السلام عليكم و رحمة الله و بركاته
مساء الخير لجميع أعضاء و عضوات مجموعة ابو نواف
بعد عرضي الأول في تصميم الديكور تفاجأت بكمية الردود و التفاعل بحكم إنها الرسالة الأولى في هذه المجموعة
و قد كان بعنوان
ديكورات بأفكار سعودية
طيب ندخل في الموضوع على طول
هناك أسئلة كثيرة تواجه الناس عند رؤية اي مشروع تم تنفيذه بدرجة كبيرة من الإحترافية و اهم هذه الأسئلة هي
ماهي تكلفة المشروع ؟
ماهي الأماكن التى استطيع ان احصل على هذه النوعية من الأثاث او المواد ؟
أكثر محلات الأثاث و الديكورات مبالغين في أسعارهم بشكل كبير و انا لا استطيع تحمل هذه الكلفة الباهظة ؟
ماهي المدة المقدرة في تنفيذ اي مشروع ؟
انا لا أريد ان ابدأ مشروعي من الصفر و إنما أريد بعض التعديلات على البيت و على نفس أثاثي القديم بحيث يغير شكل المنزل بأقل التكاليف ؟
في موضوع اليوم سوف اعرض عليكم مشروع تم تنفيذه ايضا على ارض الواقع
و قد تحديت نفسي على اساس مجموعة الأسئلة التى في الأعلى
كلام جميل يا خالد
طيب ياخالد فين المشروع ؟؟
المشروع : عبارة عن غرفة طالب جامعي+ حمام أكرمكم الله(سكن الجامعة) الشقة مفروشة بأشياء اساسية من مرتبة سرير -مكتب – دولاب ملابس – ادراج لحفظ الكتب
المكان : الولايات المتحدة الأمريكية
التحدي : الحصول على افضل النتائج بأقل الأسعار
و التحدي الأكبر هي الميزانية و كانت 100 دولار امريكي مايعادل 375 ريال فقط لاغير
الفكرة : تصميم بسيط جدا باستخدام مواد متوفرة في اي منزل
مدة التنفيذ : 5 ايام
شكلك ياخالد كثرت الكلام وبدأت في الهرج الفاضي و التفلسف
لا عادي الأعضاء يمونون علي هههههههههه
خلينا نشوف الصور مع الشرح
طبعا هذه صورة الغرفة قبل التنفيذ
و هذه الصورة من زاوية أخرى تظهر فيها جميع العناصر الموجودة
صورة من فوق السرير ههههههه جالس انقز فوقه عشان أجربه امكن غشوني
هذه الصور بعد التنفيذ
طبعا الكل رايح يلاحظ غلطة تم ارتكابها و الحمد لله تم تعديلها بس للأسف بعد التصوير
اللوحة اللتي تم عملها هي فكرة X – O
و تفاديا للشبهات حولتها لمثلث و دائرة و لغيت فكرة الإكس تراها ياشباب مهي صليب
المهم نجي في التفاصيل
نبدأ بالسرير اللذي يعتبر روح الغرفة و عمود ارتكازها وتم صرف نصف الميزانية على طقم اللحاف و المخدات بقيمة 150 ريال و اخذتها من السوبر ماركت
اللوحة معظم الناس اللذين شاهدوها ظنوا انها لوحة من خشب او رسم على الجدار و لكنها في الحقيقة عبارة عن خيوط صوف مثبتة بعدة دبابيس في الجدار
و أخذت منها 4 ألوان حتى تتناسق مع لون السرير و قمية الواحدة 7 ريال من السوبر ماركت أيضا
و بالنسبة للفأر المعلق في مروحة الغرفة كان الهدف منها روح الدعابة مع الأصحاب و شد الإنتباه و أما بالنسبة لثمرة الصنوبر فقد وجدتها في الشارع و استخدمتها مع الفأر بتعليقها في مروحة السقف
الغرفة من زاوية اخرى
نبدأ بالستارة هي ليست ستارة جاهزة و انما عبارة عن قماش تم قصه و تثبيته بعدة دبابيس في الجدار و تكلفتها حوالي 16 ريال و أيضا من السوبر ماركت
النبات الأخضر وجوده مهم في اي منزل حتى يعطي روح الحياة و التفاؤل ليس بالشرط ان يكون نبات و انما اي شيء فيه حياة مثل الأزهار – نبات – اسماك – ضوء طبيعي قوي و تكلفتها 25 ريال من السوبر ماركت
طبعا لاحظوا ان السرير يقع في قلب الغرفة لأنها نقطة الإرتكاز و جميع الأشياء تكون حولك و ايضا المكتب يطل على النافذة و على إطلالة رائعة جدا خاصة وقت الإختبارات و الطفش وعند هطول الأمطار
سوف أتطرق للجدار في صورة لاحقة
الآن سوف أتحدث عن الزاوية الأخرى و تفاصيلها
نبدأ بوحدة الأدراج تم إضافة صحن من الأزهار المجففة حتى تعطر المكان و قيمتها حوالى 15 ريال من السوبر ماركت
أيضا إضافة الشموع و قيمتها 16 ريال من السوبر ماركت
اللوحة اللتي فوق الأدراج كانت بنفس طريقة اللوحة السابقة المكونة من خيوط الصوف و بنفس الألوان
الأرفف المزودة بالإضاءة الأرضية و الله نسيت اسمها المهم هي أخذت حوالي ربع الميزانية و قيمتها 120 ريال من السوبر ماركت
و أضفت اليها بعض الأشياء الخاصة وهذا شيئ جدا مهم
الديكور هو انعكاس لشخصية و اهتمامات و هوايات صاحب المكان
الغرفة من الزاوية الرابعة و الأخيرة
و ابرز مافيها الجدار و هي فكرة لم اكملها بسبب الكسل
المهم الجدار عبارة عن ورق جرائد موزعة توزيع عشوائي و كنت استخدمها في حفظ بعض الكلمات الإنجليزية فكانت الفكرة تعليمية مع لمسة جمالية
طبعا الجرائد كنت اجمعها من الجامعة ثم اخترت الصفحات البيضاء و السوداء فقط حتى أضيف عليها فكرة رائعة و لكن لم أنفذها بسبب الكسل
و قيمة تكلفة الجدار هي قيمة الغراء و اللصق فقط
صورة أكثر وضوحا للمكتب
مكتب عادي جدا فيها جهاز اللاب توب نفسه اللى في الإميل الأول
جوالي القديم و العزيز في نفس الوقت هههههههه محد يحشه كثير تراه حبيبي
و في النهاية
اعتذر عن قلة جودة الصور
بسبب ان المصور الإيطالي فيصل اللي صور الجزء الأول كان مشغول يأكل حيوانه المدلل لولي هههههههه ترى لولي ثعبان طولها متر و شويةو قالي روح ولي مافي تصوير مايمزح صاحبنا
و انا اجتهدت و صورت بكامرتي الخايسة و بدون فلاش
طبعا كاميرا التصوير من نوع فوجي فيلم و العدسة مقاسها 44-55 و البعد البؤري 68 ههههههههههه أكيد متهيأ
بس ان شاء الله ان الموضوع عجبكم و اي اقتراحات او استفسارات انا حاضر
و رايح أحاول اني أنوع في المواضيع و في التصاميم
ايوا صح تراني منى مهندس ديكور بس التصميم هواية اعشقها حتى النخاع
اتقدم بالشكر الجزيل للاخ اللدي قدم لنا هده العروض الرائعة
الصراحة إبداااااااااااع بأقل التكاليف الله يستر عليك ويحفظك من كل سوء
يعطيك العافيه ..:) مو شرط تكون على درجة عالية من الإحترافية زي ماتقول اهم شي انك فكرت ونفذت وهذا هوا المهم أحلى حاجة لمن تسوي شي يكون من صنع يدك بالعكس انت قدرت تهيء مكان يناسبك كذوق كفايه لمن تدخله في كل مكان لك فيه لمسة حتى لو كان بسيط عجبتني صراحة الفكرة اللي نفذتها بالصوف ع الجدار راح أسويها أكيد بغرفتي 😀 ويعطيك العافيه مرررررة ثانيه ..
ابدآإآإآإآإآإآإآإع والله وشغل جبار اناا ودي اسوي غرفتي زيييك بس غرفتي حوسسسسه هههههههه انا شاء الله في احلالام اسويه زييك .
اول مرة اعلق على موضوع جاني في الايميل كثير حبيت الموضوع من جد روعة وخصوصا حركة المكتب عند الشباك غرفة رايقة لطالب الله يوفقك ويعطيك العافية
ما شاء الله لا قوة إلا بالله .. أعجبتني فكرة الصوف ررررراااااائعة بجد وغرفتك توسع الخاطر الله يتمم عليك ..
:$هههه ابداع اكثر شئ عجبني الجرايد ابسويه ودي اسوي ديكور زيك بس الغرفه في السطوح مطله على الشمس قرف بس الجريد ابحطها على الدريشه تحمينا من اشعة الشمس القاااارصه هههههههههه
السلام..تصميمك بسيط بس يجننننننننننن ماشاء الله ههههه عشان مااعطيك عين :D:D وياليت تصور اي شي تصممه اعجبني تصميمك مررررررره:D:D وترى تصويرك يجننن..لرفع المعنويات هههههه:D:D تحياتي ..riomi:D
جهد جميل جدا اكيد طبعا مو فخم ولا يرتقى للمستوى اللي كل شخص يتمناه لكن اللي نستفيده من موضوعك هذا ان مو كل شي في حياتنا عشان تصير حلوه لازم تصير مكلفه في سعرها انت اللي سويته في غرفتك الجامعيه شي عادي جدا لكن لاننا ناس تعودنا علي الخدم في البيوت والاهمال في تنضيم وترتيب غرفنا المنزليه اصبحنا نشاهد ان هذه الاعمال جباره وخارقه بارك الله فيك ياخالد وان شاء الله المبتعثين وايضا المواطنين يوم يشفون موضوعك يفكرون شوي بغرفهم والاهتمنام بها علي الاقل في الترتيب ووضع كل شي مكانه
ليتك مكتفي بالكتابه!!مهب احسن ياعيال
من جدددد روووووعه و إبداااع خاصه جدار الجراييد بدعه فنييييه بس بسألك الفاره اللي معلقها مايته ولا حيه؟ ما تدود ؟ < بنجلد
الله يوفقك في حياتك ويحقق لك احلامك
روعه ما شاء الله لا تخرب وتقول طقونا عين والله واعيالنا ما شاء الله مبدعين الله ام العيال مستقبلا بتلقى ابداع بالبيت واو والله وناسه قمه من جد كل فكرة تقول انا احسن من الي قبلي انا بالنسبه لي كل الافكار عاجبتني بارسلها لحبيبي وليدي باستراليا علشان يسويها ( من قله )
احب ان اشكر كل من مدح و كل من انتقد قبل ما ارد على استفسارتكم رايح اذكر كم نقطة مهمة جدا 1 – ركزوا على قيمة الميزانية 375 ريال تخلى من المكان العادي الى مكان مريح و جذاب و على فكرة ترى 375 ريال الناس يصرفوها في طلعة خميس و جمعة او حتى شريط بلايستيشن فما بالك تصرفها على مكان تقضي فيها اقل شي 10 ساعات في اليوم بين النوم و الراحة 2 – انا نزلت الموضوع حتى ارضي جميع اذواق الناس فيه ناس ماتقدر تدفع مبلغ و قده و هم الأغلبية العظمى و كان هدفي انه كيف الشخص يحول المواد البسيطة في البيت لشي يعكس شخصيته و ذوقه 3 – هذا المشروع سويته بهذى المواصفات لسببين الأول / اني جلست في السكن هذا 5 شهور و ما ابغى عفش كثير عشان انقله الثاني / كان تحدي لمشكلة تواجه اكثر الناس و هي الميزانية
الآن نجي للردود 1 – ما ادري يبو لطيف اش هو قصدك اني اكتفي بالكتابة ؟؟ 2 – بالنسبة للفار فهي لعبة اشتريتها من محل الألعاب 3 – اختي لولو انا كان قصدي ان العمل يكون بشكل احترافي بشكل عام مو قصدي على مشروع من مشاريعي و انا مو انسان محترف بسبب بسيط جدا اني منى مصمم داخلي و مادرست التخصص على اسس اكاديمية و مني متفرغ للتصميم بشكل كلي 4 – اخوي فراس التصميم عدة مدارس و خطوط في التصميم هذا المشروع مو هدفه الفخامة و لا شي و لكن في المستقبل القريب رايح اضيف تصاميم نيو كلاسيك و كلاسيك و حديث و ايضا تصميم هندي
الله يحميك خالد فكره حلوه كتيييير انا كمان من هواياتي التصاميم
فعلاً ، هذا الموضوع يساعد الطلاب الجامعيين كثير ، خصوصاً إن غرف المعزّبين دائماً حالتها حالة 🙁 .. شكراً لك يا عزيزي ..
يأخوي وش تحس فيه قسم بالله انك فااضي وماوراك الشغله جرايد ومدري ايش ياخوي تراك سويت زحمه والشارع فاضي ومسوي اتكيت انت وخوياك قال ايش قال لولي ياعمي ههههههههههههههههههه
مـا شاء الله عليك.. احلي شي الجراايد راااايقه الحركه..ق1 والمكتب عند الشباك..:(:(:(:( حلم بالنسبه لي..:) ومشكووور ولاتطوول علينا.. وايه التصووووير خقق..8)
والله ياخالد مدري وش اقول :(خلتني احس ان سنين وانا بقرة سلمت ايدك انت رائع وبس
يعطيك العافيه وشغل حلو .. بس عندي ملاحظه لحست مخي ألا وهي اللي باللون الأحمر طبعا الكل رايح يلاحظ غلطة تم ارتكابها و الحمد لله تم تعديلها بس للأسف بعد التصوير اللوحة اللتي تم عملها هي فكرة X – O و تفاديا للشبهات حولتها لمثلث و دائرة و لغيت فكرة الإكس تراها ياشباب مهي صليب …… ؟؟؟؟؟؟ اللي أشوفه أخوي مثلث وإكس مو مثلث ودائره مثل ماقلت !!! بعدين وش تفادي للشبهات الإكس عادي ومافيه أي شي يرمز للصليب حاله حال الزائد ويعطيك العافيه
بصرآحه كلمة مبدع وفنآن قليله في حقك 😀 مآشآء الله تبآرك الله عليك عجبتني فكرة اللوحة الجدارية مررررره كتير وفكرة الجرايد كمان روعه بجد ربي يعطيك العافيه ويحفظك من العين ويوفقك يارب .،
أفكار تدل على الأبداع يااخ خالد وهذا هو الفن الاستفادة من الرخيص في عمل النفيس صراحة حركت فيني شوي ونويت أجتهد في تجميل منزلي بنفسي فالف شكر
ماشا الله عليك .. يسلموو ايديك والله .. وذوقك له دور كبير اكيد .. الله يزيدك كمان وكمان ويعطيك العافية ..
روعة الخامات بسيطة لكن الأفكار حلوة عجبتني بعض الأفكار وأفكر أسويها الميزانية تحدي لكن ماشاء الله عليك استغليتها وفقك الله في هذه الهواية الممتعة وفي دراستك
افكار حلوه وبسيطه وغير مكلفه والنتيجه راااااااااااااااااااااااائعه استمر 🙂
.. جميل ان نتعلم من غيرنا كيف هي صناعة الحياة وتحمل المسؤليه بأفكار بسيطه وجميلة.. الله يوفقك و عقبال مااشوف لك اكبر مصنع لتصميم الديكورات والاثاث ,, كل التوفيق . . أختك المسلمة ..
ما شاء الله شغلك مرة روعة ومميز خصوصاً فكرة اللوحات وافكر اسويها اما الفار يخوف جدن ما اتوقع احطه بغرفتي يوم حتى لو لعبهـ 🙁 مايهمك كلام الناس اللي انتقدوكـ لان شغلك حلو ويدل على رقي ذوقك ولمساتك ما شاء الله وكمان مرتب مرررة ونادرا ما نشوف عزوبيه كدا كمل في الهواية دي الله يوفقك وايوا كمان تصويركـ مره خطير ربنا يحفظك 8)
مآ عليك منهم 🙂 مآ شآء الله ~ الله يوفقك ويسعدك يآ رب :$ فكرة الجرايد أعجبتني بالمره .. ان شاء الله مسويتهآ 😀 وآصل .. وآصل .. بـ إنتظآر جديدك :$
يعطيك العافية شي جميل ان الواحد يغير
والله انك ذووووووق الله يوفقك
السلاام عليكم ورحمة الله وبركااتهـ،، تسلم يدينك ويعطيك ألف عافيه .. ابدااااع الله يوفقكك ويخليكـ، شغلك راايق وذوووق تسلم والله’’:D :~ عندي سؤاال ..! :: اللوحات عجبتني وانا من محبين الأعمال اليدويه وأشغال الصوف فياليت تذكر كيفية عملهآآ بالتفصيل؟ وأسم الصووف المستخدم؟؟ انتظر اجابتك.. 8) مع خاالص شكري