كرات البطاطس … من يدي



السلام عليـكم

جبت لكم اليوم طبخة حلوه ولذيذة .. بس يبيلها شوي وقت وشغل ،،

[ كفتة البطاطس ]

المقادير :

* بطاطس مقطع صغار ومسلوق (بمويه وملح) ~ الكمية تكون كثيرة ..وأنا استخدمت 4 وسط

* جزر مبشور .. كثرته حلوه .. يعطي نكهه .. أنا استخدمت 3
* جبن كرآفت مبشور .. أو أي نوع من الجبـن
* بقدونس (مقطع)
* صفار البيض
* دجاج منتف مسلوق .. استخدمت الخلاط الخاص فيه وتقدرين تستبدلينه بـ [ التونه ] لكن أنا ما أحبها وفضلت الدجـاج
* فلفل اسود
* ملح

الطريقة :
سمي بالله والبسي قفازات .. واخلطي المقادير كلها مع بعض .. واذا انتي ياااي وماتعرفين تقدرين تفرمين البطاطس لحاله بالمفرمه .. وبعدها تخليطنه مع الباقي ..
وهذي صوره بعد الخلط (عاد لاتشرهونبس تخبرون لابسه قفازه وماغير أعجن)

بعد ماخلطنا المقادير مع بعض .. نكورها بهالشكــل

وبعدها نغمس الكرات في بيض وبعدها في بقسمآط ( واذا مالقيتي في البيت بقسماط .. تقدرين تستبدلينه بـ كورن فليكس مطحون )

خلصنا الحين ..
الزيت لازم يكون كثير و حار .. غلط تحطين أي شي قلي بزيت بارد
واذا الزيت شوي .. بيخرب عليك كل شي ! وبتتفكك الكرات اللي تعبنا فيها

وهذا شكله النهائي


تعليقات 39

  1. B ماشاء الله يسلموا الايادي والله يهني اللي معاكي … حقيقة باين انو الطبخة جيدة…آآآآآآآآآآخ يااختي انا الصراحة اعاني من طبخ الخادمة صراحة مره مالوا طعم… تقبلي مروري.

  2. اولآ تمام عليك ، اتمنى الله يرزقني وحده طبيخه مثلك ولاكن انا ماشفت اثر للدجاج وكيف الدجاج نخلطه والا نضعة وسط البطاطس B

  3. اقول ما تعطيني صحن تكفييييييين و الله أنا أموت بالبطاطس 🙁 بتكسبين أجر إن شاء الله و غن حصل معها صحن حلى

  4. حلووووووووووووووه تسلم يديييييينك ياعسسسسسل وجااااااااري التجربه,,بس صح الدجاااج وش سويتي فيييه؟؟فرمتيييه وخلطتيه؟؟والا شلووووووون

  5. مآشاء الله تسلم يمنآكـ عطيني حبه شكله جونآآآآآآن ايه صح الدجآج انخلط معهم ولا كيف؟ يعطيكـ الف عافيه مآننحرمشي:D

  6. الدجاج اعتقد لانه مسلوق طالع ابيض فماهوب واضح :~ ماشاءالله شكله مرآآآ يشهي تسلم يداتك ياعسل 🙂 جاري التجربه ^_*

  7. 😮 ما شاء الله على هالإيدين سلمت ايديكي الباين انها حلوة و لذيذة و على التطبيق على طول بعون الله يعطيك العافية حبيبتي

  8. ماشاءالله عليك تسلمين والله يعطيك الف عافية 000 بس صحيح الدجاج ماشفناه كيف انفرم والا انخلط ؟ كل شي واضح تقريبا الا شي واحد ( بقسمآط ) مدري ويش هو ممكن توضيح طال عمرك وتقبلي مني اجمل تحية واكبر تقدير شكرا لكم

  9. الحمد لله على نعمه ما علمناه وما لم نعلمه ويا ريت نتذكر اننا ناكل الطعام واهل غزة يبحثون عنه وندعوا لهم بالثبات

  10. الدجاج شوفوه بالصورة الثانية .. وهو صدور دجاج مقطعه .. ومسلوقه .. وبعدها فرمتها .. مكتوب في الشرح =) بالعافيه عليكم .. وعطوني خبر اذا ذقتوها وعجبتكم .. واللي تقول شغل خدامات .. اكيد شغلهم مايقارن بشغل يديننا .. شمري عن يدينك وقومي صلحي بلا عجز 8)

  11. وربي الطبخة تخققققققق :$ تسلم يدينك سموووحة ولا تقطعينا من هالطبخات الحلوة ان شاء الله احاول اجربها، بس عاد ابي احد يصلح لي الدجاج B

  12. مررررررررررررحبا تسلمين عالطريقه الحلوه بس تكون من بدون دجاج او تونه وشكررررررررا

  13. الله يسامحك يعني الشوف لنا والاكل لغيرنا المفروض توزعين علينا بطاطا:D

  14. :$:$السلام عليكم ورحمة الله وبركاته:$:$ والله شكلها مشهي الله يعطيك العافية وتسلمي يا عسل sar000nah

  15. يعطيك العافيه تشتغلين عندنا هههههههههههههههه الله يطول عمرك ويخليك لاهلك

  16. تسلم يدينك على ذا الفن وياليت تستمرين أسلوبك مره حلو وواضح عاد ودنا بسندوتشات وياليت طريقه عمل الكلوب ساندوتش ياأختي في ناس يسونها يطلع طعمها خيااااال ودي أعرف شلون بالضبط ربنا يديك العافية أنتظر جديدك

  17. شهيتيني الصراحة يعطيس العافية من شفت هالصور وانا ما غير سعابيلي تقاطر مع هالبرد ناكل والله كريم يارب تديمها نعمه:D

  18. ما شاء الله يبدو شهيا ولذيذا أنا أحب مثل هيك طبخات لكن أنا الآن أعمل ريجيم وراح تخبصون علينا الشغل بعد ما ننتهي من البرنامج وينك يا أكل 8) بالهناء والعافية على الجميع وتسلم صاحبة الموضوع على هذا الجهد الرائع

  19. تسلمي على التقديم و الاكله وايد اعجبتني وراح اسويها انشاءالله واتمنى بعد لو تسوين ساندويتشات منوعه يعطيك الف عافيه ولاتنسين بالصور علشان توضحين لنا اكثر

  20. هذي اروع من الروعه 😀 شي صراحه انا اصلحها بس بطريقه ثانيه بس طعمها جونااااااااااااااااااااااااااااااان B لايفوووووووتكم تسلم ايدينك ياسمسم

  21. وعليكم السلآلآلآلآم ورحمة الله وبركاته والله ختييييييرة البنيه طلعـت !! خخخخخـ يا حليييلك يا سموووحـهـ .. غبــآآر طلع منك ،، بس تأكدت إنه مارآح يطلع منك إلا الإبداع .. وآصلي إبداعك ،، الصووور تشهــي .. إن شآء الله أسويـهـ والتطبيـق بالمنتـدى .. شكراً الشيف سموحـهـ

  22. لبى قلبكم .. واللي سووها بعد بالعاافيه عليهم المسورب .. والله لو الود ودي وزعت صحون عليكم خخخخ نجود .. من انتي

  23. شهيتيني والله شغالتنا داآآئما تسويها والله انصحكم فيها خاصة اذا كانت حااره يمي:$

  24. الســــــــــلام عليــــكم.. يسلموآآ الأيادي,, باين ان الطبخة خوووووووووووووووووووووووووووووووووووووووووووش ..:)

  25. تــســـلـــــم ايـــديـــنـــج طــبــخــه حـــلــــوهــــ وياليت يكون فيه توصيل

  26. الله يبارك فيكي سموحة….صراحة الأكلة واضح انها مميزة…والشي الواضح اكثر نظافة مطبخك وترتيبك…وبعد كل هالشي شكلك تحبين الإبداع والطبخ على فكرة ضرب من ضروب الفن…بالتوفيق …وعقبال نشوفك عالتلفزيونمطبخ سموحة:D وإلى الأمام:D

  27. الصارحة حلوه وسهله وفوق كذا النظافة والترتيب حتى التقديم غيررررررر صدق اللي قال العين تاكل قبل منتي سهله سموحه تسلمي على هالذوق ودمتي بود

  28. حامل المسك .. الله يسلمك والله // اما شيفه مره حده خخخخ drissi / خخخخخ مشكله عااد .. ام عبدالرحمن / تسلمين يابعدي احرجتيني :$ منوريين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

كرات البطاطس … من يدي

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول