لقاء مع الاخ الكريم صنقور


لقاء مع الاخ الكريم صنقور

اعزائي اصحاب الايميلات والقروبات في كل مكان السلام عليكم ورحمة الله وبركاته كويت دريم يحيكم ويسعدني ان اقدم لكم شخصيه مهمه في مجتمعنا تعاني الكثير من المشاكل في حياتها … وبعد معاناة طويله جدا استطعت ان اجري هذا اللقاء لضيفن لهذا اليوم لانه شخص لا تستطيع ان تجده في اي مكان والان رحبوا معاي بالاخ الكريم صنقوووووووووور

صنقور يتكلم : شكرا شكرا اخوي كويت دريم على هذا اللقاء

كويت دريم يتكلم : عفوا اخوي صنقور انا ادري انه لونك اسود فما له داعي انك تكتب بالاسود

صنقور يتكلم : انا اسف اخوي كويت دريم بما انك انت المخرج والمعد والمذيع فاللى تامر عليه بصير في البداية حبيت اشكرك على هذى المقابله لانه صارلي10 سنين بالسجن وتوني طالع وانا جدا جدا سعيد لانه اول مره احد يسوي معاي لقاء

كويت دريم : والله يا اخ صنقور انا اللى سعيد جدا بوجودك لانه كثير من الناس كانت تسالني وتقولى من هو صنقور ؟؟ وحان الوقت انه يعرفون هذى الشخصية الغامضة وياليت تكلمنا عن قصة حياتك من طأطأ الى سلام عليكم

انشاء يا اخوي كويت دريم وانشاء اخوانه اصحاب الايميلات تعجبهم هذه القصه في البداية السبب بتسميتي صنقور يرجع الى الاخ كويت دريم اهوا اللى سماني هذا الاسم وصرت مشهور فيه والاسباب لانه شعري فلافل وكشه وكل الناس تنظر لى بنظره غريبه وفي ناس وايد تخاف لما تشوفني ومادري ليش لاني من اول ما طلعت من بطن امي شعري جذيه وهذى صوره لى ايام الولاده

صنقور

المهم مثل ما تشوفون هذى صورتي ايام ما كنت طفل صغير ومثل ما تشوفون السبب اللى منكد على بعيشتي الكشه اللى جدامكم اول ما نولدت وشافني الدكتور استغرب جان يقول شنو هذا الظاهر المريضه بالعه مخمه ولكن بعدمافحص زياده اكتشف انه طفل اللى طلع من بطن امه تمر ايام الطفوله اللى ما حسيت فيها لانه الطفل الصغير دايما الناس تشيله او تضحكه او تقرص خدوده لكن انا اذكر انه الناس كانت تشيلني من كشتي جني دله بصبون منها قهوه بفنيال تمر الاسنين واكبر ولما وصلت سن المراهقه مثل ما تشوفون بالصوره اللى جدامكم

صنقور

كويت دريم : والله شكلك حلو اخ صنقور

صنقور : تطنز ؟؟

كويت دريم : لالالالالالالالالا افا عليك بالعكس شكلك كوووووووول

صنقور : زين اشوي المهم اذكر في ايام هالصوره بدت هني المشاكل والبلاوي في حياتي لاني بديت اختلط بالمجتمع والناس المهم اهلى لزموا على اني اروح المدرسه وانا بصراحه كنت رافض هالشى لاني كنت ادري انه الطلبة اللى معاي بالصف راح يتطنزون على ويتمسخرون لكن قصبن علي اضطريت انى اروح للمدرسه واول يوم دشيت فيه الصف الكل يطالعني ويخزني ومستغرب شنو هالراس الكبير اللى دخل علينا المهم اذكر انه في الصف كان في طالب طول عمره ينام بالمحاضره ولا مره كان فيها صاحي من اول ما دشيت الصف وشافني صحي وشوفوا شنو قال

صنقور

انا هني بدت النرفزه على وقلت بقلبي خلني ساكت واتحمل عشان ما اسوي مشاكل ولا ابلش اهلي معاي لاني انا بصراحه داش المدرسه عشانهم المهم وصل الاستاذ وقام يعد الموجودين بالاسامي عشان الغياب ولما وصل عند اسمي وقال الطااااااااااالب صنقوووووووووور ؟؟؟ جان ارد عليه واقوله نعم جان تطلع عينه بره ويقولي شنو هذا انت وين عايش بالسبعينات انت جذيه شكلك ولا شنو تحبطت زياده وقلت بقلبي شالله بلاني ودخلت المدرسه سكت وما رديت عليه والصف كله ضحك المهم قالى من باجر ما ابي اشوف راسك جذيه شوف لك اي صرفه وصج فعلا من باجر حاولت اوخر الكشه هذى باي طريقه وشوفوني شنو سويت

صنقور

وهذا شكلي اللى رحت فيه ثاني يوم و دخلت الصف والا كل الطلبه يضحكون على صرت اخر مسخره اللى يقولي ذيل صخله واللى يقولي ميكي ماوس عموما سكت وخشيت بقلبي لما وصل الاستاذ وشافني جان يضحك زياده ويقولي هذا راسك بروحك ولا معاك احد وصار الصف كله يضحك وصرت اخر مسخره وبالاخير قلت بقلبي انا اعلم هالاستاذ الا باجر اعاند وادخل الصف بشكل اللعن من هالشكل هذا كفو يضحك الصف علي وصج فعلا من باجر دخلت الصف بشكل ثاني وشوفوا شنو سويت

صنقور

كويت دريم : هاهاهاهاها بصراحه اخ صنقور شكلك جنك كتاب

صنقور : مو شسوي يا خوي يا كويت دريم حبيت اعاند الاستاذ بس للاسف السالفه طلعت على عكسيه قام وقدم كتاب فصل فيني من المدرسه وانفصلت وللاسف رجعت البيت وانا متحسر ومتوهق شنو اقول لاهلي المهم رجعت البيت وقلت حق الاهل باللى صار وشكيت لهم معاناتي لكشتي وقلت لهم لازم نلقي طريقه عشان نتخلص منها بصراحه الوالد تعاطف معاي وراح يدور كل يوم على علاج حق الكشه وافتر كل مكان ما قصر بس ماكو فايده ما في لها علاج في بلدنا ويوم بعد يوم وتزيد الهموم اتصل فيني صديق عزيز على وقالى انه في علاج بالمانيا حق كشتك واستانست طرت من الفرحه ورحت ركض البيت ابلغ ابوي وامي بالموضوع ولما قلت حق الوالد ما قصر على طول حجز لى تذكره حقي وحقه ورحنا حق المانيا وهذى صوره حقي بالمانيا لما وصلنا المستشفي المتخصص في هذى الامور

صنقور

في هذى الصوره شوفوني طايره من الفرحه لانه هني اول ما دخلنا المستشفي اللى لقيت علاج فيه حقي وصج فعلا فرحت بدرجه ما تخيلون المهم دخلنا المستشفي والكل يطالعني ويقول والله هذا راسه في ربح حق المستشفي لانه علاجه صعب ومسكين الوالد متسلف من ناس كثيره بس علشان يدبر لى تكاليف السفر صج فعلا كسر خاطري لكن المصيبه الكبيره اللى صارت انه اول ما دخلت على الدكتور وشاف كشتي انحاااااااااااااش

صنقور

مثل ما تشوفون انحااااااااااش الدكتور حتي السستر اللى معاه انحاشت وردت الهموم مره ثانيه وفقدت الامل وقلت بقلبي هذى بلوي وخلاص لازم اقتنع فيها المهم تمر الايام واكبر في السن وكشتى تكبر معاي والهموم تزيد معاي طبعا قلت ما راح اطلع ولا اشوف الناس بقعد بالبيت ولكن في يوم من الايام زهقت من القعده وقلت خلني اطلع واركب سيارتي واشوف الدنيا بره وصج فعلا دقيت سلف وركبت السيارة وتمشيت بالشوارع وهذى صوره لى تاريخيه اول ما كبرت وركبت السيارة بطلع اتمشي

صنقور

كويت دريم : الله الله شنو هذا زقرت والله كشخه يا صنقور والسياره راكبه على كشتك بصراحه اااااااااااا كح كح قصدي راكبه على شكلك

صنقور : افا بدينا بالغلط يا كويت دريم يالله ما عليه بطوفها انت اخو عزيز المهم اذكر في هذا اليوم مريت في فريج من الفرجان ولا صبي واقف على الرصيف كان بيعبر الى الشارع الثاني مريت من صوبه ولا يطيح غشيان لما شاف كشتي

صنقور

وكل ما امر باي شارع الناس تنخش ورا الزرع خوفا من كشتي

صنقور

لدرجه انى زهقت من الكوارث اللى قاعد تحصل جدام عيني قمت ورجعت البيت وقطيت السياره وقلت بعد توبه ما راح اطلع واتمشي مره ثانيه بالسياره المهم حاولت اني اقعد بالبيت وما اطلع لكن بصراحه الجو كان كئيب جدا لدرجه ما تحملت قمت وبدلت وطلعت اتمشى بره على ريولي وانا قاعد امشى لفتت انتباهي بطه مريت عليها شوفوا شنو صار بالبطه لما شافت كشتي

صنقور

والله عذاااااااااب عذااااااااااااب حياتي يا جماعه المهم كملت مشى وانا قاعد افكر شنو اسوي بدنيتي لما وصلت عند شله قاعدين مع بعض جان يقومون ويتطنزون على ويتمسخرون على كشتي بصراحه تاثرت من كلامهم وعصبت وقلت بقلبي ليه متي وانا ساكت قمت ورديت البيت وناديت اختي الكبيره عشان نروح نطقهم ونعلمهم درس ما ينسونه

صنقور

هذى اختي صنقوره اعز اخت عندي وما ترضى على من يوم ما كنت صغير رحنا لهم وطقيناهم طق سنه بساعه

صنقور

طلعنا الدمان منهم وعلمناهم درس عمرهم ما ينسونه

صنقور

والله يا جمااااااعه كنت احاول كثر ما اقدر انى اتجنب المشاكل بس ما قدرت وانا ما ارضى احد يهيني وبصراحه عقب هذى السالفه الكل دري انه صنقور ما يرحم واي شخص بتكلم عن كشته بصير مصيره مثل ما صار حق هذوله وانا الحين عايش والحمد الله من غير مشاكل وشريت لى جلب وصار اعز صديق عندي وهذى قصتي يا كويت دريم

صنقور

كويت دريم : بصراحه صج انك غبي وما عندك سالفه يا صنقور على هالقصه وهالمقابله اللى خذت مني وقت طويل على ولا شى … انت بالله ليش ما تروح الحلاق وتقص شعرك وينتهي الموضوع

صنقور : اخوي كويت دريم ليش الغلط شسالفه يبااااااا انت يايـبني تمسخر على ولا شنو ؟؟؟

كويت دريم : جب بس زين الشرهه علي اني سويت مقابله وياك …. ترن ترن …. الووووو هلا والله انا بالاستديو قاعد اسوي مقابله مع واحد تافه وما عنده سالفه

صنقور : شنو هذااااااااا انت منصجك ولا السالفه مقلب منو قاعد تكلم بالتيلفون انت ؟؟

كويت دريم : لا هذى مكالمه خارجيه من الاهل الحين قم اذلف ويالله ما ابي اشوف رقعت ويهك

صنقور : لا انت الظاهر ناوي على عمرك صج انك ما تستحي

كويت دريم : هاهاهاها اخوي صنقور انت كنت ضيف علينا في برنامج راح ينعرض برمضان اسمه كل يوم دقه وكل الحوار اللى كان بينه تري تسجل والكامره كانت دايره من اول اللقاء

صنقور : هاهاهاها حسبيالله على بليسك يا كويت دريم وانا حالتي حاله ومندمج وقاعد اقول سالفتي من صنجي وبالاخير طلع مقلب هاهاهاها عاد تصدق هاهاها حقدت عليك وبغيت اهد عليك جلبي

صنقور

نشكر ضيفنا صنقور بو كشه على هذي المقابله الحلوه ولنا لقاء مع شخصيه جديده انشاء الله والى القاء مع تحياتي اخوكم كويت دريم

وسلملم


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

لقاء مع الاخ الكريم صنقور

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول