لقاء خاص مع الفنان – محمد العيسى


﴿السلام عليكم ورحمة الله وبركاتة﴾

مسيكم الله بالخير أعضاء مجالس وقروب ابو نواف
مثل ما عودناكم دايما على تقديم المميز الجديد نقدم لكم اليوم نجم آخر من سلسه النجوم
الي سبق واجرينا حوارات معهم في قروب ومجالس ابو نواف
ونتمنى يعجبكم الحوار مع نجمكم لليوم

_________________________________________




اليوم معانا فنان سعودي كبير ومحبوب وانعرف بخفه ظله tongue.gif
وتميز بالذبات المصرقعه والشطحات المتميزة ok.gif

معنا اليوم الفنان الكبير

محمد العيسى

لقاء

بطل مسلسل طاش ما طاش حلقة سندريلا الأخيرة
ومتميز في كثير من الاعمال التلفزيونيه القديمة والجديدة

______________________________

التقينا بالفنان محمد العيسى وعرفناه على انفسنا

هلا اخوي محمد ممكن دقايق من وقتك

تفضل

أخوي محمد احنا من قروب ابو نواف اكبر ومن أقدم المجموعات البريدية الالكترونية العربية
ونود ان نجري معك حوار صغير تتواصل فيه مع جمهورك في قروب ابو نواف

حياكم الله وأبرك الساعات

راح ابدأ بسوال سريع,, هل انت من أعضاء قروب ابو نواف او ماذا تعرف عن القروب او هل سمعت عنه من قبل

والله انا للأسف ما قد شاركت بقروب ابو نواف ولا اي قروب اخر ولانيب من هواه الانترنت كثيرا
لكن اسمع من بعض الاصدقاء المقربين انه قروب ابو نواف عرض كذا حاجه متميزة
مثل لقاآت جميلة أجريتوها مع بعض الفنانين
مثل المنتصر بالله
ورسامين الكاركتيرعبد السلام الهليل وسعد الهويدي
والكوميدي الشعبي صالح الزراق
إضافة لرسايلكم الحلوة الي دايم القاها على إيميلي توصل لي من بعض الأصدقاء

طيب ودنا تعلمنا وش ناوي عليه هالسنه من اعمال جديدة إنشالله

حتى ألآن لا زلت في أعداد مشاركات في مسلسل طاش 11 وانشالله راح تشوفون حلقاته في رمضان ونتمنى تعجبكم

أخوي محمد هل سنرى لك دور بطوله هذي السنه في مسلسل طاش 11

والله انشالله فيه بطوله في أحد الحلقات مشاركة مع الفنانين الكبار الاساتذه عبدالله وناصر

طيب ممكن تفيد قروب ابو نواف عن اسم الحلقة الي راح تمثل بطولتها مع عبدالله وناصر وعن مضمونها

الحلقة انشالله أسمها ( سندريلا ) وهي تعتمد على التسليه بشكل اكبر واتمنى تعجبكم

اسفين على الاطاله وندري ان السياره تحتريك برا بس قبل لا نختم تحب تقول شي لأعضاء لقروب ابو نواف
الي يبلغ عدد اعضائه حاليا أكثر من 60.000 الف مشترك في من جميع العالم العربي وأغلبهم من محبينك ومتابعينك

والله يا سوالف بلغهم تحياتي وإنشالله أول ما أرجع للرياض راح اشترك معاكم وأشوف وش انت يا قروب ابو نواف rolleyes.gif

يارجال عطنا ايميلك وازهل ما يحتاج تشترك انا أظبط لك الموضوع Swaffff.gif
طيب محمد ناخذ صوره مع بعض

ابرك الساعات ونتشرف ياسوالف بك وبقروب ابو نواف

الله يبارك فيك يا بوحميد يالله استعدو rolleyes.gif
يالله photo.gif جاهزين

قولو شيييييييييييييييييييييييييييييز Swaffff.gif

لقاء
Swaffff.gif

الف شكر لك ابو حميد على هالوقفه الصغيرة وانشالله راح نعرض هالحوار الصغير في القروب والمجالس
بعد ما يتم عرض حلقه طاش ما طاش ( سندريلا ) الي راح تشارك عبد الله وناصر بطولتها
ونتمنى لك كل التوفيق والنجاح وشاكرين ومقدرين wub.gif

حياكم الله وابرك الساعات وشرفتونا

فمان الله

فماان الله
_____________________________________
_____________________________________

وهذي لقطات من حلقة (( سندريلا ))الي كلنا شفناها في مسلسل طاش ما طاش
اليوم الأثنين من شهر رمضان المبارك في تاريخ 9/9/1424هـ

لقاء
Swaffff.gif
عبد اله السدحان ملك السلطنة tongue.gif الله يخلف هو ويا هالعراده

لقاء
lol.gif lol.gif lol.gif lol.gif
اما ذبة صحن التبوله مهيب صاحيه ابد ابد الله يغربلك تمزعت ضحك من جد قووووويه
lol.gif lol.gif lol.gif lol.gif

_____________________________________

تعمدت تأجيل الحوار حتى يتم عرض حلقة  سندريلا
الي شارك فيها الفنان محمد العيسى البطوله عبدالله وناصر
توقعت راح يكون لها طعم أحلى ok.gif
وبالفعل اليوم محمد العيسى في الحلقة بيض وجيهنا بأدائه المميز ok.gif


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

لقاء خاص مع الفنان – محمد العيسى

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول