(( مــنــي لــكــم ))


بسم الله الرحمن الرحيم
السلام عليكم ورحمة الله وبركاته

كيفكم .. وش اخباركم؟؟؟؟
ان شاءالله بخيييير

المهم
اشكر الكل مرره ثانيه على الايميلات الجديده
واشجع الناس اللي فعلا هم فخر للسعوديه وشباب السعوديه

وهذا الايميل
ابي اقول اللي في خاطري فيه

فيه شباب يبي له نصيحه وتوجيه
وفيه شباب عارف انه غلط لكن في الاخير
كل واحد يعرف مصلحته وشهي…ومقدر امنع احد في هالشي
لانه اذا ماخاف من الله ماراح يهمه احد انا ولا غيري
المهم بأقولكم كم موضوع واشياء اشوفها
وبما اني اعتبر من فئة الشباب
وحاسه باللي يمرون فيه
فكلامي ممكن يوصلهم احسن من غيري

ابتكلم موضوع الابتلاء من الله
لان فيه ناس طلبوني اتكلم عنه
يعني يشرفني ان احد يقول لي اكتبي عن مواضيع

طبعا كل شي بيد الله سبحانه وتعالى
ولو اقولكم عن الاشياء اللي صارت لي واللي تصير لي
كان بتتعجبون … واني اضحك واسعد مني مافيه
وانا راضيه تمام الرضا عن اللي يصير … الحمدلله
صحيح اني في اول المشاكل تظلم الدنيا بعيني لكن بعدين الحمدلله على النعمه

و دائما نقول
الخيره فيما اختاره الله ..
وتفائلوا بالخير تجدوه

وان اي شخص الله يبلاه بأي شي
ان كان مرض او مشكله ماديه او وفاة احد الاعزاء عليه
او او او …الخ
المفروض يحمد ربه على هالشي
مو بعض الناس … يجي يلعن ذاك اليوم
ويسب ويشتم…والمفروض نحمد الله لانه تكفير ذنوب

وقال الرسول صلى الله عليه وسلم عجباً لأمر المؤمن إن أمره كله خير، وليس ذلك لأحد إلا للمؤمن: إن أصابته سراء شكر فكان خيراً له، وإن أصابته ضراء صبر فكان خيراً له. رواه مسلم.

و فوائد الإبتلاء :
• تكفير الذنوب ومحو السيئات .
• رفع الدرجة والمنزلة في الآخرة.
• الشعور بالتفريط في حق الله واتهام النفس ولومها .
• فتح باب التوبة والذل والانكسار بين يدي الله.
• تقوية صلة العبد بربه.
• تذكر أهل الشقاء والمحرومين والإحساس بالآمهم.
• قوة الإيمان بقضاء الله وقدره واليقين بأنه لاينفع ولا يضر الا الله .
• تذكر المآل وإبصار الدنيا على حقيقتها

وبعض الايآت والاحاديث
قال تعالى( وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ)
وقال تعالى( وَنَبْلُوكُمْ بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ)
و قال تعالى( الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ )

وقال رسول الله صلى الله عليه وسلم : ( إن عظم الجزاء مع عظم البلاء، وإن الله إذا أحب قوماً ابتلاهم، فمن رضي فله الرضا، ومن سخط فله السخط.) رواه الترمذي وقال حديث حسن.

وأكمل الناس إيمانا أشدهم إبتلاء قال رسول الله صلى الله عليه وسلم أشد الناس بلاء الأنبياء، ثم الصالحون، ثم الأمثل فالأمثل، يبتلى الرجل على حسب دينه، فإن كان في دينه صلباً اشتد به بلاؤه، وإن كان في دينه رقة ابتلي على قدر دينه، فما يبرح البلاء بالعبد حتى يتركه يمشي على الأرض وما عليه خطيئة. أخرجه الإمام أحمد وغيره.

ومااتوقع ازيدكم بشي من عندي
بعد هالايات والاحاديث
 
لكن صدقوني من شاف بلوى الناس هانت عليه بلوته

اذا ان اهلك عايشين جنبك احمد ربك غيرك ماعنده اهل اصلا
وان كان دخلك محدود احمد ربك غيرك يجلس بالاسابيع ماياكل
وان كنت …
وان كنت …
وان كنت …
احمـــد ربك … واستغفره

مافيه احد مرتاح بحياته
ومافيه انسان حياته كامله…حتى لو كنت تشوف شخص مبسوط
لكن لا يعلم مافي القلوب الا الله

لكن نصيحه مني لكم

يقول الله تعالى (قلت استغفروا ربكم إنه كان غفار يرسل السماء عليكم مدرارا ويمددكم بأموال ٍ وبنين ويجعل لكم جنات ٍ ويجعل لكم أنهارا)

ومن لزم الإستغفار جعل الله له من كل ضيق مخرجا ورزقه من حيث لا يحتسب

وفيه ناس حياتهم مثاليه
لان مافيه شي كامل … والكامل الله سبحانه وتعالى
واللي اتكلم عنهم هم الناس اللي قلوبهم
مشغوله بذكر الله
ومااجملها من حياه …. بأن تكون مشغولا بعبادته
وان تكون قريب من الله سبحانه

عسى الله ان يجعلني واياكم من هولاء
والله يهديني ويهدي الجميع

طبعا انا ماراح اقولكم قصصي اللي ماتنتهي
مشاكلي … اللي ماتنتهي
اخليها في قلبي
والصبر احسن لي من ان اشكي لأي احد…والشكوى لغير الله مذله

بأقولكم اشياء اشوفها
واحب انصح


فيه مواقع وقروبات
مو لازم اقول وشهي او وش اساميها
لان بالكلام بتعرفون وش اقصد 
الحين قروب … مدري من الشخص
اللي مد يده على ايميلي واضافني
وسمح لنفسه !!!؟؟
صراحه ناس ماتستحي
ابقولكم اتحدى اصحاب هالمواقع واللي مشتركين فيها
يفتخرون بها
او انه يقولون حنا اصحاب هالموقع
وبأقول شي منطقي جدا

وسؤال بسأله حتى لو كافر معروفه اجابته
هل تقدر تشوف هالصور ولا الفيديو
قدام امك ولا ابوك ولا اخوك ولا اختك؟؟؟
اكيد لا….فما بالك بخالقك
يشوفك وانت تشوف هالاشياء
ادري بتخجل وماراح تعلق
لانك تدري ان هالشي غلط واكبر غلط

ورساله للي ضايفني معاهم
موكفايه تاخذ اثم كبير … وهذا نفسك بس
اثمك كبير وانت تشوف هذا لحالك
كيف تقدر انك تفسد خلق الله …. ؟؟!!
وش مصيرك لو اني فتحت هالايميلات
ويصير انت جريتني للفساد
بتنبسط من نفسك!!!
ولا بأنك فعلت فعل عظيم وكبير وسويت انجاز!!!

وان هالافعال مايسويها الا شيطان رجيم
وجد عالم ماتستحي
الا تبي العالم كلها صايعه زيها 
يااخوان استحوا ….
اذا اصحاب مواقع الاغاني قفلوها واهتدوا
وانتم اشد والعن …و تبون ناس تزيد !!
لكن مااقول
الله يخلف على اهلكم
تكسبون ذنوب وتكسبون اهلكم بعد
والله العظيم اني مااتخيلت ان هالناس كثير في مجتمعنا

واقولكم بالاخير…هل راضي انك تموت وحالك كذا؟؟!
انا عن نفسي انا ماسويت افعالكم ولاقربت صوبها
لكن لا مو مستعده اقابل ربي وانا بالحال
واخاف من العذاب
وانا ماسويت اللي اشوفكم تسونه

الله يهديكم بس

وللبنات نصيحه بسيطه من اختكم
طبعا انا اشوف بلاوي وانا برا
اشياء تشيب راس الواحد
والمشكله بأماكن عامه تشوف الخراب

طبعا مايحتاج اقول اللي ماتلبس حجابها
عارفه انها غلط مايحتاج ازيد شي..بس سؤال
يوم الحساب ويوم سؤالك … هل بتقدرين تقولين مو مقتنعه بالحجاب؟!!!
اكيد لا

لكن هالبنات اللي لابسات عبايات
وحاطه مكياج … مو حاطه الا صابته صب على وجهها
تقل كأنها مغمسه وجهها بسطل بودره
اللهم لاشماته
يعني الحين تلقى البنت لابسه عبايه وياليتها عبايه زي الناس
وحاطه مكياج
والعطر من اميال تشمه
والله لو انها بدون عبايه كان ابرك
لان اللي تتعطر وتطلع
___تعتبر زانيه___
شوفوا مااكبرها …. زانيه نعم زانيه والعياذ بالله
يمكن احد غافل بهالشي ويمكن بنات يقولون لا
فلانه عادي عندها انا عادي عندي بعد
لكن لو فلانه راحت ونطت بالنار بتسوين مثلها اكيد لا!!

وانا شفت ورحت وجيت
وبعض الناس يقولون ياحظك حريه
اي حريه تتكلمون عنها!!؟؟
اذا ان الحين الاجانب
يشتكون من حالتهم
وان بناتهم الاف الاعتداءات يوميا
وانهم يبون اشياء تتصلح وتتغير لانهم ماعاد يحتملون اللي يصير لبناتهم…
وحنا للاسف يبون البنات يتحررون عندنا
صدقوني حجابي وعباتي ونقابي
حاجز يمنع الرجال يفكرون افكار والعياذ بالله من هالافكار
يعني انا اكون قاعده بالسياره واتفرج على العالم
((وكثيييير اشوفها مو مره ومرتين … بالعشرات))
اللي ماتكون لابسه حجاب واللي تكون لابسه ولاكنها لابسه
ماتشوفون الرجال وشلون يناظرون عليهم
والله انا البعيده ومايشوفوني
اقشعر من النظره اللي اشوفها بوجيههم

كيف لو كان احد يناظر علي بهالنظره!!
((واحمد ربي على هالنعمه نعمة الحجاب والعفه والستر))
انا اخاف على نفسي
وهذا معناته اني لازم احافظ على نفسي

(اوكي … بتحسبون اني متدينه
وهذا شي اتمناه لكن للاسف ماوصلت للمكان اللي في بالي
واحس اني مقصره … ولكن الحمدلله مع الوقت احس اني اتقرب الى الله)

لكن والله من اللي اشوفه
اتمنى انا اختكم اني افيدكم
والله لولا الحرص وخوفي عليكم كان ماقلت هالكلام
وغير كذا اضيف شي

المغازلات وماادراك ماالمغازلات
يعني بالله الحين تصدقون ان واحد يغازل يحب!!؟؟
وان واحد رقم بنت انه واحد جاد
ادري بتقولون فلان غير
لكن كلهم واحد
اللي يحب واللي يخاف على خواته واهله
يجي من باب البيت
مايجي من باب الاستغفال
الين مايطيح الفاس بالراس….وبعدها يحلف انه مايعرفك
وحتى لوصار زواج
هل انتي متأكده انك بتكملين عمرك معه … او انه تكون علاقتكم
مثل ماكنت قبل الزواج؟؟
لان كل شي يبدى على باطل ينتهي به
راح تكون حياتك كلها شك من قبله
وهو قال….دامها كلمتني اكيد تكلم غيري
وصراحه يحق له

اختي صغيره كنتي ولا كبيره
انا نصحت وقلت اللي عندي
هل فعلا انتي خايفه على نفسك؟؟!!!
اذا فعلا خايفه على نفسك وتحبين نفسك
بتسوين اللي يرضي رب العالمين
وهالدرب مامنه فايده
لادنيا ولا اخره
انا نصحت وانتي يا اما تعملين بنصيحتي يا اما لا
واللهم اني بغلت اللهم فأشهد

وفي الاخير
بأقولكم انا من فتره
قلت لازم اعيش واموت وانا مغيره لو حياة شخص واحد
هدفي … ان افعل كل شي ولكن كله لمرضاة الله سبحانه وتعالى
هدفي … اني اغير افكار
هدفي… ان اعيش وان اخدم ديني وبلدي
هدفي .. ان تفخر بي عائلتي وبلدي
هدفي…ان اعيش واموت لكن في إحداث فرق في هذه الحياه
هدفي…ان هاللايميل يفيد لو شخص واحد

 
وانتظروني في الايميل القادم
وتحياتي لكم


تعليقات 30

  1. تصدقين يالغاليه امس انا وامي فاتحين على برنامج اوبرا وينفري .. وكانت الحلقه تتكلم عن ان الإغتصابات في أمريكا قتلت the American Dream قالت امي هذا من قلة الدين الشياطين تأزهم أزاً .. وأن فيه حديث للرسول اللهم صلي وسلم عليه بما معناه أني وحده تطلع من بيتها الشيطان يترصد لها ويتعلق بطرف عبايتها او ثوبها وان يأجج أي مشكله عليها سواء أحد يتعرض لها او هي تبرز مفاتنها وكله من ابليس .. قلت لها بإختصار ماما مو بس كذا ……. الحريييييييييييه .. هي المشكله .. شوفي الحين العوائل الي تعطي بناتهم الحرية كيف وضعهم .. وكيف أن عندهم مشاكل كثير غير الوحده الي طلعاتها قليله ومحافظه على سترها وطبيعت أخلاقها وتربيتها خارج البيت كيف مشاكلها قليله .. الحريه كل ما توسعت كل ماتوسعت المشاكل .. ذكرتيني بهالكلام يوم قلتي ان البنات يبحثون عن الحريه .. هم مايدرون انهم يبحثون عن مزيد من المشاكل ومزيد من الآثام .. صحيح احنا يالبنات نطفش في البيت وعادي مافيها شي ان البنت تطلع تتمشى بس فيه بنات تمشيتهم بجرية .. يعني تطلع تضر العالم وتضر نفسها بلبسها ولا بريحتها الي صاكة الدنيا وهي تحسب انها رشه خفيفه ماتضر وماتدري وش مفعول هالرشه انها ممكن تكون زانية مثل كلامك .. الله يعطيك العافيه يارب كفيتي ووفيتي جزاك الله ألف خير واصلي ارجوك لا توقفين

  2. بارك الله فيك ونسأل الله الهدايه لكل اخواننا واخواتنا وثبتك الله على الهدايه والحق…وعندى سؤال لكى من فضلك لو تستطيعى الجواب عليه…هل تعرفين كتب معين ممتازه للمرأه تعينها على الحجاب الشرعى والنقاب وغيره من الاشياء؟؟؟

  3. جزاك الله خير اختي وفعلا كلامك سليم والمشكله بالخطا ليس للبنت فقط حمايه نفسها حتى الرجل اختي انا اقول لك اقسم بالله اني اريد الخروج من الوضع اللى انا فيه ما قدرت كنت اكلم بالجوال وكنت بالانترنت دائما الان متوظف وظفيتين الاولى بها نت والاخرى ليس بها نت طول يومي بالعمل ولم اعمل بالوظيفه الاخرى الا اني اريد الخروج من الوضع اللي انا فيه الحمد الله الانترنت بالعمل منع علي الماسنجر والشات والحمد الله خرجت من عالم الانترنت بعد غرق فيه لكن الجوال اقسم بالله ما قدرت اطلع منه عجزت كل ما اخرج منه اجد من كانو مصيده لافتراسي مع اني انصحهم بعدم مكالمتي مره اخرى لكن يتصلون بي اريد الخروج لكن وضعت الآن بمكان المدمن ادعوا لاخوكم بالخروج من مما هوا فيه

  4. كلام جميل جداً جداً ولا يختلف فيه اثنين عاقلين ومشكورهـ على الموضوع المهم والراقي وننتظر منك المزيد والمزيد

  5. اسال الله لكي الثبات والعفه ولكل بنت من بنات المسلمين وشبابهم واسال الله ان يوفقك بالذي تحلمين به وان يبلغك مرادك وان يجمعنا ووالدينا في جنة النعيم اللهم امين.

  6. السلام عليكم ورحمة الله وبركاته يعطيك العافية اختي وماقصرتي على هالموضوع وجزاك الله خير

  7. الله يجزاك خير بصراحه ماقصرتي ويمكن جا في بالي اني انزل موضوع زي كذا انا ولا غيري بس ماشاءالله عليك ماتوقع احد بينزله بهالسهوله والاسلوب السلس والواقعيه في الطرح عموما الله يحرم ايدك من النار ويوفقك ويثبتك اخوي مشاري لازم الاستغفار وتذكر انه ماتفعله ماهو الا دين عليك ممكن يتسدد عن طريق اهلك او بناتك في المستقبل في اتقي الله فيما تفعل انت رجال اجل البنت وش تقول لا بغت تتوب غير رقمك او لاترد على المكالمات وتذكر من ترك لله شي عوضه الله خير منه فاتوكل على الله والله يعينك على ما بلاك وتذكر انه افضل الجهاد هو جهاد النفس

  8. كلامك صحيح أختي ونابع من القلب لأني تأثرت فيه وجزاك الله ألف خير وجعلك في هذه الأمه هادية ومهدية وداعية إلى الله .. وعسى ربي يهدي على ايدينك خلق كثييييييييييييييييير

  9. جزاكي الله خيراً وأطال الله في عمرك وجعل هذا الفعل في ميزان حسناتك كلام جميل و منطقي جدا و بليغ يا ليت هالبنات و هالشباب ينعدلون ويا رب كل من قرأ هالكلام يعدل عن طريقه أشكرك من الصميم والسلام عليكم

  10. من احلى الايميلات اللي وصلتني كلامك يدخل القلب واحلى شي انو اخذتي على عاتقك تنفيذ مهمه واي مهمه الكلمه الطيبه والتذكير والنصيحه قال تعالى((ان الذكرى تنفع المؤمنين)) والله حال الشباب والبنات اليوم يبكي بصراحه .. الله يهديهم ويهدينا ويوفقنا لمايحب ويرضى الدنيا مو دايمه لاحد والواحد يحسب حساب لليوم اللي يكون فيه بقبره ومعه عمله عمله وبس.. ياارحم الراحمين.. ياارحم الراحمين.. ياارحم الراحمين.. اللهم احسن خواتمنا واجعل خير اعمالنا خواتمها واعف عنا واغفر لنا وارحمنا واتنا في الدنيا حسنه وفي الاخرة حسنه وقنا عذاب النار يارب العالمين…

  11. NeeArt صحيح كلامك والعالم فاهم الحريه غلط اصلا يحسبونه اطلع وقت مابي واجي واروح والبس اللي ابي يحسبونها حريه … لكن مانقول غير الله يهدي شبابنا وبناتنا.واشكرك وبأذن الله بواصل وماراح اوقف ومشكوره الفقير الى الله مشكووور وجزاك الله الف خير وكتب والله مااذكر الحين لكن ان شاءالله بأحط موضوع عن مواقع واشوف ادور كتب من اللي عندي وان شاءالله افيدك ومشكور على تواجدك mashari ريم ماقصرت وردت عليك ولكن تذكر ان الله دائما فوقك ويشوفك بكل شي تسويه .. واذا خفت الله بكل شي تسويه راح تكون افضل الناس والله يهديك يارب مقادير مشكوور اخوي على تواجدك الكريم cute مشكووور/هـ على تواجدك وجزاك الله الف خير السعد جزاك الله الف خير وسعدت بتواجدك خالد وعليكم السلام وجزاك لله الف خير REEM واصلي اختي وعرضي اللي تشوفين فيه انه شي بيفع وكلنا نكمل بعض والدين النصيحه ومشكووره على نصيحتك لمشاري كفيتي ووفيتي واشكرك لى كلامك الرائع الباسل جزاك الله الف خير اخوي صمود جزاك الله الف خير والله يسمع منك أبويوسف جزاك الله الف خيير مصطفى امييين الله يسم منك يارب وجزاك الله الف خير مشكووورين كلكم

  12. جزاك الله خير ووفقك لما يرضا وارجوا ان لايؤثر فيك افعال شرذمة المجتمع فان المؤمن مبتلا …..

  13. اشكـركـ على هذا الموضوع الروعه كتبتي فابدعتي .. جزاكـ الله يا اختي عن كل حرف كتبتيهـ كل خير وجعل الجنه هي مرادكـ يا احم الراحمين اخيك في الله وليد

  14. جزاك الله خير الجزاء وجعل الجنة مثوانا ومثواك والله هذا الكلام اللي يبرد القلب

  15. ماشاء الله عليك ياميلاد جدا الموضوع حلوووووووو أسلوبك صادق وواضح ومؤثر جدا أسأل الله أن ييسر على يديك هداية الضالين من شبابنا وبناتنا جزاك الله الفردوس الأعلى

  16. و عليكم السلام ورحمة الله وبركاته الله يجزاك خير على هالطرح ,, بالفعل هالظواهر كثير منتشر بين الشباب الله يهديهم ,,

  17. الله يجزاك خير بكل حرف كتبتيه قلتي اللي بقلبي والي من جد يحزن ويقطع القلب… وضع البنات الي حوالينا… تصدقين صرت أحس أكثر البنات غبيات!>>عذرا بس هذا الواقع..

  18. آختي بآذن آلله رآح آغير رقم جوآلي قريب بآلنسبه لي آنآ مآ عندي خوآت آبد بآلمنزل لكن آلله يقدرني آني آخرج لكن آقسم بآلله من فتن نشوفهآ خصوصآ مكآن عملي يآتي بآلفتن آلى مكآني ولكن آلآن غيرت مكتبي بعيد عن مشآهده آلفتن آلله يقدرني بآذن آلله آغير كل شي بحيآتي وآخطط للزوآج وآلطريق آلسليم آشكرك آختي ريم وآختي ميلآد وجزآكم آلله خير ونفع آلله فيكم آلآمه آلآسلآميه شكرآ لكم آخوكم مشآري

  19. بارك الله فيك ، وجزاك الله خير ، وأتمنى أن يتسّم قروب ابو نواف بهذه السمه الايمانيه الروحانيه كما عهدناه وكما هو سائر عليه الان .

  20. بارك الله فيك وجزاك الله خيرا على هذه التذكرة القيمة والطرح الأكثر من رائع ، جعله الله في ميزان حسناتك

  21. أهلين أختي ميلاد يقال خير الكلام ماقل ودل حقيقة أعجر عن التعبير او التعليق على موضوعك الرائع الذي يعتبر في الصميم . كل ما اود قوله ((وفيتي وكفيتي ) والله أذا أحب قوماً ابتلاهم دمتي بخير

  22. الله يجزاك خير بس حبيت اضيف على كلامك ان المؤمن مبتلى يعني تشوفين البنت او الولد هاديه الله ويصلي وديّن بس يكون مبتلى بمعصيه اما ان تكون معاكسات اودخان او غيرها وغيرها الله يهدي شباب وبنات المسلمين

  23. huda مشكووووره وجزاك الله الف خير حوادث مشكوووور .. (وقل لن يصيبكم الا ماكتب الله لكم) وبأذن الله ماراح احد يأثر فيني وليد مشكوووور وجزاك الله الف خير عـــبـــ2007ــــادي مشكوووور وجزاك الله الف خير n o v a مشكوووره وجزاك الله الف خير جيلان امييين الله يسمع منك وجزاك الله الف خير دلع نجدي للاسف كلامك صحيح بس اللي يخلينا نفرح ان لسى الدنيا فيها خير بنات ولا شباب الخير موجود فيهم الخير والحمدلله … وبالنسبه للموضوع في المنتدى اتمنى يكون اسمي موجود مع الموضوع … ومشكوووره mashari الله يهديك ويثبتك على طاعته واي شي انا حاضره وغيري حاضر للمساعده في النهايه الناس واحد ولبعضها أصل العطاء مشكوووور وبأذن الله يكون القروب من افضل الى افضل في كل شي fo0of0o0 مشكوووور خالد جزاك الله الف خير ومشكوور dr_ro7e مشكووور وجزاك الله الف خير a7la hanouf مشكووووره وكلامك صحيح .. والله يهدي الجميع مشكووورين كلكم

  24. السلام عليكم الله يجزاك خير أختي ميلاد قسم بالله تذكير بوقته شاكر لك من كل أعماقي

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

(( مــنــي لــكــم ))

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول