رسائل المجموعة

وإنفرطت السسته .. فيديو + صور

السلام عليكم ورحمة الله وبركاته

تحية طيبة و وش زينها ابعثها لكم يا أقدع ناس

في البداية أشكر كل اللي أثنوا على مواضيعي السابقة << كلها موضوعين انت وراسك
وعلى رأسهم أبو نواف و يا بعدهم وبقية الإخوه اللي ما قصروا معي ..

وأشكر كل من انتقد وسوّا ريبلي لرسالتي وارسلها لي فاضيه لين امتلى صندوق الوارد عندي كنهم بيعلموني يقولون ترى رسالتك تمررت

وأبشركم ترى الكلية قبلوني وبنفس القسم اللي ابيه الحمدلله << محد جاب خبرك يالضعيّف

في هالرسالة جايب لكم مقاطع لاإباحية << أحس اني خرشتكم خخخخخخخخ
على طاري هالمقاطع .. واحد من ربع الربع متوظف في دائرة حكومية ويقول كان معي بنفس المكتب واحد راعي مقالب ولكاعة ومطفووووق يعني يتكلم بسرعه ويالله تفهم له .. يقول مرهـ كنت قاعد اتصفّح الانترنت ويقوم خويي ويدخل على المدير وهو مستعجل ويتكلم بسرعه ويقول فلان يدخل مواقع لاإباحية .. يقول مادريت إلا والمدير طاب علي بالمكتب وينافخ : ما تخاااف من الله .. ياخي اتقِ الله .. خف من ربك .. وشلون سمحت لك نفسك تشوف هالمواقع ياخي ما يجووووز .. وتتصفحها بدائرة حكومية بعد !!! تدري وش عقوبتها تدري .. هذي عقوبتها فصل نهائي تدري ولا لا يا فلان .. يقول انا فتحت خشتي مدري وش السالفة .. يقول مواقع إخبارية ورياضية اللي كنت فاتحها بس ..! ويوم ناظرت خويي لينه كااااتم الضحكة ! قلت يا ابو فلان ( المدير ) وش قاعد تقول !!!! قال وش قاعد اقول !!!؟ شين وقوي عين …! تدخل مواقع إباحية ولك وجه تناقشني بعد !! قلت اي مواقع إباحية الله يخلف عليك !!
قال لا تكثر كلام وألحقني للمكتب .. يقول دخلت المكتب عندهـ ودخل خويي على طول وراي وقال يابو فلان ترى اللي صار مقلب مني .. انا قلت لك مواقع لا إباحية بس انت الله يهديك طرت في العجة .. المدير قال نعم ! قال ايه طال عمرك انت ماعطيتني مجال أكمل كلامي .. انا كنت بأقول لك يدخل مواقع لا إباحية وتارك الشغل وانا صادق ما كذبت .. يقول تنهد المدير تنهيييييدة عميييييييقه وقال احمدوا ربكم ان محد شاف هالموقف إلاّ انت واياهـ .. لو كان باقي الموظفين موجودين بالمكتب كان اثنينكم بيجيكم نقل تأديبي .. انقلعووووووا .. بهالكلمة ختم المدير كلامه خخخخخخخ وبأختم السالفة لإني طولتها

هاهـ كيف المقدمة اليوم << انقلع لا آطى على رقبتك لعنبو من علمك تسوي مقدمة يالتسذوب


وإنفرطت السسته

إذا قد سمعتو أحد يقول : فلان أكل خابور .. وودكم تشوفون واحد اكل خابور شوفوا هالمقطع .. ياعزتي له الضعيّف
فيديو

هذولي عيال ثانوي عندهم حصة فراغ وقاموا يلعبون لعبة نطنّي وأنطّك ( وجه منسّف شماغه وفي يدهـ عصا صغيرهـ كنايةً عن أنه وكيل مدرسة )
فيديو

زوج وزوجة .. وزوج وزوجة ثانية .. قرروا يطلعون كشتة .. كشتوا ويوم جو يلعبون بالمراجيح كان واحد حاقد على زوجته واظنهم الزوجين اللي قلتهم اول شي .. شوفوا وش سوا بها بس والله مدزدي فيها ههههههههههههه
فيديو

رجعنا للي يتميلحون .. ويا كثرهم كثراااااهـ .. مقطع أقل ما أقول عنه انه كويّس

فيديو


خـذ وخـل ومـلـح هع هع

صور

صور

بعض الناس عليهم حركات مدري وش تبي .. ما أخفيكم اني قعدت تقريباً اسبوع كامل وانا كل يوم اشوف هالصورهـ وأحاول أطلع سبب مقنع عشان يبنونها بهالشكل ما قدرت << بلاهـ من الذهانة اللي براسك

صور

كنه صامخ بجدار .. ذكرني بظاطور قد توّثمت فيه خليته هو والجدار متساوين


هذولي شباب حلوين طلعوا برا يدرسون وقعدوا بسكن واحد .. ويقولون انهم نفسهم عيال الثانوي اللي بالمقطع فوق المهم سووا حركة منتازهـ جازت لي حيييل حييييل ولحست مخي في نفس التو واللحظة

صور

صور

صور

صور

صور

صور

صور


هذي دعاية لعيون يابعدهم .. يعني اهداء خااااص جداً << انقلع انت ومن علمك الاهداء
لا اخبر نايف يحب هالحركات قلت نهدي له هالصور خخخخخخخخخخ

صور

من قوة الريحة طارت البوية خخخخخخخخخخ
ذكروني بالعمّال اللي يصلون معنا .. صرت اشيل هم لا جيت أدخل المسجد من ريحة جزمهم وانتم بكرامه

صور

صور

أما هالعصيفير مدري البغبغان خخخخخخخخخ والله يا هو واضح على وجه شدة التأثر .. الله يستر لا أطيح مثل طيحته ويصير وجهي مثل وجهه من ريحة هالعمّال .. لا أبطيت عنكم بالرسايل ادروا اني مت بسبب ريحة العمّال << الله يمصلك يا شييييييييخ


أتمنى أكون خففت عنكم ولو شي بسيط من الغثا والنكد بسبب العودهـ للمدارس .. واعتذر لكم شديد الاعتذار على هالمصالة المتأصلة في هالرسالة خصوصاً ههههههههههههههههههه
والله يوفق الجميع لما يحب ويرضا

برايفت للإخوهـ في افريقيا العربيه /
تراني رجال لا تشوفون آخر اسمي حرف ( هـ ) وتحسبوني بنت << خاف يصير له مثل سوالف القايلة وحبيبه ميجا هههههههههههههههههههههههههههههههههههههههههه

موسعـ(ـن) صدرهـ .. تسان هنـا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى