كرهت الزواج بذا اليوم


السلام عليكم ورحمه الله وبركاته
صبااحكم روشنه ومسااكم دلعنه
قروبي العزيز اعتذر عن انقطاعي المفاجئ الذي سبب الخقق في الشبكه Family ابو شعر وذلك لأنشغالي مع ابن خالي مهند خلف الكواليس و الكميرات >>>> افقش يا من تفقش

لكن الحمد لله قربنا نخلص المسلسل راح الكثير ما عاد بااقي الا الكثر( 498578590 ) حلقه بس وانا اعالج ذااليويمن مع ابن خالي داعيه الام بي سي ذا الي كأنها صنيه كاسات طاايحه من فوق الدرج تصدقون ساعات وانا اتابع القناة وفجائه تجي الدعايه يضيق صدري من الروعه واتحسف اني تابعت وجلس اتحسب على المخرج المرعب >>>> اهذي مقدمه ولا سياره بليله هااع

المهم

راح اعطيكم وطايه الموضوع >>>> والله تسمع بذوق انت وجهك
كنت جالس في صاله بيتنا تحت المكيف وفااارد رجليني حركه مقص وشاادَ حواجبي على نورلين جاني شد عضل

ألتفتت الى my Mather العزيزه وهمس لها من بعيد أمي ابي اتزوج ما دريت ال my Mather طبت في حجري والله من صدقك My son هاذي السااعه المبااركه >>>>> منشف ريقهم على الزواج <<<من زينك بس بشرط يمه يكون شهر العسل في ايطالياا امي : تزوج وان شاء الله تروح الخرطوم يا ولدي

قدر الله علي وجلست اسوي Searchعلى Half of the heart بعدما وفقني ربي وملكت وشديت My face اليوم الثاني الصباح بعد نوم هني >>>>>> امحق نمت شديت خشتي الى الاحوال المدنيه طبعا قبل هذي الليله تسمع العياال كل واحد مسوي فيهاا فااهم انته يابوفلان يلعبون عليك ويطلعون لك كرت العايله الطويل الي تحطه بدرج السياره يطله من الكبوت من طوله خلك ذيب وخذ الكرت الجديد اوكيه المهم سويت فيها بدري وصلت مبني الاحوال الساعه 7:45 دقيقه

قبل ما يجي المقهوي حق الشااهي لحظاات ومر علي ذكرني بدعايه نسكافيه الي لازقاَ الفارش ورى ظهره هاااع الحمااس دف لسااني له وقلت له ياعم وش طلباتكم لكرت العائله الجديد قالي يطلبون منك ياولدي عقد النكاح واثباتك وصور لذا الخشه <<<< مشكور يا عم هنا جاات اغنيه بو نوره اخر زياره حسيت في اخر زياره شي في عيونك مختلف

وانا اسولف مع الحاق وانا اطلع الدرج هنا Incident رفعت عيوني وكانت الصدمه شفت شنو شفت وااااااي

ناااقص بس مدهش ويكون مهرجان صيف دبي يالله وش ذااا اعالم كل هذول جايين قبلي حسيت هنااااا اني جنط وSilver بعد هنا جلس عقلي يحاارش شفت يابو فلان هذا الـ Marriage (الزوااج ) هذي بدايته ضغطت انا على نفسي انا لالالا عاتي لزم نتعب تفكر شغل البسبوسه سهل انت ببتسامه بريئه طليت على الموظف اخوي انا توني ملك امس ودي اصير صاحب اسره واطلع كرت عايله البرطم الي تحت فيه شويه Milk باقي من الفطور منت شايف العالم صافه Queue ( سرى) خلك معهم الله لايهينك >>>> ابك يابنك Albilad Bank انت وشنبك طبعا هذا بقلبي سحبت اذيال الخيابه ورجع لبقت في قطاار الموت شويه عرق على شويه Foil (احباط ) مرت نصف ساعه وصارت الساعه 8:30 وصلت للموظف اللطيف مديت له اثباتي والاوراق الحمد لله ان بيني وبينه قزازه ولا كاان جاات الاوراق في وجههي احرجني الصراحه في هذا الوقت مر ولد بعمري تقريب لكن كشخه حده كنت مركز في الكبك حقه جالس ادور ليه من زماان خااطري اشتريه >>>>>> لا يكثر

الموظف : خذ هذي استماره روح Sit هناك وعبها واذا ما عندك Pen في تحت بقاله تبيع Pens>>>>متعود على العالم ولا فرحان بقلمه الله اعلم ريوست وجلستعبيت الاستماره ورجعت له اخوي عبيت الاستماره وش بااااقي شباك رقم 3 عااد انت تشوف الWindows ودك تجيب عبد الناصر درويش يمثل فيهاا رمضان 2008 دزيت الى شباك رقم 3 ونفس الشي موظف لطيف وش عندك واعيد له السالفه انا توني مملك و و و الموظف بس بس بس عبيت الاستماره ايه طاال عمرك عبيتهاا عطني اثبااتك سم تفضل خذ صوره الاثبات وقع عليهاا>>> عمر بو شعر

رجعها لي وقالي شباك رقم 4 اوكيه مشكور اخوي يعطيك العافيه دزيت شبااك رقم 4 موظف لطيف مع ابتسامه رضى معفوسه بشاهي ماصخ صبحك بالخير اخوي هنا ماعت له السالفه مديت له صوره الاثبات الي فيها توقيع خويه خذها مني الله حق بصدر رحب وقع عليهاا ورجعهااا لي هنااا ان تصاادمت كرياات الدم الحمرااء با الفسفوريه بعقلي ياتري وش سوى الموظف الاول على شاان يوقع وش سوى الثااني ووقع يمكن تكون لعبه شطرنج انا ما فهمته جات الساعه 8:45رجع لي احسااس لكن ها المره احسااس اني درج مو جنك (الدرج التوفل في الدلاخه) رجع لي الموظف صوره الاثبات شكرته وين الحين اكمل بااقي فلمكم اخوي رد علي وهو معصب ارجع لسرى الاول الي انت جيت منه على شاان التصديق في بعض Staff الله يهديهم تلاقيه فالها جد تلاقيه وصط الدوام يمزح وفديغالى ابعد الحدود صنفته منهم با البدايه

اخوي من جدك امسك الـ Queue من اول توني ماسكه النظاام اخوي النظاام خذيت اورااقي بحرااره زيت شل في الصيف وين مكتب المدير وين مكتب المدير وصلت معي الكل يأشر على هذااك الOffice الي كأنه ورشه يمنيه هذا مكتب المدير طبعا لا سكرتير ول باب صااير هدد دخل الا المدير عندهحوال 93 واحد في الغرفه يووووه وشذ المدير السيااحي في قلبي صبحك با لخير طال عمرك اختصرت له قصتي بكم كلمه اوزت عليه شوي بهار انا موظف عندي Work بكره لزم اخص اموري اليوم الله يطول بعمرك ما قصر طبعا سوى الي عليه وعطااني نفس الكلمه النظام اخوي النظاام ودي قلت له وش راايك في بنده تر رواتب الكاشير فررري Sweet قبل لا اطلع ركزعلى واحد لقيته هو الـ Jntl راعي الكبك الكشخه حاطا رجل على رجل وش راايكم با التركيز

ورجعت الى الـ Queue مره ثاانيه الساعه 9:00وانا اقول في نفسي ليه تسوي كذا وتقبل على مثل هذي Crimes (الجرائم ) تذكرون رااعي الكبك مر علي وانا وااقف لعبت بألعااب الجوال وطقيت فره على My Messages من طلعت الجهااز لين الحمد لله جااااااء الفرج وصلت Window النكد الساعه 9:30 واشراقه ابتسامه جديده من الموظف تفضل طال عمرك الاوراق كلهاا جااهزه اعطاني ورقه تعهد ويالله روح الطه هنااك وقع واكتب اسمك وتعاال الظاهر اني كتبت اسم ولد عمي من الفرحه احس جااني اللفرج بس ابغاا امشي ها لمره وانا راجع لWindow قلت نفسي يقول امسك الـ Queue اذا يبغاني اطلع راسه من الشبااك يقولي الحمد لله استلم الاورااق وقاالي روح صور كرت العايلهعلى شان تخلص

اوكيه اخوي من وين اصور تحت راح تلاقي مكتبه صورمنه نزلت مع الدرج اوزع ضحكه وناسه للي با الـ Queue وصت المكته على قولته في البداايه حسيت با الغش علشهاانه لا مكتبه ولا قاالها الله غرفه فيه آله تصوير وهم سرى لكن سرى يمكن عمره سنتين صغنون >>>> تنكت انت وخشتك صفت الـ Queue وجا دوري الله لا يهينك صورتين لكن اثباات ابشر ولا يهمك صور مع آله الزرااعه حقت فرعون نسوا يدفنونها معه كم حساابك 14ماشاء الله انا بعمري المكتبي 25 سنه ما عمري صورت ورقه بريال في هذا اليوم مرت علي دخلت يدي بجيبي مالقيت فيه فكه لقيت 10 و200 تفضل فكلي قال ما عندي روح دور لك فكه من هنا وهناا لين جات السااعه 10:00 وخلص فلم مستر شنق رجعت للعماره يعقوبان ومع الاصنصير الفله رزت خشتي للموظف هذي الصور الي طلبتها مني خلاص يا اخوي تنتظر اسبوع الجااي لين نطلع لك كرت العايله خنقتني العبره ورديت عليه يا خوي انا من السااعه 7:45 الى ذا الحين السااعه 10 وشوي كله هذا الجهااد على شاان اخلص اليوم بالاخير تقولي بعد اسبوع يعني لو قلت بكره يمكن اهون شوي رد علي بسحبه وجه يا أخي النظاام

ما لكم با الطويله >>>> وش بعده

هنا قررت اني اسمي أسم (أحوال- a7wal)

أول ولد راح يجيني أن شاء الله

اخوكمsankirs


تعليقات 22

  1. يا أخي الله يعينك تدري وش سبب الزحمة هذي؟ الجهل بالنظام. قبل تدخل أي دائرة حكومية أسئل عن طريقة تخليص معاملتك وش المطلوب من أوراق وإثباتات بدل الروحة والجية

  2. اولا : على البركه والله يهنيكم ويديم السعاده بينكم ثانيا : اخوي الله يهديك بدال ما تشجع الشباب على الزواج تنزل موضوع تحبيطي مثل ذا !! انا لو علي اصف يوم كامل بس اتزوج 🙁

  3. مثل ما قال اخوي ابو صالح مشكلت دوائرنا الحكوميه الواحد يدخل وما يدري وش المطلوب وش الي مو مطلوب او يكون فيه لآئحه بالمتطلبات لكن ما تكون كامله اوتكون كامله بس بعض الموظفين يتفلسفون عليك ويطلب منك شروط تعجيزيه تقول كأنك تشتغل عنده لكن ما نقول الا الحمد لله على كل حال والله المستعان

  4. ارحـــــــــب ياسانكرس اخبارك ؟ اول شي الف الف مبروووك الزواج مقدما وعادي ترى الانظمه الروتينيه السخيفه يسوون من الحبه قبه بس اكيد هالعذب اللي تعذبته عشان تحس بقيمه المراء:$>>>>من الحين ههههههههههههههههههههههههههههههههههههههههههههههههههههههه الله يوفقك ان شاء الله مقدمااااا وبانتظار مشاركاتك القادمه بقوووة وانتظرو مشاركاتي

  5. :$:$ اشكرررررررررركم على لحسن الاستمااااااااااع وين تتزوج ياالزهراااني بلاك ما ضقت الي انا ضقته

  6. صباح ولا مساء الخير بصراحة دايم اقرا تعليقاتك ومواضيعك والله انت روعه واتمنى دايم تكتبلنا وتتحفنا بمواضيعك عن جد انا احب اقرالك

  7. الله يعطيك العافيه من جد بهدلوك وتعبوك بس يالله وش اتسوي اتعوض بحلاوة الزواج ومشكور على الاسلوب اكوميدي:$

  8. .. وسع صدرك أخي الفاضل هذه بدايتك مع طريق الدوائر الحكومية الذي لا ينتهي !! .. لكن بحمد نت الله ترتبت بعض الدوائر المهمة والعقبى للباقي .. .. مباركعلك الزواج مقدما 🙂 .

  9. اول شي سلملي على ولد خالك مهند وقولهم مصختوها ونطو للحلقه الاخيره:( ثاني شي مبروووووووووووووووووووك الزواج ويتربى بعزك (احواااال ) الله يخليه لك :$ وثالث شي اذا بغيت تروووووح للاحوال خذني معاك ابي اشوووووف ابو كبكات الكشخه 😀 وبصرااااااااااااااااااحه يسلمووووووووووو على طرحك لمعاناتك اسلوووووووووووووبك يجنننننننن

  10. أولا مبروك وتمنيآتي لك بالحياه السعيدة وصرآحه سرد رآآئع < على باله قصة رومانسيه ! والله يعيننا احنا اللي بالطريق كلها كم شهر وراح نذوق نفس المعاناة الله يصبرنا .. شاكر لك عالموضوع الحمآسي للزوآج B

  11. يا خوي والله ما عرفت أقرى بعض الكلمات يا أنها ناقصة إملائيا المهم مبروووووووووووك الملكة والله يتمم عليك الزواج وعقبال ما تروح السودان وتحقق أمنية أمك

  12. شوف انت وش سوا فيك وزوجتك سعوديه… اجل انا وش اسوى وانا حتزوج غير سعوديه انواع الـ …… والـ …… سترك يا رب

  13. الف الف مبروك خيووو وربي يوفقك ويهنيك ويرزقك بالولد الصالح وتبدء المعاناه من جديد وانت تبغى تبلغ الاحوال انو جاك ولد

  14. هههه ياعمي لايضيق صدرك ولاشي ياخوي اذا فهمك على قدك لاتوجع مخ العالم خخخخخخ على العموم مشكور يابو احوال وترااااا اسم احوال جنان ودمتم سالمين

  15. اتمنى اخوي يكون موضوعك شوي جدي لاني اشوف ثلثين الموضوع كله مزح وانجليزي يعني اللغة العربية عندك ضايع ؟؟

  16. اللف مبروك وعقبال مايجيك ولد وتسمية خالد انشاء اللة وتنسيك غلا احوال

  17. ههههه الله يوفقك ياسانكرس واخبارك الغلا انشاءالله تكونين مبسوطة سلميلي على فوق الخيال

  18. 8)8)8)8) أشكركم بعنف وش سالفه الغلا والخليجيه >>>>> انواع البايسن هااااااع على راسي والله الغلا والخليجيه كلهم شوشوو 🙂 نلتقي قررررررريب

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

كرهت الزواج بذا اليوم

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول