لندن .. أتعلمين أي عشقٍ يبعثني إليك ج3…!!


مسااااااااااااء الورد
مسااااااااااء الحبــ
مسااااااااااااءك … أنت … وانتي …
مساااااااااااء ما يليق بأحبابي … من لهم هناااااااااك .. في آخر فؤادي .. مكانهـ

نكمل اليوم معاكم حلقات رحلتي الى لندن …
نبدأ …. الكوفي معاك !! … هيا بنا

اليوم اول ما صحيت الصباح … بعد الصلاه والترويشه … والكوفي طبعا … قررت اني اروح مشوارين …
المشوار الأول … اني اروح احجز قطار باريس … لأني بعد كم يوم راح اسافر باريس … والمشوار الثاني .. انه ودي اروح للبيكادلي .. بروح اتمشى هناك …
نجي اول شي للسفر من لندن الى باريس عن طريق القطار … ما راح اتكلم كثير في هذه النقطه … لأني بفصفصها كثير في أول حلقه عن باريس الساحره … لكن بس بتكلم عن كيفيه حجز القطار من لندن …
للسفر من لندن إلى باريس … ممكن 3 طرق … يا أنك تروح بالطياره … او تروح بقطار اليوروستار .. أو على رجليك
الطريقه الأولى .. عادي تروح تحجز أي خطوط طيران … الطريقه الثانيه بشرحها بعد شوي .. الطريقه الثالثه .. هذا وجهي اذا وصلت

……. Eurostar …….

هذه شركه قطارات دوليه … لهذا اكثر من وجهه واكثر من محطه … من المحطات اللي تربطها … هو الربط بين بريطانيا وبين فرنسا … او بالاصح … بين لندن وباريس …

لندن

جلست شوي في لوبي الفندق .. قلت بشيك على اني احجز عن طريق الانترنت … فتحت لابتوبي .. واجلس ادور شبكات وايرلس … شوفو وش لقيت

لندن

كل هذه شبكااااااااااات .. يا عيني بس … تحيه وسلام .. لشركه الانفصالات السعوديه … ولا تهون موبايلي<< لا هنت … خشمك ..
دخلت موقع الشركه اللي هو …هنــــا ….
ابد اول ما دخلت الموقع … لقيته سهل جدا .. فيه انك تقدر تحدد وجهتك وتحجز وتدفع عن طريق البطاقه .. وصلى الله وبارك … شوف معي ياحلو …

ابد .. هنا تدخل كل المعلومات .. وهو بيطلع لك كل اللي تبي …
انا قلت بروح لهم بنفسي… يعني بروح احجز من المكتب … منها اول شي اعرف المحطه لأن المكتب في نفس المحطه اللي تنطلق منها القطارات … ومنها اشوف الامور عن كثب .. ( قويه كثب .. هذا وانا لسى صاحي )

طيب … كيف نوصل للمحطه اللي فيها اليوروستار !! …

شوف حبيبي … عشان تحجز او عشان تسافر من لندن الى باريس … لازم تروح لمحطه اسمهاlondon waterloo station … هذه المحطه اللي تطلع منها القطارات .. وفيها المكتب اللي ممكن تقص منه …

طيب وين موقعها على الخريطه … بوص معايا ياباشا …

شفت هاللي يأشر … هذه هي المحطه … ممكن أي اندرقراوند يوصلك هناك …
المهم رحت هناك .. وقصيت تذكره الذهاب الى باريس .. قلت بقصها قبل الرحله بكم يوم … أأمن لي
وهذه صوره التذكره

لندن

قصيت ذهاب فقط … بسعر 154 باوند … يعني تقريبا 1150 ريال سعودي …

/
\
/
\

بعد ما قصيت التذكره … وأطمأن قلبي.. قلت بروح المشوار الثاني .. للبيكادلي .. بروح أتمشى فيها …
قلت قبل ما اروح للبيكادلي … بشتري كتاب موصى عليه … و باكل لي شي بسيط …

لندن

الكتاب هذا قصه مره حلوه … عن واحد مضيعن امه … وجلس طووووول عمره يدورها … واخر شي الظاهر انه لقاها … لأني ما وصلت اخر الكتاب …بس حلو الكتاب .. انصح فيه ..
بعد ما قريت لي شوي .. وروقنا على هالشوكولاته … قلت يالله نروح لساحه البيكادلي …
البيكادلي هذه ساحه كبيره .. او منطقه .. كلها خرشه … يعني .. سينمار .. اسواق .. مطاعم .. ناس رايحه .. وناس جايه .. وناس موش عارفه هيا بتعمل ايه
خلونا ناخذ جوله بالصور في ساحه البيكادلي … اوكي !!!

لندن

وهذه صوره أخرى …

لندن

وهذه بعض المطاعم في الساحه

لندن

وهذه برضو

لندن

اشتقت لك يا لندن .. اشتقت لكل شي فيك … اشتقت احط الايبود .. واروح امشي في شوارعك .. لا تفكير .. ولا هموم .. ولا شي

لندن

عالم هاااااااااااديه .. عالم مرووووووقه .. عالم تفتح النفس بإبتسامتها
وهذا شارع في وسع المعمعه

لندن


وهذا رجال اعتقد انه حول … السيارات يجون من اليمين .. وهو ملتفت يسار>> لا تدقق

لندن

وفيه السينما … كانو منزلين كم فلم حلو …

لندن

وهذا الحي الصيني .. انوااااااع المشاكل .. لا تدخله لحالك ..

لندن

وفي الساحه برضو .. فيه الرسامين … تجلس قدامهم طال عمرك .. وهم يرسمونك …
فيه الرسم الملون .. وفيه الاسود والابيض .. وفيه انواع كثيره .. وفيه الرسم الفكاهي .. برضو حلو مرررره …

لندن

بعد ما تمشيت وسعت صدري في ساحه البيكادلي … مسكت معي على شي ابي اكله .. مسكت مسكت … تعرف وشلون لما تمسك مع واحد على شي … .. خلاص ابي هالشي والا ما راح اكملههههههههههههههه وش اكمل بعد انا …
وش مسكت عليه تتوقع !! … مسكت على رمان … والله جد لا تضحك .. مسكت على رمان.. حتى وهي ماسكه معي .. جالس اقول لنفسي .. الله يستر يالمايسترو على هالمسكه ..
 رحت ادور لي رمان .. لييييين حصلت لي …
رمان احمر .. وبارد .. وطعمه عسل مثلك … شوفوه معي …

لندن

تبي …!! … يالله خذ لك شوي .. لا تستحي .. خذ كلنا اخوان
طبعا الرمان جاهز .. يعني جاهز للاكل .. يعني مقشرينه.. مو مقشرينه لالالا .. يعني مطلعين الحبوب اللي فيه ومغلفينها ومجهزينها .. ايه يكون خير اذا فهمت علي… يعنـــــــــي ( عصب وهو يشرح ) … يعني مو انا فتحت الرمانه وقصيتها بالسكين وطلعت اللي فيها .. لالالالالا .. اللي فيها طالع وجاهز … قل اني فهمت… الله يسلمك
/
\
/
\
اليوم نكون وصلنا لنهايه حلقة اليوم
ان شاء الله تكون استمعت فيها .. وغيرت جو معنا
/
\
/
\
دمت بكامل عافيتكـــ
دمت بكل حب .. وود
المايسترو ،،،،



تعليقات 15

  1. شوقتني للندان عاد انا عشقي فيها هذي المديته الروووعه وتقول التذكره بالف وميتين والله حلوه نا حسبالي بعشر الالف رحله سعيده

  2. هلا والله لووول ياخي انا رحت كم مره لندن وكل مارحتلها اقول اخري مره لاني اكرهاااا من كل قلبي لا كن انت حسستني اني ماعرفت لندن زين اهنيك علر اسلوبك الرايق والوعد في الصيف ناكل رمان مع بعض

  3. مراحب خيو.. الصراحه تعليقك وتصويركـ جووونان ويحمس الواحد يرووح لــ لندن متاااابعه وبقوهـ..

  4. بصراحة انا ماتوقعت لندن زي كذا خاصة الرمان مرة مرة مرة مرة يشهي لي زيارة لها ان شاء الله

  5. أسلوبك شيق جدا .. عيشتنا جو خيالي وكأنه إحنا معاك .. وتفصيلك للأحداث ممتع ماشاء الله عليك .. وأتمنى لك السعاده في كل رحلاتك المايسترو كل الشكر لك

  6. الصراحه هيضة المشاعر وخليتني اتمنى ارجع لزيارت اوروبا صحيح عليك اسلوب يجنن

  7. موضوع شيق ومدعم بالصور الواضحة والجميلة .. وكنت من متابعين السلسلة اللندنية جميعها .. لكن حأسلك عن (( طاسة الفليك )) هل عبارة عن شوكاليطة سائلة أم قطع ؟؟ لأني من مغرمين الفليك وكان يأتيني من بريطانيا قبل أن يصل السعودية // منذ مبطي // . .. جزاك الله خيرا ً 🙂

  8. أولا ..الحمد لله على سلامتك ياسيدوو..ثانيا:بصراحة احيك على طرحك الشيق والمثير يعني ع جد شهيتني اروح لندن .. ثالثا:جينا عند شوارع لندن ,فكرتي بشوارعنا<<قلك قلك..اسكتى احسلك ..ولا روحي احلمي.. ثالثا:شوية وتبكينا على شوارع لندن..شوها الشوارع ولا الأي بوود مالك..يعني في غاية الرونسية..يااسيدوو ..انت اسمك المايسترو الرومنسي.. على العموم..يسلموو ها الديات ..لاحرمنا من هيك تواجد مميز.. كن بخير

  9. مساء الخير …. في البدايه … اشكر جميع من قرأ هالحلقة .. أو الحلقات السابقة … والله يعطيهم ألف عاااااااافيه يارب .. عندي بعض التعليقات البسيطه ع بعض الردود .. Maha بخصوص سعر 1200 هذه سعر تذكره القطار من لندن لباريس … لأني جلست كم يوم في لندن بعدين طلعت باريس … وان شاء الله اذا معاي وقت .. انزل تقرير باريس في قروب ابو نواف … ———————————————————————- القلم الحاير تسلم يا غالي على اضافتك … وبريطانيا بشكل عام ما تقدر تمل منها .. من شمالها لجنوبها … ———————————————————————- Mr.A تسلم والله … والفواصل وراعيها تحت امرك … تامرني امر … ———————————————————————- أم وافي تسلمين على المتابعه …. بخصوص الفيليك … هي مثل العلبه صغيره شوي .. بحجم قبضه اليد … تكون مقسومه لنصفين .. نصف كبير وهي كلها شوكولاته ساااااااايحه .. والنصف الثاني قطع فيليك صغيره … انتي لما تشتريها … تطبقي هالقسم على هالقسم .. وتختلط القطع مع الشوكولاته السايحه … وعيشي جوك … ———————————————————————- نوسة الله يسلمك من كل مكروه … اذا امتعتك لندن … ففيه ايضا تقرير باريس … راح يمتعك أكثر وأكثر .. كوني بالقرب … ———————————————————————- دمتم بكامل عافيتكم جميعا … وأي استفسار او سؤال … لا أحد يتردد … سواء هنا .. والا على ايميلي الشخصي … كونو بخير …

  10. بصراااحه يالمايسترو فتحت جرووووووح علي اشتقت للندن ولجوووها ورااااحة البال اللي فيها آخر روقااااان أنت اي شهر رحت؟؟ الأماكن نفس اللي رحتها وبالdetails بعد

  11. والله يامايسترو ذكرتني بعهدن مضى <<اي هين جد مره روووعه رووعه بجد روووعه تصويرك للرحله ولكل ابو شي فيها واما الفليك مدري كم قعدت اتامل في الصوره جد عذاااب عذااب الى بكره والله مره خاقووقيه بس يانت عليك مسكات حبكت الا رماان ياحليلك بس ننتظرك ياخيي على احر من القز (فيس متميلح روحه) مع باقي الرحله ولا تبطي هاه

  12. من لهم هناااااااااك .. في آخر فؤادي .. مكانهـ … عاد وراه آخر فؤادك ^_*<< مايفوت شي ______________________ بصراحة استمتعنا بالرحلة وتبي الحق صرنا ننتظر جديدك بشوق بس اللي يقرا تعليقك وزيارتك للأمكان يعني يعطي انك شخص اجتماعي يااخي الجنة من غير ناس ماتنداس وانت مسافر لحالك المشكلة ان الزحمة والدهرة عاجبتك لكن لما قلت ان فندق .... كله خليجين (اشوا اني مااخذت فيه) اكتشفت انك !!! ماقلنا شي اعشق لنلدن بس عاد موب تنسى ديرتك 🙂 ____________________ والله يوفقك

  13. اخوي المايسترو… أحب أهنيك على موضوعك .. وأسلوبك الرايق .. بصراحه أنا متابعه الحلقات من بدايتها .. الله يهنيك .. وانتظر الحلقات الجاية بأسرع وقت وبحماس كبير.. انا اشهد ان لندن عالم ثاااني .. يسلمووووووو.. تحياتي ..

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

لندن .. أتعلمين أي عشقٍ يبعثني إليك ج3…!!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول