مقالب رايقة


السلام عليكم ورحمة الله وبركاتة،،،،ـ

هلا والله باحلى شباب، شباب منتدى ابونواف.

سالفتي اليوم عن واحد من الشباب مغازلجي ورسمي بنفس الوقت.
السالفة كانت ايام دراستي في الشرقية وكنت كل ويك اند اجي للرياض عند الأهل، مرة من المرات قالي خويي هذا الي راح ارمز له ب انه يبي يروح معي للرياض يزور معارف له هناك وهو كان من الخفجي يعني ماعندهم مطار (بمعنى اصح ماعمرة ركب طيارة) خوينا هذا قالي ابغى اخاويك للرياض لكن بشرط،
قلت له ابشر وشهو شرطك؟؟؟؟
قال بدون مقالب يالراييييييييق !!!!
قلت ابشر ولا يهمك.
فلما رحنا للمطار وحنا في الطيارة في وضع الإستعداد للإقلاع كان خايف مرة ال ، عاد خويكم خبرة مقالب، اول شي طمنته وقلت له عادي ياال تراى الأمر سهل كلها دعسة بنص والطيارة في السماء لاتخاف، هذا كان كله تمهيد للمقلب الي انا مشغول افكر فيه ولا ادري وش اسوي له.
المهم يوم اقلعت الطيارة واستوينا فوق السحاب، كان فيه في الكرسى الي ورانا على طول بنات طاقات النقاب والطرح والعطور من كل نوع والولد فاك معهم، قلت له يارجال فكنا وبلا حركات غزل،
قال انت مالك دخل؟
قلت له بكيفك تراني حذرتك.
المهم يوم جت المظيفة (المغربية) توزع الجرايد طقت في راسي فكرة!!!!
قلت لخوي الي كان يم الممر.
تكفى يابوفلان.
قال ابشر بسعدك. وش فيك؟
قلت له ابد مامعي صرف وابغى اشتري جرايد من المظيفة؟
قال غالي والطلب رخيص ابشر.
قلت له تراني ابغى الرياض والرياضية. وتراى الجريدة بثلاثة ريال.
قال وش دعوا ليش بثلاثة؟
قلت له ابد انت في الطيارة منت في الأرض.
المهم ويطلع من جيبة عشرة ريال ويقول للمظيفة عطيني الرياض والرياضية ورجعي الباقي !!!!!!!!!!!!!!
هذا والمظيفة فاتحه فمها ماتدري وش السالفة والبنات الي ورانا يشوفون المنظر!!!!!! ـ.
وانا في لحظة انفقعت من الضحك w00t.gif Swaffff.gif والي في الطيارة كلهم قعدوا يطالعون وش السالفة !!!!!!!!!!
وخويي رافع يدة بالعشرة blushing.gif blushing.gif الا والناس تموت من الضحك laugh.gif laugh.gif laugh.gif ـ
ويقوم علي خويي من الحرة evil.gif mat.gif mad1.gif ويطقني طق الله لا يوريكم والناس ماغير w00t.gif w00t.gif تضحك والبنات خصوصاً تقطعوا من الضحك laugh.gif laugh.gif
المهم يقعد خويي ويلعن فيني ويسب ويقول انا اصلاً من زمان وانا مااثق فيك وفي مقالبك يالرايييييييق.
وهجدت السالفة شوي وخويي مازال يحلطم ويهوش علي mad1.gif mad1.gif ـ
وبعد مدة جتنا المظيفة المغربية ثاني مرة علشان توزع العصير!!!! ok.gif
وصارت هي ملكعه Swaffff.gif Swaffff.gif ـ
وقالت لخويي وش تشرب
قال لها بعصبية ماابغى شي
قالت هي له هذا ببلاشششششششششششش ok.gif ـ
ودورني ماتلقاني من الضحك والبنات تقطعوا علينا من الضحك w00t.gif laugh.gif w00t.gif ـ
ويقوم علي ويتوطاني توطي الله لا يوريكم ذاك اليوم cry.gif cry.gif وانا ميت من الضحك devil.gif devil.gif ـ


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقالب رايقة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول