ولا فضح للعوره و اغلب الملتزمين دينياً يفضلونه على ما يسمى (بنطال بنطلون) و اما عن التشبه فصوره كثير و الحمدلله فنحن نتشبه بالغرب في امور كثير منها و اقربها استخدام اجهزة الحاسب الآلي فمخترعوها و مصنعوها غرب.. 😀 سـ تقول ( ناخذ من الغرب افضل ما لديهم و نترك الامور السيئه ) و ان لنا عقول نفكر بها؟؟ عفواً عزيزي عندما يصدر قرار بمنع لبس البرمودا و الشورت لماذا لم يحظر و يمنع استيرادها من قبل وزارة التجاره او الجمارك او الجهه المسئوله عن ادخال مثل هذه الملابس إلى اسواقنا ما ذنب الشاب اللذي اشترا ملابسه من الانواع المحظوره؟؟ ؟ قرارات كثيره تصدر و نشكر من اصدرها لكن كنا نتمنى لو فكرو قبل اصدارها ولنا في قرار (الساعه 12 ) اسوة حسنه فهو قرار فاشل بكل ما تحمله الكلمة من معنى لم يستفد من تطبيقه سوى البعض لكن اتمنى انا و كثير غيري من سكان العاصمه ان اللذي اقترح و اشار بمشورع (الساعه 12) ان يجلس في الرياض في اجازة الصيف و ان لا يحصل على تذاكر خارجيه له و لافراد اسرته و ان يسافر كل الخدم و الطباخين في قصره و لا يكون في قصره إلا هو و يوقضه جوعه عند الساعة الواحدة صباحاً ليعرف ماذا فعل بالمواطنين هداه الله و رعاه.. و شكراً.. مع فائق احترامي و حبي و تقديري.. مجرد مواطن الرياض

  8. :>بداية موضوعك جميل ولكن مع الاسف الشديد خربتها في الاخير :~ مادري وش فايدة ذكر الاسماء برغم لهم فتره و الان اعتدلو اتوقع ربماء يمكن وصلتك المعلومه غلط ربماء اما قصة السعران فانا لا الومك فانت لا تميز بين تربيت الشعر بين قصه الشعر فالاخير فانا ويك مسيرين وليس مخيرين

  9. السلام عليكم و رحمة الله,, اولاً: الحمد لله على سلامة صاحب السمو الملكي الأمير محمد بن نايف وإن شاء الله ربي يحفظه و يحفظ كل قيادتنا الغالي على قلوبنا.. ثانياً: عزيزي الملازم سلمان اشكرك على موضوعك الحلو.. بس عندي نقطه لو ممكن القرار حلو و عاجبني بس حبيت اسئلك هل القرار يطبق على كل انسان في المملكة العربية السعودية.؟ لو كانت اجابتك بنعم ردي لك .. اتحداك.. لانه لا يطبق إلا على المواطنين العاديين او ما درج تسميتهم مواطن من الدرجه الثانيه.. على العموم انا لن اتطرق لموضوع التفرقه ولا الواسطه ولا لاي شي من هذا القبيل لكن سؤالي لماذا يمنع لبس ما يسمى بــ ( البرمودا) ؟ << تراهم ما مسكوه عشان برمودا ابد :~ فهو لباس ساتر ولا يوجد فيه اي اسبال ولا فضح للعوره و اغلب الملتزمين دينياً يفضلونه على ما يسمى (بنطال بنطلون) و اما عن التشبه فصوره كثير و الحمدلله فنحن نتشبه بالغرب في امور كثير منها و اقربها استخدام اجهزة الحاسب الآلي فمخترعوها و مصنعوها غرب.. 😀 سـ تقول ( ناخذ من الغرب افضل ما لديهم و نترك الامور السيئه ) و ان لنا عقول نفكر بها؟؟ عفواً عزيزي عندما يصدر قرار بمنع لبس البرمودا و الشورت لماذا لم يحظر و يمنع استيرادها من قبل وزارة التجاره او الجمارك او الجهه المسئوله عن ادخال مثل هذه الملابس إلى اسواقنا ما ذنب الشاب اللذي اشترا ملابسه من الانواع المحظوره؟؟ ؟ قرارات كثيره تصدر و نشكر من اصدرها لكن كنا نتمنى لو فكرو قبل اصدارها ولنا في قرار (الساعه 12 ) اسوة حسنه فهو قرار فاشل بكل ما تحمله الكلمة من معنى لم يستفد من تطبيقه سوى البعض لكن اتمنى انا و كثير غيري من سكان العاصمه ان اللذي اقترح و اشار بمشورع (الساعه 12) ان يجلس في الرياض في اجازة الصيف و ان لا يحصل على تذاكر خارجيه له و لافراد اسرته و ان يسافر كل الخدم و الطباخين في قصره و لا يكون في قصره إلا هو و يوقضه جوعه عند الساعة الواحدة صباحاً ليعرف ماذا فعل بالمواطنين هداه الله و رعاه.. و شكراً.. مع فائق احترامي و حبي و تقديري.. مجرد مواطن الرياض

  10. القرار كان جدا حكيم بس المشكلة وين العساكر الي بيطبقون النظام بشكل (((((((((((((((((((((((((((مهذب))))))))))))))))))))))) يعني من دون ما يجب العيد فيك العسكري باسلوب دفش هذا غير الي يجي هو مسويها مشكور يا بعد شبدي

  11. اولا انا معك اخوي سلمان في كل الي قلته وكلامك صحيح ميه بالميه ثانيا الى اخوي عبدالله الحمراني .. انت ماتقول تاخذ حريتك في وطنك .. طيب انا بقول بطلع في الشارع اكرمكم الله ماعلي شي .. باخذ حريتي مثل ماتقول .. ياخي لازم يكون وراك بشر يراقبونك ويراقبون تصرافاتك .. واذا كنت بتقول لا هذا الذنب يختلف عن الي انا اقوله .. انت قلت ..:بما انه ذنب بيصغر بنضره الذنب الثاني يعني هي خاربه بيعميها .. يعني يبغالي تراجه نفسك شوي .. وتشوف هل القرار صحيح ام لا .. واعلم انهم لو سمحوا بهذا الشي والله بيتمادون .. سمحوا بالكدش شوي جر (الكدش) على( البكسر) الي والله محد كان يعرفه كل(ن) لابس سناوي هع يكرمكم الله شوي جر البكسر على (طيحني) شوي على (بابا سامحني )بعدها وش (ياجماعه اعذروني) هع استغفر الله بس ..

  12. ارى القرار شجاع وممتاز من حكومتنا لكـن أليس الأولى تقييد حرية النساء بالمخصـر والمزخرف وغيرها ؟؟ ام ان القرارات تحكي جزء جديد من اضطهاد الشاب السعودي العازب المأكول حقه في في الحل والحرم تمنيت في لحظات كثيرة ان اكون وافد لأن الحياة بالفعل تختلف للأعلى معه رحماك يا ربي !!

  13. انا من انولدت وشعري كشيشة موب كدش8) احب شعري كذا ما اعرف شيء اسمه مكينة وغيرة شوي كنت باروح اتعشى تشيليو مع اخوياي في التحلية قال اثبات خويكم اللي ورا >>>>> اللي هو اناB B قال حول من السيارة و اركب الدورية >>>> اول مره اركب دورية حسيت اني مجرم مثل افلام ام بي سي 2 :$:$:$ ودوني قسم السليمانية و ودوني لغرفة فيها هندي معه مكينة و حلقني زيييييييييييرو :(:(:(:(:( ثمن جاء الضابط عطاني كم تهزيئة و نفخة على الماشي شر البلية ما يضحك قال الضابط عط الهندي عشرة ريال ه :$:$:$:$هههههههههه و قعدت ساعة و طلعوني تخلففففففففف

  14. الآن سؤال يا رجل الدين اللي خايف على دينك وهامك الحياء العام!! ما علمك من علمك الخوف على دينك وشيلة هم الحياء العام إنه ناس يدخلون الجنة بسبب (حقوق الحيوان هذة) اللي تتبعها بأكرمكم الله وانت ليل ونهار طايح بأكلهم !!! يا سعادة الملازم المحترم الحين هامك واحد طالع من بيته في حال سبيله (مكدش) والا (مقزع) والا (مطيح) بنطلونه, رغم ان قسم بالله انك ما تدري وشه ال(كدش) ولا وشه (طيحني) وان اي واحد طال شعره عن مستوى النظام المتخذ به في العسكرية قلت كدش, وموب هامك انه ذوله العساكر والضباط بدل لا يلاحقون ذولي المراهقين اللي حالهم بحال سبيلهم, يقعدوا يشغلوا نفسهم باللي داخلين على مكاتب رجال الدولة ويلعبون طراطيع والا اللي دايرين على هالشباب والبنات بهالمخدرات والحبوب والبلاوي !!!! اللحين قاهرك لاعب كورة وموب قاهرك واحد لابس اللبس الرسمي زي ما تبيه انت ومن حط القرار بالضبط قاعد يبلع بهالحبوب ويشرب بهالحشيش ويتحرش ببزارين الناس في الطلعة والنزلة !!!! أقول وقسم بالله ما وراكم الا الهياط ثم الهياط ثم الهياط وانه قرار يدل على تفاهة في النظرة للأمور وآسف ان كان لساني طال, لكن من جد حالكم يقهر ويحبط

  15. دعني اقف معك نقطه نقطه غهناك نقاط كثيره لم تعجبني وها انا اتحدث عن نفسي ليس عن غيري اولا:قولك( ليتني استطيع صفة إيصال ذلك اللباس دون ان اذكر تلك الاسامي المخجله ) عفوا فانت هنا تتحدث فقط عن الاسامي التي اخترعها السعوديين فقط لذلك لا تخجل فأبناء جنسك هم من قاموا بتسميتها ثانيا:. نعم هناك حقوق للمرأة وانت انكرتها لعدم تطرقك اياها هل لي بوقفه بسيطه معك لاخبرك عن شخص عندما يتحدث عن امه او اخته أو زوجته يقول للذين بصحبته (أكرمكم الله ) أين حقوق هذه المرأة انت فقط تتحدث عن الاساسيات هل الدين يقول انظر للمرأة بعين التصغير ؟؟؟ ثالثا:. لماذا لا تريد ان يوجد حقوق للحيوان هل رأيت مقطع بلوتوث ذلك الشخص الذي يقيد النار في الكلب وهو مازال حي اتق الله فلو كان هناك لهذا الحيوان حقوق لما تعذب بالنار وهو حي فلا يعذب بالنار الا رب النااار رابعا :.قال صلى الله عليه وسلم :.( من حسن إسلام المرء تركه مالا يعنيه ) فاترك عنك مالا يعينك لان هؤلاء الشباب لا يعنون لك شيئا واذا اردت ان تكون حربة خير لهم فجعل لك موضوعا بدل من الهجوم عليه نصحهم وتوعيتهم فليس هناك شيء ياتي بالعنف والقوة فلو حلق رأسه هذه المره سينبت مره اخرى وان لم يلبس مايريد في الشارع لبسه في المنزل والرسول صلى الله عليه وسلم يقول لك :.( الدين النصيحه ) اذا اردت مناقشتي ففعل لكن لا تكفرني فأنا مثلك اشهد أن لا إله إلا الله وان محمد رسوول الله .

  16. بالاول السلام على الجميع .. والثانيه والله قهر:( صحيح لازم يكون فيه حدود ولا صارت دردبيس لاكن حدود بالمعقول يعلم الله اني ماني راعي هالحركات واذا شفت واحد زي كذا :$:$اضحك عليه بس اقول هو حر بنفسه مدام مااخطا على احد ولا طلع بالشارع(ماعليه شي ) زي ماقال اخينا .. وبينهم فرق واااااااجد ولو طلع عريان اشنقووووه عشان يكون عبره::~:~ (( يعني حريه بس بحدود)) وحنا زي ماقال الاخ$$ مجرد مواطن$$ مواطنين بس من الدرجه الثانيه يعني اتركونا وشوفوا الي بالواجهه wy want altl free dam تحياتي للجميع..:D

  17. نحن مسلمون وعرب كيف تلبس هذي الملابس وتمشي في الشارع وتجلس مع الناس مافي حياء سبحان الله وين الاهل 🙁 والحمدلله على هذا القرار الحكيم من الدوله

  18. السلام عليكم أنا نزلت هذا الموضوع بكذا منتدى.. كل الردود: هذي حرية شخصيه.. كل واحد يلبس اللي يبي ومدري ايش. طيب اوكيه آلبس اللي تبي…بس لآتفتن البشر بمؤاخرتك المخيسه والمعفنه آرفع البنطلون شوي. من عقب كلآمهم حريه شخصيه ومن ذا الكلام…………رحت ادف حبوب ضغط:~ بصرآحه كل ما شفت شخص لآبس هذا اللباس من طيحني وغيرهـ تحوووووم تسبدي..:( وآنا مؤيد لهذا القرار …… وتحياتي لك ملآزم سلمان8) وســــــــــلآمتكم

  19. السلام عليكم ورحمة الله وبركاته … أشكرك أخي صاحب المقال على مقالك المتميز ؛ وأؤيد القرار 100% فلقد عانينا من هذه السخافات والتخلف الأخلاقي الذي ظهر عندنا باسم الموضة – زعموا – وما يعلمون أن مصدرها السجون الأمريكية !! ولكني كنت أتمنى أن يكون القرار قد ظهر قبل هذا بفترة ، وقبل أن تتحول هذه السخافة إلى ظاهرة كما هو الحال الآن. ففي أمريكا مثلا – والتي يسمونها بلد الحرية – وهذا الكلام موجه في المقام الأول لأولئك الذين يطالبون بالحرية الشخصية ، أقول في أمريكا قامت عدد من الولايات بإصدار قرارات وسن قوانين بل وغرامات مالية لمن يلبس هذه الأنواع من البناطيل وذلك قبل سنتين من الآن وليس الكلام وليد اللحظة بل القرارات في بعض الولايات تعود إلى خمس سنوات .. أليس نحن المسلمين من باب أولى ؟!
    والله أعلم …

  20. في موضوع طيحني كتبت (وكأن الإسلام لم يكفل تلك الحقوق فحقوق المرأة لن أتطرق لذكرها لأن من ينكر تجاهل الإسلام لتلك الحقوق شخص جاهل بكل إختصار) الاسلام لم يتجاهل المرأة ولا حقوقها بل كرمها وجعل منها درة مصونه . وان شاء الله انه خطأ مطبعي والمفروض أنك قلت ( لأن من ينكر أن الاسلام أعطى المرأه تلك الحقوق شخص جاهل

  21. السلام عليكم.. عندي بعض التعليقات على بعض ما ورد في الموضوع.. يقول الاخ سلمان : {يقول القرار أن وزارة الداخلية قد طبقة نظام التوقيف بحق أي شاب يرتدي بعض الملابس المخجلة ومنها لبس البنطال او الشورت بطريقة ( طيحني ) أو موديل ( سامحني يا بابا ) .} طيب و البنات اللي يلبسون شورت او ميني جوب و يطلعون و العبايه تنفتح؟؟ يعني الفته في الشباب هم و سيقانهم ؟ يعني سيقان البنت ما تفتن ؟ طيب مو مشكله نمشي هذي.. يقول: {ليتني استطيع إيصال صفة ذلك اللباس دون ان اذكر تلك الأسامي المخجله .} كما ذكر الاخ crazy هذي التسميات هي من اختراعكم يا عزيزي.. و من المفروض ان تفخر بالاختراعات السعوديه.. هع يقول: {ويتضمن القرار أيضا التصدي لإسبوع الشجرة أقصد ( الكدش ) وطول الشعر والقزع .} عفواً لا تحاول تخلط الحلال بالحرام لان القزع حرام اما اطالة الشعر فهي جائزه.. تقول: { وهذا القرار جدا اسعد العقلاء والجم بعض العقول ( النخره ).} لا تعليق.. لكن كيف عرفت ان عقولهم نخره؟؟ هل ناقشتهم؟؟ ام انت من من يقول بان كل من ليس معي فهو ضدي..؟ تقول : {المطالبة بحقوق المرأة تارة وبالحقوق الشخصية تارة اخرى} الاتعلم يا عزيزي ان هناك حقوق للمرأه كفلها لها الاسلام ؟ ولا تعلم بان هناك حقوق للانسان صاغها العزيزي الحكيم في محكم كتابه.. ادعوك لقراءة القرآن الكريم و تدبره لتعرف ان الاسلام قد حفظ للانسان حقوقه و للمرأة حقوقها حتى الاطفال قد حفظة حقوقهم في الاسلام.. تقول : {حتى باتوا يطالبون بحقوق الحيوان ( اكرمكم الله ).} عزيزي حتى للحيوان حقوق في الاسلام .. تقول: {وكأن الإسلام لم يكفل تلك الحقوق فحقوق المرأة لن أتطرق لذكرها لأن من ينكر تجاهل الإسلام لتلك الحقوق شخص جاهل بكل إختصار } الاسلام لم يتجاهل الحقوق الشخصيه ولا حقوق المرأة,, لا اعلم من اين اتيت بهذه المعلومه ولكن ارجو منك انت تتحقق من معلوماتك قبل ذكرها.. عزيزي سلمان و انا اتحدث اليك اعتقد باني اتحدث إلى شخص لا يعرف الاسلام و ليس من بلد الحمين و لم يدرس في نفس مدارسنا.. نحمد الله على ما نحن في من خير.. -لي عوده إن شاء الله و تتمة لهذا الموضوع ,,- مجرد مواطن الرياض

  22. ليت لم تذكر اسماء للاستشهاد بهم وهذا دلالة على ابتعادك عن الحكمة هذا شي والشي الاخر انت ليش حاقد ابدو بنفوسكم الوصخة ، استغلال في خلق الله عشان البذلة وسهرات اخر الليالي وفضايح وفالحين على الضعوف انصح بدون ذكر اسماء ، هولاء قدموا انت وش قدمت ، السرابيت كثر في البلد وحاميها حراميها

  23. والله يا أخوان أنا مع منع الطيحني , بس مين من أخواننا إلي بطبقون القرار يعرف إش هو الطيحني , يعني ذحين كل ما شافوا واحد لابس جنز و جاي شكله كول راحوا على طول شالوه . لا إحنا نبغاهم بالأول يعرفون إش هوا الطيحني . ثانياً : أنا ضد حلاقة الشعر ياخي ليش تحلقه الشعر سنه , و العجيب يوم تقول لواحد الشعر سنه يرد عليك و يقلك و مافي غير هذي السنه و إلا تطبق إلي يعجب بس , و لما يشوفوك مطول لحيتك يقولون إيوه هذي هي السنه , لكن تحصل هذا موطل اللحيه بس شكل و الثاني مطول شعره كمان شكل , يعني الإثنين زي بعض . بس عموما يسلمو على موضوعك و الشغله وجهات نظر تحياتي

  24. موضوع الملابس لاتعليق لدي واؤيد القرار لكن بخصوص المطالبين بحقوق المراه فان حقوق المراه بالفعل موجوده في الاسلام ولا احد ينكر ذلك لكن اين هي من يطبقها من يعلم عنها شي لااحد للأسف فالولد من نعومه اظفاره يتعلم الرجال قوامون على النساء لكن اساله عن حقوق والدته واخواته وزوجته فانه لايعلم عنها شي نحن نطالب بحقوق المراه الموجوده في الاسلام اصلا لااكثر ولا اقل رفقا بالقوارير خيركم خيركم لأهله وأنا خيركم لأهلي لاتخرج المراه من بيتها حتى تنهي عدتها بعد الطلاق من يبقي المراه الآن في بيته بعد ان يطلقها اين هذه الحقوق

  25. سلام يااناااس موضوع البناطيل هاذي زاد عن حدوو وكلامكم كلووو صح بس ياااناااس دحين مسووين على الشبااب مشاكل على موضيع البناطيل ليه مايروحو يشوفو التجار اللي منزلينها بالسووق ويسحبو بضاعتهم من السوق ويريحونا..؟ وبعدين اذا البناطيل مره مو عاجبتهم وماااايبغو احد يلبسها عشان عوره ومن كدا ليه مااشاافو عبااياات البنااات ليه مااامنعوها واذا شافو واحد لابسه عبايه مخصره شالوها على الهئيه ؟؟؟؟؟ انااا مادري اش البنطلون الجديد دا اللي نزل بس اكيد انو زي اللي قبلو ماسخ ومعفن اما حلاقه الشعر الناس اخذتها موضه وانا اشوف مافيها شي الواحد يطول شعرو بالحد المعقول

  26. بالامس قرأت خبراعن قرار وضع مكاتب لهيئة اللامر بالمعروف في درة العروس وغيرها من الشاليهات واليوم خبر منع اللبس الشاذ من قبل بعض الشباب هداهم الله وكل ذلك بامر الامير نايف بن عبدالعزيز فلا اقول الا جزاك الله الف خير ونرجو المزيد من الاصلاح ومنع المنكرات فالامه في الوقت الحاضر بالذات محتاجه لصحوه ويقظه وخاصه من القاده امثالك كي لا نجلب سخط الله لنا

  27. قرار غبي جدا حق الكدش انا ما اشوف انه فيه عيب انك تطول شعرك , اما طيحني قرار حلو بس لأنه فيه اظهار للعوره واحس فيه قلة ادب , بس البرموده وش فيها؟؟ مافيها اظهار للعوره مثل طيحني وطقتها, وانا رأيي لو يخلون كل واحد فحاله احسن ناشبين للشباب فكل شي والحين بتنشبون لهم حتى فانفسهم , اتمنى تخلون كل واحد فحاله اصرف

  28. اخوي مشكور ع رايك بس ابي اعرف وش المشكله بالكدش ؟؟ ممكن طيحني ايه هذي مخالفه للشريعه بس بتقولي الكدش تقليد للكفار صراحه ما اشوف فيه تقليد بعدين كون انهم يطبقون هالشي ع ناس وناس لا هذا مو معقول يالكل يا ولا احد عموما الله يهديهم ويردهم للصواب بس صراحه شي يقهر

  29. نحن معك اشكرك وانا سعيده بهذا الخبر الذي قد يصحي شباب الامه من الضياع والاستهتار وعدم الاحساس بالرجوله

  30. السلام عليكم طيب لو ماتبون احد يلبس هاذي الأشياء مثل الشورتات والبرموده طيب لا تستوردونها هذا الكلام حق وزارة التجاره مو لنا

  31. بصراحه أتعجب من طريقة فهم البعض لموضوع طرح للنقاش لا اكثر ولا اقل أشكر كل ما ايد وكل من عارض وكل من اكتفى بكلمة شكر حينما اطرح وجهة نظر في قرار لوزارة الداخلية لا يعني هذا اني احد الخوارج او الجهلاء بالدين حتى يأتي شخص ويقول لا تكفرني فأنا اشهد انا لا اله الا الله وان محمد رسول الله أتمنى ان نرتقي بالقاش . مع التحيه

  32. اول شيء وقبل كل شيء السلام عليكم ورحمه الله وبركاته مررره شكرا وتسلم يا استاذ سلمان بصراحه بصراحه القرار فيه جانبين جانب حلو وجانب شين الجانب الحلو ان الاشكال اللي تلبس طيحني معد راح نشوفها ولاتقولون حريه شخصيه الا هذي قلة أدب بعينها وعلمها يعني معقول ماتعرفون وش معني البنطلون لمن يكون طايح معليش اللي مايضبط نفسه يحتاج من يضبطه كل يوم قاعدين نشوف اشكال ونقول الله يستر من الجاي الجانب الشين انو لبس(البرمودا) ممنوع لييه؟؟؟؟ هو غصب انو الواحد يلبس الزي الرسمي يعني معليش اللي يلبس برمودا ينمسك ليهB ؟؟ وش مسوي شكله مرتب ولا فيه شيء غلط والا يعني من باب سد الذرائع8) والشعر مفروض يكون فيه حد معين يعني انو مايتعدى الاكتاف يعني الحين اخوي تعودت على شعره شوي شوشه طالع وش ملحه:D تبونه يحلق ليه عسكريه حنا:( ومن جد يعني هذي شفتها كثير لمن يكون الشخص الماثل امامكم من جزاك الله خير وملتحي وشعره واصل لين اكتافه يحوم الكبد عااادي ياعمي لمن راح تطبق نظام طبقه على الكل ولا تستثني احد والا راح يعتبر القرار فيه طبقيه واحنا مانرضى بكذا

  33. فحقوق المرأة لن أتطرق لذكرها لأن من ينكر تجاهل الإسلام لتلك الحقوق شخص جاهل بكل إختصار تركيبك للجملة خاطئ جعلت الإسلام متجاهلا لحقوق المرأه لعلك تقصد العكس.. راجعها

  34. بالنسبة لطيحني وسامحني يابابا انا أسمح للحكومة بالمنع اما بالنسبة لتطويل الشعر فا أقول إنه مافي داعي للمنع كان الاولى منع كشف الوجه للنساء وعلى قولت خوينا اللي علق أولا يمنعون العبايات المزركشة والمخصرة والنقاب اللي يخلي الشباب تبحلق غصب أشياء من هذا القبيل وشكرا للحكومة

  35. اول شيء وقبل كل شيء السلام عليكم ورحمه الله وبركاته أحب اشكر الاستاذ سلمان على مقالته واقوله انو مقالته بما فيها من كلمات يوجد بها الكثير من الصحه وبعد انو القرار اللي صدر بالنسبه لي <<وأشدد عليها بالنسبه لي يحمل جانبين جانب شين وجانب حلو الجانب الحلوو انو احنا راح نفتك من الاشكال اللي نشوفها يعني انا بفهم بس لمن الولد يطيح بنطلونه ويطلع البوكسر وجزء من اللي متتسماش يالله سبحان الله مررره تطور وصلنا للقمر عيب ايه والله عيب شباب كبار وواضح انهم دارسين يعني مو فاهمين وش معنى انو الولد لمن يطيح بنطلونه ويطلع البوكسر يعني معناتها انو الولد يبي ووده….طبعا انتم عارفين وش اقصد ليش نقلد وحنا مو عارفين وش معناتها الجانب الشين ليييه لبس (البرمودا) ممنوع لييهB بفهم يعني من جد احس ماله داعي منعه والشعر للاسف انو يطبق على ناس وناس لااا يعني اللي اقصده انو لمن يكون من جزاك الله خير وملتحي وشعره واصل لمن اكتافه حلال لكن ولد ثاني لا حرام وتعال اركب ويطبق عليه يعني المفروض يكون فيه حد معين للشعر يعني مو يكون طويل مرره ويكون مكدش شوي لانو فيه بعد مراهقين يبي يعيشوون حياتهم خطأ نقولهم عيب ممنوع لاتطول شعرك هو لمن يكبر راح يوصل للسن راح ينضج فيه تفكيره

  36. انا فرحت لما منعوا بنطلونات طيحني وباباسامحني والاسماء الغبيه ذي لكن الأولى انهم يصادرونها من السوق,,يعني مثلا ذاك اليوم رحت مع اخوي لمحل بشارع العليا(ليمون) ساعه يدور بنطلون ,,سأله قال: ماعناا كل اللي هون لوو وست!!! يعني الحين يمسكون اللي بالشوارع وبسياراتهم وتاركين الي بالمحلات والله شي يقهر انا معهم يمنعون الشورت والاشياء الي تظهر العوره وتخدش الحياء لكن غيره مالهم حق ابداااا .. واعتقد فيه بالبلد اولويات اهم من الكدش والبرمودا والزي منووه!! مجرد رأي

  37. أحب اشكر الاستاذ سلمان على مقالته وعند ملاحضات بسيطة ماخرب الشباب السعودي غير العبنده الي حطينهم سعوديين ياأخ لو بتشوفهم كل يوم لبس مقزز من ملابس وقلايد مع انها للنساء واساور ….الخ اضف الى ذلك العرب الجانب عندنا بالمكياج واتسريحات والكريمات . يعني وين راحت المرجلة من السعوديين في البس المعتدل في الشكل المقبول في الادب مع الناس …… الخ مشكلتنا نحن السعوديين نقلد اي شيء يظهر على الساحة وبعد فترة تطول او تقصر على حسب الظاهرة تبدأ الملاحظات والكلام علية من صح وخطأ الى غير ذلك . الكلام في هذا الموضوع طويل لكن هذا جزء من كل وشكراً

  38. السلام عليكم ورحمة الله وبركاته اما بعد…… عزيزي الملازم/سلمان الحردان في البداية استميحك عذرا على ما ذكرت آنفا عزيزي نحن في دولة تطبق الشريعة الاسلاميه باصولها وبادبها وليس بالعنجهية..<<<<< المتبعه لدينا . انك تقول ان هذا الكلام موثق.. و انه باصدار من وزارة الداخليه وانا لا ارى ذلك ولا اظن ان غيري رآه. عزيزي لوكنا في السابق من من كانوا لا يفقهون شئ فاليوم نفقه ونعرف ما لنا وماهو مطلوب منا . اخي الملازم هل يعقل من مملكتنا العزيزة والمحترمه ان تلتفت لتوافه الامور!!!!!!!!!!!! ونحن بحاجة لتوطيد الامن… هل يعقل باننا وصلنا لمرحلة عدم وجود مشاكل امنيه!!!!!!!!! كي نلتفت للشباب وطريقه لباسهم و قصات شعرهم …. فاذا وصلنا الى هذة المرحلة كما تدعي ويدعي غيرك من رجال الدوله الافاضل وباكاذيبكم التافهه فماهو الجديد وضع رجل امن لكل شخص!!!…….. يمشي معه كضله!!! وماذا ستفعلون ايضا للنساء هل ستغلقون الكوافيرات عليهم ؟؟؟؟ حضره الملازم وحضرات رجال الدولة الافاضل اريد ان احيطكم علما بان احد اخوتي مات بسبب المخدرات فاين انتم وقت استخدامة تلك الممنوعات والادهى والامر لماذا لا تلقون القبض على من يروجها ويهديها ام انكم التفتم الى توافه الامور لعدم مقدرتكم على كبح الامور الاهم في الختام وما اريد ان اوضحه لكم بانكم غير مقتدرين على فعل الواجب المطلوب منكم وهو( حمايه الدوله ووضع الامن والامان بها) فاظفتم واجبات اخرى ومن تاليفكم الخاص وبكل صراحة اقولها نحن بحاجة الى اعادة ترميم وبناء القطاع العسكري لدينا ووضع ظوابط لهم وبصراحه تامه اود مقابلتك شخصيا و مناقشة هذا الموضوع وغيرة من المواضيع الاخرى ودمتم

  39. عزيزى الملازم المحترم اذا كنت انت تنتقد القرارات الصادرة عن وزارة الداخليةالا تعتقد ان لهذه القرارات حيسيات هم ادرى منى ومنك بها………… اعانهم الله على ما ابتلاهم وشكرا

  40. مشكور اخوي عبدالعزيز على هالموضوع بس ياليت انه مايتطبق هالقرارلانه بصراحه قرارماله داعي يعني ايش فيها لو الشباب لبسو طيحني والابرمودا والاطولوا شعورهم وسووهابالطريقه اللي تعجبهم لاتلتفتوا للاشياء الصغيرةالتافهه يكفي انه شبابناضايعين لاتضيعوهم زياده من يدناوالله حرام عليكم محاربينهم من كل مكان في الاسواق والمنتزهات والمطاعم كل مكان شارطين العوائل حتى لوشافوا واحدجالس لحاله على الكورنيش شالوه واتهموه انه يغازل ومضايق العوائل اللي حوله حراااااااااااااااااااااااااااااام عليكم عطوهم شوية حريه خلوهم يحسوا بنفسهمترى الحبسه والضيقه حتولدمنهم ذاشياء ماتتوقعوها ويمكن تضرنفسهم وتضرالبلدكلهاولك كل الشكر على هالموضوع وتقبل مروري

  41. للأسف ان هناك بعض الردود تدمع لها العين وللأسف يعني معققققوووول فيه نااس وصل بهم الجهل انهم يسمون الرجل الملتزم جزاك الله خير هذي وين بترووح عن ربي واللله عيب انسانه مسلمه وتعرف الدين تسميهم كذا انا مايقهرني الا اللي يتريقون ع اللي يقول جزاك الله خير ماتدرين ان الرسول عليه الصلاة والسلام قال (من قال جزاك الله خيرا فقد ابلغ في الثناء) لكن وين اللي تهمه توجيهات الرسول بهالزمن الله يرحمنا برحمته بس:(

  42. اولا.. دعني افصل القرار من الناحية الشرعية القزع نعم مكروه شرعا ويصل التحريم اذا كان فيه تشبه للكفار طيحني وغيره من طرق اللبس الفاضح الذي يبين العورة لاشك حكمه شرعا لايجوز لبيان العورة لكن تطويل الشعر لا ارى فيه شيء .. وكذلك لبس الجنز بشكل لايبين العورة لا ارى فيه شيء ثانيا .. حتى لو فعل هذه الاشياء .. الاولى مواجهتهم بالنصح والاقناع لا بالشدة والارغام ثالثا .. الدستور هو القرآن والسنه فمن الواجب منع كل ما يخالف ذلك وتطبيق العقوبات بحقه اذا المسألة مسالة تطبيق الشريعة لماذا لايتم ايقاف حليقي اللحى و اصحاب الشوارب العريضة لانها تعارض حفوا الشوارب واعفوا اللحى ؟؟!! لماذا لايتم ايقاف المسبلين بثيابهم ؟ لماذا لايتم ايقاف المدخنين ؟ وتطبيق العقوبات عليهم ؟ لماذا لايتم ايقاف من يستمع للاغاني ؟ رابعا : طيحني والكدش ..هذه موضة تأتي وتذهب بين الشباب .. الا تتذكروا قصة الكابوريا ؟ اين هي الان ؟؟ لذا لاداعي للضغط عليهم اكثر من اللازم .. دعوها فهي ستذهب من تلقاء نفسها خامسا.. انا ارحم شباب هذا المجتمع ليس لهم وظائف و ممنوعين من مراكز التسوق والمنتزهات ومحرومين من حرية اللبس تحت نطاق الشريعة و ليس لهم الحق ايضا حتى في شعورهم دمت بود

  43. معليشش يعني مع احترامي لصاحب القرار هذا قرار أعتبره سطحي جدن وأضعف مافي الايماان البلا والسبب مو من الكدش ولا من البرموده لاهو محرم ولا هو كفر ! اذا يبون يصلحون يصلحون مافي القلب يعني وش الفايده الواحد يحلق شعره ويصب مراهقته أو طيشه مثل ماهم يحبون يسمونها في شي ثااني ! صح الواحد مفروض يقابل ربه بأجمل صوره بس مو بهالاسلوب أسلوب تنفييييييير الله يهديه هذا الي يعطيهم الافكاار مره واحد يمسك يهزء ومره دوريه و الحين منع يعني كذا بتصلحون الشعب :~ الله يخلف بسسس B :> NANA

  44. للأسف قريت في الردود ما يثبت ان البعض (و هم القلة) عندهم جهل مدقع و قاعد يتصدر الفتوى ويفتي على كيفه و هو ما يعرف احكام الطهارة و اللي يقول القزع صح المفروض يمنع لكن تطويل الشعر المفروض ما يمنع كيف ما يمنع و هو تشبه في الكفار و مسح لمعالم هويتنا الاسلامية خاصة الكدش ذولا المخفات واحد اعرفه راح لامريكا و سكن عند ناس و كان شعره تقل غابات السافانا الاستوائية و الله العظيم ان راعين السكن لزموا عليه الا يحلق شعره و بالفعل حلقه و اصلا كان شكله مقزز و لمحنا له كم مرة بس الله يهديه كان اخذ مقلب بعمره عموما باذن الله الرمث المتنقل بينتهي و الله يسترنا بستره و لا يبلانا في من نحب

  45. أقولكم ليه (لا) لهذا القرار .. لأن كل ممنوع مرغوب … ويفترض مناصحة الشباب وتوجيههم بشتى الطرق من إعلام ومحاضرات وووو إلخ … هذا القرار يسبب مشاكل أكثر مثل العقد النفسية وتضييق عليهم وبذلك يحقدون على المجتمع ووووو … قال أيش قال قرار جرئ … أخي الله يحفظك هؤلاء شبابنا أولادنا وأخواننا بحاجة إلينا بحاجة لعطفنا وحناننا ودعمنا لهم …. لا أن نضيق عليهم … خلهم ياخذون راحتهم زي شباب العالم لكن ننصحهم نوجههم بشدة مع لين … أما قرار وتضييق عليهم لا لا لا وأنا أخوك.

  46. بصراحة ماني قادر ارد على موضوووعك لأنه ملخبط و ما يتكلم عن شي واحد لكن اخي الملازم واللي اتوقع ان بعد كتابتك لهذا الموضوع ح تصير ملازم اول خخخخخخخ اتوقع ان هذا قمع للحريات بتقول لي كشف للعورة؟؟ انا اقووول لك اللو ويست او كما تسميه انت و اشكالك طيحني ما يكشف العورة و السبب ان بين الخصر و حد البنطلون راح يكون التي شيرت او ملابس داخليه و السبب الثاني الكدش الكدش اتحداااك تثبت لي انه حرام بالعكس غير محرم لأن الرسول نهى عن القزع.. اما الكدش فالشعر راح يكون متساوي بصراااحة احس ان القرارات هذي تجي من فضاااوة و من باب اشغلهم قبل لا يشغلووونك و عاشت بلادي

  47. كنت قبل ما يقارب العام بولاية تكساس بمدينة دالاس الامريكية وقد اتخذ عمدة المدينة قرارا مشابها وتمنيت وقتها لو أن شبابنا اطلعوا على هذا القرار ليعلموا أن حتى الغرب قد اشمأز من هؤلاء الشواذ حيث كان القرار يلزم كل من يلبس البنطلون على نصف مؤخرته أن يدفع غرامة 500 دولار أمريكي وكانت كثير من الجمعيات قد طالبت بقرار من هذا الموع حيث أنهم يقولون ماذنب أطفالنا ونساءنا لكي يتعرضوا في الاسواق لهذه المشاهد والتي ينظرون اليها بأنها مخجلة ومخلة بالأداب العامة وأنا أقول اذا كان هذا هو رأي الغرب فما بالك بنا ونحن أهل الحشمة والحياء .. والنقطة الثانية أن أساس هذا اللبس الخليع كان قد بدأ من سجن ولاية كونتاكي بالولايات المتحدة حيث تظاهر المساجين ضد ادارة السجن بأن أنزلوا سراويلهم على نصف مؤخراتهم احتجاجا على احتجاجا على تجاوزات جنسية حدثت لهم داخل السجن ومن ثم اصبح لدى الشاذين في الغرب طريقة تميزهم عن غيرهم وبالتالي فإنني أنظر الى كل من يلبس هذا اللباس على أساس أنه شاذ جنسيا فهل تقبل على نفسك أن ينظر اليك هذه النظرة أمل ان تكون الرسالة قد وصلت كاملة لهؤلاء الشواذ والله من وراء القصد

  48. السلام عليكم 🙂 اقتباس : وهذا القرار جدا اسعد العقلاء والجم بعض العقول ( النخره ). المطالبة بحقوق المرأة تارة وبالحقوق الشخصية تارة اخرى حتى باتوا يطالبون بحقوق الحيوان ( اكرمكم الله ). وكأن الإسلام لم يكفل تلك الحقوق فحقوق المرأة لن أتطرق لذكرها لأن من ينكر تجاهل الإسلام لتلك الحقوق شخص جاهل بكل إختصار دقق معي في العبارة اللي انت كتبتها : لأن من ينكر تجاهل الإسلام لتلك الحقوق شخص جاهل بكل إختصار :> B :~ هل الاسلام تجاهل حقوق المرأة !!! اجزم ان الخطأ هنا غير مقصود .. لذلك يرجى التصحيح جزيت خيرا والسلام

  49. والله عيب! العالم يتقدم يكتشف مجرات جديده ويستخدم الطاقة النووية واحنا مطلعين قوانين زي كذا؟ صرنا نكتة للشعوب حاولينا!! ماقول الا ابشروا يا عرب بالتطور الي راح يجي

  50. اتفرجو على احمد الشقيري في خواطر واشوفو تطور اليابان واضحكو على نفسكم واضحكو على الحياة الي عايشينها

  51. شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت شعب مكبوت مثلما تخلص المسيحيون من السلطة الكنسية البابوية سنتخلص من الوصايا والرعايا علينا

  52. والله ما سوا فيكم كذا الا الفضاوة ولا مافي موضوع يتكلم عن اللويست ( طيحني ) الا وينكتب فيه سامحني يابابا اللي عمرنا ما شفناه حتى لو في افلام كرتون ولا صورة بالغلط وهذا ان دل دل على انكم تحبون البربرة بس ودليل على ان عقولكم اصغر من الشباب اللي يلبسون طيحني اذا حتى اللبس الشباب راح يلبسون بقرارات من الدولة ؟! وين الحريات واللي يحب تضخيم الأمور ويتكلم عن العورات وين العورات ؟! الجينز نازل خفيف والتي شيرت مغطي ولو بين شي بيبين البوكستر قماش حاله حال الجينز وين العوره هنا ؟! اما اللي ينزلون البنطلونات بشكل كبير هذولي النقا لبس الخوال ودائما لبسهم تي شيرتات كبيرة وطويله وين العورات هنا بعد ؟! بس ما أقول الا الله يشغلنا فطاعته

  53. شوف أخوي….بالنسبه للبناطيل ((طيحني وسامحني يا بابا))..أنا مع قرار منعها… لكن الشعر وتطويله….لا ولا ولا يا خي الكدش إذا كان بطريقه جدا مبالغ فيها …لازم ينشال..ما فيه مشاكل…. لكن تطويل الشعر العادي مثل هزازي….ما فيه شي والمرشدي والسعران….ما فيها شي ومحمد نور….ما فيها شي لأن الرسول عليه الصلاة والسلام كان شعره طويل ويوصل لشحمة إذنه…. والقزع مو حرام….:> إلي يقول القزع حرام ؟؟؟؟B ….تطلع أحكام على كيف أمك؟؟؟:$ القزع مكروه …. مكروه ….مكروه ….وليس حرام وتتقدر تتأكد:D يعني فيه أشياء صحيحه وأشياء خاطئه… أوكي…..لا تتكلمون في شي وإنتم مو متأكدين منه…. ولا تطلعوا أحكام من راسكم… 8)8)8)8)8)8)8)8)8) سلااااااااااااااام…….gلد جده

  54. اكيد موضوع طيحني قلة ادب بس هذه صفة لهذا المجتمع المنحل ومن شدة انحلال المجتمع السعودي وزارة الداخلية سابت كل مشاكلها وقعدت تدخل في مؤخرة الناس من جد قمة الفشل والانحلال

  55. آخوٍي / الملآآزم :: أوٍل شي وٍش آخبآرٍكـَ عسآك طيب .. :: ثـآنـي شي آلحين آنت تشووف إن الطيحني والكدش آههم .. مكآفحة الإرٍهآب وقطع الإشآآرٍهـ . ؟ .. بعدين آنتو العسسكرٍ آخرٍ من يتكلم عن الأموور الآخلأقيـه .. تدرٍي ليه .. آنآ آقول لك ليه .. تعآل بجدهـ السنه إلي فآتت باليوم الوطني .. جآ بآص الشغب .. ويمسكون الشبآب . بس آية شبآب يمسكون .. آلحـلـوٍين .. لـيـه .؟ < آتوقع آنك عرٍفـتـ ليه .. بس آنآ آبي آوصل لغيرٍكـ رٍسآلتي .. وإلي هي .. آلآن يمسك الشآب ويهددهـ بـ بالسجنّ والغرآمـة .. إلخ إلخ .. طبعآ كـ آي شآب مآ يبي المشآكـل فتدرٍوٍن وش يسووون إلي مآ يمششي ع كلآمهم هذا يرٍوٍح للتوقيف وإلي يرٍضـوٍن ويمآشونهم .. يجلسونهم بالبآص ليين تخف الزحمة .. بعدين مآ رآح آتكلم وآقـوٍل آيش بيصيرٍ :: عشآن كذآ آخوٍي الملآزم لآ تتكلم عن ا الأشيآءْ الهآبـطـه وآنتم منبعهآ .. تحيآتـي .. إلـكـَدـش خآلـد .. ويـد بيد .. كـدش وطيحني حرٍيـه شخصية مآ يحق لأي شخص كآن من الهيئة أوٍ العسآكرٍ .. يتحكمون بأشكآلنآ .. إذآ آهآلينآ رآضيين أنتوٍ ليه تحشرٍوٍن نففسكم .. // وبـعدين شوفو البنآت كآشفآتـ وآنوآع المكيآجـ والدلع .. وليه يآ آخوٍي الملآزم مآ تنزٍلون قرآرٍ بحبسسهم .. تدرٍي لييه .. لآن نفس إدآرٍتكم الموٍقررهـ تخآف ع بنآت النآس منكم .. إذا عيآل النآس مآ وفرتوهم كيف تبي البنآت توٍفرٍوٍنهم .. على كلنّ آخوٍي الملآزم .. آلنقآآش مآ بيزٍعل آحد .. بس بقول لكـ شي آنت أول مآ دخلت العسكرٍيـه شفت الإهآنـة لمن يجي الظآبط وٍيهزئـكـ ويجبرٍكم تقصون شعوركـم ع القصة العسكرٍية والتقيد باللبس العكسرٍي .. آحلفك باالله مآ كرهت الظآبط مآ منيت تقتلهـ .. بقول لك شي إنت تشوف الشعوٍرٍ إلي آنت حسيته تجآه ظآبطـك ترآ .. حنآ الشبآب صرنآ نحس فيهم بأتجآهكم .. صرنآ .. نقدرٍ .. القدوآت السيئة عليكم .. وهذا كلله منكم آنتم كرٍهتونآ فيكم .. تعآمل سيءّ .. عشآن علقت نجمة فوق كتفك حسيت آنك آحسسن وآآحد .. . لآ يآ عزٍيزٍي الملآزم .. مو كل وآحد علق نجمة أو دخل العسكرٍيـة صآرٍ آحسسن وآحد .. يمكن بنظرٍكـَ بسّ .. لآكـَن وآلله وآلله . إنكم إلآن الفـئـة الأكثرٍ كرهآ عند الشبآآب.. فكيف تبينآ نقبلكم ونآخذّ نصآيحكم وآنتوٍ همج مفرٍوٍض قبل لآ يعلمونك تششيل سلآح وتنيشنّ يعلمونك أسلووب التفآهمّ للأسف عدد الحرٍوٍف أنتهى

  56. السلام عليكم ورحمتة الله وبركاتة كل عام وأنتم بخير ونعمة وأعان الله الصائمين والقائيمين على الطاعة . بنسبة للموضمو ع صح لسانك وأتمنئ التوفيق لمملكتنا الحبيبة بلاد الحرمين الشريفيين وأتمنئ الخير لسائر بلادنا الاسلامية وكفنا الله شرور من عادانا ؛ قرار الوزارة قرار حكيم جدا ويعجز السان وصف الكلمات فعلا فعلا نحن نحتاج الى هذا القرار لقد وصل لبعض أبناء الوطن الى الشذوذ التنعم والتشبة بالنساء وأيضا أظهار العورة بضنك أخ خالد أن الارهاب أهم أم أبناء الوطن والارهاب كم عددهم 40 أو 50 أو 1000 رجل أرهابي ليس بيدهم حيلة عندما يجدون رجال محافظين على دينهم وأخلاقهم وعاداتهم ( الشريفة ) . ليس بيدهم حيلة أن وجدوا رجال خشنة كأنهم ذئاب . ولكم أجمل تحية وألسلام عليكم ورحمتة الله وبركاتة

  57. B اخوااني اخواتي اطلب منكم جواب صريح بكل اماانه لسؤالي اللي يمكن يكون من بعض اسباب المنع س/ هل تقبل ان يتقدم عريس لاختك او بنتك وتكون خال اوجد لــ طيحني وسامحني والكلشت B والله اعرف شايب طلق بنته من زوجها لجل انه يرقص فانكي الله المستعان الزبدة B B B B انا مع القرار :> واطلب زيادة فقره للعقوبه بعد زيادة الرواتب 🙂 وهي الكي :> بس بنبلش بالخيلاان :$ و السلام عليــــــــــــــــــــــــــــــــــــكم ورحمة الله

  58. قسم بالله ان الامير نايف كفو والله بالله عليكم احد يرضى يلبس هاللبس الا انسان مخه منتهي فيه احد يظهر عورته للناس لاحول ولا قوة الا بالله

  59. والله انكم فاضيين ما عدكم الا طيحني وبابا سامحلي يا اخي العالم وصلوا القمر وانتم بهذا التفكير يا اخي والله الكلام معكم ما يفيد

  60. الكدش شيء .. وتطويل الشعر شيء ثاني 🙂 وليس شرطا كل من طول شعره صار متشبه بالغرب في ناس تتشبه بالكفار عن طريق الصلعة 😀

  61. الحمدلله لك يا ربي وربي ما عندهم شغله واصلآ كل شئ بالمناصحه واللين وربي راح يمشي اما بالغصب راح يصير عناد وإذا حلقوا صلعه بتصير موضه وبيطلع شئ العن والعن بس جد عندك هنا ……. ما اقووول إلا إستغفرالله بس من جد نزل عندهم التفكير انهم يفكرون باللباس وعندهم اشياء اكبر واهم ولا عشان ما قدروا ع الاشياء الكبيرهـ …..؟ وتقبلوووا تعليقي وتحياتي

  62. يعني قلت القضايا الي عندكم فعلا لا يحق لن ان نفعل اي شي كاشباب وياخذون احاديث الرسول صلى الله علية وسلم الي تعجبهم ويسبون الباقي يعني انت ايها الملازم لمن يقول الحديث الشريف اماطة الاذى عن الطريق صدقة تسويها انت او واحد من ائمة المساجد ماخذين الاشياء السطحية الي يشوفونكم فيها الناس كالحية وغيرهـ انتم الوحيدون الحامون للشريعة كلنا مسلمين ونخاف الله وكلامهم يحتمل الخطاء والصواب حتى الاحاديث البعض منها ضعيف لا تحطون لقافتكم الشخصية وتتسترون بلقافة بستار الدين قال رسول الله صلى الله علية وسلم ( فيما معناة) من حسن اسلامة ترك مالايعنية بس ايش تقول هم يسافرو وينبسطو الي معاهم فلوس واحنا عايشين بالبيوت سجن اجباري علينا وين نروووح اغنى دولة بالعالم شعبها بدون وظيفة لدرجة اني مريض ورايح المستشفى يقولي ما نستقبل حالتك ليش يادكتور يقول منبهين علينا لية طيب لني بكل بساطة لابس جينز يعني وانا مريض راح البس لكم ثوب وشماغ وارجع قمة في الانحطاط

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

وزارة الداخلية طيحني وأترك غيري

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول