من هنا وهناك


 من هنا وهناك

نسب ونعلن بالشرطه والقرار اللي نزل بالسماح بتضليل الزجاج الخلفي
وكل هذا عشان اذا ركبت وحده زينه ومووت مع السواق ما نقزّها
نروح نشترك باحسن النوادي الرياضيه عشان نخفف ويصير عندنا لياقه
ومانداوم بها الا اسبوع نطف همن نجحد ونتغدى رز ولحم ونتعشى فول وطعميه – امحقق تخفيف

تشوف االعالم بالاشاره يتسابقون من يصير بالصف الاول
ويصقط عليك من فوق يقالوه يبي يلف يمين ويتعدى خطوط المشاه وكل هذا عشان يمشي الاول

تلقى الشرطي يمسكك انت ياراعي الدتسن لأنك ما ربطت الحزام
بس يشوف راعي البي ام او الاودي قاطعن الاشاره ولا يقولوه شي
وبحجه ان الناااااااااس مقامات

مانصدّق على الله نشوف وحده تناظر الا نقول هذه تناظرنا معجبه
ياخوي ما تدري يمكنها تحمد الله على شكلك

الازدحام الشديد على القهاوي لمشاهدة مباريات كأس العالم
والسبب أخونا بالله- ما أقول الا عااااااااااااش ام التشفير
(مالقوها الا هالقهاوي والله)

دكتور في الجامعه يدخل للقاعه معصب وقافله اخلاقه
بحجه ان محاظراته تبدأ 9 وثلث وتخلص 12 مايمديه يشوف مباراة الصبح
مسكيييييييييييين

اللاعب الكبير يتعذّر بعمليه الزايده لعدم لعب المباراة
مع انه مسوي العمليه عام 97 – أه والله تصريفيه

من أغنى دول العالم العربي والخليجي
والى الحين دقيقه الجوال غاااااااليه مقارنة بالدول الثانيه

ندرس ونتعلم . نكرف ……… يصير معنا دكتوراه من اكبر جامعة
بس اننا نتهاوش مع ولد الجيران على من يوقف بالظل

نلج ابونا ونغصب امنا ونترجى خواتنا ونتسلف كله هذا عشان نتزوج بحجة انه بنحصن انفسنا بيوم الصباحيه تمر من عندنا لبنانيه نبحلق عيونا فيها ونرد بالزوجه!! ونقول حنا وش خلانا ناخذ هالجنيه ؟؟
مالقاه الا رجل هالبنانيه !!! منقوله

نشري جهاز بالفين ولا حتى نروح للقهوه الساعة ثلاث بالليل ولجه وزحمه وصراخ واحد يفصفص على ضهرك والثاني مخيسك بريحته وثنين مزعجينك بهواشهم عن من ازين لاعب
و كله عشان منتخب مهزوم بثمانيه !!

نقعد سنين نصمم وسنين نختار احسن انواع البويات وندفع كل الى عندنا
عشان نشري رخام كل هذا عشان يطلع واجهة البيت حلوه بس انة يبيلك طياره عشان تقدر تشوف الواجهة لآن السور ارتفاعة كيلو!!!!

نتأفف ونقول الصيف حر ندور واساطات عشان الحجز وواساطات عشان الاجازة من الشغل و نقول مافية ازين من السياحه مالقاة الا ابن بطوطه واذا سافرنا النهار نوم تقل بومه وفي الليل
يا نروح للسوق اذا كان فاتح ولا للديسكو !!! منقوله

الصلاة دايم بالمسجد والصوم حتى الست نصومه !!! نروح لبقالة وناخذ منة بيبسي بريال ونقولة نجيبه لك بعدين !!!! ونهج ولا نبدا نمر ذا البقاله
ابد عشان الريال واذا نسينا ومرينا حلفنا له
انه مهب حنا الى ماخذين البيبسى !!!

حريما مسوين انفسهم خجولات وكلهن حياء يستحون يطلبون حاجه !! اذا صار فية عرس تلقاه تدور الدنيا تدور وحدة تعرف العروسه عشان تحصل كرت دعوة!!!!ولاحتى تروح للفندق وترجى الحارس انه تدخل
ليش …….؟؟؟ لآنة ناسية الكرت!!!

نطلع الظهر بعز الحر وندور من بقاله لسوبرماركت كلة عشان ندور الجريده اذا لقيناة نفتح بس الصفحة الرياضية والباقي نرميه
ليش ….؟؟؟ عشان نقرا تحليل للمبارة الى شفناه امس ونعرف نتيجته!!!!

نشترك بخط تلفون جديد للبيت وجهاز كمبيوتر براتب شهر وذا سألنا
ليش ….؟؟؟ ا عشان نعرف وش صاير بالدنيا وحنا بس على الشات وغالبأ مع ربعنا واصدقانا!!! منقوله

نسب ونلعن بمديرنا وانة شايف نفسة ونقول وش اللة بلانا فيه مايدري ان
الكبر لله ! وحنا بيبوتنا ماننادي السواق الا يالوح تعال والخدامه اذا
سوت شي غلط قلنا لة ياغبيه ماتفهمين!!! منقوله

نشره على اقاربنا انهم قطعوين وانهم بس بالمناسبات نشوفهم !!! واذا
واحد منهم عزمنا تعذرنا بحجة اننا مشغولين!!! او اذا مر علينا عشان
يسلم قلنا وش جايب هالعله مايعرف يتصل قبل ..؟

عناد الحريم انهم مايرحون لحفله اقاربهم بحجه انهم ما انعزموا
وما أرسلوا بطاقات ونشيل عليهم – ياشييييين الرسميه

ندفع .. ونصرف من هالقروش على غير فاضي
واذا جاء واحد يطلب قروش نقول هذا صغير ورا ما يروح يشتغل

وصول لاعبين المنتخب السعودي للسعوديه وماهنا ولا واحد استقبلهم
والا بعد ناويييييييييين نطلع لكم اييه بعد هالدرزن بيعوا مساويك ازين

تدور .. وتحوس بالمواقع عشان البحث حقّك وتلقى
واذا رجعت عليه من باتسر تلقاه مسكّر والبركه بمدينه الملك عبدالعزيز عشانهم شافوا وحده ناويه تحط صورتها بالموقع وهي على البحر
غنّوا يا ليـــــــل ما اطولك

نجيب لاعبين محترفين ونزعم انهم موب قد المستوى
همن يروحون للدوله المجاوره ويبدعون ونجيبه مره ثانيه بدبل السعر
ليييييييش يعني البلا بنا والا بأرضيه الملعب ؟؟

الحقوق محفوظه
تحيــاتــــــي
بنت الشرقيه


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

من هنا وهناك

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول