مقال ، الو 999 ممكن اسعادكم


السلام عليكم ورحمة الله وبركاته
الإخوة والأخوات أعضاء مجموعتنا الفاضلة .. كل عام وأنتم بخير .. وتحيه طيبة

في أحد هذه الأيام المباركة خاطبني أحد الأصحاب وطلب مني سيارتي لكي يذهب وأمه إلى زيارة المسجد الحرام لأنه لم يجد حجز رغم وجود ثلاث خطوط جوية متمثله بالسعودية وناس وسماء ولكن وعلى ذمة المثل ( ياكثركم وياقل دبرتكم ).
ولم أتردد في تلبية الطلب فقد يكتب الله لي اجر هاتين العمرتين .
مرني صاحبي هذا وأخذ السيارة وتوجه بها كالعادة إلى اقرب محطة لكي يقوم بتغيير الزيت وأخذ بعض ( التشييكات ) كهواء الإطارات وزيت الفرامل وغيرها .
وبينما كان صاحبي يقوم بتعبئة الإطارات
جاء شاب وبكل جرأة وركب السيارة وول هاربا .

جاء صاحبي إلي وذكر لي الموقف . بصراحة ذهلت لجرأة ذلك الشاب . ذهبت وإياه إلى اقرب مركز شرطة لأخذ الإجراءات المعتمدة في مثل تلك الحالات .
وقبل ذلك اتصلنا بالرقم 999 وقال المجيب لي يجب أن تتوجه لأقرب مركز ليتم اعتماد بلاغك فذهبنا إلى مركز الشرطة واستقبلونا ثم قمنا بالإبلاغ . وبعد البلاغ بثلاث ساعات اتصلت على نفس الرقم لكي أتأكد أن البلاغ قد عمم وأجابني الشرطي بأنه لا يوجد لدية كمبيوتر ..؟ لن اعلق على هذه النقطة ولا تستعجل عزيزي القارئ بالحكم فقد لا توفي هذا الإهمال حقه
لان البلاغ لم يعمم إلا بعد سبع ساعات وبالواسطة .
للأمانة والحقيقة لم يخطر ببالي أن البلاغ عن السيارات المسروقة ما هو إلا إخلاء مسؤولية صاحب السيارة عن أي تصرف مشين أو جنائي يحدث من سيارته فقط.

نعم عزيزي القارئ فلا تتوقع أبدا أن يقوم رجال ( الأمن ) بموقف بطولي في أحد الأيام ليعيدوا لك سيارتك المسروقة لا قدر الله .
والله ثم والله أنني جبت طرق الرياض جميعها في أواخر الليل ووجدت عالما آخر ابتداء من الهندام واللهجة وإنتهاء بطريقة القيادة . ولم أجد إلا
سيارة شرطة واحده موجودة .
أخذت أجوب تلك الطرق بحثا عن سيارتي علُي أجدها قد رميت على أطراف الطريق أو أن ذلك ( السارق) أصبح ( يحوكها ) ميمنتاََ ومشمله فاستفزع برجال ( الأمن ) لإستردادها .
مر الوقت طويلا ولم أجد السيارة . وبينما انا هكذا مررت بمجموعه من المفحطين والمتفرجين وقلت علني أتريث لألقي نظره فقد أجد سيارتي معهم .
جلست أبحث وإذا بسيارة الشرطة تدخل ذلك الموقع فقلت بنفسي حتما سيهربون . وإذا بالشرطي يشعل أنوار الطوارئ ( السفتي ) ويطفئها بسرعة ومن ثم يخرج من الموقع دون أن يكلف على نفسه بالبحث عن قائمة السيارات المطلوبة عنده .
أدهشني ذلك الموقف وقلت والله إن لم أجد تلك السيارة بنفسي فلن ينفعني الأمن العام .

في يوم الغد أخذت أجوب شوارع الرياض مرة أخرى وأنا صائم حتى بلغ بي التعب والعطش ما بلغ وقررت العودة للبيت وأكمل بقية المشوار ليلا فهذبت بالليل وكما أنا عدت .
قبل آذان الفجر وفي وقت السحور رن هاتفي المحمول فأجبته فإذا هو أحد الأقرباء يبلغني أن سيارتي يمارس بها التفحيط في أحد الشوارع العامه .
ذهبت مسرعا لذلك الموقع واذ أرى سيارتي أمامي مسرعة والسائق يمارس التفحيط على راحته دون حسيب او رقيب .
أصابني القهر فسيارتي جديدة ودفعت بها مبلغا وقدره ولو أن لأحد الحق في ممارسة التفحيط لكنت أنا أعاذني الله وإياكم من أن نكون أحد هؤلاء .
خطر ببالي أن اجمع بعض الأصحاب لكي نقوم بالدور الأمني بدل رجال الأمن . فأجتمع الشباب ووضعنا للأخ السارق كمين واستطعنا أن نمسك بالسارق ونستعيد السيارة ولله الحمد .
بعد ما فلعنا هذا أتت إلينا الشرطة.(
ومن يراهم وهم مستحمسون يقول الحمد لله على هكذا أمن)
اخذوا السارق وذهبوا به إلى قسم الشرطة وما إن دخلت القسم حتى طلبوا مني التوقيع على ورقه كتب بها لقد استملت
السيارة من الجهات الأمنية في موقع الحدث ..؟
لا أعلم هل هم بهذا يصفونني أنا وأصدقائي بالجهات الأمنية أم يريدون أن يقنعوني بأنهم هم من قبضوا على السارق والسيارة .؟

لم أعارض لأنك حتى ولو كنت صاحب حق فيجب أن تخطب ود العسكري لكي تسير أمورك الرسمية . اعترف السارق بفعلته بعد أن أقنعة أبوه بالإعتراف والى الآن ( اليوم هو اليوم الثالث للقضية ) لم يتم أرسال الجاني للمحكمة كي يتم تصديق اعترافه …! ماذا لو قرر ذلك الشخص تغيير أقواله ..؟
سيخرج بكفالة وبعدها سأشطب ذلك المثل الذي يقول ( ما راح حق وراه مطالب ) من قناعاتي .
وبعد هذا كله يطلبون مني قيادة السيارة دون أخذ البصمات و
كأني أشرح لهم القانون وحين طلبت البصمات حولوني لقسم وهذا القسم أعادني مرة أرى للقسم السابق ( وهات ابوك حط ابوك )

والى الآن وأنا في مرارة الشرطة .
أيستطيع شخص تلخيص عمل الشرطة من خلال هذه القصة السابقه ..؟
إن قرأت القصة والى اليوم تؤمن بمسمى الأمن فبالتأكيد أنت واحد من ثنين إما شرطي أو شرطي
وإن قرأت القصة وأتصلت بالرقم 999 ومن ثم عرضت عليهم مساعدتك فوالله هذا عين الصواب لأنهم فعلا يحتاجون للمساعدة بغض النظر عن ( الدعاء ) وفي فمي ماااااااء

أخيرا
أستغرب عندما يقوم شخص من رجال الهيئة بخطأ فردي يتم تصعيد الأمر وإعطائها أكثر مما تستحق
وفي المقابل رجل الأمن يوصف بأنه إنسان ومن طبع الإنسان الخطأ ..

مع التحية
بقلم // تواقيع وحروف ( سلمان الحردان )
[email protected]

مقالاتي ملك للقارئ إن أراد تشريفي بنقلها مع ذكر المصدر
· البريد الإلكتروني وضع للتعقيب على المقال من خلال المراسلة عبر صندوق البريد


تعليقات 34

  1. ماحدث لك حدث للكثيرين و يتكرر بكل منطقة حتى بات كل شخص تُسرق سيارته يجدها اما في ميدان تفحيط او محروقة في المدينة المجاورة , الغريب ان يحدث هذا في ظل الظروف الامنية التي تعاني منها البلد اعني وجود فئة الارهابيين الذين قد يستغلون هذه السلبية لصالحهم و يروح فيها المواطن الغلبان 🙁 حمداً على سلامة السيارة و مثل ما نقول بالعامية خطاك السؤ8)

  2. يآخوي والله أنك جبتهآ ع الجرح يوم يخطي أحد من الهيئه .. قومو الدنيآ ولآقعدوهآ ويوم يخطي رجل امن … قآلو خطأ فردي ع العمووم .. هذآ يدل على أن الي يبي يفتك من الهيئه .. يبي يفتك لشي بنفسه

  3. حبيب قلبي انا انسرقت سيارتي البارح رحت ابلغ في قسم الملز لقيت الكهرب مقطوع عليهم قالوا لي رح قسم الديره ورحت وقالولي وين انسرقت قلتلهم في الملز قالوللي ارجع لقسم الملز قلتله كهربهم مقطوع قالي احنا مانقدر نسويلك شي وراح اليوم علينا وحنا جالسين ننتظر الكهرب يشتغل والله كان ودي اسدد الفاتوره عنهم بس المحفظه مع السياراه مسروقه ومستقبلوا البلاغ الا الفجر ابشركم وتبيهم بعد يدورون سيارك لك ماعندهم شغل الا انت 😀

  4. وعليكم السلام ورحمة الله وبركاته .. الحمد لله عندنا وعندك خير أخوي سلمان .. أخوي قبل أسبوع سرقة سيارته وهي من نوع مكسيما .. يعني بالعربي معروف وين بتكون فيه .. ومع ذلك يلقونها بعد يومين مقلوبة في وسط الشارع بعد مافحط بها اللي سرقها .. طيب الأمن وش سوى يوم لقاها؟ اتصل على أخوي وقال تعال شل السيارة بسطحة ! وخير ماسويت وتصرفك سليم 100% بس ممكن رقم جوالك علشان لو اسنرقت سيارة اتصل عليك أنت وفريقك الأمني 🙂

  5. والله شي يقهر حتى في حاله الاختطاف لازم تكمل 24 ساعه والله قله ادب:(

  6. انا انسرقت سيارتي مرة من المراريت ويوم لقيتها قلت لهم اخذو البصمات من السياره قالوا يارجال احمد ربك انها رجعت لك فيه ناس سياراتهم راحت على وجهها المشكله ان اكثر اللي يسرقون معروفين لاقسام الشرطه وخاصة قسم شرطة السلي الله يكون بالعون

  7. السلام عليكم ورحمة الله اخي الفاضل سلمان .. أتذكر اني رأيت في ما يرى المستيقظ .. وفي اكثر من لقاء تلفزيوني او اذاعي او صحافي ( اعلامي ) رأيت مسؤولي الأمن كلما تم سؤالهم عن شيء في المجتمع مثل ظاهرة العبث بالمركبات (التفحيط ).. وظاهرة سرقة السيارات وظاهرةة المخدرات .. كانو يردون فورا وبالفم لمليان : لا لا لا لم تصل بعد لحد الظاهرة .. طيب يا اساتذة لطم الوارد .. هاهي وصلت لحد الظاهرة .. هاهي عصابات للسرقات !!! ها هي المخدرات تفتك بشباب المجتمع .. فما أنتم فاعلون ؟! يعلم الصغير والكبير المتعلم والجاهل ان كل هذا نتاج المخدرات وتعاطيها اذي يجعل المرء لا يفكر بالعواقب .. و يساعد على هذا كله بيئة تتمثل في أمن العقوبة . فلم نعد نسمع باليد التي تقطع من مفصل الكف !!! والقاتل أصبحنا نرى الرسائل النصية تضرب ارقاما قياسية مناشدة للعفو عنه !!! والمتعاطي والمروج وغيرهم ينتظر ويبرمج اموره لتتم في رجب وشعبان ليخرج في رمضان … اخي سلمان نكأت جراحا كنا نظنها اندملت !! لك الله يا وطني .. كنت مضرب المثل بالأمن .. وعيبنا اننا لم نكن نشكر .. بل نتبجح بالمقارنات والشماته بباقي الدول الدولة الفلانية يحدث فيها كل ساعة جريمة وغير ذلك الى ان صرنا او اوشكنا ان نصير بحالة من الرهاب الأمني .. متى سيؤدي كل فرد منا عمله بلا تدخلات وواسطات واستثناءات؟! متى سيهرع رجل الأمن وهو لا يخشى ان يقال له : وش يخصك ؟ الله المستعان

  8. أنا كنت حاط مقولة في راسي و هي : (( الشرطة في خدمة الشعب )) أما بعد موضوعك فغيرت المقولة إلى : (( الشعب في خدمة الشرطة )) الحمدلله إن سالفتك بسيطة يعني سيارتك ما حصل لها شيء و بصراحة أنا مستغرب طريقة سرقة السيارة و ما أقول غير الله يصبرنا إذا وصل البرود لهذه الدرجة بس اللي أعرفه إن الأمن عندنا دائما يعملون بجد لقتل الأرهابيين لكن اكتشفت إن قصة مساعدة المواطن قصة غير !! و الله يساعدنا و يصبرنا

  9. السلام عليكم الاخ العزيز سلمان بصراحه احسدك على صبرك ، واخبر مره خالي انسرقت سيارته عام 1998م والسياره كانت جديده ماكملت شهرين من الوكاله ماخذها من نوع كامري المهم من عام 98م الى الان لم يجدونها؟ 98 99 2000 2001 2002 2003 2004 2005 2006 2007 2008 اكثر من عشر سنوات! هنيئاً لك

  10. أخي الفاضل سلمان الحردان كل ما قلته عين الواقع وعين الصواب وليس بشيء مستغرب خصوصًا في قضية الهيئة كل خطته يداك الكريمتان صحيح والأكثر صحة (ماخط بالأحمر) لفتت نظري ((كأني أشرح لهم القانون))، ومن قال لك انهم يعرفون القانون إذا قرأ بياناتك صح خير ونعمه:D:D أذكر لك هذه الحادثه وأرجو إنكم تتحملوني :(:( في ليلة 21 رمضان 1429 الساعة 1 بالليل كنت بتقاطع خالد بن الوليد مع خريص وكنت واقف عند الاشارة اللي عن برجركنج الشاهد من الموضوع ان الاشارة من النوع اللي تتباعد فيه الأطراف الأربعة وحاطين رصيف بالنص بين الاشارات طبعًا أقتنعوا بالاخير إن هالرصيف ماله أي داعي قاموا شالوه في كثير من الاشارات لكن ما شالوه من هالاشاره، أنا كنت معصب وطلعت من الاشارة بعد مافتحت لكني دخلت مع الفتحة الأولى يسار علشان أديور بدل ما ألف مع الفتحة اللي بعدها بالزحمة المهم مادريت إلا مرور سري طالع من الاشارة اللي قدامي ويلحم بصدامي وكأني وش مسوي نزلت وقعدت ألجلج شوي على العسكري وهو يقول لي أنت ما تعترف انك غلطان وجاي ترفع صوتك

  11. الله يكون بالعون الحمد لله على عودة السيارة و ما حك جلدك مثل ظفرك

  12. وعليكم السلام ورحمة الله وبركاتة اخوي سلمان هل نسيت ان في مقر شرطة منطقة الرياض قسم للعمليات المشتركة ؟ هناك قصة قريبه من احداث قصتك بسرقة السيارة , حيث ان احد الشباب قام بسرقة سيارة وتفاجئ بوجود طفله عمرها 3 سنوات في السيارة . قام اب الطفلة بالبلاغ وقام قسم العمليات المشتركة بتمرير البلاغ لجميع قطاعات الدولة وأقل من نصف ساعه تم العثور على السيارة والطفله بداخلها من قبل دوريات الطوارئ انا عملت في قسم العمليات المشتركة عملنا هو تمرير البلاغات مثل السرقات والقتل والارهاب .. فجهود رجال الامن كبيرة ,, والكل يشهد بذلك لا اريد التعقيب اكثر شكراً لك

  13. شر البلية ما يضحك اخوي صار لنا نفس الموقف من سنه تقريبا والى الان لم نعثر على السيارة ولما رحنا القسم العسكري قال وبكل برود روح دور لها ولما تلاقيها بلغنا لاحول ولا قوة الا بالله بس

  14. اول شي الحمدللة على رجعه السيارة لك حتى انا كان عندي جيب وانسرق على بالك الشرطة هم اللي لقوة (يبطون واللة) اللي لقاة ناس عندهم مخيم وشافو السيارة مغرزة لة يومين وماتحركت (ولا واحد يسرق لاند كروزر ويغرز بوة الظاهر انهم فروخ اللي سارقينة)

  15. والله ياناس ان الأمور عندنا ماشيه بالبركه وخوف الناس من ربها . خلال السنين الأخيره يوم كثرت الجرايم _ أنا قلت كثرت يعني ماعندك أحد من هالعسكر اللي أكثرهم كرشته طوله . الله يرحمنا برحمته ويبعد عنا عيال الحرام والا ربعنا …. خلوها مستوره .

  16. انا معاك في كل اللي قلته،، بس لو انو من البداية،، خويك قفل السيارة،، ما كان انسرقت،، لكن تتركو السيارات مفتوحة بعدين تجلسو تقولو سيارتي سيارتي؟ انا معاك انو خويك غلط،، بس الشي اللي صار ما ينسكت عنه،، تذكرني مرة ابويا انسرقت سيارته،، جلس يدورها لين لقاها،، المهم بس شغل السيارة ومشي فيها،، ساعة والدوريات ومدري ايه؟؟ ههههههههههه ابويا يقولهم انا صاحب السيارة،، الحين لقيتوها ،، والحمدلله على السلامة نقطة: سلم لي على فريقكم الأمني.. 😀

  17. هو حل قديم مرة و فيه شويه من العنف و الدموية طبعاً عند المتعلمنين و اللبرتية ( دلعتهم و أكيد معروفين ) حد السارق وش هو ؟؟؟؟ نعرف الدين و ألا نعرفه في الكتب؟؟؟ والله لو طبق الحد هذا في الأحياء خاصة المتخلفة و الشعبية والله أنهم يمشون صح…. تعليق:::: شخص قال معلق على حد السرقة : على كذا نصف المجتمع بتقطع أيديهم قال آخر رد عليه : والنصف الآخر بيمشون بأمان

  18. مو بس على سرقة السيارات الحين كثرت سرقة البيوت بيتنا نسرق وجاو الشرطه وخذو البصمات وبعدين ولا شي ؟؟ وبعد فتره نسرق بيت جيرانا ؟؟؟؟؟؟؟؟؟؟؟؟ وين الشرطه ؟ماكانو يدرون انه نسرق بيت لازم يشددون الرقابه على المنطقه او على الاقل عشان يلاقون السارق ؟؟لازم يعني تنسرق كل البيوت والى يومك وللحين مالقو السارق على ان البصمات موجوده وفي ناس شافو السياره وفي دلائل كثيير لكن ايش نقول ؟؟؟؟؟؟؟؟؟؟؟؟؟؟؟؟؟ يلا الحمد الله ولقيت السياره وقرة عينك فيها والواحد يحرص في هذا الزمان ولازم ينتبه صاحبك اللي اخذ اسلياره مايخليها بالهالشكل مافي امان الحين

  19. يا حبيبي هي وقفت على الشرطة؟؟؟ يا عمي جميع الدوائر الحكومية أصبحت كصناديق التفاح الفاسد ومليئة بالدود … وأكثر الدود شراهة هو أكبرهم منصب. الفساد وصل إلى المحاكم ((القضاة)) قيسوا على باقي الإدارات الحكومية في القريب العاجل راح نرجع 200 سنة للخلف وكل واحد ياخذ حقه بسلاحه. ويا أخي العزيز صاحب السيارة المسروقة كيف تبي سرقة السيارات توقف وأصلاً حد السرقة ما يطبق!!! حد السرقة لو تطبق بس راح تقل سرقة السيارات بنبة ما تقل عن 95 بالمية. ولكن وش نقول دامه لا دين يطبق ولا نظام ولا يوجد من يطبق!!! فالوضع زي ما كتبت بعنوان ردي … الطاسة ضااااااااايعة

  20. اول شي يعطيك العافيه اخوي : سلمان الحردان على هذا الموضوع والحمد لله على كل شي انا حصل معي اكثر من موقف مع رجال الامن !! لكن انا بذكر لك قصه واحد من اصحابي سُرقت سيارته و بلغ الشرطة و ياليته ما بلغ الشرطة !! و بعد بحث طويل عن السياره وجدها في احدى شوارع الرياض مصدومه .. و قرر انه يصلحها على حسابه الخاص وكلفته تصليح السياره 22 الف ريال ..

  21. ذكرتوني بقصه واحد من الشباب انسرقت سيارة ابووه وبعد 12 سنه اتصلوا عليه يقولون له لك سياره بالحجز ومنزلينها مزاد تبيها ولا لأ

  22. يا قروب أبو نواف المحترمين أرجووووووكم توصلون أصواتنا اللي مثل هذي وفيها معاناتنا للملك عبد الله. أبي نتأكد أنه عارف حالنا مع اللي حاصل بالبلد. حنا أهم من جميع أفراد المجتمع الدولي!! وكثر الضغط على المواطن يؤدي لانفجاره خصوصا مع شعب حليم مثل شعبنا اللي صاير الحين مو خوف والله … ولكنه حلم فاليتقوا شر الحليم إذا غضب. شاكر ومقدر لجهودكم

  23. أشكركم جميعا على الردود ولكن وبعد العثور على السياره والقبض على السارق الى الآن المعاناة مستمره وسأرفق البقيه في المقال القادم بإذن الله علي اجد مسؤول يتبنى مشكلتي من خلال منبرنا الحر ( مجموعة ابو نواف البريديه )

  24. السلام عليكم جميعان اول شي انتم ملاحظين معي ان اغلب الردود صارت لهم نفس المشكله وبلكاد مايخلو بيت خاصه في الرياض الا وتعرض لمثل هذي المصايب ياسرقه غاز او سياره او المنزل بلكامل او استبنت سياره او سرقه محل . الى متى هل ننتظر الناس تاخذ حقها بيدها؟؟ اوجه نصيحه لوزارةالداخليه اقول وباالله التوفيق اتقو الله في امن هذا البلد وعززو افراد الامن وطورو مراكز الشرطه وطبقو حد السارق بهذي الامور يرجع بلدنا مثل ماكان قبل كم سنه

  25. الله يعينك ياخوي سلمان والحمد لله لقيت السيارة انا ابقول لك قصتي مشابهه ولكن تختلف شوي والحمد لله على استبنة بس اسمع القصة اللي تقهر .. شريت سيارة العام الماضي في جدة وانا من سكان الرياض وجلست في جدة 5 شهور انتداب والحمد لله والشكر يارب ولا يوم صار لي اي شي مثل سرقة ولا سلب ولله الحمد ورجعت للرياض مع المكتب وخلص الانتداب و في 3 آيام بعد رجوعي الى الرياض الحبيبة كسر مثلث السيارة وسرقت الاستبنة (الكفر الاحتياطي ) وبدت المشكلة وقال اخوي رح بلغ بس خلهم يآخذون البصمات بس ولا الكفر وانا اخوك راس مالة 300 ريال والحمد لله على العافية قلت طيب واتصلت بالشرطة وقلت له تعرضت لعملية سرقة وقال انت وين ساكن قلت في شمال الرياض وقال اتجة للقسم اللي على الدايري نسيت وش اسمة ورحت واول مادخلت السلام عليكم اخوي انا انسرقت سيارتي وعلى طول العسكري يقول لي كمبليت قلت لا مو كمبليت على قولتك بس كفر قال اجل وش جايبك قلت جاي ابيكم تآخذون البصمات بس ولا الباقي الحمد لله يارب قال احمد ربك غيرك مالقاها ومدري وشبعد وقام يتكلم كني جاي لبيت ابوة وقلت طيب خذا البصمات بس لاني مالمست الشطنة من شهرين وفيها اصابع هي والباب الخلفي وقال بصراحة ماعندنا وقت لمثل هالسرقات ومسئول البصمات مو فية قلت انتظرة وقال لا راح يتأخر واحمد ربك انها معك قلت طيب البصمات بس قال لا ولو ادري ان موضوعك هذا ما كلمتك اصلا احنا عندنا اشغال اهم منك ومدري ايش وشوي وجا ذاك الاجنبي هو ويا زوجتة الشمحوطة ومتضبطة وكانت مسروقة لوحه سيارتهم واول ماجا اقسم بربي هذا اللي صار وطلع الضابط ومعه دفتر ويآخذ اقوالهم وابشر ياعم ومالك هم راح نجيبها واحنا في خدمتكم وفي خدمة الشعب ومن ذا الكلام ,, وانا مو فاضين لك يآخي من جد قهر والله حاس بغبنة من ذا المعاملة اللي صارت لي في ذاك اليوم يعني لو صار لك شي لولا سمح الله وبتبلغ لازم واسطة والله شي غريب مع ذلك ما ننكر حسنات الشرطة صح لهم حسنات بس من تالي مساويهم اكثر الله يصلحهم .

  26. وعليكم السلام يعطيك العافيه يالغالي على الموضوع الحمدلله ان السيارة رجعت لك والا غيرك مالقوووها طبعاً السرقه عندنا صاارت شي عاادي لأن من امن العقوبه اساء الادب وانا قد صاارت معي مثل القصة تقريبا لكن مو سيارتي سيارة واحد من الشباب كان واحد من الشباب معه كابرس 2008 جديد ,, المهم ان السيارة ياخذها السواق والمفتاح مع السواق ,, الشاهد ان السواق كان في غرفته وبعد صلاة المغرب جاا واحد من الشباب عند غرفة السواق ودخل الغرفة وجلس يضرب في السواق واخذ منه المفتاح بالقوة وركب السيارة وهرب ,, لاحظووو جرأة هذا الشاب !!! وتم التبليغ عن السيارة ,, مر حوالي 7 ايام ولم يجدو السيارهـ وعلى اليووم الثاامن لقووها وكان يدور حولها شاب ,, قبضوو على الشاب وارجعو السياره لصاحبها , و هذا الشاب طلع هو اللي سارق السيارهـ ,, لكن كان يكذب ويقول موب انا اللي سارقها ولااعرف عنها شي !! ,, وبعد 10 ايام طلع الشاب وما شفنا شي !! فعلا شي عجيييييب !!! لكن صدق من قال ( من امن العقوبه اساء الادب ) والف شكر لك يالغالي على هالموضوع وآآسف على الاطاله

  27. ههههههههههههههههههههههههههههههههههه لو طبقوا حد السرقة راح فيها وزراء

  28. لا حول ولا قوة الا بالله الى الله المشتكى والله يا اخوان اصبحنا اشبه ما نكون في غابة القوي ياكل فيها الضعيف ووالله ان الانسان اصبح يصبر على بعض ما يواجهه من الامور التي تحتاج تدخل الشرطه ولا يبلغ خوفا من ان يقلب الموضوع ضده ولا يجد من يساعده فاذا لم يكن لديك واسطه فسوف ينقلب حقك الى ضدك

  29. نشكر من طرح الموضوع والموضوع حساس ويدل على ذلك كثرت الردود ، ويوجد عشرات الالف من مثل هذه القصة على جميع مدن المملكة … باختصار بنسبة للوصفة السرية عند البلاغق في الشرطة يقول : يمكن سرقها ارهابي ..؟!B والسيارة تكون عنده في ظرف 30 دقيقة الى ساعتان على اكثر تقدير لكن بعدها يرايح يكون محل تساؤل لدى رجال الامن حول الارهابي وشوف مين يخلصك من الموضوع…… !!

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقال ، الو 999 ممكن اسعادكم

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول