لى متى


أمسيكم بالخير جميعآ

أهلين احلى قروب….
اتمنى انكم كلكم بخير وصحه…


دستوري القران قانون ونظام
وسنة نبي الله لنا خير هادي
أمشي على الدنيا وانا رافع الهام
وانا السعودي واصل العروبه بلادي
قروبي العزيز…..

تقليد الغرب عندنا اصبح كارثه…
نعم كارثه للأسف,,,
يعاني منها الكثير فهناك نظريه رأت ان تقليد الشاب او البنت للفنانون الغرب… فأنهم يظنون ان ذلك من مظاهر التقدم والتطور…. وانهم لو ماسووا كذا يحكمون عليهم انه متخلفين ورجعييّن
طيب لى متى هذا التفكير؟؟
الولد يقول لربعه اوكيه قايز سي يو…. فلاااان كول مي بليززز…؟؟؟
وصلت فيهم ان حتى بالشارع يلطنون بالانجليزي…. ياخي اعتز بعروبتك…. انا اتحدى اذا كان عارف غير هالكلمتين بس…؟؟
تشوف الولد عندنا يحلق الشنب ويخلي جزء من اللحيه طيب ليه؟؟؟
هو يمكن مو عاجبه بس يساير الموضه ويقلد الفنان الفلاني… طيب دامك تعرف تقلد مظبوط قلدهم في اشيا ثانيه… قلدهم بالصح فمثل ماالغرب يغشاهم الشين بعد عندهم الزين.. عندهم الاهتمام بالعلم.. دقة الوقت.. الاحتراف في هندسة النفط…وغيره…. ياليت بس احد يقتبس منهم هالاشياء…..
الغرب يصنع طايرات وصواريخ
وحنا نفطنا يضيع بلاشي
حطوا لهم في صفحة العلم تاريخ
وحنا بماضينا نعيد النقاشي
والبناااات عندنا ظاهره جديده طبعآ…
خلاص مايطلعون الحين الا بفل ميك آب…هي ماودّها…بس اذا شافوها صديقاتها وش يقولون رايحه لعزا هاذي..
خصوصآ ان الوحده تطلع بكامل مكياجها لسوق هاذي مو من عاداتنا ابدآآآآآآ…
ولاّ تضرب لك البنت ممشى الواجهه اللي بالكورنيش والعبايه مفتوحه والقبعه تحته الطرحه ..ليه القبعه طيب وبالليل…….. يعني مافيه شمس…؟؟
لو انها رجّال مايخالف نقول يغطي صلعته…. بس هي ليه؟؟؟ اهم شي انها انسانه سبورت ومودرن… وتفكيرها مو متخلّف….وتعرف تقلد..

ياليت هي راجعه على شبابنا وبس..لا الحين حتى وسائل الاعلام اذا شفت برنامج واعجبك تأكد انه اصلا مو عربي يااما فرنسي او امريكي….
الكاتب غازي القناعي:
يقول جميع البرنامج اللي نشوفها في التلفزيون كلها مقتبسه…ولا ادري ليش نقتبس ونقلد الغرب في كل شي… مثلا برنامج كلام نواعم نسخه طبق الاصل من برنامج امريكي اسمه
the view وكذلك برنامج دريد الشهير على مسؤليتي فهو مجموعه من برامج امريكيه نفس القعده وطريقه المناقشه من برنامج politically incorrect كذلك برنامج من سيربح المليون طبق الاصل من البرنامج الامريكي الفرنسي الاصل who wants to be a millionair كذلك برنامج الحلقه الاضعف طبق الاصل من برنامج the weakest link المشكله نفس الاسامي تقليد عيني عينك…؟
الافكار نفسها… المواضيع.. حتى طريقة التنكيت… وبس شاطرين يقولون قاطعوا المنتجات الامريكيه…….خلّوووووووووها علىالله بس….
انتهي


أختكم
في الجوٌغيم


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول