كم تأمل بالوجيه .. وكم تحراها تجيه .. وماجته ..!



السلام عليكم ورحمة الله وبركاته
صبحهم بالخيرات والمسرّات .. وكل عام وأنتم بخير , ولو أنها متأخرهـ حبتين .. << هذي حقت عيد الأضحى للي ماعيدته
أعتذر عن غيابي وإبتعادي عن الساحة الفنية << بدر عبدهـ على غفلة خخخخ
قصدي يعني سامحوني ع قصوري .. بس كانت شوية ظروف وحوسه .. تعرفون ورانا مسيار وبرد وحوسه وقلق ..
على طاري البرد .. والله أني أكتب ألحين وأصابعي تطقطق وترتجف من البرد .. حتى أخوي يقول ياخي شوي شوي ع الكيبورد لايتكسر خخخخخخخخ
وش ذالجو الخايس .. يعني يا يجينا حر مررهـ يا صقيع مرهـ .. لا لا أنا لازم أهاجر لو الحريدزٍ << عسى ما رحت بعيد بس خخخخ
أبونواف .. لقاءكم في مجلة شباب فخر لنا كل أبونا .. أنت أبونا وحنا عيالك

من هنا
..

وإن شاء الله اليوم جايب لكم كل جديد وممتع ويوسع الصدر ويخليكم ان شاء الله غصب تنبسطون وتعرسون مبكرٍ ..
على طاري العرس ..
واحد أخذ خطيبته للسينما ويوم طفو النور‎
قالها‎‎ في إذنها: فيه احد جنبك
قالت :‎لاياحبيبي
قال :ومافيه احد جنبي صح .؟
قالت :صح ياقلبي
قال :في احد‎ ‎وراك قالت :
لا‎ ‎ياحياتي
قال :أجل ما طقع الا انتي..!
إنزلوا تحت ..

][مدخل][
ماجته في موعده
يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته

][ التجارهـ خسارهـ][

سبحان الله .. من يومي صغير وأنا مخي مخ تاجر .. بس للأسف تاجر فاشل خخخخ
لحّد يضحك ترى الهزوى عدوى ..
جربت أشتري وأبيع فـ كل شي وماكسبت ..
جربت يوم أني فالمتوسط أشتغل فـ محل خضار وفواكه فحارة بيت جدي ..
طقيت صداقه انا وولد خالي براهيم مع صاحب محل الخضار .. وقال اشتغلوا معي اليوم ونشوف وش بتسوون ..
عاد هو يسولف لنا : ألحين تشوفون العالم ينكبون علينا وأنواع المكاسب ..<< وانا اقول لو شافوا خشتك محد قبـّل عليك
ومن يوم دخلنا عنده فالمحل محّد قبّل عليه أبد .. حتى هندي جا شرى ربع كيلو طماط وبعد نص ساعه تحسف ورجعه .. هههههههه
طبعاً نهاية اليوم عطى كل واحد فينا خمسين ريال وقال لعد أشوف وجيهكم خخخخخخخخ ههههههه
طيب يمكن البلا فيه هو
×
فكرت بعدها أسوي لي بزنس خاص فيني ..
عاد قلت بسوي بسطة .. بروح أتقضى بالكرتون بساكيت وحلويات وبطاطسات وعصير غوار ..(وخمخمه) على قولة خالتي مها ..
وكل خميس أو مناسبة أو إستراحة أبيعها على البزارين وأترزق الله ..

ملاحظة/ أي بزر في الصورهـ لا يمتّ لي بأي صلة
عاد بطبعي الحياوي أنا << ودي أصدقها بس عيت تمشي علي ..! شلون بتمشي عليكم؟!
الموهم أنه كل مرتن يجي أحد ويحايلني :
(باخذه بنص وولدي بزر وموب ماكله كله)
(عطه مثل أخوه .. شفه جالس يصيح يبي مثله مسيكين)
(عطنا واحد والخميس الجاي نجيب لك الفلوس .. ويسحبون)
إلمن عاد صرت أطفر من خاله تبيع فصفص عند باب المروهـ .. فالحرم
وبعت حلالي كله الذي جاب لي 74 ريال مع الفكـّه
×
طيب من يذكر سوق الليل اللي فـ مكة قبل يهدّون والديه؟؟

حسيت على ذالصورة أني من العصر الحجري هع <<
مرهـ قلت بستغل الفرصه وبتاجر هناكـ .. عاد رحت ثلاجة الكولا وشريت 20 حبة فانتا <<ينعن أم راس المال البايخ خخخخخخخ
وشريت فوطة بـ خمسة ريال .. وفرشتها قدام درج المبنى .. وكل من مرّ علي أقول له بريالين .. ومحّد شرى
بعد يوم أنقهرت وقلت بخفض مابي إلا راس مالي بس .. وأبيع الفانتا بريال بس .. وشروا مني 2 بس
ثالث يوم جاني واحد قال تبيع الحبة بـ نص ؟؟ يوم قالها وأنا اللي أتحطم ..
عاد أشوا جا واحد فاعل خير وقال لي: غير محلكـ .. أنت جالس جنب ثلاجة الكولا وتبي أحد يشتري منك وهو حار بعد ..؟! <<
عاد يوم قالها لي وأنا اللي آخذ الفانتا كلها وأوزعها على أهلي كلهم من الفهاوهـ اللي فيني خخخخخخ
إلا قد شفتوا أحد يشتري فانتا لحالها بدون كولا وسبرايت ويبيع..؟!
يمكن لأني أول ماحب إلا الفانتا بس ..!
وعلى طاري التجارة .. حتى الأسهم يوم دخلت فيها هبدت على خشتها .. وصار المؤشر أحمر..
ترى أنا سبب النكسة اللي صارت
اصبروا لهم سنتين بس وبيقولون بدر سبب نكسة إقتصاد أمريكا خخخخخخ
وعلى طاري أمريكا .. يعجبني الزيدي يوم سف جزمته (وأنتو بكرامه) في خشة بويش التسلب والله أنه سنايدي ياناس حبيته وقسماً .. سلمت يمناك ومن وراها يسراك يابعدي طلعت اللي فـ تسبودنا
* مايستفاد:
ولا شي

][ سرقة بدلاخة ][
.نشوف أحياناً شخص يطلع تصريح فالجريدة أن فلان سرق منه قصيدة ..
أو شخص ثاني سرق مقال ..

او واحد يسرق موضوع من منتدى ..
كل هذي حرية شخصية للكاتب نفسه ..إذا حب يشتكي ..
وحركة غير محببة من اللي سرق الموضوع
,
بس قمة الوقاحة أنك تسرق شي وتنسبه لنفسك .. وتخليه زي ما هو 100%
مثلاً : أشوف أحياناً موضوع عجبني , آخذ القضية نفسها مع تغيير المحتوى بتعبيري أنا ..
هذا مافيه أي شي لأن أنت اللي تعبت ع الموضوع وكتبته .. وكتبت وجهة نظرك فيه ..
وأحياناً أكتب فـ قوقل موضوع كتبته قبل شهر مثلاً .. ألقاهـ فـ أكثر من منتدى بأسماء ثانيه ماعرفها ..
كل هذا عادي .. نقول منتديات ويسوون اللي يبغون (مافيه حفظ حقوق أدبيه وخرابيط)..
والواحد يفرح الصراحة إذا شاف موضوعه منتشر كذا , معناته محد نقله إلا لأنه عاجبه مثلاً ..
بس مره شفت واحد من مواضيعي فـ منتدى مشهور مرهـ , ناقلته بنت بإسمها, والمشرف مثبت أمه ويقول جهد رائع وأكيد تعبانه عليه .. أي جهد ياعمي وهي كوبي بيست يا (خروف) ..
بس قمة الغباء الصراحة هنا في هالموقف الجاي , واللي زاد الطين بلـّه أن المجلة نزلته وهو واضح أنه منقول ..
أجل الإسم فالقصة بدر , وكاتب الموضوع محمد ..!!!!!!!!!

//
× تعليقاتكم وتنتيفاتكم للمدعو محمد .. حاكموهـ أنتم ..
× مثل ماوصل الموضوع الأول له .. بيوصل الثاني إن شاء الله بنفس الطريقه هع هع
× أم نايف ..(وش يقرب لتس خالد عبدالرحمن) شوكرا كتير كتير لأني تعبتس معي وأنتي تسوين سكان وحوسه للمجلة, بس أدري فداني .. الله يخليتس بس ..

][فاصل][
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته

][ خلوها تصدّي ][

اقتباس:
وكان قطاع صناعة السيارات الأمريكي سجل أكبر انكماشٍ له منذ 26 عامًا في ظل الأزمة الراهنة، وأظهرت بيانات تراجع مبيعات السيارات في الولايات المتحدة بقوة خلال أكتوبر /تشرين الأول الماضي، حيث أعلنت جنرال موتورز تراجع مبيعاتها بنسبة 45% مقارنةً بنفس الشهر من العام الماضي، كذلك تراجعت مبيعات منافستها فورد بنسبة 30%.

اقتباس:
من جهتها أعلنت تويوتا هبوط مبيعاتها 23% في حين تراجعت مبيعات هوندا موتور بنسبة 25%
ومبيعات نيسان بنسبة 33%، وانخفضت مبيعات السيارات الأوروبية أيضًا في أكتوبر وتراجعت 40%
في إسبانيا و19% في إيطاليا.

ألحين يوم أنهم فأمريكا وأوروبا وآسيا طايحتن أسعار السيارات عندهم .. وراها غاليتن عندنا ياكافي .!؟
موب ألحين يقولون أننا مرتبطين بالدولار وأنه أي شي يصير فالإقتصاد العالمي يصير لنا ..!
طيب موب مشكله .. ألحين يوم أنهم يرفعون التجار علينا أسعار الرز وحليب النيدو .. وراهم يقولون عشانه أرتفع فالسوق العالمي … ووزير التجارة السابق الله يخليه ذخر لأهله ما حرّك ساكن ..!
يعني إذا أرتفعوا ترتفع معهم وإذا أنخفض ترتفع أنت زياده .؟! قانون جديد ذا..!

اقتباس:
واستغرب عبد الله لتراجع الأسعار في أمريكا وأوروبا وشرق أسيا وارتفاعها لدينا، وطالب المواطنين
والمقيمين بالامتناع عن الشراء حتى تقوم وكالات السيارات بتخفيض الأسعار من خلال تقليل
أرباحهم.

اقتباس:
أما المواطن (عائض) فتساءل مستغربًا أسعار السيارات في العالم كله تنخفض وبنسب كبيرة،
فلماذا عندنا التجار يُصرون على عدم تخفيضها، أو على الأقل عدم رفعها؟


إنه الجشع في ظل غياب الرقابة ومن يدافع عن المستهلك

حلها في يدينكم ..
فيه حملة وصلتني عن طريق الإيميل .. إسمها (خلّها تصدّي)
وهي واضحة طبعاً .. لو كل من بغى يشتري سياره صبر شوي ومسك نفسه إلمن تخيس سياراتهم عندهم مالهم إلا ينزلون فالأسعار ..!
* مايستفاد:
خلوها تصدّي وتخيس

][موضة حصيص ونوير][
تلاحظون ذاليومين كثرت موضة المحلات اللي بأسماء شعبية وبنوتيه خاصة يقال لك اغراء ألحين , خاصة نوره وحصه وساره .. كأنه مافهالبلد غير ذالأسامي ..
مثل طقة مطعم ماما نوره , وفوال خاله ساره , وبنشر هيله , وحلاق موضي , وبكرا بتشوفون بيفتحون مجمع إسمه (هيا مول) هههههههههه
لمسات عائشةإمحق لمسات بس

مطاعم ماما نورامعروفه طبعا

محلات حصوصه .. يعني يقال لك مدلعها آلحين هع هع

تعليقاتكم لاهنتوا

راشد وندى توهم مخطوبين لبعض .. عاد هذا أول لقاء بينهم :

راشد: يووووهـ أخيراً الحلم بيتحقق ..
ندى: تبغاني أبعد عنكـ؟..
راشد: لا تعيدين ذالحتسي مرتن ثانيه.. عيب عليكـ
ندى: طيب .. أنت تحبني .؟!
راشد: أكييييييييييييييد ..إيه
ندى: طيب ممكن تفكر تبعد عنـّي ..؟!
راشد: لا طبعاً ..
ندى: طيب ممكن تهديني بوسة .؟!
راشد: طبعاً إيه .. وعلى خدك بعد ..
ندى: طيب تتوقع بيجي يوم وبتمد يدك علي .؟!
راشد: لا طبعاً .. أنا منيب ذالنوع من الرجاجيل ..
ندى: مومكن أثق فيك طيب .؟!
راشد: أيوووهـ ..
ندى: ياحبيبي ..
بعد ما أعرسوا .. ومرت سنة ع الزواج ..
(في ذكرى زواجهم كان فيه حوار ثاني .. بنفس الجمل)
أقروا من تحت لفوق ..

][مخرج][

لو قيل لي ان القمر ياطى على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه
وما جته

للشاعر المرحوم:
طلال الرشيد

في آلختآم .. أشكركم على متابعة الموضوع للأخير …
وأتمنى آن يحوز على رضآكم وينآل ذآئقتكم كل آبوٍكم .. ويكون خفيف ع تسبودكمـ
وإن تسانه عجبك الموضوع قل معي :
اللهم إغفر له ولوالديه (F)
وإشفِ خالته.. ورجعها لعيالها بالسلامه .. اللهم آمين
وبكون أشكر شي فالعالم :$
سبحانك اللهم وبحمدك , أشهد ألا إله إلا أنت , أستغفرك وأتوب إليك

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

كتبه وأملاهـ / باء نقطه شين
بدر.الشوق
وفي روآية / أبو س ـعد
سلآمـ


للفهاوة طعم آخر معنآ (تم تركيب الستايل الجديد)

للتواصل:
[email protected]


تعليقات 15

  1. اللهم إغفر له ولوالديه وإشفِ خالته.. ورجعها لعيالها بالسلامه .. اللهم آمين يووووه وش ذا غباااار كح كح ..:) والله انك زدييييم ,, دنت طولت عليييينا آآووووي كنا ننتزر موازعيك بفارغ صبر وتسل يوم نقول باكر ويجي باكر ولا نشوفه 🙁 🙁 اوووما محمد ذا ما يستحي على وجه يبغاله طقٍ طقاُ مبرحااااً والله غش لزوووم نسوي مظاهرة عن هالموضووع موب محمد بس غيرووه كثيييير اتشرف باني انا اول من يعلق 🙂

  2. جميل جدا… والخاتمة جميلة بالدعاء لذا… اللهم إغفر له ولوالديه وإشفِ خالته.. ورجعها لعيالها بالسلامه .. اللهم آمين

  3. جميل جدا ما كتبته و هو ابداع أتحفتنا فيه بالكثير…… أكثر ما أعجبني النكات……… أتمنى أن أرى جديدك مرة ثانية

  4. السلام عليكم .. ياشيخ الله يوفقك ونستنا وضحكتنا باسلوبك اللطيف الرائع,جزاك الله خير,ودعيت معك (دعوتي مستجابة ان شاء الله) , في امان الله .

  5. ماشاء الله عليك كتاباتك شيقه وخفيفه ..ننتقل من فقره الى فقره بدون مانشعر…للامام وفقك الله

  6. موضوع مفيد ومشكور على الاسلوب الرائع بس نقطه تكلمت فيها مالها داعي التعليق نص التعليق (((][موضة حصيص ونوير][ تلاحظون ذاليومين كثرت موضة المحلات اللي بأسماء شعبية وبنوتيه خاصة يقال لك اغراء ألحين , خاصة نوره وحصه وساره .. كأنه مافهالبلد غير ذالأسامي .. مثل طقة مطعم ماما نوره , وفوال خاله ساره , وبنشر هيله , وحلاق موضي , وبكرا بتشوفون بيفتحون مجمع إسمه (هيا مول) هههههههههه لمسات عائشةإمحق لمسات بس)))) ياعزيزي هل تريد لمسات نانسي او روز او مدونا الخ انا اقول هذا شيء جميل وان شاءالله يستمرون عليه ويدعون اسماء النصاري والكفر الى اسمائنا العربيه الجميله وان كانت قديمة

  7. وش ذالجو الخايس .. يعني يا يجينا حر مررهـ يا صقيع مرهـ .. لا لا أنا لازم أهاجر لو الحريدزٍ

  8. والله انك فله يالبدر…… اللهم إغفر له ولوالديه (F) وإشفِ خالته.. ورجعها لعيالها بالسلامه .. اللهم آمين

  9. مبدع يا بدر……دائما انتبه يابدر لبنات افكارك…..تراها تسوى لها ملايين(بس لا تنساني انا راعية الفكره)…. استغل شطارتك وتاجر بافكارك ….وخل عنك الفانتا وخمخة البزارين ام ريال وريالين اللهم إغفر له ولوالديه…..ولجميع المسلمين امين وإشف خالته.. ورجعها لعيالها بالسلامه .. اللهم آمين

  10. هههههههههههه الله يعطــــيك العــــافيهعلى روحــــك المــــرحه والله يشفي خالتك ويشفي مرضى المسلمين

  11. الظاهر مو بس أنت ترا حتى أنا عندي نحس من النوع الاقتصادي يسمى النحس التجاري كل ما حاولت أكون رأس مال طار مع أني والله من النوع الحريص على الريال و ما أصرفه إلا بعد استخارة بس مالي حظ وأنا والريال في أزمة من قبل الأزمة 🙁 أدعولي بعد ما أخلص أسوي لي بزنس وألعن الفقر وسنينه وإذا على اللي سرق موضوعك: حبل الكذب قصير وهذا يدل على إن الموضوع عاجبه ولا ماكان نشره والله يشفي خالتك ويرجعها لكم سالمة متعافية وكل مرضى المسلمين قول آمين تحياتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

كم تأمل بالوجيه .. وكم تحراها تجيه .. وماجته ..!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول