كشته وفله – صور


السلام عليكم
والله مبطين عنكم وموضوعي ذا كان ابنزله قبل الدراسه بس مالله كتبه طقتنا صخونه الله لايوريكم
الزبده
من كل سنه جرت العادة اني اطلع مع شلة الانس والفرفشه للبر بعيد ضحيه شوا حر برد طالع طالع
وقلت ماهيب شينه ناخذ بعض الصور الصاحيه والي ماهيب صاحيه ونكون نقطه في بحر قروب ابو نواف الي بديت اعشقه لااا والله احبه << مايقلد ياسر التويجري
وعشان الصور الي جايب كثير وسويت لها تصفيات عشان نطلعها بالقروب برضو طلعت كثير قلت ابخليها جزئين
ولكم الصور وبعض التعليقات

قبل الصور بس بقولكم وجهتنا كانت لروضة الشوكي وهي تابعه لمحافظة تمير على طريق القصيم ولها كذا طريق يودي لها بس هذا الطريق السهل للي حاب يروح خفافي
يعني تجي لها 250 كيلو حتى ينتهي الازفلت
بس منطقه خيال اذا صابها المطر وبارك ربي به

كشته

وهذي راحلتنا وقافلتنا
كشته

موقعنا الي اخترناه ونصبنا فيه الخيمة
كشته

هذي من الضيوف الي ماتركونا من جينا لرحنا بس جا معها كم لقطه صوره نعرضها بعدين وبه شي خصوصي ماينعرض
كشته

وذا من شبابنا الي مايحب يجلس ابدا هوايته التسدح وشبو لي النار
كشته

هالصوره لقيتها بالكمره مادري من صورها شكله يبي يوريكم حنفيه الماء بالبر
كشته

بعد الفطور والشبعه يبدا المحارش بالجيران والشباب مسوين يقردنونها يبون حليب
كشته

صور من حول منطقتنا
كشته
كشته

بدينا بشبة النار وليالي الاونس
كشته

هذي مناظر الصباح الباكر وكان برد وجازلي انعكاس صورة الشجر بالماء
كشته

بذا الصورة لو لاحظتو الصيخ تبع الحنفيه تجمدت عليها قطرات المايه
كشته

لفتنا الصباح حول النار وشابين على قهوتنا ومويتنا وحليبنا

كشته

من فيكم سمع في القرص الي يطبخ في وسط الفحم هذا هو اكلتنا بهالصبحيه
كشته

مناظر من حولنا
كشته

يوم شفنا البرد بيشتد وحسينا ان نارنا لازم تصير شابه قلنا مابدهااشي فاسك والشجر اليابس
بس تبون الجد التحطيب هذا شغله تجيب النشاط
كشته

هالدرج سوينا لابغينا نغتسل من السيل ولا شي
كشته

هالرخله الصغيره عمرها يومين وانا ماغير اتسدح عندها واصورها وهي تطالعني وتقول وش يبي ذا
على فكره رخله يعني بنت صغير بس يطلقونها على الغنمة الصغيره
كشته

آآآآآآآه بتقولون ليش اقول اه حنى والشباب تمنينا نبيع ذممنا ذاك الوقت ونسرق واحد من
هالهرافا ونذبحه ونقلب ضليهاته على نارنا ونمصمص عظيماته بس ربك يطالعنا بالله ياشباب تخيلو فوق
النار يشوا وانت بهالمكان وش شعورك
المشكله السوداني رافض يبيع
كشته

مناضر من حوولنا
كشته

آآه هذا هو السوداني ابو رادو
هذا رفضن يبيع يقول الكفيل داير يزعل
بس حبيب صدته فوق جبل يدور ابراج جوال معه جوال لو صكيته في جبهت واحد ان يطير دمه تقول نافوره
كشته

هذا رادوه مر علينا وهو يسمع نانسي عجرم على اذاعة الكويت تمنيت الكامره
حولي اسجله فديو ولا الجوال بس مالكم بالضحكه نصيب
كشته

هذا خوينا بعد مالقط الارسال
عاد من زود الفراسه عنده يدق ويقفل عشان يدقون عليه وانا يوم شفته صاد ابراج
واصوت لربعي اقول به ابراج
شوي الا السوداني يقول داير تخطف الابراج مني
وانا الي افقع ضحك
بس والله ماقصر كل صبح جايب لنا حليب ماعز ومابه احلا منه شرب ومع القرص

نهاية الجزء الاول
انتظر ارائكم
تحياااتي
فهد الفهيد


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

كشته وفله – صور

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول