قصيدة واحد كره حياة التطور


أخواني و أخواتي أعضاء قروب أبو نواف المحترمين
هذي قصيدة جاتني عن طريق الإيميل وحبية أشاركم فيها

الا يالله عفوك لا معي بيجر ولا جوال /// ولا عندي وضيفه والتجاره فاشلٍ فيها
ولاعندي شهاداتٍ ولاحرفه تسد الحال /// ولا حظٍ كبير لا اخطت الجره يقديها
مخابي الثوب تومي مادخلها من زمان ريال /// بها فاتورة الكهرب ولا يمديني اقضيها
على ذيك العراوي تتعب الحادي مع الجمّال /// ثلاث اشهور فالورشه وشهرينٍ مغطيها
ابيها لو تجمّل يوم واجلبها على الدلاّل /// يجيها واحدٍ حظه مثل حظي ويشريها
نصيت العسكريّه يوم قالوا للنظام رجال /// وقدّمت الملف وصورةٍ متشخصٍ فيها
خذا الاوراق مني واحدٍ ما عند ابوه دلال /// سلوم الناس واهل المعرفه والطيب مخطيها
قراها في دقيقه والتفت عجلٍ علي وقال /// شهادتك العظيمه يا ولد وين انت مخفيها
هزّيت الراس ماعندي تقول اني من البنقال /// وقمت احب خشمه واطلبه بالله تمشّيها
حذفها من يده شين الطبيعه والنبا والفال /// وقال ازين تعوّد صوب نوقاتك تعشّيها
تناوشته من الكرسي وعفت الحل والترحال /// وضربته بالبياله عقب ما بيّحت شاهيها
خذوني للسجن لا نيب لا ظالم ولا محتال /// مجرّد واحدٍ جا يكحل عيونه فيعميها
ويوم اني خرجت اقفيت لارض الله وسيع الجال /// على برٍ هواه يداوي العلّه ويبريها
ادوّر قصعة الجربوع والظب الفتي يختال /// والارنب يا شفاة الروح ما احلاها وطاريها
بلا كهرب ولا بيجر ولا غازٍ ولا نقّال /// قوانين الحضاره لا تبي شوفي ولا ابيها

وسلامتكم


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قصيدة واحد كره حياة التطور

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول