محاولة أغتصاب فتاة في الخمسين ؟؟ قصةحقيقية


هااااااااااااااااااي

قبل فتره .. وصلتني قصة ( سوالف القايله ) اللي يتكلم فيها عن ( بسمه ) والخدمات( ومذمذ) ما زالت تنتفخ

عاد حبيت اعلق على الموضوع وأقولكم عن خدامه اندنوسيه ( مسلمه ) كانت عندنا




في يوم من أيام السنه الماضيه وتحديدا في منتصف شهر رجب رجعت من الكليه كعادتي .. واخبرتني امي ان الخدامه ماهي موجوده والى الحين الخبر عادي .. ودايم يصير عند اغلب الناس …. المهم
رحنا الشرطه وبلغنا عن هروب الخدامه … والظروف المحيطه بهروبها

وبعد فتره حوالي الشهر والنصف دقو علينا السفاره الاندنوسيه يبلغوننا ان الخدامه عندهم ( يعني قبل رمضان بكم يوم ) … المهم

قلنا نبي نأدب الخدامه ونخليها كم يوم عندهم
وبعد عشره ايام تقريبا ..راح اخوي الكبير للسفاره يبي ينهي الاجراءت ويسفّر الخدامه ,السفاره رفضو انهاء الاجراءات الا بعد حصول الخدامه على المبالغ المستحقه كامله ومعها راتب شهر رجب وشعبان ورمضان ( اللي كانت هربه فيها ) والا ما تسافر
الشروط معروفه في حالة هروب الخدمات انها هي اللي تدفع التذكره وتخصم منها بعض المستحقات ….الخ

المهم اخوي رفض اللي قالوه السفاره وترك الخدامه عندهم وراح ….. بعد حوالي شهر من الكلام هذا

يعني في نصف شهر شوال

اتصل شخص من السفاره على الوالده وهدد انهم بيرفعون قضيه علينا لو ما جينا وخلصنا موضوع الخدامه

الخدامه كانت باسم اخوي وكلني اخوي اني اشوف موضوعها وأخلصه … تكفلت بالشي هذا ورحت السفاره .. والمشكله اني اخذت امي معي انا ووجهي

دخلنا السفاره وكان اثباتي عند الباب وهذا من الشروط الامنيه في السفاره

نادو الخدامه لنا وبعد حوالي الساعه والنصف جت المملوحه بنت الخمسين عاما ( والله نسيت اسمها ) قعدنا
حنّا والخدامه والمسؤول عنهم في غرفه عشان نتفاهم ونخلص باقي الاجراءات ونسفرها
طالبو السفاره بمبالغ المفروض تكون مخصومه حسب الشروط المعروفه في حالة هروب الخادمات,طبعا رفضنا الشي هذا وبدون تفاهم قامو يتفاهمون مع الخدامه بلغتهم وقامت بسرعه وقام المسؤل وتركونا في الغرفه لوحدنا قلت للوالده يالله مشينا خليهم واذا فيهم خير يسفرونها هم
ما وصلنا باب السفاره الا الحكومه قدامنا ماشاء الله عليهم بغو يلقطوني انا والوالده
وصرت بين خيارين اما ارجع داخل السفاره والا اركب جيب الدوريه وقتها قلت :(ياليتني بلحالي)يالله هذا المكتوب
رجعت ودخلت السفاره وجاتنا المشرفه وقالت نبي نشوف ملف الخدامه ونحكم بينكم ونخلص الحين
جابت الملف والا الخدامه رافعه شكوى ان الابن (فلان) اغتصبها سبع مرات … وطبعا الابن هذا هو ( أنــــا)يــــــــــــــــاهوووووووووووووووووه
كيف اغتصب حرمه عمرها فوق الخمسين ؟؟؟
وأنا عمري ما تعدى العشرين…بعدين وشلون ساكته ماتكلمت من قبل ؟؟ كيف.. متى ..؟؟ مليون سؤال
طرت في بالي ذيك اللحظه والمشكله

مافيه اجوبه …. !!!؟؟؟
قالت المشرفه ….. يا الدفع مبلغ 8000 الاف او الجيب
الازق يحتريك انت وامك عند الباب ..عاد ماشاء الله على شرطتنا يعرفون ياخذون حق الاجانب ولا يعرفون ياخذون حقك انت !!!!!!!؟؟

بعد اكثر من ساعه تفكير قررت الدفع احسن ما تتبهذل امي معي ( وبصراحه تحت تأثير دموع الوالده قررت الدفع ) والله كان ودّي دموع امي تنزل على موتي ولا تنزل في موقف زي كذا

دفعت المبلغ مغلوبا على امري
وخرجت من السفاره بعد اكثرمن ثلاث ساعات

هذه حكايتي باختصار مع الخدامه الاندنوسيه (((المسلمه ))) ذات الخمسين ربيعا

وطبعا انا المجرم المغتصب

….ملاحظه……
بعد خروجي من السفاره اكتشفت ان قصتي تكررت مع اكثر من خمسه اشخاص وجدتهم خارج السفاره يطلبون اثباتاتهم في ذلك اليوم فقط؟؟؟؟؟؟

أحد الاشخاص اللذين تشابهت قصتي معهم يبلغ من العمر السابعه والخمسين والشيب يملاْء وجهه ولحيته
والدموع تكاد تتفطر من اعينه

شخص اخر يبلغ الخامسه والعشربن متزوج جديد
لم يمر على زواجه الا الشهرين!!!! هل يفكر بخادمه تبلغ الاربعين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ما أقدر اقول الا (حسبي الله على الظالم)؟؟

واللي يشوف مصيبة غيره تهون عليه مصيبته


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

محاولة أغتصاب فتاة في الخمسين ؟؟ قصةحقيقية

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول