قصيدة : يقطع وجيهٍ ماتحشم لحاها


عقب البنـادق ثـورت فـي خـبـاهـا
ياشـاربـي مالـك عـليـهـم مـشـاريـه

يــقــطـع وجـيـهٍ مـاتـحـشــم لحــاهـا
ويقطعك لحيه ما استحت وسطه وجيه

لو ان كـل النـاس تعـرف خطاهـا
ماصار بين الخلـق لـوم ومشاريه

لكـن نـاسٍ غـارقـه فـي عمـاهـا
تظهر بوجه وعندها وجـه تخفيـه

عجـزت اعـدل ميلها وانحنـاها
مافادها شرهـه ولا فـاد توجـيه

تخطـي ودايـم فـي خطاها تباها
تاخذ حقوق وطالـب الحـق تجفيـه

باسـم التفاخـر ضيعـت مسـتـواهـا
والفرق واضح كان به فلـس وجنيـه

والطـيـبـه لـو مـن بـغـاهـا لقـاهـا
الطيب راح ولا بقـى مـن يجازيه

كـم مـن غـلامٍ هـامـها ما خـذاها
احفا سمار الجيـش واحفا سماريه

بـارت بـه الدنـيـا وبـيّـن جـفـاهـا
واصبح يلوم الوقـت ويلـوم شانيـه

يضحك به اللي قاصـرٍ عـن مداها
نفسه على ضعـف الروابـع تقديـه

ترا الصـدور اللـي بيبحـث خفاها
مثـل البيـار وكـل بـيـرٍ ومـافـيـه

قـدام تحفّـر ماعـرف طعـم مـاهـا
وعقب التعب ميـز هماجـه وحاليـه

والبحـر بـه دره وموجـه غطاها
ولا يقطن الوبـال فالقيـض شاطيـه

شربـه همـاج ودرتـه ما هواها
يتبع هوا نفسـه ولـو كـان تشقيـه

بقولها واللـي خـلـقـها حـمـاهـا
والفكـر صـادق ماتغيـر هقـاويـه

خـاو السبـاع ولا تقـرب حمـاها
وتحـط نفسـك فالخطـر والتهاتيه

وسلامتكم

اخوكم عبدالله العصيمي
وجد شاعر
ايميلي


تعليقات 9

  1. صح لسانك والله انك كفوووووو وجت صدق من احساس شاعر تقبل تحياتي000000؟؟؟؟

  2. القصيده كانها تبين شي ، تبين انك رجال وافـي وذيب ظلمه ، بيض الله وجه شيبان على الطيب ربوك ولا تهون ، تحياتي 🙂

  3. شربـه همـاج ودرتـه ما هواها يتبع هوا نفسـه ولـو كـان تشقيـه صح لسانك

  4. ماشاءالله حلوه بالحيل صراحه،، احسها من قلب كلمات قويه بس من جد ابداع اتمنى لك التوفيق اخوي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قصيدة : يقطع وجيهٍ ماتحشم لحاها

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول