مقابلتي في برنامج صباح السعودية + بعض الأبيات المختارة


أعزائي إدارة وأعضاء قروب ابو نواف الكرام
اعتذر من الجميع لغيابي وانقطاعي عن التواصل معكم
واعود لكم بهذه المشاركه المتواضعة وهي
فقرات من لقائي على القناة السعودية في برنامج
صباح السعودية وبعض من أبياتي المختارة
أرجوا أن تنال شيء من رضاكم واستحسانكم

قصيدة الكلمة اللي وقفت دون الافصاح



قصيدة دمعة العيد


قصيدة للخيل ركابه ولو تغلى الأمهار


وختامها بقصيدة قل لي وش اللي غيرك لاتكابر


وهذه بعض أبياتي المختاره

اللي خذا القلب المولع ثـم راح
فداه قلبي لو خـذا بـه ماخـذا
هو ليلي الدافي وهو نور الصباح
هو وردة العشق الحقيقي والشذا
وان قلت ليه الهجر ياسيد الملاح
ماله جواب الا يردد لـي كـذا
مايدري ان البعد كالسم الذحـاح
والوصل لقلوب الحبايب كالغـذا
وان القلوب العاشقة تشك الجراح
و لا تـلـذذ بـالـغـرام الا إذا
عاشت على حب وتفاهم وارتياح
ولا تسمـع قـول هـذا والا ذا
واني معه باقي وقلبي له مبـاح
واقول له تكفـى وليـت وحبـذا
يدوم وصلك لا فراق ولا نيـاح
ويدوم حبـك لا همـوم ولا أذا


نصف الغرام أشواق والباقي عتـاب
وانـا غرامـي واضـحٍ لا بكيتـك
فجيت لاجلك باب واغلقت لك بـاب
بين الضلـوع المغلقـات احتويتـك
اقلط وتلقـى لـك معـزة وترحـاب
واعتب علي ليـا جفيـت ونسيتـك
بعدت ناس اقراب واقربت أغـراب
قربـت خلانـك وحيـك وميـتـك
عندي عليك عتاب والقلـب ماطـاب
اجيك بشكي لـك واثرنـي شكيتـك
اقول حنا احباب ؟؟ وتجاوب اصحاب
وانا الذي بعـت المـلا واشتريتـك
تقـول درب الحـب ودا ولا جـاب
واقول درب الحـب وقـف ببيتـك
رسمت في كفي هنا قلـب الاحبـاب
وانته رسمـت الرمـح ولا جفيتـك


جلست ارتجي طلتـك ياناعـس العينيـن
كما يرجي الفلاح طلـة جبيـن الشمـس
تزيح الظلام وتنعش اللـي سقـاه سنيـن
والا غبت عنه اليوم يرجيك مثل الامـس
دخيل العيون السود والرمـش والخديـن
ودخيل الدلع والغنج واقابلتـك والهمـس
ترا العاشق الولهان في ذمتـي مسكيـن
ومدة وصالك تنعش اللي مزاجه عمـس
لقانا حبيبي . ليه من بين حين وحيـن ؟؟
وانا عاشقك والقلب كنه بنـار وحمـس
بنيننـا الغـلا والحـب مادامنـا حييـن
عهودي عهود الحب وابصم عليها الخمس
لك الخافق الولهان حرم علـى الغاليـن
ومكتوب فوقه ذا خطر يمنع من اللمـس


نصف الغرام اشواق والباقي عتـاب
وانـا غرامـي واضـحٍ لا بكيتـك
فجيت لاجلك باب واغلقت لك بـاب
بين الضلـوع المغلقـات احتويتـك
اقلط وتلقـى لـك معـزه وترحـاب
واعتب علي ليـا جفيـت ونسيتـك
بعدت ناس اقراب واقربت أغـراب
قربـت خلانـك وحيـك وميـتـك
عندي عليك عتاب والقلـب ماطـاب
اجيك بشكي لـك واثرنـي شكيتـك
اقول حنا احباب ؟؟ وتجاوب اصحاب
وانا الذي بعـت المـلا واشتريتـك
تقـول درب الحـب ودا ولا جـاب
واقول درب الحـب وقـف ببيتـك
رسمت في كفي هنا قلـب الاحبـاب
وانته رسمـت الرمـح ولا جفيتـك


تدري وش اللي يجرحك وانت مشتاق
لاجيت يم الشـوق والشـوق لاهـي
انته تقول الحب يجـري فالاعمـاق
وهـو تفاخـر بالدلـع والتبـاهـي
تقول حبـي لايجـي بعـده فـراق
ويقول حبك داخـل الـروح راهـي
تبي تعبر له عن اسبـاب الاشـواق
وان المشاعر في ضميرك كما هـي
لا ماتغير لو علـى قطـع الاعنـاق
لو غيـرت سـود الليـال الدواهـي


نصف الغرام اشواق والباقي عتـاب
وانـا غرامـي واضـحٍ لا بكيتـك
فجيت لاجلك باب واغلقت لك بـاب
بين الضلـوع المغلقـات احتويتـك
اقلط وتلقـى لـك معـزه وترحـاب
واعتب علي ليـا جفيـت ونسيتـك
بعدت ناس اقراب واقربت أغـراب
قربـت خلانـك وحيـك وميـتـك
عندي عليك عتاب والقلـب ماطـاب
اجيك بشكي لـك واثرنـي شكيتـك
اقول حنا احباب ؟؟ وتجاوب اصحاب
وانا الذي بعـت المـلا واشتريتـك
تقـول درب الحـب ودا ولا جـاب
واقول درب الحـب وقـف ببيتـك
رسمت في كفي هنا قلـب الاحبـاب
وانته رسمـت الرمـح ولا جفيتـك

للتواصل على الايميل
[email protected]
صفحتي على الفيس بوك

 


تابعوا جديد شبكة أبونواف على فيس بوك وتويتر

   


تعليقات 18

  1. الحمد لله إن المذيعة ما كانت موجودة لأنه تنبط كبدي يوم أشوف رجال لهم ثقلهم ويحضر للبرنامج ومبسوط بوجودة مع المذيعة ويناقشها بعد عيب والله عيب يارجالنا ويا دكاترتنا وماضاقت الدنيا على هاللقاء تلقون برامج تستضيفكم غير هالبرنامج والا على الأقل تحفظون كرامتكم ومروءتكم .

  2. الله على كل القصايد كنت بوادي وصرت بوادي ثاني …… حصرت قرأتي لشعر البعض وماكنت اتنازل اقرا لغيرهم ولقيت نفسي غلطان وانا الغلط نفسه …..

  3. قصيدك كفو وانت شاعر بمعنى الكلمة بس انت رومنسي ومجروح الله يعينك على بلواك اللي يبينا عيت النفس تبغاه ** واللى نبي عيا البخت لايجيبه

  4. شاعر بكل ما تعنيه الكلمة .. ياااه ما اعذب قصيدك وما اعذب حسك والله انك مبدع يا عبدالله تكفى لا تحرمنا من ما عندك ..

  5. الحمد لله إن المذيعة ما كانت موجودة لأنه تنبط كبدي يوم أشوف رجال لهم ثقلهم ويحضر للبرنامج ومبسوط بوجودة مع المذيعة ويناقشها بعد عيب والله عيب يارجالنا ويا دكاترتنا وماضاقت الدنيا على هاللقاء تلقون برامج تستضيفكم غير هالبرنامج والا على الأقل تحفظون كرامتكم ومروءتكم

  6. رسمت في كفي هنا قلـب الاحبـاب وانته رسمـت الرمـح ولا جفيتـك اه اه اه جبتها على الجرح ووصفت الي في خطري كله:(:(

  7. صراحة….والله ابداع وبدون مجامله… لاصار منت بند لطوال الاشبار اقفايك اكبر من مصافح مذله… هالبيت و الله روعه بالتوفيق ياعبدالله والى الافضل ان شاء الله

  8. ماشاء الله لا اله الا الله الله لا يضرك يا اخ عبدالله انسان شاعر بمعنى الكلمه شاعر جزل وابياتك بالصميم اجزم انك لمست جروح مستمعين قصائدك الله يوفقك واسأل الله لك الظهور الاعلامي المميز وان يبعدك عن الظلم الاعلامي كـآنت تقول أيامنا كلها عيـد واليوم رآح العيد ماعايدتني شطحه-> سلم لي ع شاربك وع لسانك ع البيت المطنوخ والمطبوخ طبخ 🙂

  9. كلمات راقيه ومنطقيه وواقعيه وحساس من شاعر حساس وذووق اتمناله التوفيق والمزيد من إطرابنا لأشاعره الرائعه..اتمنى ان ترسلوا لي على إيميلي أشعار للشاعر ياسر التويجري بصوته وكلماته لكي استطيع نسخها ولصقها في مذكراتي وشكرا لكم

  10. صــح لسانك وتستاهل كل خير شاعر مبدع ومتألق وللأفضل ان شالله و يا لبى ياسر العتيبي

  11. صح لسانك لا هنت يابعدي بس لاحضة شيء على قصيدة دمعة العيد الشاعر حاذف بيتين منها ومعدل فيها بعض الكلمات مدري نسي يقول الابيات لاني شفتها على الرابط هذا http://abunawaf.com/%D8%AF%D9%85%D8%B9%D8%A9-%D8%A7%D9%84%D8%B9%D9%8A%D8%AF/ عجبتني حيل القصيده وان شاءالله ماتكون اخر مره نشوفك فيها

  12. السلام عليكم ورحمة الله وبركاته أعجبتني كلمات القصيدتين الأخيره وما بقول كلامي ألحين إلا لأني أتمنى لك الخير قصايدك حلوه بس الغريب انك مو مشهور بدرجه عاليه أتوقع عندك الإلقاء هادي جدا لو تحرك يدك مع القصيده ونظراتك صدقني بتشتهر شهره غير طبيعية لأن عندك قصيد روعه لكن إلقاء يبي له شوي تفاعل مع القصيده

  13. ماشاء الله عليك أخوي ,, وصـــح لســـــــــآنك الله يوفقك في مسيرتك ..

  14. مبدع يا الشاعر واحساسك فضيع واحلى شي الالقاء وطريقته مب الشعراء الثانيين اللي يقولون اشعار غزل كنهم يتها وشون الشعر اذا ماكان ب القاء هادي ورايق مب شعر اسمحولي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقابلتي في برنامج صباح السعودية + بعض الأبيات المختارة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول