مقاطع شعريه -2


  مقاطع شعريه -2

مساء الخير أعضاء قروب أبو نواف
.. أول شي حبيت أعتذر عن كل شخص أضاف ايميلي عنده وماقبلته
.. و أتمنى أنه مافي احد شال بخاطره علي .. وأنه تتقبلوني كأخت بينكم هنا
.. وبين يديكم مقاطع من أبيات شعريه أعجبتني .. أتمنى تشاركوني الأعجاب

*************************************
اللي ستر عيبه عن الناس بهدوم .. وش يستره لاصار عيبه كلامه ؟
*************************************
من يشتهي صمتي .. أنا ماعاد لي خاطرأبوح
أبشتري لأكثر ورق عمري على شانه كفن
وش قيمته .. هم الكلام اللي يجي .. واللي يروح
دام الشموع اللي ضون بأكثر مسافاتي طفن
ماللجروح .. الاّ الجروح .. الاّ الجروح .. الاّ الجروح
غفن مواجع دفتري ولا عساها ماغفن
ماشفت في عمري هموم تذبحك قهرو تنوح
الاّ هموم .. وااااااااااعدني بالتناسي وأخلفن !!؛
*************************************
ماعاد به شي يغريني عشان أبقى .. جمر المباخر الا رمد يموت البخور
*************************************
مسافر لاعرفت البر .. ولا صاحب ولا سمّار
ولا أدري وين أنا رايح .. ولا به من يخاويني
لقيت أن الأمل كذبه خذتني بالعمر مشوار
سرابٍ رحت أبشرب منه وضاع وضيع سنيني !!؛
*************************************
.. مالميت اللي بموته ينتهي همه .. الميت اللي حياته مثل قلتها
************************************
 ..بموت باكر
.. بموت
يمكن ملل أو طيش
.. بموت
مدري وشلون .. وليش ؟؟
.. ولكنّي .. وهذا اللي محزني
.. أعرف أنّي من الوحده
بموت .. محدٍ درى عني !!؟؟
************************************
لا ضاقت الدنيا .. قالوا أن العيب في الأيام
أظن الناس هي اللي على طول الليالي عيب
************************************
وين السعاده ودربها كله أجحاف .. لاراح همٍ جد همٍ ودعاني
كني مطيه للشقا بين الأجلاف .. لاروح تفهمني ولا قلب حاني
*************************************
والغلا اللي يجعل القلب بيدينه ذليل
والله أني غير .. أغمض .. وأسمي .. وأنزعه
*************************************
الا يالله دخيلك دلني الدرب السوي أتوب .. أنا مالي ومال الهم والتفكير والحيره
خطاي أني لبست الثوب الأبيض ياعرب مقلوب .. أدور للوفا ياليت ألاقي للوفا ديره
************************************
وش قيمة الحي لامن ضاعت أخلاقه.. وش يجني اللي يحرث الصبخه ويسقيها !!؟
*************************************
لاتحسبون التعب عندي صناعه .. ويفهم المعنى جميع اللي تعب
ماشكيت الحال أنا أطلب شفاعه .. ولا لعبت القاف حبٍ بالتعب
*************************************
حلفت أني فلا أصدق ولا حتى القريب آمنه
وماعدت أثق بأحد .. حتى بديت أشك في ذاتي !!!!!!؛
*************************************
السعاده حلم والدنيا أماني .. والدموع ترافق العين الحزينه
كلما حاولت أعدل في زماني .. قامت الأمواج تلعب بالسفينه
*************************************
كيف أبرجع عن طريقٍ آخره ماجدا .. وكيف أنا أسكن لا غدت غربتي في منزلي !!؛
*************************************
عصرنا ياصاحبي عصر المذله .. منتهى الخسه زمنا والنذاله
عصرنا ياصاحبي رقصه وطبله .. عصرنا كله نفايات وزباله
*************************************
وش يقول اللي قضا عمره حساب .. ينتظر موته وموته مالفا !!!؛
*************************************
لو في يدي مفاتيح باب السعاده .. والا مفاتيح الهنا لو بعض يوم
والله لابعد عن زماني سواده .. وأنه فلا يبقى من الناس محروم
************************************
أنا اللي ترسم أقلام الأوادم ضحكته وشفاه
عسى تغريهم شفاهي ولايدرون بعيوني
**************************************
سما عمري مطر أسود وصوت الحزن فيها رعود
ظلام الهم مايرحم دروبي وطول رحلاتي
خسرت أغلى سنين العمر أدور بعضي المفقود
بقالي حلمي المسكين وبعض أجمل عباراتي
***************************************************
وين البخت يافلان وتقول مبخوت
رحت أشتغل دفان محدٍ رضى يموت

تحياتي لكم
أختكم : البسمه الحزينه

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقاطع شعريه -2

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول