مقتطفات شعرية


أعزائي اعضاء قروب ابو نواف
اخترت لكم اليوم مقتطفات من قصائدي
ارجو ان تنال اعجابكم
وترقبوني قريبا في لقاء على قناة المرقاب
في برنامج
شعر.com


بودع واكتم جروحي ولاني سائلك وش صار
بعد ماحلت الفرقـا دخيلـك بـس وش باقـي

بودع والنوايا بيض ومن ذنبي تـراك مجـار
حفظتك في زمان العشق وببقى عنـد ميثاقـي

اصونك وانتشي بسمك واخط من الغرام اشعار
وطيفك لو يطول البعد احفظه وسـط خفاقـي

وسر العشق في قلبي مصان ومن وراه اسوار
ولا تهتـم للباقـي ترانـي بحـرق اوراقـي


حتى القصيد بغيبتك صابه اضـراب
والنفس ماتقبـل مـن الـزاد لقمـه

اما تجينـي يالغـلا سيـد الاحبـاب
تشفـي فـؤاد زاد بالبعـد سقـمـه

والا اتصل واسأل عن اللي معك ذاب
ماني مسكـر هاتـفٍ معـك رقمـه


تعبت اداوي حبيبي جرحي النـازف
تعـال داوه وشاركنـي معانـاتـي

الجـرح ضيـع دواه ووقتنـا آزف
وانا اتصبر والوم الوقـت وآحاتـي

تعال دامي على لحن الرضا عـازف
عطني حبيبي همومك واخذ آهاتـي

اغليك واهواك قل لي عاشق مجازف
لجلك يخوض البحور وموجها العاتي


العيـن بالعيـن والبـادي هـو الاظلـم
والسـن بالسـن والاحكـام معـروفـه

لكـن شـرع الهـوا يحكـم ولا يرحـم
وانا بجوره رضيـت الحكـم وصدوفـه

العين بالقلب هـذا الحكـم وانـت افهـم
قل لي : ياعيني .. وخذ قلبي و بت جوفه


تبي توضح لي عن الحب والويل
وانك معي ياصاحبي مثل ظلـي

افهم وانا بعطيك كل التفاصيـل
ما ابيك مثل الظل ياكـل كلـي

اخاف لا دن الدجى واقبل الليل
يغيب فيه الظل و يغيـب خلـي

ابيك مثل الروح ياصفوة الجيـل
عشقٍ بلا زيف وخداع وتغلـي


كم كنت اقول انك ملكع و((شاطر ))
اسلوب مـزح ولا عليـه ملامـي

والوقت مره صحو واحيان ماطـر
عرفت شاطر كيف تعني ((حرامي))

اصبحت لعيونـك ادوس المخاطـر
و سرقت قلبـي ياشبيـه الادامـي

اقـر القصيـد وردهـا فالخواطـر
وتشوف فعلـك يالغـزال التهامـي


ماطحت لكن دمعـة العيـن طاحـت
ماصحت لكن صاحت بصدري حروف

والعين من كثر العنا مـا استراحـت
والقلب كنه داخل الصـدر مخطـوف


هنا ضاع الكلام وصار تعبير المشاعر صمت
هنا جفت شفاهي ماعرفت اشكي من اوجاعي

هنا سلمت لك قلبي ولا ادري ليه انا سلمـت
فداك القلب مادامه عجـز مافكـه ذراعـي

هنا بك همت لكن وش حصلي بعد انا ماهمت
ادور من يرد الصوت اناديك انجـد الداعـي


مع تمنياتي لكم بالتوفيق

اخوكم
عبدالله العصيمي
وجد شاعر
[email protected]


تعليقات 2

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقتطفات شعرية

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول