مقاطع شعريه – 4


 مقاطع شعريه – 4

مساء الخير أعضاء قروب أبونواف
سرتني كثير رسايلكم وسرني أكثر أعجابكم بالابيات اللي أخترتها
وبين يدينكم اليوم الجزء الرابع أتمنى ينال اعجابكم

****************************************************
غير القلم من لي يصيح .. لا من غدى صوتي جريح !!!!؛

***************************************************
والله وضاقت الدنيا أضيق من ثقب هالباب .. ولاأدري وين هالضيقه عقب همي ترسيني
لحالي والحزن حولي ولا حولي أبد أصحاب .. حتى الدمعه خانتني في عز الضيقه ياعيني
وغربه..والزمن معروف يكره صحبة الأغراب.. وحده..والزمن لاهي وش هم البشر فيني
الا يالضيقه وش تالي عذابي والفرج بغياب .. يمين الله يالدنيا عذابي فيني يكفيني
أنا من جيت للدنيا مولوده بزمان أعتاب .. أنا مليت ياجروحي ياليتك لو تمليني
لا مجدٍ يخّلدني ولا ناس ولا أحباب .. أنا لو رحت ماتفطن ولا تفقدني سنيني
وما دام الدنيا ضاقت بي أضيق من ثقب هالباب .. أبرحل وأدري يالدنيا ولا مخلوق يبكيني

***************************************************
لو كان لهموم الهوى شفاه وحروف .. كان الحشا من زود همه تكلم

******************************************
دريت أن الوفاء أصبح نهارٍ ندفنه في الليل
ودريت أن الصدق كذبه مثل كذبه مواويلي
وعرفت أن الأمل خيطٍ تعلق به ضعيف الحيل
وأنا أول من تعلق به وأنا أدري فيه تضليلي

*******************************************
خلها بالقلب تحرق مابقالي .. عادتي ما أشكي على غيري عناي

************************************
لكن أبد
ماحدٍ عرف
سر المواجع والقرف
الاّ الحروف
دايم معي
تاقف وتمسح مدمعي
وتقول أمرك .. أكتبي
خوفك معاني وعبري
وحنّا معك
ماغيرنا شي ينفعك!! ؛
****************************************
ليه الفرح أصبح على عمري بخيل .. وليه الهنا أصبح عدوي وخصمي

****************************************
أنا ماهّمني لاصار سيلي عارفٍ مجراه .. أبفرش ضحكتي بعيون كل اللي يمّروني
أنا لاني طريق ٍ واحدٍ يصبر على ممشاه .. ولا ني دربٍ أخضر كل من جوني تمشوني

*****************************************
أيامنا اللي كلها أحساس بأحساس .. ما أحد تواضع للجروح وحملها !!؛

*****************************************
تمشي أحلامي على سلك ماهو من حرير .. من قبل ما أقول يابوي صكت بابها
بعد هذا تسأل وشلونك بخير ؟ .. غمض وخلّه وعلى الله ياما شفنا بها

*****************************************
أثر الزمن كذبه كبيره وتمثيل .. يكبر سنين وينكمش في ثواني

****************************************
مرتاح
أكذب عليك أن قلت لك مرتاح
قلبي كسير
وصدى همه صغير رياح
كلي أسى
دااااااااااام الأمل قد رااااااااااااااااااح
*******************************************
ماكل من يضحك من الهم سالي .. ولا كل من يبكي من الحب محزوووون

******************************************
نفيض أخلاص نعطي من محبتنا بدون حساب .. نحسب الناس كل الناس نسخه من طبايعنا
غلط..ولكن وش الحيله طبيعه والطبع غلاب .. نتوب وننقض التوبه ونور الصدق يتبعنا

********************************************
ياحظي أبطيت ماغيرت في وضعي .. أرجوك ماني بقدك .. لاتحدانّي

*********************************************
أثرهالكتابه خيرها يشبه الشر .. وأثر الطريق أصعب من اللي تخيلت
حيث الحروف الصادقه طعمها مر .. وبعض الكلام يجف ريقك ولا قلت

**********************************************
تصدق طول هالفتره وأنا مغشوش في نفسي .. أحسب أني ذكي بالحيل وأثري حسب نياتي

**********************************************
العذاب أني مخير بالوجود .. والقهر مالي بخطواتي قرار
غير جود الهم ماشي ٍ يجود .. لين أحس الدمع ليمن طاح نار

**********************************************
ماعاد أميز بالحشا .. ولاّ على ضوو الجمر !!!!؛

*********************************************
الأخير
كل النهايات الفراق
مافي فرص
مافي نهايات بلقى
الاّ
في خياااااااالات القصص
***************************************
وين البخت يافلان وتقول مبخوت
رحت أشتغل دفان محدٍ رضى يموت
لكم تحياتي
أختكم : البسمه الحزينه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقاطع شعريه – 4

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول