معصي يا التنويم المغناطيسي, تبي تربّي عيالك ؟


قالت الشاعرة هيفاؤووه ياحبي لها وياحبكم لها دكتاتورية

8
8
8

والله ابطي وماصرت شاعرة

المهم اني قلت هالبيت الناتج عن معاصرتي للحياة :

وان البزر للمصايب جايب  عطه وجه وبتشوف العجايب



الله اكبر وليخسأ الخاسؤوون

مدري بس احس اني صرت هيفاؤووه بن هذال

قصتي اليوم بعنوان :
_______________


لاتعطي البزارين وجه :

في يومن من الايااام شاءت الظرووف وان تشتري فاتن ساعه لعبة وكان عمرها 6 سنوات وهذا العمر انتبهوا منه لانه منبع البثارة

كان والدها يخرفش بالجريده وفاتحن على صفحه الاسهم عاد تخبرون الخط صغير ويبي يركز وش يدريتس بالاسهم وانتي من يوم تمسكين الجريده تفتحين الصفحه الاخيرة يالتسذووووبه

الا وفاتن تنادي : يبااااو من زود العربجه ياحبي لها


ابوها يقول : نعم dry.gif

فاتن وقد اقتربت منهو والحياءو يعتلي محيّاها blushing.gif وهي تدعس على الجريده من زود الدلاخه التي تسري في عروقها blushing.gif ياكرهني لذي الحركه mat.gif

ابوها : يامال الوجع وخري عن الجريده mat.gif ماتشوفين اقراااااا mat.gif

صورة

فاتن >>>>>> cry.gif

ابوها وقد تمالك اعصابه sleep.gif وقال في قرارة نفسه مايصير احاتسيها كذا خلني اشوف وش تبي sleep.gif

وقال : تعالي ياشعيلة وش تبين ؟ ( وشعيلة كلمه اثريّة اندثرت الان وهي كناية عن البنت السوسه اللي ماتدور غير الأذية )

فاتن : يبااا تراني شريت ساعه وبنومك تنويم مغناطيسي .

ابوها: وانا ابوتس يا توفي دلعهااا توفي tongue.gif

انا قاعد اقرا الجريده الحين wacko.gif

صورة

توفي : >>>>>>> cry.gif

ابوها : خلاص تعالي يامال الوجع mat.gif انا ما ادري امتس ليه ماخذتس معها للسوق

والكشرة والسرور في وجهها وهي تقترب وتقول له يالله ناظر بالساعه devil.gif>> wacko.gif

تمسكنت لحد ماتمكنت

وفلّت شعرها استعداداً للتنوميم المغناطيسي shutup.gif

صورة


ابوها: mellow.gif





فاتن : ها يبه جاك النوم ؟

ابوها : >>>>> مايــــرد !!

يعنني نايم ماله دااااااااااعي هههههههههههههه



ترى موب زين ذا الطبع انك تطاوع البزارين بكل كبيرة وصغيرة


المهم نكمّل لكم قصّه توفي

توفي تناظره وتقول : يبــه !! انت الحين منت يبه

فكر الاب يفتح عيونه بيشوف وش السالفه huh.gif

ولكن صرخة توفي جعلته يغمضها من جديد : يبا انت نايم تنويم مغناطيسي mat.gif سكر عيونك mat.gif تضحك علي هااااا ؟ cry.gif

ابوها : وقد انخرع من كلمات طفلته وغمضهاا لا ما اضحك خلاص ماني فاتح عيوني

وتكمل توفي حديثها : ارفع يدّك فووووق sleep.gif عطيناها وجه dry.gif

ابوها : كلّهن ؟

توفي : ايه يبا الثنتين sleep.gif
ابوها ويدينه مرفوعه صارت تتهزهز هههههههه تعب وهو رافع يدينه wacko.gif

صار ينادي بنته : توفي ……… توفي ؟ فاتن

فتح عيونه ولقا حاله جوّا غرفه مدورة مستديرة باللغه السيلانية mellow.gif

وقف يبي يشوف وش السالفه huh.gif الا فيه قشور فصفص وقراطيس حلاويات

ودفتر تلوين ليدي ليدي وخيوووط وعلب اكتفيد مخلصه شكل صاحبها كان يبي ينتحر  واسلااك مصدية

صار يصرخ ويخبط جدرانها المايله ويصارخ عااااااا wacko.gif

ويقول : توفييييي mat.gif وتفوووو عليتس من بنت موذية mat.gif وين انا فيه ؟؟

ويسمع صوتاً من داخل الغرفه المستديرة اللي هو منحشرٍ بها

هع هعععععااااااااايييي يبا انت براااااسي واخيراااً صرت براسي صوت توفي

ابوها : الشرهه علي اللي اطاوع بزره ارهابية مثلك mat.gif

توفي : يبه لا احطك بتسبدي الحين انواع اللوعه

ابوها : طلعين لا افصل السلك اللي براسك ذا المصدي laugh.gif

توفي : يووووه انا الغلطانه اللي احطك باحسن الاماكن خلاص بحطك مع امي بالكلى   كل واحد بكلية اثاري حتى امها

 


cry.gif صار الاب بكلية والام بكلية cry.gif


صورة

ومنصدميـــــــــن من بنتهم ليش صارت كذا mellow.gif mellow.gif

ويوم وصل ابو فاتن للكليه اليسرى

نادى على زوجته ام فاتن بالكلية اليمنى  وقال : ياولد

قالت : تتميلح انت وخشتك cry.gif من عندي يعني ؟؟؟

قال : تسمعيني ؟ cry.gif

قالت :ايه اسمع شفت اللي صار يابو فاتن ؟ والله ابد شوووفة عينك cry.gif صار فيني مثل اللي صار لك

فاتن : اقول اهجدوا انتم الاثنين تراكم رجيتوني chris.gif

ام فاتن : طيب ياماما ياتوفي من علّمك تسوين كذا ؟؟

ابو فاتن : حرام حنا اهلك امك وابوك ohmy.gif !!!!!!!

فـــاتــ(توفي )ــن : التلفزيووووون علمني اسوي كذاااا hehe.gif

اهلها : علمك ماتطيعين امك وابوك ؟؟ mat.gif

توفي : ايه شفت عالهوا سوا وياحليله
vويسي ينادونه البنات ويسولفون معه على كيفهم وترا انا يايبا زي vويسي انت تناديني وانا ارد عليك وانت ماتشوفني وانا اشوفك


برنامج عالهوا سوا : في داخل المنزل اللي عايشين فيه البنات يوجد شخص لايرونه يُدعى : vويسي  اي وحده تتضايق تروح تدردش معه من غير مايشوفونه wacko.gif


اهلها : ايوه ووش علمك بعد التلفزيون ؟

توفي : ابد الله يسلمكم صرت اشوف الفيديو كليبااات فاتكم فيديو كليب روبي الجديد
يمه ترى مايمديك على روبي انا اذا كبرت ان شالله بصير زي روبي امحق بنت


اهلها : ايه ووش بعد تشوفين بالتلفزيون

توفي : اشوف ستار اكدميييي

احمد عطيه يحب ميرا  وصوفيا وسميه طلعوا بالنومني cry.gif
واعرف اسوي زيهم مييييييآآآآآآآآآآآيييييي تتدرب معهم

8
8
8

ابد قالت كلللللل السوالف مافيه شي ميب عارفته وهي بس ست سنوات wacko.gif هذي شلون ان كبرت ؟؟؟


نادى ابو فاتن على ام فاتن وقال : الله يخلف على بنتنا mellow.gif


______________________


فاتن تنادي اهلها : اقول ماتبون تطلعون مني ؟؟

امها : الا حبيبتي طلعيني بس اتركي ابوك عشان بسوي لك العشا الحين

ابوها : وشو وشو وشو ؟؟؟ اها بس اها mat.gif
فاتن : طيب يالله غمضو ا وقولوا معي وبصوت عااالي :

لي ثلاث أيام ماجاني خبر  واعذاب المولّع بنص كم واعذابه

8
8
8

كلمه السر

وبعد ماقالوها tongue.gif

طلع الاب والام من توفي الصغيرة ووجدوا حالهم بالصالة  وتوفي نايمه على الكنبة

وفكر الاهل شلون بيربون بنتهم بعيد عن الجو الاجتماعي اللي تجري الرذائل فيه زي قولة السلامو عليكم wacko.gif ؟؟

الاب : خلاص بنهاجر sleep.gif

الام : وين ؟؟

الاب : المريخ sleep.gif

الام : نعم ؟؟

الاب : تبين بنتك تطلع زي روووبي mat.gif

الام : لاخلاص نهاجر المريخ cry.gif ترى يمدحون اسواقهم كلّن على همّه سرى wacko.gif

الاب : يقولون حريمهن يسقن سيارات

الام : لا اجل هوننا

الأب : يابنت الحلال امزح بلا فشكلااااك راجل معااافن wacko.gif ( فؤاد )
__________________

واللي يبي يربي اطفاله تربيه سليمه smile.gif الظاهر انه بينحاش بعياله للمريخ زي ابو توفي

انتهى happy.gif









ملحق الموضوع

وبالمره دامني تكلمت عن البزارين بقول لكم شغله مهمه  ترى اسماء الدلع هاليومين مدري وش تبي mellow.gif

لا ما اقصد انكم ماتدلعون صغاركم دلعوووهم بس بحدود ياخي استغفر الله صارت اسماء الدلع ولا اسماء كائنات فظائيه  اجل هاك اليوم وحنا بمطعم الا وحده صوتها قريب من الكبينه حقتنا وتنادي (( زازااا ))

وساكتين حنّا

الا والصوت يقرب اكثر (( زااازااا ))

(( يازااازااااا )) mat.gif

ردّت الوالدة عليها وهي تضحك : غلطانه حبيبتي زازا مهوب هنا فيه يوفه هههههه حتى انا دلعي مدري وش لونهو قايل dry.gif

خييييييييير وش تبي ذي wacko.gif يعني معقوله عبد العزيز بيصير زازا ؟ الله يالدنيااا

خبري اخر دلع لعبد العزيز زوزوو ok.gif من بعد ماكان عزيـّـز او عزيز  الله يرحم اياام دحيــّــم (( وهو اسم دلع لعبد الرحمن )) الحين صار دحمنـّي الذي تحوّل في السنوات الأخيرة الى (( حمنــّــي )) لعن ابو بليسكم مابقا به شي كل شوين وانتم حاذفين لي حرف mat.gif

ورزيّــدز رزيّق (( وهو دلع لاسم عبد الرزاق )) ماعاد يسمون هالاسم الظاهر انقرض

ولا البنات wacko.gif الحمدلله والشكر

خوخو- جوجو- طوطو – بوبو – ؤو ؤو اما عاد ؤو ؤو مايمديكم عليه تراه دلع ( لأريج أو أسماء )

توفي – موفي – (( ميّويه )) دلع اسم ( مي )

وماني مطوله السوالف لحد هنا وستووووووب smile.gif

وكل عام وانتم بخير حبايب ألبي تؤبروني




ونراكم في مواضيع اخرى smile.gif

ودمتم سالميـــــــــن

اختكم / هيفاؤووه


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

معصي يا التنويم المغناطيسي, تبي تربّي عيالك ؟

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول