ممنوع دخول الاطفال


بسم الله الرحمن الرحيم
أسعد الله أوقاتكم بكل خير

اليوم عندنا جولة خفيفة في حديقة من اروع الحدائق في المملكة ..

وعندنا قصة غريبة من اغرب القصص بالمملكة ..
وابوريكم صور من اروع الصور بالمملكة ..
وكم تعليق من اروع التعليقات بالفيصلية




ويطلق حكم المباراة صافرته معلنا نهاية اللقاء بفوز المملكة ( 3 – 1 ) سجل للملكة كل من المحمصة ذيك اللي عند السلم الكهربائي ,, دبنهامز ( هدفين ) , بينما تمكن اكسيوم من تسجيل الهدف الوحيد للفيصلية ..

الزززبدة .. فيه حديقة بالمدينة المنورة ,, بصراحة من اروع الحدائق بالمملكة << ياليل الليل !! ماراح نخلص الظاهر

راح لها عمي وعياله قبل كم يوم ..

المهم .. يقول نزلنا .. ودخلنا الحديقة ,, واثره ماشاء الله شغل مررررتب ..

يقول مشينا في هالممرات .. نبي نشوف لنا مكان زين .. ونفرش فيه .. ونجلس .. قهوة وسوالف وسعة صدر ..

المهم .. انهم لقوا جلسات حلوة .. زي هالجلسات هذي

وفيه بالجهة الثانية .. العاب اطفال .. واماكن ترفيه للصبايا والصبيات

<< يحسب صبايا يعني عيال خخخخخخخ

يوم جاء عمي بيفرش الفرشة .. ويجلسون هو وعياله .. ومعهم عائلة ثانية بعد ,,
فجأة طلع لهم سيكيوريتي رجل أمن .. قال لو سمحتوا .. لو سمحتوا ..
ممنوع ممنوع …!!!!

قال عمي وش الممنوع ؟؟
قال والله ممنوع دخول الأطفـــــاااااااال …!!!!

ضحك عمي .. قال شكله يمزح ..
قال معليش .. والله ممنوع دخول الاطفال …!!!

قال كيف ممنوع دخول الاطفال ؟؟؟ يعني حديقة .. شلون ممنوع دخول الاطفال ..؟؟ انا 90% من جيتي للحديقة .. عشان الاطفال .. يغيرون جو .. ويلعبون ويستانسون ..
قال رجل الأمن .. ادري والله ,, بس هذي تعليمات الأمانة !!!!
حتى قبل ترى ماكان في رجال أمن بالحديقة .. بس الحين حطونا ,, عشان نمنع العوائل اللي تدخل ومعها الاطفال …!!!!

قال عمي طيب وش السبب …؟؟
قال والله صارت حادثة قبل فترة .. وأمانة المدينة المنورة منعت بعدها دخول الاطفال

طيب وش هالحادثة ..؟؟
قال قد جت عائلة عندنا .. ومعهم اولادهم … وفيه حفرة كبيرة بالحديقة .. وطاح فيها احد الاولاد الصغار … ومات !!
والد هالطفل .. اشتكى على الأمانة , وتم تعويضه بمبلغ 800 ألف ريال
ومن بعدها .. اصدرت الأمانة قرار بمنع دخول الأطفال للحديقة ..

وبعد شد وجذب .. طلع عمي وعياله من الحديقه … وعلامات الاستفهام أكبر بكثير من الحديقة بكبرها !!!
هذا اللي حصـــــل بكل أمــــــانة … واستفهامات كثيرة ارسلها من القلب الى الأمانة ..!!!

* صور الحديقة .. اخذتها بعد بحث في الانترنت

صلوحكا


تعليقات 3

  1. انت تذكرني بهذه السالفة بسالفة منتزه سعد الوطني على طريق الراض الدمام غرق في احد النوافير اربع اطفال و تم اغلام المنتزة منذ اكثر من سنتين لهذا السبب

  2. بصراحه يجب على القائمين على تلك الحديقه عمل سياج واقي يمنع الاطفال من الاقتراب للحفره . اما ان يمنع الاطفال من الدخول واللعب واللهو فهذا لا يجوز …. ويجب العمل على ايجاد كل ما هو ممكن من اجل اطفالنا رجال الغد وعماد الوطن والدين . مع خالص تحياتي

  3. بسم الله .. مشكورين حبايبي على التواصل .. وما قصرتواااا برايفت فايز : خخخخخخخخخخخخخ اما عاد .. قوية +18 ,, عموما خلها بيني وبينك خخخخخ اشكركم جميع على تشريفكم واطلالتكم المميزة .. . . . صلوحكا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ممنوع دخول الاطفال

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول