كيكة الشوكولاتة + تشيز كيك الفراولة البسيط


مسائكم / صباحكم نور و سرور يارب /

قبل كم يوم طلبت مني بنت عمي سارونه اسوي لها كيكة الشوكولاته إللي تحبها وعملت لها الكيكه عبارة عن كرتون بيتي كروكر شوكولاته بالحليب /
والصوص كان عبارة عن علبة حليب مركز كبير + 2 او 3 شوكولاته بودرة على حسب ما تحبو تركيز الشوكولاته + وملعقة زبده
تخبزو الكيكه مثل ما هي مكتوبه بالكرتون / ما يبي لها اختراع والزبده نذوبها على نار هاديه وبعدها نضيف النستله والشوكولاته البودره ونستمر بتحريكها إلى ان تثقل حبتين بس انتبهو تنحرق خلو النار شوي هاديه / وبس
صبوها على الكيكه وخلو شوي على جنب إللي حاب يحط إكسترا صوص يضيف بكيفه /

وزينتها بتوت احمر /
وعملت معاها قهوه وتابعت سارونه المباراة بين النصر والهلال ويالالالاهـ / بينما كنت اتابع مراحل نمو و انتفاخ الكيكه في بطن الفرن خخخ
مثل ما تشوفوها هنا كيف ما أحلاها كيكتي الصيفيه قبل النسف /

/

وهنا بعد النسف ماشاءالله ههههه /

/


تشيز كيك الفراولة البسيط

/
/

قبل كم يوم عملت أسهل تشيز كيك عرفته ولذيذ صراحه ومقاديره متوفره بالبيت / << أهم شيء /

المقادير :
* بالبدايه احب انبه على الكاسه المستخدمه هي كاسة الجبنه كاسه الصغيره /
2 لبن زبادي الحجم الكبير وإذا مو متوفر 4 زبادي صغير
3 كاسات صغيره مثل ما قلنا بالتنبيه سكر بودره ” يعني أكيد مطحون /
4 كاسات صغيره مثل ما قلنا بالتنبيه حليب بودره ” ما ادري ليه احس انكم بتجيبون العيد بالكاسات /
رشة فانيلا

بسكوت ديجاستيف أو بسكوت شاي مطحون + رشة قرفه + ورشة سكر غير مطحون + اصبع زبده
باي فيلنق فراوله او توت مثل ما تحبون /

نجي للطريقه / :

1- نشغل الفرن قبل ما نبدأ
2- نحضر صينيه بايركس مستطيله أو صينيه تشيز كيك مدوره مثل ما تحبين ونرص فيها خليط البسكوت بالقرفه والزبده ونساويها وندخلها بالفرن 10 دقايق بس نقلل شوي من حرارة الفرن علشان يتماسك البسكوت
3- نخلط الزبادي + السكر البودره + الحليب البودره + رشة فانيلا بالخلاط بعدها نصبه فوق البسكوت ونخليه بالفرن نص ساعه تقريباً او اقل لما تشوفين انه تماسك مره
4- بعد ما يتماسك الخليط بالفرن نخرج الصينيه ونخليها تبرد شوي وندخلها الثلاجه لوقت التقديم نقطعها بالشكل إللي يناسبنا بعدها نضع عليها الباي فيلنق /
وهنا لقطه بعد نسف المزيونه إللي فوق / /

/


مدونتي
Bent Dadi


تعليقات 26

  1. صباح الخير لكي وللقروب تسلم ايدج على هالكيك اللي نسفتوه 🙂 وياعله بالعافيه وواتمنى سارونه استمتعت بالكيكه وبالمباراة تحياتي

  2. :: مِ’ـسآكْ ـآلحىْ مِنْ ـآلحَلىْ 🙂 وٍـآللهْ شيْ ـآلثآنِيْ سَوٍيتهْ وٍمِنْ جِ’ـدْ خَ’ـطِيرٍ وٍعَ’ـذِـآبْ بسْ ـآلـآوٍلْ قرٍيبْ بجَ’ـرٍبهْ تِسلمْ يدِينكْ وٍرٍبيْ مُبدِعَ’ـهْ 8) يعَ’ـطِيكْ ـآلفْ عَ’ـآفِيهْ 🙂 ::

  3. ما شاء الله مره حلو تيشز كيك الفراولة و زي ماقلتي مقاديره متوفرة و هذه أأأهم شي <3 😀

  4. يعطيكم العافية علي الشغلات الحلوة وانا من محبي التشيزكيك احبة مووووووووووووووووووووووووووووووت مره عجبتوني وزاداعجابي فيكم اكثر وافونا بالمزيدالمشهي و الحلو وقروب ابونواف ولا احلى

  5. بسم الله ماشاء الله عيني عليك ثلج حقيقي ست بيت رائعة وبصراااحة شهيتينا ونيالك ياسارونه ببنت عمك 

  6. كل الحل و بسوية اليوم يومي مع الحلو وتسلم ايديكم واختيارتكم….ويعطيكم الف عافية

  7. ماشاء الله عليس اثرس حرمتن سنعه عندي سعوال يقرقع في راسي التشيز كيك ليش مامعاه جبن يمكنس ناسيته والله ان ودي اسويه بس لازم اتاكد وكاس الجبن ترى يكنتب عليه بالجرام ياليت تكتبي بالجرام تراني حرمتن متمدنه ما اسوي اللي بالجرام واشكرس بالمره على وصفاتس الحلوة

  8. يسلمو اختي على الأكلات الحلوة بس بسألج اختي شو هو الباي فيلينق هل هو مربى واللا شو بالضبط ؟؟

  9. ليدي بدوية حياك ,, وبالنسبه للكاسه المستخدمة أصغر مقاس بجبنة كرفت السائله 😀 ظبية بلادي ,, الباي فيلنق حشوة الفطيرة وتنفع للكيكات والحلا تجي جاهزه بقسم المعلبات في السوبر ماركت عند رفوف اشياء الحلا والتزين و خليط الكيك 😀

  10. جوعتيني بالقوووة لكن ماشاء الله تبارك الله ان شاء الله اتستفيد منك في الحفلات والمناسبات ههههههههههههههههههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

كيكة الشوكولاتة + تشيز كيك الفراولة البسيط

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول