مشاهد واقعيه ..


بسم الله الرحمن الرحيم
وهل فيه أفضل من تلك البدايه ..
بدايه بذكر من خلق روعة تلك الصور الرائعه .. أي هذا الكون ..

أحبتي .. قد لا نعرف بعضنا بالوقت الحالي .. وهذا ما اود ان اطلعكم عليه في البدايه ..
عضو جديد لا انكر أني كنت من المتابعين لهذا القروب .. لكن كان لي صمت جبار بنظره متميزهـ
وعلى ما اعتقد أنه حان صحوة ذالك الصمت فاتمنى أن نعرف بعضنا من طريقة تلاقي حروفنا ..
حروف نثري هنا .. وحروف حصدي منكم ..
ما اطمح به اخوتي واتمناهـ .. ان يكون بيننا رابط حسي ومعنوي ليس فقط مشاركاتي هنا وآرائكم ..
انما رابط يجعل ما يحدث بيننا ليس الا حوار هادف ونقاش مقنع ..

سوف تبداء رحلتكم معي .. رحله مميزه ومشوقهـ .. لاني سوف أبحر بكم إلى عالم خاص .. جديد وغريب بنفس الوقت ..
قد البعض يلمح بعضه والبعض يعيشه لكن لم يصرح عنه ..
هي عدت اخبار وأحداث تحدث هنا وهناك ..
انتم ما تسمعون الا الظاهر .. لكن هل انتم مستعدين لسماع الخافي ..؟
انا سوف أبحر بكم .. إلى عالم يقع بين الرجال والنساء .. الكبير والصغير ..
أحداث تحدث ويراها البعض عاديه .. لكن هي بداية لشيء أعظم ..
مثل الفيروس المتطور .. 

واليوم سوف اعرض لكم أربع مشاهد فقط .. لكي لا أتعبكم بالقراءه والمشاهده الطويله .. 
وأيضا اجل لباقي المشتركين جزء من قراءتكم ..
.
.
.
.
المشهد الاول
أخر صيحات الموضة بالـ(ـمزح)..

شباب ماتبون ناقف نصلي ؟
يتناظرون لبعض ..
مركبين معنى مسلم ؟؟
ويبدأ الضحك والقهقه ..

انزل انزل بس لا تزعجنا يالمسلم << هذا مزح من نوع جديد
وأنت تسألهم متعجب .. وراه انتم منتم مسلمين ..؟
لا ياشيخ هذا نصراني وأنا يهودي << ومازال يتطاول نوع المزح ..

ماراح اكتب مقاله عن هالامر فقط بكتفي بقول الله سبحانه .. 
{  (وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَائِفَةٍ مِّنكُمْ نُعَذِّبْ طَائِفَةً بِأَنَّهُمْ كَانُواْ مُجْرِمِينَ ) } 
وحديث لخير البريه .. الرسول اللهم صلي وسلم عليه .. 
« إن الرجل ليتكلم بالكلمة ليضحك بها جلساءه يهوي بها من أبعد من الثريا »

المشهد الثاني
ألـــــــــــــــــــــــــــوان
فيه ناس لونهم ازرق وابيض ..
يلعبون صح .. ودراهم تجيهم صح
واذا فازوا قالوا مافي شي جديد ..
واذا خسروا قالوا حظ ونصيب ..
جمهورهـ .. دايم تلاقيهم عند الاسواق يترززون ..
قويين عين .. خسران ولا فايز
ومشكلتهم مغرورين ..

وفيه ناس لونهم اصفر وازرق ..
لعبهم موب ( هاكالي ) لكن بالهم طويل << بعد 10 سنين هههههههههه
إذا فازوا قالوا أصلا عارفين النتيجه من اوله ..
وإذا خسروا انسحبوا بصمت كالعادهـ ..
جمهورهـ .. جفش شوي
وماتلاقيهم الا بالربيعيه وام دبابه ..
اذا فازوا بدو يهزئون وإذا خسروا قالوا الحكم غشاش

وفيه ناس لونهم  اصفر واسود  وبقالهم النمور ..
لعبهم بدا يزين مع طلعة الروح .. لكن النتيجه نفسه
لهم رئيس ارتفع سكره كثر ماكب عليهم لكن مافي فايده
جاب القاصي والداني علشان يزين لعبهم لكن مافي فايده
بالأخير استقال وقالهم لاعادت عليكم من فريق
جمهوره .. قلوبهم عسل لكن مشكلتهم انهم حارين
ماتلاقيهم إلا حول البحر وأنت جاي ..

يتبع باقي المشهد بعدين ..

المشهد الثالث
ياخي صوته يخقق
طالع للجامعه من صباح الله خير .. تفتح القناة المعتاد انك تفتحه ..
تسمع صوت فتاة اتكلم بغزل وبرقه .. ومعها واحد يضيف للجو طعم ..
تاصل للجامعه تخلص أول محاضره تطلع للكافتيريا .. تاخذ فطورك وتجتمع مع أخوياك ..
فيبدأ الحوار الجميل ..

يالاخ سمعت ذيك المذيعه الى بـMBC الصبح ..
وش فيها ؟؟
ياخي صوتها خقق والله يانا دخت معه
ويبدأ هالحوار على هالمنوال وأنت بس تقعد تشوفهم
والى يقول يازين من ( شبكه ) والثاني يقول آه لو هي خويتي كان أجحد العالم
والثالث وهذي الخيبه يقول انا قررت أشتغل يـMBC علشانه
ويالله لما تنتهي فترة الراحه ..

انا الصراحه مادري وش اقول ..
لكن إذا هذا تفكير شبابنا وهم منحصرين تحت حكم الانغلاق .. وش راح يسون بالخارج طيب .؟
إذا وصل وقت الانفتاح وش راح يكون تصرفاتهم ..
ومع ذالك مازال بيننا ناس يحثون على الانفتاح الفكري ..
وإذا اعترضت ياويلك ..
حقيقه ناس غريبه .. وعجيبه ..
لكن ماقول إلا الله يستر علينا من شر أنفسنا ..

المشهد الرابع
إذا لم تكن ذئب أكلتك الذئاب 
وهذا مشهد يستحق التوقف عنده ..
الجميع سمع بهذا المثل ..
والاكثريه اقتنع فيه وبدا حياته على هالمنوال ..
لكن ممكن نتوقف لحظات قبل ماندشن بمعنى هذا المثل .. 
إذا لم تكن ذئب أكلتك الذئاب .. يعني هل نحن بزمن مليء بالذئاب ..
عشت خيالي لحظه .. ورسمت عالم بتلك الصوره ..
فلم أجد إلا أنياب مليئه بالدماء وعيون تكاد أن تتمزق من شدة وضوح عروقها .. 
فهل تبحثون عن تلك الحياة يامن امتثل بذاك المثل ؟

أحبتي

نحن ألان يتم أكلنا من الخارج .. فكيف نجعل أنفسنا نتآكل من الداخل ..
يوجد وحش هائج قادم .. من الغرب سوف يلتهمنا مع الذئاب
لماذا تلك الصورهـ نرسمها بحياتنا .. انا لا أنكر إن مافي ذئاب فيه .. وبكثرهـ ..
لكن هل هذا يعني أن نكن ذئاب نحن ؟
وليس إن لم تكن ذئب كنت شخص غبي غير فاهم لا ..
أنا من هاللحظه بعدل تلك الرؤيه برؤيه إخرى ..

ليه مانقول .. إذا لم تكن صياد أكلتك الذئاب .. وهذا المعنى الصحيح ..
خلك شخص ذكي وواعي تعرف من الذيب ومن الضحيه
لا تكن ميت الضمير .. وتبدأ بأكل حقوق الآخرين .. بل كن صياد لايغدر بهـ ..
اعرف من بين هالناس الذئب واصتادهـ .. وان بغيت كله وكل ( تسبدته ) علشان تشوف الجن وتاكلهم بعد
لكن يوجد ناس ضعفاء .. وهذا مو عذر انه بهالضعف تقوم و( تنهشه ) ..
لا ياخي والله لا .. بكره ربي تبي تاقف بين أيدينه .. ويبي يسئلك عن مافعلت وش تبي تقوله .؟
تقول أكله انا ولا ياكله غيري مثل واحد قالي هالرد بعد ماناقشته ..
ربي يتوب عن كل شخص ويسامح كل شخص على معصيته إلا حقوق الآخرين..

وكلامي هذا موجه بالأخص إلى راعين البنات ..
وأنا مسمي ذئاب البنات .. بالذئب الهائج..
وراح نتطرق بعدين إلى أنواع الذئاب .. لان فيه اليوم ذئاب 2008
ذئاب راح تطير عيونكم من تصرفاتهم .. وكل هذا بالمشاهد القادمه 

ياخي ترى البنت من يوم تجيك ماجتك مثل ما أنت جيتها ..
هي ناقصها اشياء وحست إن هالا مر يكملها ..
المسكينه ضعيفه ورقيقة القلب وأنت تستغل هالنقطه ..
تدري انه اخف له انك تسبها وتخليها ضحكه للآخرين.. أهون من انك تعيشها بكذب ..
وأنت تحسب انك إذا أنهيت علاقتك معه بعد ما أخذت منها الى تبي خلاص انتهت هي على هالا مر
لا هي خلاص تبي تدور شي اشد من الي كانت فيه قبل .. لأنك خليت فيها فراغ كبير ومشيت..
صح أنت وش يهمك.. لكن ربي يهمه هالا مر ..
ويا ويلك من عذاب الله .. والله إن تتمنى انك ماسويت هالا مر تتمنى انك مت قبل ماتقدم على هالا مر ..

بالأخير..
 مانستفيده من تلك المشاهد ..

المشهد الأول..
ولاتكن مثل ماقال الرسول اللهم صلي وسلم عليه .. بل كن معمارآ  للخير ..

المشهد الثاني ..
مهما اختلفت الألوان ترانا أخوان .. أهم شي الروح الرياضيه
مو زي ماشفت تكسير وتجديع على الثانين الى انفتح مخه علشان فوز وخساره
والى بغى يموت والى كسرت قزازة سيارته ماله داعي كل هالتعصب
وترا مو كل ماقلته صحيح .. لكن هذي رؤيتي ..
ومبروك الفوز للأصفر والأزرق عقبال الـ10 سنين الجايه فوز إن شاء الله << هالكاس تصبيره لهم 10 سنين ههههههههه

المشهد الثالث ..
صوته خقق ولا صوته ( مرقه ) استح على وجهك هذا طولك وعرضك تقول هالكلام
إلي صوت يجيبك ويوديك عاد وشلون لو قدامه وش تبي تسوي .. شكلك تبي تركض تصيح من الهبال
خلك ثقيل ترى أزين مابالرجال الرزانه .. وخلك خشن بس مو خشانه ان العجره بالكتف والكتف الثاني بوه الشماغ
ومن مر من عندك صكيته على وجه لما بدا يذرف دمان
خشانة رجوله ..

المشهد الرابع ..
مثل ماتفقنا .. إذا لم تكن صياد أكلتك الذئاب..
وخلونا من المثل القديم ..
وتذكروا دائما مهما تسوي لاتظن إن الأمر يبي ينتهي على كذا ..
فيه حساب بالاخير.. وذاك الوقت نبي نعرف وش راح يكون ردك ..

ارجوا إنكم استمتعوا بتلك المشاهد الرائعة.. ومن لديه اي تعليق أو نقد هادف ..
فليتفضل هنا ..

Mansor.net
تحياتي لقارئ تلك الحروف ..


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مشاهد واقعيه ..

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول