قصيدة : شــاعّرك


مساكم / صبحكم الله بالخير
لـ قروب ابو نواف ومن فيه .!
فـ شكرآ لكم ،،

شاعرك .!

 
إي نعم.! والخاطر اللي ضاق بأسبابك  خذلتّـه
موعده بأنك تعود .. والبـلاء لا ماطرألـك  .!
رجعةٍ تشفي غليـل العاشـق اللـي ماسألتـه
كيف حاله يوم هدّ النـاس والدنيـا وجالـك .!
والبلاء جالك يعاني ..! يشتكـي ممـا فعلتـه
شاعرٍ يرجي وصالك.. ماطعّم لـذةّ وصالـك.!
الدمع شفني عشانك .! فوق خدّي قـد سكبتـه
والسهر إنسان ودّه .. يسكن عيوني بدالـك  .!
والشعر شفني نظمته في عيونك ثـم  نشرتـه
لين كلٍ قال : منهو من حلايـاك وجمالـك  .!
والطريق اللي مشيته.. يوم روّحـت  وسلكتـه
اسلْكّه واسأل دروبك من سلكّ ومن شكالك  .!
شاعرك يابو العيون السود يـوم انـك تركتـه
عايش لحاله وموته .. لادرى بأنك لحالـك  .!
العمـر ولّـى وليـل اوداعتّـك لا مارقـدتـه
بين هول وبين كذب وبين تحليـل إلسؤالـك .!
كاتمٍ صوت الغبينه مدري كيف أصـلآ  كتمتـه
وكان ودكّ تستمع لي .. استمع في غير ذلك .!
كل ماعندي تشتتّ من عقـب مانـي  جمعتـه
وكل ماحاشت يديني صرت اقول إنه حلالـك .!
وكل شيٍ فـي حياتـي إلحياتـك قـد زرعتـه
خايف انه مايقلّط غير في بيـوت المهالـك  .!
عقبها والفرح بابه من وسط صـدري  قفلتـه
وانفتح للحزن بابٍ .. وقت لحظات ارتحالـك .!
وقمت اردد بيت واحد .. يامنى روحي  نظمتّـه
يوم قررت الرحيل وطـار منديلـك وشالـك..!
شاعرك يابو العيون السود يـوم انـك تركتـه
عايش لحاله وموته .. لادرى بأنك لحالـك  .!


وسلامتكم ،،
عبدالرحمن مازن العطاوي
[email protected]


تعليقات 7

  1. عايش لحاله .. وموته لا درى إنك لحالك ،، صح لسان شاعرنا .. وننتظر قادمكم الجميل ..

  2. خايف انه مايقلّط غير في بيـوت المهالـك عقبها والفرح بابه من وسط صـدري قفلتـه كلام كله احساس من قلب صادق صح السانك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قصيدة : شــاعّرك

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول