مــوســكــو


مــوســكــو

رنت ساعة المنبه .. على الساعه 7.30 صبااااحن

استيقظت ولبست واخذت شنطتي ( اللي مجهزها من شهر )

وركبت مع خط البلدة .. وقلت المطار ياجعل عيني ماتبتسيك

وصلت المطار في حدود الساعه 7 الصبح … اتجهت على طول لصالة الرحلات الدولية

وجااالس انتظر الإعلان عن رحلة موسكو

طبعا ً انا ووجهي اللي كنه علبة تونه ريو ماري منتهيه .. كنت وقتها لابس لبس صيفي , ومنزل ست ساعات

<< يحسبه ترم صيفي

كم قصير .. وحافي … يعنني رجااال مايهمني البرد

<< حركات ثالث متوسط .. يطقه البرررررد ومايلبس !!! يعنني مايهمني

وكل شوي اطلطل على الجواااز الذي يعتبر طموح كل شاب سعودي يعشق تراب الوطن

الله يستر لا يضيع .. قسم بالله لأصير برزان التكريتي بالمحاكم

المهم وانا جالس انتظر الرحله .. قلت ابشغل نفسي بشي مفيد … واطلع جوالي

واقعد ابحث بالبلوتوث وارسل واستقبل

<< جواله فيصليه بس بيني وبينكم مستحي يقول

وفعلا ً رن ذاك الجرس حق المطار اللي يقول روحوا للبوابه الشماليه << وين يالحبيب باستاد الملك فهد

واروح وامسك سرا .. ويوم وصلت عند الموظف

قال .. وين رايح ؟؟

قلت … وين رااايح قبل ماتمم كلاااااامي .. ماانتهينا لجل تتركني وترووووح <<< موال من مواويل ابو رويشد اللي تقطع القلب

قلت بروح حايل !!!

شف التذكره الله لا يعميك

قال تفضل …. قلت زاد فضلك وماجاء منك قصور وماااننحرمش

ركبت الطياره … واجلس في المقعد المخصص لي ،، اللي انا بنفسي اخترته من الجهاز اللي يطبع البورديتق

تصدقون … يوم اقص البوردينق كااان ودي الغي التذكره واحجز مره ثانيه عشان استخدم ذاك الجهاز

مدري ليه يحسسني بالإنجاااز …

الطياره كانت : مقعدين .. اربع مقاعد .. مقعدين

انا كنت في الوسط .. يعني في واحد من الاربع مقاعد

طبعا ً كالعاده لازم تصير جنبك عائله .. وتغير مكانك وانت ماتشوف الدرب

انا وقتها تمنيت جنبي عااائله .. مو لأني ما فيه امل اغير مكاني

لالالا حاط في بالي اني ابغيره .. بس ودي اتهاوش شوي

وفعلا ً جلسوا جنبي عائله … وجاني المضيف

قال لو سمحت ياخوي .. نبي نغير مكانك !!!!!

قلت والسبب طال عمري ؟؟

قال وعمري طيب انا ؟!!!!

قلت مكلوفن بك انا .. ادعي لك ! اخلص

قال فيه عجوز جالسه جنب شاااب وخوفا ً من الفتنه بنحطك جنبه ونجيب العجوز جنب العائله هنا

بصراحه المضيف طويل واسمراااني .. يعني مايمديني اتهاوش

قلت من عيوني يابعد عيني

رحت وقعدت جنب الشاب اللطيف .. سلام عليكم .. عليكم السلام

قال عفوا يا اخويا .. المكان هادا حق وحده عجوز راحت لدورة المياه .. شوي وتيجي

قلت .. بلاك ماشفت المضيف

 والله لو يقولك كذااا مزاااج مابيك تسافر .. ان ترجع وتعطيه زود قروش التذكره

اسكت ساكت بس وانا اخوك

قال عموما ً فرصه سعيده .. نشوفك ونتسلى وندردش

قلت حنا اسعد عمر قلّي – عميد متقاعد في الجيش –

قالي … الا ماقلت لي .. على فين ان شاء الله مسافر ؟؟

قلت انت وش واصل بدراستك ؟؟؟ تكفى فكر عشاااني

(( يرحم والديكم لا احد يتفلسف يقول يمكن الرحله ترانزليط !!! الرحله على طول الى موسكو الشقيق ))

قال والله ماااني عارف .. بس قلت يمكن حتروح مكان غير اللي بروح لوه

قلت انت وين بتروح …

قال .. ابها !!

قلت اجل توصل بالسلامه ان شاء الله .. وهذا ايميلي اذا وصلت ابها ارسلي قردين

عطيته ظهري وناديت المضيفه قلت .. وساااااده واناااااااام .. وحلمت ان موسكو صارت في الخرطوم

<< يااااشيخ قم تكفى .. يلعن ام الكابوس

ويوم صحيت .. واشوف مع الدريشه واثره مكتوب

موسكو : 9000 كم

نااديت والليل جاوبني وبكاني … قصدي ناديت المضيفه ( ماتلاحظون اني كااارفهااا )

قلت جيبي ورقة وقلم

قالت ليييييييه ؟؟؟؟!!!

قلت بكتب عنك ملاحظات وبعطيها كابتن الطياره

قالت تكفى لاااا تكفىىىى .. لا تقطع رزقي ،، شوي الا بغت تطب علي وهي تترجااني

انا يوم شفتها شوي وتطب علي… وانا اللي اصرررر اقول جيبي ورقة وقلم !!!!!!!!

<<< اااااه سعودي

جابت ورقة وقلم .. وهي تناظرني نظرة … وانا بحكم خبرتي في لغة العيون

فهمت ان هالنظره ترجمتها " تكفى "

مسكت القلم وكتبت :

الى كابتن الطائره .. يعلم الله اني احبك في الله وعلى قولتهم .. الحب من اول رحله

وبهذي المناسبه .. ابعزمك على بخاري اول مانوصل .. طالبك تقول تم

وودي برضه استغل الفرصه واسألك كم سؤال :

* مامدى صحة المعلومة القائله بأن وجه مساعد الكابتن كنه دعاية سكر الأسره ,, احسن عشان اخشن ؟؟

* اين كنت مساء الأحد 11 آب قبل الماضي ؟؟

* هل تريد بخاري والا برياني ؟؟ والا نخربها بس وناخذ حنيذ ؟؟

* هل تعرف والد هذه المضيفه ؟؟

اذا كانت اجابة هذا السؤال بـ نعم .. اتمنى اول ماتشوفه تقوله :

(( عز الله انك جبت بنت ))

تحيااااااتي :

مجنوووونك : صاد عين ميم

سفطت الورقه وعطيتها المضيفه .. قلت خووووذي << بقوووه

طبعا المسيكينه ماتدري وش فيها الورقه .. تحسب اني ماسح فيها البلاط

راحت للكابتن .. دخلت عليه .. سلام عليكم .. عليكم السلام

قالت هذي الورقة عطاني اياها واحد من الركاب …

قال طيب وش فيك تصيحين !!!

قالت تكفى لا تقطع رزقي …………

قال لحظه لحظه .. خليني اقرا واشوف … وهو يقرا .. يبتسم

وهي كل مايبتسم .. يزداد يقينها انها بتمسك الباب

قال شوووفي وش كاااتب لك .. يقول ان ابوك عز الله انه جاب بنت …

شكله مرررره معجب فيييييك … روحي تشكري منه .. وقولي له ترى الكابتن مجنووون مثلوثه

انا يوم شفتها مقبله .. سويت نفسي ثقل وغمضت عيوني كني نايم .. قالت صاد عين صاد

قلت لبــيــــــــــه

قالت .. تئبر عضااامي شو مهضووووم

انا التفت على اللي جنبي وقلت له : كنسل الصفقه .. لا ترسلي قرود … قاااام حظي .. راااحت القراااااااده

قلت تستااااهلين والله .. وهذا اقل شي نقدمه للمميزااات .. وانا اقول المميزات .. مر جنبي المضيف الأسمرااني

وانا اللي ابلع ريقي

واقول : والمميزين بعد

وصلنا الحمد لله بسلاااام .. بعد رحلة مميزه وخدمااات اكثر من راائعه من اللي خبري خبركم

ناظرني اللي جنبي … قال وصلنا ابها ؟

قلت ايه ماتشوف الجبال … هذي السوده

نزلنا من الطياره .. وركبنا الباص << حركات مطار جده

ودخلنا المطار .. وكنت متخيل اني بشوف ناااس وااجد حولي .. اللي يبي يستقبلني

والا يبيني اوقع له .. والا يبي يصور معي .. واللي يبي يقول قصيده فيني << داخل خيمة الجنادريه يالحبيب

المهم شفت وحده معها كلب صغيرون … مريت من عندها قلت جيبي ورقة وقلم

امزح .. المهم وصلت الفندق … وانا كنت رايح سياااحه فقط

دقوا علي الشركة السياحيه .. قالوا ترى الجدول كذا وكذااا .. وخلك وااالم

قعدت افكر .. وين احط جواازي !!! مسبب لي ازمة الجواز !!! قلت بس ابحطه وسط النجفه

بلا امانات بلا خرطي

ورحت للمكان اللي مجتمعين فيه الشعب .. اللي مسجلين في الشركة السياحيه

قالوا لنا .. اليوم بنروح لحديقة الحيوانات تبعد 300 كيلو شمالا ً .. ودرجة الحرارة المتوقعه 17 درجة ميوية تحت الصفر

(( يوم سمعت " ميويه " تذكرت القناة الأولى ))

وقالوا .. كل واحد يلبس ثلاثين فنيله وخمس طعش سروال << بالسين !!! بالسين !!! بالسين !!!!! اااه والاحباط اللي يجيني اذا قالوه بالصاد

ونركب القطار .. طبعا ً زي قطار الشرقيه بالضبط .. اللهم حق موسكو فيه مرئيات توسع الصدر .. وبدون صوتيات .. وكثر مايونيز

وصلنا حديقة الحيوان .. اول شي شفته .. خروف !!! قلت وش جاااابك انت ابذا … لاحقين عليك الوعد عشرة ذي الحجه << ادري صورة بقره بس هذا الموجود

والمرشد السياحي ( ولد عم المرشد الطلابي من بعيد ) يورينا ويشرح لنا .. ويعلمنا …. نقزت بوجهه :

الحين عقب الشرح .. بيصير فيه اختبار ؟؟ والا بس كذا تشرح ؟؟؟

<<< بصراحه .. مارحمتوه ؟؟؟

المهم يوم وصلنا عند الملك ( ملك الغااابه .. ملك الغااابه ) مهوب حبيب الشعب .. الله يطول بعمره يارب

قلت للمرشد … ودي آخذ دوره بالأسد ربع ساعه

قال اللي جنبي ..وييييين يالحبيب ….. راكب حنطور بالثمامه !!

قلت هلاااا والله … الأخ سعودي ؟؟

قااال ايه ماشفتني قبل شوي اصور حصاة قاعدين عليها بنتين .. شكل الحصاة يجنن جاااز لي مره وصورته

قلت بس وصلنا خير …

شفنا العجب العجاب بصراحه .. ضفدع ياكل غوريلا .. وتسماح يدغدغ ثور

وقرد متقابلين يلعبون اونو .. والثالث قاعد جنبهم يقول .. تراني عقب المهزوم

(( آه يالسوني ))

رجعنا الفندق .. وكانت رحلة مميزه بصرااحه .. لو مايجيك من هالرحله الا صورة الحصاة اللي اخذتها من خوينا ذاك

مرت الايام والليالي .. الين جاء ذاك اليوم .. اللي قالوا لنا الشركه السياحيه بنروح لمدينة كلها ثلج وجليد

قلت بسسسس .. هذا اللي انا ابيه

من يومي هالكبر وانا ودي اروح للثلوج .. قبل لا يخط شنبي وانا اتمنى اتجلد على الزليج

يوم وصلنا .. طبعا البراطم يتصافقن وماتسمع الا صوت السنون ( الاسنان ) من البرد العظيم

وصلنا تقريبا الصبح بدري مره … انا ميت جوع وبردااااان .. رحت للمرشد السياحي ..

قلت مابوه فطور !!!؟ قال الا بوه << ركزوا تراو قال بوه

قلت طيب .. جب لي اثنين كبده جبن .. وشاهي حليب

مالكم بالطويله .. قالوا لنا هالحين جاء موعد التزلج

ونلبس الطرابيش والنظارات والمداسيس .. ونصف بجنب بعض كلنا

ناظرت اللي على يميني .. قلت لها تعرفين تتزلجين ؟؟

قالت من يومي كبرك وانا اتزلج

مدري ليه جاني احساس انها تنافخ شوي .. بس قلت ميخالف

لا صار لك عند البتاع بتاع البتاع حاجه .. قله ياسيدي 

قلت اسمعي بس … اذا شفتي محاكيك يتكرفس بالثلج .. ويفوحج ويبوبز .. ومايدري الا وشجره قدامه

الحقي عليه .. ساعديه … لأجل الانسانيه

ابشركم الحمد لله عدت على خير .. اصابات طفيفه .. اللهم اذني احس انها مسدوده .. شكلها دخلها ثلج

<< متعودين دايم نقول دخلها ماء

قالوا لنا .. الآن جاء موعد الفعاليه الثانيه …

قلت في نفسي .. عساها امسيه شعريه ؟؟؟

واثرها التسلق على الجبااال الجليديه !!!

يربطون بجسمك حبل .. ويقعدون اللي معك كلهم تحت يصفقون لك ويحمسونك .. الين ترقى الجبل كله

طبعا ً في كل مره يرقون اثنين .. وعلى هالحال

المهم انا ما حطيت بالي من اللي بيكون معي .. شايل هم رويحتي وانواع التشهد ..

يوم ربطوا الحبل بجسمي .. قالوا لي : وش امنيتك ؟؟

عشان لو قدر الله وتوفيت .. نحققها لك بعد الممات !!!!!!

قلت : بكره تدبرون لي كبده جبن ضروووري ….

يوم بدينا نرقى انا واللي معي … والناس تشجع .. وتصفق .. واهااازيج ..

طبعا ً مستحيل التفت .. تقل مغصوب على هالرحله

سمعت اللي معي ينادي .. هاااه بشر كيف الأوضاع معاك ؟؟

ناظرته .. قلت هه !!!!!! سامي !!!!

اثاري اللي جنبي .. سامي الجابر

قلت هلا والله ابو عبد الله … بغيت امد يدي اسلم عليه .. بس قلت مالها داعي اطب وجه واسلم مضبوووط

حي الله ابو عبد الله .. وشلونك مع هالبرد !!

قال خلها على ربك يا ابن الحلال .. عضامي يتصافقن

قلت انا اسمع الاهازيج اللي تحت والتصفيق !! احسبه عشاني انا ودميجتي !!!

اثرك معي يابو عبد الله … اجل بعذرهم لو يصفقون ويشجعووون

المهم وحنا نسولف .. فجأه : !!!!!!!!!!!!

سامي حكه راسه .. وبغى يطيح بسم الله عليه … وهو اللي يناااديني .. صلوحكا … صلوحكاااا

قلت بس .. هذا وقتي افزع لأبو عبد الله ….

وانا اللي اضرب بيدي على صدري … قلت يااااااالبيه .. جايك يبو عبد الله … جااايك

والقي نظره على اللي تحت .. واشوفهم يأشرون لي

كنهم يقولون ايه ايه انقذ الذيب .. ايه ايه ..

وانقزززز هاك النقزه … اللي ذكرتني بماتيرازي يوم ينطحه الرجال

وامسك ابو عبد الله … قلت انت ماخذ كم يوم اجازه ؟ يعني متى تقريبا بترجع للتمارين …؟؟

قال ان بغيت باتسر نتمرن … بس انقذني

قلت من عيوووني يابعد كلي … وانا اللي اشيل ابو عبد الله على كتوفي

وارقى على خفيف هالجبل .. واللي تحت يصفقوووون ..

حيوا سامي حيوه .. حيوا سامي حيوه …

والتفت عليهم .. قلت شجعوني بعد انا

ويشجعوني شوي على قدي … وانا اللي تطير خشتي من الوناسه

وارقى الجبل على خفيف .. وابو عبدالله على كتوفي

قلت .. تكفى همز كتوفي وحنا نرقى .. ماااش من تالي احس انهن بهن بلا

وفعلا ً رقينا … ووصلنا بسلااااام … وانقذ البطل المغوار صلوحكا … الذيب ابوعبد الله

ويوم رقينا فوق .. الحمد لله … قال سامي …ممكن اصور معك ؟

قلت بس ؟؟ ماطلبت شي يالذيب … يالله تعال

وصور معي .. وخليته يستانس .. يستاهل ابوعبد الله

بعدين قالي معك قلم وورقه ؟؟

قلت ايه .. ماخذها من المضيفه بالطياره … ليه ؟؟

قال ابكتب فيك شي !!

قلت تكفى لا تقطع رزقي .. تكــفى

قال ماعليك بس انت .. هاااات

وكتب لي هالكلام :

سامي

وعقبها رجعت الرياض … بس كانت رحلة ولا اروووع

ووووبس

.

.

.

كـــعـــادتـــي مـــن دمـــيـــجـــتـــي

صلوووحكااا


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مــوســكــو

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول