ما بعد الأمطار في الرياض يوم الاثنين 19-5-1431هـ


الاخوة الكرام في قروب ابو نواف
السلام عليكم ورحمة الله وبركاته
اعترف اني مقصر في المشاركات بس شدني اليوم حماس غريب بعد اجواء مشحونة سبقها نزول الامطار المصحوبة بزخات البرد الله يطرح الخير فيها وينفع بها البلاد والعباد ويحفظ الجميع من شرها ,,,, باختصار حبيت ابين مدى خطورة اللي يصير بعد نزول الأمطار داخل المدن والإهمال الكبير من الامانات والجهات المسئولة عن اي شيئ محيط فينا من مباني وخدمات وطرق وكل شيء دون استثناء اسف على كثرة الكلام بس اخليكم مع الصور يمكن هالصور تفيد في تصحيح بعض الأمور ومعالجتها بشكل سريع قبل فوات الاوان
::
:::
::::
الصور التالية وبكل بساطة سيارات تنقل طالبات وعوائل يعني نفس بشرية حية يعني اوادم وبحمد من الله لم تحصل اصابات بس اللي شدني العائلة اللي كانت في سيارة الصالون حفظهم الله لحقوا ونزلوا من السيارة قبل تحاصرهم المياه ولاذوا بالفرار في العمارة القريبة منهم اللي تحت الانشاء وسيارة نقل الطالبات ولله الحمد والمنة ما فيها طالبات بس السواق والله ستر عليه جالس في البراد فوق السيارة يحتري قوات الدفاع المدني اللي ناشبين في زحمة الدائري ,,, نجي لبداية هذه الكارثة بكل بساطة انفجار الحاجز الترابي المحيط بالمخطط المجاور للطريق بسبب انحسار مياه الامطار واندفاع المياه بشكل مباغت وسريع على الطريق والبيوت القريبة

/

/

/

التهور من بعض الناس يوديهم في مواقف صعبه وخطيرة بس الله يستر على العباد

/

نجي للمصيبة والكارثة اللي نشوفها دايم في الشوارع وهي الحفريات بس هنا الحفرة غير حفرة تلتهم نصف الطريق ومياه الأمطار تنجرف في الحفرة وصارت طين وماء وبدت تنهدم وتنهال شوي شوي يعني يا ويلك ياللي تقرب ويمكن تتوسع ويروح ضحيتها الناس اللي تمشي على الطريق أخليكم مع الصور

/

/

/

أما هالصورة بدون تعليق

/

يتبع

/

الصور التالية تبين تجمع مياه الأمطار وأنه مافيه تصريف لها وبعض البيوت والشقق محاصرة ومياه الأمطار تحرك السيارات يمين ويسار بشكل غير طبيعي يمكن انهيار بعض اعزكم الله حفريات وبرك المجاري اللي في الشارع لأنه بشكل سريع ينحسر الماء أو يرتد لسبب غير معروف ومن الأسباب تحرك بعض السيارات النقل الرباعي في اول تجمع المياه اخليكم مع الصور

/

/

/

الوضع مازال حتى الليل كما هو الحال في الصور التالية

/

/

/

غرفة كهرب في مخطط محاصرة بالماء وفي اي لحظة قد تسبب خطر للناس القريبين منه

/

/

نجي وندقق في الصور الختامية وانتبهوا ترى تحت السواهي دواهي وانا أصور وما خذني الحماس بغيت اصير ضحية الدواهي اللي تحت السواهي قصدي في الصور اللي تحت

/

الخطر من هاذي اللي في الصورة الاخيرة الله يكفينا شرها لأن الوضع اللي صاير في الحي يساعد على انتشارها وتكاثرها في المحيط اللي نعيش فيه ولا ننسى الباعوض !! لأن الجو والوضع يساعد في انتشاره

/

تقبلوا تحياتي محبكم : البيسك


تابع جديد رسائل المجموعة على تويتر

/
twitter.com/AbuNawafNet


تعليقات 42

  1. السلام عليكم ورحمه الله وبركاته حبيبي من تحاسب؟؟؟؟ امين منطقه الرياض ؟؟ولا وزير البلديه؟؟ولا وزير المواصلات؟؟ ثاني شي الدفاع يقول لاوجود لضحايا ؟الى متى الكذب والنفاق الدائري الشمال مقفل بسبب وجود بركه تمتد لأكثر من 500 متر ولادوريه حظرت لتنظيم السير سوى الشباب المتطوعين الذين قامو بتنظيم السير بدون مقابل ولم يتم ذكرهم في جريده ولا صوره لهم انما تطبيل للمسؤلين في المرور والدفاع وكلنا شاف اشياء لايسكت عنها وبالاخير ابره مخدره :عطوهم اجازه للطلاب؟؟وين حنا فيه صراحه سالفه جده راحت ماشفنا اي كلمه قالوها في التلفزيون طبقت او نفذت وطني الى متى من جرف الى جرف الى جرف

  2. هي كذا ما تحس بالكارثه اوخراب الا بعد ما توقع الكارثه … اول كان في مكه المكرمه لما يجيها السيول تغرق ويوصل لحد باب الكعبه ارتفاع المياهـ .. ولكن الحمدلله الان في تصريف لمياه الأمطار ولا صار يدخل للحرم سيل … وكارثة جدة ما فاقت الناس الا لما صار فيها اللي صار …. والحين دور الرياض …. والله اعلم الاتيه فين راح تكون … لا حول ولا قوة إلا بالله

  3. مشكور أخي العزيز على التقرير الجميل وما بيدنا نقول إلا الله يحميكم ويسلمكم يا أهل المملكه الحبيبه وان شاء الله تكون مجرد سحابة صيف وتروح مهما كان فيه أضرار المهم أنه الله يحفظكم ويحفظ بلاد الحرمين الشريفين من كل مكروه الأمطار والفيضانات جربناها في إعصار جونو عام 2007 والحمد لله على كل حال ، أعيد وأزيد وأقول الله يحميكم يا أحفاد الصحابه. تقبل المرور أخوك عمر الغيثي

  4. الله يكون في عون المتضرين صورة حلوووووة ورائع يعطيك الف عافية البيسك علي النقل الجميل

  5. يجب تكاتف جميع شعب المملكة ضد الفساد الاداري تكاتفو مع اهل جدة حاجة ثانية / ربما تكون عقوبة من الله بسبب سكوتهم وعدم نشر تقرير اللجنة اللتي شكلها الملك للتحقيق في سيول جدة 8 – 12 – 1430 هـ لان التقرير وصل الرياض

  6. الله يرزقكم خيرها ويكفيكم شرها أهل السعودية بس انا اعرف ان الرياض من اجمل وارقى المناطق في السعودية طيب ايه اللي حاصل ده ؟؟؟؟ ربنا يسترها عليكو

  7. sorry if i am writing by english language cause i have a problem with my keybord, any way thanks for the person who sent us all this pictures which show us the greats of ALLAH and should people learn of this lesson and keep in hold with faith and rightness, God bless you all

  8. هذه الصور لو نشوفها في بلاد فقير نقول معليش لكن العيب إنها في بلد مثل المملكة العربية السعوديه. يعني ما في عبره من سيول جده. لكن ما نقول إلا الله يكون في عون الشعوب. وسلامة الجميع.

  9. الله يجزك خير على النقل والله احنا المويه دخلت لجوه البيت ومكنا لحقين تنشيف والله يبارك في المطر وتكون مطر خير وبركه

  10. نتمنى انهم يتحركون المسؤليين مو لين يصير ضحايا واموات واذا هذي العاصمه كذا اجل كيف المدن الثانيه الحمد لله احنا في الجنوب ماعندنا كذا تروح طوالي للاوديه بس الناس الله يهديهم تجمعهم يسبب اضرار كبيره ومنها تاخر وصول الفرق المساعدة وبس الله عليك ماتشوف شر ومجهود اكثر من رائع

  11. يأخواني انا أستغرب من بعض الناس والتعليقات والبرامج الاعلاميه بس يدورون أي شئ على الدوله ………. هذا الصور نفس الصور اللي شفتها في قناة الاخباريه ونفس ضورة الشارع شفتها في قناة العربيه وقناة الصحراء وقناة المرقاب وكثير من الايميلات . أيش تبغى الدولة تسويلك ترد الامطار ؟؟؟؟؟؟؟؟ بعدين احمد ربك انت وياه غيرنا من الدول جتهم نفس الامطار هذا ويمكن اقل انهار فيها مدن كامله مو شارع ولى نفق احمد ربك انت وياه وأذكرو الله والله يخليلنا الدوله وحكامها .

  12. الأمطار غزيرة و الناس معلقين في الطرقات .! أمين مدينة الرياض يستحق إلقاء اللوم عليه

  13. الله يعطيك العافيه على التعليق والصور واللي انت تقصدهم نقول لهم احلام سعيده نوم العوافي بس اخوي اناعندي ملاحظه على اللي يتجمهرون واحيانن يدخلون بوسط السيول علما أن الآرصاد والدفاع حذروا من هذه العاصفه قبل دخولها بثلاثة ايام

  14. السلام عليكم لا حول ولا قوة لا بالله هذا امر الله اول ولاخير احنا نرميها علي المسولين الى متي !!!!!؟؟؟ هذ مكتوب لنا ومقدره من الرياض

  15. اولاً الله يعطيك العافيه على الصور وجد شي مؤلم ان ترى هذي المناظر بالسعوديه ! بلد الخيراات والتبرعآت <~! اهتموو ببلدكم احسن لكم ولا لازم يمتوون ال1000 عشــآن تحلو المشاكل ولا لازم يغرقون الناس مثل ماصار بجده بعدين تبدأ التصليحات! وين المليارات والملاين اللي تتبرعو فيها ل’’’’’’’’’’ عشان تدعمو اقتصادها! حسبي الله ونعم الوكيل والله يرحم امواتنا وجعل مثواهم الجنه! ويصبر اهلهم وذويهم ويلهمهم الصبر والسلوآن!

  16. واللهي حنا في امان شوف جده لما جاها السيول صار فيها ضحايا 🙁 والحمد لله الرياض اثنا اسيول مافي ضحايا :$بس السيارات هي الي راحت بدل السياره 1000 سياره والله يعوض من راح اي شي من املاكه وانشا الله يتم زيادة الصرف الصحي لكي لاتضرر السيرات حتى مع تحياتي خالد العنزي

  17. حياكم الله جميعاً ومشكورين على التعليقات الجميلة من اناس جميلين اعتدنا عليهم في احلى قروب. قولوا آمين: الله يرحم موتى المسلمين ويصبر اهلهم , والمتظررين الله يعوض عليهم. Welcome to This Group abunawaf Thank you for your comment تحياتي

  18. للأسف ان هذه الصور في عاصمة اكبر دول العالم المصدرة للنفط . كذبوا على العالم في سيول جدة وقالوا احياء عشوائية !! ماهي الكذبة الجديدة لما حدث ويحدث في الرياض ياترى ؟؟ .. من أمن العقوبة أساء الأدب .. حسبي الله ونعم الوكيل في كل مسؤول تسبب في حدوث هذه الكوارث .. قدر الله ان تهب علينا عاصفة رعدية ولكن لو كان هناك تصريف لما حدث هذه الاضرار .. الله يحميكم ويحفظكم و ينتقم من كل ظالم .

  19. في البداية احب أن اشكرك على هذا الموضوع الجميل وثاني شيء الصراحه فيه ناااس كثااار للاسف الشديد يشوفون مشكلة بمنطقة [ يروحون لهالمكان ] ابعرف ليييييييش يتجمعون بمناطق خطره مثل الصوره اللي نص الطريق طايح … الطريق طايح يروح يتفرج عليه [ ليييييش ] افرض انهار الطريق والله العظيم انه يروح فيها ويندفن تحت هالطين ويصير خير احد يطلعه .. وثاني شيء اللي واقفين عند الكهرب [ الصراحه بقمة الغباء ] والعذر و السموح على هالكلمة .. افرض انه ضرب هالكهرب عليه والله ينقلب مشوي محترق .. كل اللي اقوله اتمنى من الجميع انهم ينتبهون من هالاشياء لان والله انها خطره والواحد يستهين فيها أدري اني طلعت عن الموضوع شوي وتناقشون بمشاكل السيول و التصريف بس برضو الواحد لازم ينتبه للاشياء الثانيه

  20. أنا قررأت التعليقات وحبيت بس أعلق :$ بخصوص اللي صار في الرياض مع الامطار نحمد الله على كل حال .. ماصار فينا مثل ماصار في جده لاحول ولا قوة الا بالله ولكن هم أخفوا إنه يوجد ضحايا ومتاثرين وأنكروا في الوسائل الاعلاميه وحقيقة إنه يوجد الكثير من المتاثرين !! وقريب لي من بينهم في أحد مستشفيات الرياض نتيجة اختناق بالمياه. حسبي الله ونعم الوكيل ..:(

  21. للاخ الي تحت الي يقوول لاتلومون حكاام الدولة وهذا قضاء وقدر صح انة قضاء وقدر بس وين التصرييييييييييييف ولا الانفااق ولا فتحهةتصرييييف الله ينتقم منهم انا لله وانا اليه راجعون

  22. نفس حكاية جده ومن المفروض يحاكم على رائس البلدية بالقصاص تعزيراا

  23. سبحانك إلهي، أتملكون عقولاً فارغة؟؟ أم ما قصتكم بالضبط؟ أخبروني! كيف للمطر أن يختفي ويتلاشى في ثوان؟ فكروا بعقولكم يا ناس !! ألا ترون الفيضانات التي تحصل في مدن غير مدن السعودية؟ لمَ لم تسبّوا أمانتهم أو حكومتهم؟ لتفريطهم الشديييييييد!! فكروا قليلاً فلديكم عقول تفهم وتعي، ولاأظنها تعي بعد الآن ! المطر نزل، في ساعتها.. كيف بالله بيختفي على طول؟؟ كيييييييييييف؟؟؟؟؟؟؟؟؟؟؟؟؟؟؟؟؟ مني فاهمة في ثانية وحدة عادي بيروح؟ بعدين لا تنسون احنا بيئتنا مو مهيئة انها تكون ممطرة 24 ساعة ! ثم بعقلكم المطر كان متواصل وما وقف أبداً، كيف بيمديهم يشفطون المياه؟؟ ياناس فكروا بعقولكم شوي حرام عليكم والله !! بعدين في النهاية، هذا قدر كتبه ربي، ولا تحطون السبب في أحد لا يبلاكم ربي الحين وتذوقون معنى الظلم !! أستغفرالله ناس كافرة بالنعمة من جد ! الله يسامحك يا راعي الشبكة بس.. الله يسامحك !

  24. انا كنت بالرياض يوم المطر ولله الحمد هذا خير من الله بس المشكله ماكنا نصدق ان الرياض العاصمه الخليجيه الكبيره ما يكون فيها صرف صحي تاكدو باذن الله ان هالامور راح يشوفون لها حل بس يا اخوان احنا ما نبي ننتغدهم بس لازم نشوف وش الحل والحكومه انا متاكد انها ماراح تقصر تقبلو تحياتي

  25. الله يستر على المسلمين ويكفينا شر انفسنا لان كل اللي صار من ذنوب الخلايق اصحو ياناس واعلنوها توبه الله يعفي لاحول ولا قوة الابالله

  26. اولا احر التعازي لك رولا ثانيا الله يستر من الجاي خصوصا حسب ما سمعنا ان الوضع راح يستمر 15 يوم وما اقـــــــــــــول الا الله يستر علينا:(

  27. اللي يقول لا تتهموا المسئولين واللي يقول ما ادري ايش اذا كان مهوب خطأ المسئولين ففيه سؤال …وين تروح الفلوس اللي يتم رصدها لأعمال تصريف السيول وهي بالملايين ؟؟؟؟ اما من ناحية ما يدي السيول تروح …أقول …صبحكم الله بالخير …شلونكم . الهند تمطر عندهم طوال السنة ومن واكثر من كذا …بس يخلص المطر بعدها بربع ساعه ما تلاقي شي ف يالشارع …لعلم شبكة تصريف المطر عندهم عمرها مية وشوي سنه . الله يفكم من هالسيول ويرحم الاموات طالبوا بلجنة تحقيق في هالشي ولا تنسوها في الادراج . الله يديم عز الحكومة على الشعب ويخلي لنا حكامنا سادة العرب وفخر العرب

  28. السلا م عليكم وررحمة اللله وبركا ته و كل مسؤؤل بيجي يوم ويتحاسب اذا مو من الخلق بيكون من ال خالق رولا تقبلي تعا زي الحارة البيسك يعطيك العا فيه

  29. الحمد لله والشكر له ولعل في ذلك حكمة إلاهية والله يرحم من مات ويسكنه الجنة

  30. ولد الديره مغير يهايط وبس هذي شغلنا ولد ال ثاني فكر بعقل ما شاء الله عليه صدق لازم نفكر ونصير اكبر من كذا ونحل المشكلة بدل ما نخون خلق الله ونتحمل ذنبهم ..وغالب الشعب ابائهم بالوظائف الحكومية يعني كل ابائنا خاينين وسارقين مال الدولة اللي مصلح التصريف هو اللي عليه اللوم وبعد المسؤولين لازم ما يعطونهم الثقة لان مو كل الناس قدها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ما بعد الأمطار في الرياض يوم الاثنين 19-5-1431هـ

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول