قودزيلا في منفوحة – قصه


بسم الله الرحمن الرحيم
 
…………. أما بعد
حلوة أما بعد هذي……….ههههههههههه
أحلي تحية للحلووووين الي في القرووب……. و الجواكر.. يعني الوحشيين..الي مثلي…. لهم الله
يعني ماعندك أحد……..زي ما رحت زي ما جيت… ما غير أقعد علي النت… و لا أوصيك الشاااات وشبك لك وحدة…. وأقعد أصرف عايهاا أرانب من أبو ريالين الي مجمب بيتنا الطين….. وقل لها ان الشباب يشبهوك  ب …. توم كروز….. وهذا يزعلك…. لانك أحلي منة 1000.000  مرة
ايه هين……… مانعرف منفوحة حناااااااا ؟؟
طبعاا وصف لها قصركم في العلياا أو في الوروود….. ملاحضة …. ما عمري طبيتهاا بس الشباب يوصفولي أنو ولد عمت خالتهم با الرضاعة… كانو مارين من ذيك الجة و بالغلط طبعااااا……..مضيعين طريق خنشليلة……(حي غريب في جنوب الرياض)….؟
ما علينااااا
القصه هذي خيااااال علمي …. الله وكبر.. جوراسك بارك
علي غفلة……
 لا…. المقصد يا دوب أنت و وجهك… أن هذي مجرد فانتازياااا يعني … مجهوود خرافي…..يعني أنواع التسطييح……
..خمسطعش الف متر مكعب فوق سطح بيتكم
يعني لازم تكون متجهز نفسيااا و عقليااا و أشياء كثير يطول شرحهااا
مثلا مقاضي البيت…. طماطم, صلصة…. الخ الخ.. لازم تكون جايبهي للبيت….علشان تتفادي ان أبوك يتوطي في بطنك…..
و أخوك الصغير يبي يروح الحلاق من شهرين… تودية وتوصي الحلاق صفر….. علشان أخوك يبطل يطلب شيء منك العشر سنوات القادمة….ههههههه
ملاحضة ؛
امممممممممممم…. ولا بلاش كفايه كذا
بس………….. ممنوع التدخيين  … المعسل أزين
 
قادزيلاااااا في منفوحـــــــة …
رؤس الاقلاام :-
؟؟…….منفوحة…… منطقة راقية جنب بيتنااا ))
– الشكشوكة …((غاية وهدف))
-سوارتي…((الشغالة الله يرحمهاا))
-ديناصور…((حقيقة انصدمناا بها))
-الرمش…((اخر كلمة لة))

 
القصـــــــــــــــة :- ……..

كنت طالع بالددسن في البر ((مكان كلة تراب)) والكلااام هذاا قديم مرة قبل لاينولد جد اكبر واحد فيكم يعني ايام ماكانو ياكلون البردقان والموز بقشرة وكانت الوان الناس ابيض واسود مهوب زي الحين ملونين ((قوية.. داري)) وكانت الموضة ذااك الوقت الشكشوكة ومن عندة شكشوكة هذاا ولد نعمة ومطخطخ ((مثل المفاطيح الحين)) المهم كنت ادور بالعراوي حقي((أي الددسن)) ادور بيض حمام او عصافير عشان اودية للبيت واسوي وشكشوكة المهم واشوف حاجة غريبة بيضاء مدفونة واقعد يووم كامل احفر فيهاا وبالفعل صار جسم بيضاوي كبير وقلت في نفسي شكلهاا بيضة حمامة طايحة واندفنت وكبرت مع المطر ((على نياتي)) واخذهاا والله معي للبيت وكل الحارة يحسبون معي خزان فيبرقلاااس وكل الطريق قاعد افكر واقول هذي بتكفيناا شكشوكة لمدة شهر((احلاام يقضة))وادحدرهاا في السيب وقلت لهلي شوفو البيض ولا بلااا قالت امي الله يخلف على قليبك يالفضيخ((أي ماعندك احد)) هذي وانا امك كورت الاولين حقت الفراعنة كانو يلعبون بابين واحد عند الاهرامات ووحد في سدير ((منطقة قريبة من الرياض تم العثور على البيضة فيهاا)) والله وتخش كذبت امي علي… ونتشاقلهاا البيضة ونذبهاا في غرفة السطح ونسافر شهرين..

ويوم رجعناا رقت الشغالة بتنشر الملاابس في السطح ((ولم تعلم ماقد خبئة القدر لهاا)) والله ومعد شفناهاا وتجي امي وتنادي سوارتي سوارتي ((اسم الشغالة)) ومااش محد رد ؟؟؟ طمرت ورقيت ابشوف وش القصة وادخل السطح بشويش الهواء يهفهف الملاابس بشويش والباب يطلع منة صوت خفيف ((يبي لة تزيت)) والقاء زنوبات سوارتي وصروالي السنة على الحبل ومابعد حطت القضاب علية الضعيفة وهي مهيب فية.. مشيت بشويش على صووت نفس قوي في الغرفة حقت السطح وادف البااب بشويش واتفاجئ بحيوان غريب بحجم الفيل منسدح على ظهرة ومعة عصاء مكنسة ينضف ضروسة بة((ماكلهاا ….)) واجيك امشي الطبلوون مع الدرج شفتي واصلة سري وعيوني تدمع واتفل واناا اشرح لهم وش شفت
قالت أمي بكل برود ..زف فنقر ((أي انقلع بالفرنسي)) والله وارقيهم ابا اوريهم المنظر وفي دفتي الباب بشويش لايقوم صادفت انة يتثاوب وصار من النوع الي يطلع نار مع اثمة واعدم وجهي ابن الحرام ماعت حواجبي وشنبي وننزلنا ركض تقول طلعة مدرسة ونصك الباب ونزلجة ونقعد نفكر من وين جاء هالشي؟؟ المهم استسلمناا للامر الواقع وخليناة اليف وندلي كل يوم نجيب لة مفطح واحناا نتغدى على طحينية وكل يوم يكبر وصعب موضوع تطليعة من السطح ودلااا يزاعق واذا ضاق صدرة طلع ضؤ من اثمة اعدم بيوت الجيراان كلهاا واحرق الحارة ..ويجي ذاك اليوم وجيت ودخلت وادور امي واشوف مصلاهاا ((أي سجادتهاا)) فاضية واناديهاا وماش ماردت علي واتذكر سوارتي وارقااا اركض ودموعي تنزل وادخل علية وانغزة لين ماقال اااي وشفت قطعة جلاال امي ناشب في ضروسة وابوبز ساعة اصيح اصيح وادق على ابو سارة وقلت تعال افزع امي راحت في بطن قادزيلااا والله ونحترية ينام الديناصور ويوم نام فرشناا فرشة على لسانة عشان ماتزلق رجليناا وانزل بحبل مع بلعومة وانادي امي وماااش ماترد ((صوتي بصدى وصوت نقط موية على شكل بزبوز ينقط في غضارة)) واللة واطب على حافة باب المعدة ((كني على جال قليب)) واولع بالتريك واشوف امي بجلاالهاا منسدحة على الكبدة ((تقول ابرد)) وجنبهاا سوارتي حية ترزق وفي يدهاا القضاب وانغزهاا وقامت وقالت هو؟؟ ((أي استفهام مترجم)) دعلووج متى مت ياوليدي؟؟ قلت مامت يمة..قالت اجل وش جايبك في قبري؟؟ قلت ياميمتي هذي السالفة كذا وكذاا قامت وضفت جلاالهاا وقالت طلعني علية ها السلب ((أي الكلب)) اوريك فية ..قلت اعصابك لايقلبك صيخ كبااب خافت وقالت اجل بصركم انتم الرجاجيل تفاهمو معة.. والله ونطلع ولله الحمد الدينصور نايم المهم والله ويكبر الديناصور((قادزيلاا)) وصار الموضووع معدهوب خروف كل يوم.. صاارت الدعوة تريلاات خرفان كل يوووم ((لابوهاا من شكشوكة)) والله ونطفر ونتسلف ونشتري لة ونصير على الحديدة وكل يوم نازل بحبل اطلع واحد من اخواني من بطنة ويتطور موضوعة ويدلي يطل مع السطح ويلقط هنود الحارة والله ويجي ابو سارة بياخذ مني خمسة ريال بيشتري تتن ((أي دخان)) ويرن الجرس ويطل علية ويلقطة ولحسن الحظ صار فية ارسال في بطن قادزيلااا لانة بالع برج جوال علية فلبينين يسوون لة صيانة
ويدق علي وقال تعال انقذني تراناا منقذين امك وانزل لة بحبل والقاء نصف اهل منفوحة موجودين الي لاقطة وهو جايب تميس ولقيت هندي بدبابة ملبق جنب البنكرياس وباص بنات بس لحسن الحظ بالعة في الليل واطلع اناا وابو سارة والعالم تطلب النجدة ((طبعاا كان ودي انزل لهم اساعدهم بس ابو سارة قال لا لا تخيل ينقطع الحبل فيك او يتثاوب وانت في بلعومة وتحترق)) المهم خربهااا قادزيلااا وطب مع جدرا السطح وقاام يركض في شوارع منفوحة ويوطي السيارات واجي قدامة بددسني وافحط واسحب جلنط اعجبة التفت وقعد يناظر العقدة ونسى طريقة ولمخ ((أي صقع)) في منارة مسجد سببت لة ارتجاج وانسدح على ظهرة ذنبة في الحبونية وبطنة في مقيبرة وراسة في الشفاء ((احياء من الرياض)) وبالفعل يلفظ قادزيلااا انفاسة الاخيرة ويلتفت علي واناا جنبة ملبق الددسن في حزة الغروب واشعة الشمس الحمراء على جلدة الاخضر وعيوني في عيونة ومد يدة لي واناا كالنملة عفاف عندة وقاال مشكور دعلووج على كل الي قدمتوة لي وسلمني على الوالدة وتعذر لي منهاا كنت احسبهاا طماطة وهي بجلااالهاا الاحمر وساجدة وابوصيك على بيضتي شفهاا في غرفة السطح انتبة لهاا وعيونة غرقانة بالدموع وخشمة يصب دم وقال خل امك تحللني تراني ماكل جريش أم وضحى الي مرسلتة …
انتبة لبيضتي؟؟؟ —-كلمة تدل على وجود جزء ثاني ترقبوووووة

توفي قادزيلااا في غرة هذا الشهر ومازال حفر القبر قائم حت اليوم

تحياااااااااااااااتي………….
 
طبعاااا منقول بواسطة الكمرة المحمولة…. والصحفي
ساجيتاااااااااال السريع…..
منطقة منفوحة………. جوراسك بارك … سابقااا ؟؟

طبعاااا تحية كبيرة للمخرج….و المنتج…ومدير لأضاءة والمسرح..,وعيال خالتهم  با الرضاعة و كل من يعز عليك..و صاحب مطعم المثلوثة الي بجمب بيتانااا
السيد . دعلوووووووووجي


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قودزيلا في منفوحة – قصه

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول