قصيدة بـ500.000 ريال


 قصيدة الملازم / مشعل بن محماس الحارثي / التى القاها امام صاحب
السمو الملكي الامير سلطان بن عبدالعزيز في ميدان مجموعة لواء
الملك خالد الرابع في المنطقة الجنوبيه يوم السبت الماضي.والتى نالت
استحسان سموه ، وتم مكافأته بميلغ (500000 الف ) ونقله الى مكتب
سموه ، وقطعة ارض من الامير خالد ، ومبلغ مالي غير محدد ، ومن
نائبه مبلغ مالي غير محدد .

——————————-
خل النياح وفارق العش يا طير * غرد وهز الريش في كل عالي
اليوم هذا غير وأيامنا غير * والبارحه ماهي سوات الليالي
الأرض صارت في عيوني نواوير * والبدر تم وجامكان الهلالي
وأبها تحدت في بهاها الغنادي * رفلت جدايلها وقامت تلالي
وفي وجه خالد للفرح ألف تعبي * روحجاج فيصل فيه كل ابتهالي
من السعادة باقي شوي ونطير * عز الله ان اللي لفا الدار غالي
يامر حبا ماغرد العصافير * يامرحبا مازاف نبت السهالي
ترحيب أحلى من حليب المصاغير * وضح رعت روض ربيع وخالي
باللي شكت رجله طوال المشاوير * ياطابها درب الخطر مايبالي
قرت عيون اللي يحبون يامير * طاريك.. والاالحين شفتك قبالي
ياما حسبت الوقت حسب الدنانير * اسامر انجوم الثريا لحالي
مبطي وانا اسمع فيك وصف البياطير * واليوم جالي في القصيده مجالي
يا سيدي مال القوافي معاذير * عن البيوت الوافيات الجزالي
من لاجعل للمدح قيمه وتقدير * ماضنتي يلفت ذهون الرجالي
وانت الذي معك السحاب المزابير * تمشي. ميتبعك الحيا والخيالي
وانت الذي بسمك تباع الأسارير * ومثلك له اسماءً عراضٌ طوالي
سلطان يا سلطان من يومك صغير * مافي تسلطانك وشخصك جدالي
كانوا ولازالويسمونك الخير * وياكثر الاسما اللي تزاحم فبالي
كريم سبلا الأزبون المخاسير * طلق الحجاج الابعيد المدالي
درع البلاد الاطويل الاشابير * أبو اليتيم الاعشيق المعالي
لو الله ابن مسطر المجد تسطير * على حصى الأرض ونفودالرمالي
واخو فهد ذروة سنام المشاهير * صفوت ملوك الارض باول وتالي
فهد ولاقلنا فهد جاوب النير * تهتز لسمه راسيات الجبالي
زعيمنا اللي للعلا واصل السير * حتى تعلينا على كل عالي
مال الطموح بوسط راسه معايير * ولا للعوج عنده ياكود اعتدالي
اليازعل تزعل ملوك وجماهير * وليا رضى ينهى جميع الجدالي
ما يشبه غير الثنين ألمنا عير * انته وابو متعب كريم السبالي
عبدا لله اللي فيه من سالم الزير * خطل اليمين الليث حام التوالي
سقم العدو الياهرج دون تفكير * رده على العدوان جاهز وحالي
نفخر بكم والاالقصايد تعابير * يا شيوخ نجد الشعب كله موالي
والله لوفيكم عن الملك تقصير * ما خصكم ربي عظيم اجلالي
منا وفينا ما لفيتو مدا وير * حكامنا وقت الدهور الهزالي
ورث الجدود امن الليال المعا سير * قبل القصور وقبل صرف الريالي
هاك الزمام سلاحنا حملة بعير * ومن يومها متوثقين الحبالي
منها جنا واضح ولافيه تغيير * نموت ما نرضى عليه البدالي
ما استعمرونا اللي غذاهم خنازير * تشهد لنا شهب السنين الخوالي
من قبل عاشر جد ابو بوش وبلير * ماهي ثلاث شهور والاحوالي ؟
واليوم في وقت الرخاوالتياسير * شفنا العجب لااوالله الاالهبالي
يا كثر ما قمت تسوق المقادير * وياشيب عيني لاذكرت وطرالي
المسجد اللي هزه أصوات تفجير * في حزة فيها يجاب السوالي
والمسلم اللي ذبح من دون تبرير * ودم الرضيع اللي على الوجه سالي
ينشدك يا مكفر هل الدين تكفير * -وش حكم ذبح المسلمين العزالي
تدبر القران والهدى تدبير * واخذ الجواب بصيغة والكمالي
فضحكم الله يا لوجيه المغابير * ياطغمة التخريب والانحلالي
واللي على الفتنه تدق المزامير * نعرف مطامعهم على كل حالي
ونعرف من يدفع رسوم الفواتير * يا لحيه اللي جحرها الاحتلالي
لنحورهم حنا سوات الازارير * حنا حماة الدين ياهل الظلالي
الأرض نزرعها رماح ومسامير * يحرم عليهم وطيها بالنعالي
ديارنا ما هيب كابل وكشمير * ياهملالي صدق ياهملالي
حامينها الاجداد عج ومعاصير * بسيوفهم على ظهور الجمالي
واليوم يا سلطان شفهم طوابير * ملو من المجلاس تحت الضلالي
يبون يوم فيه للحق تكبير * عن الكلام تبان فيه الفعالي
ياسيدي قل وش تبي بس ويصير * حدد هدف لو هو عسيرالمنالي
فالجو نفاثه وفالقاع جنزير * وان مت هاك اليوم من طيب فالي
هذا وطنا ماسكناه تهجير * الجيش واحد ماجمعنا الحثالي
لوينتخي عرعر تلبيه خرخير * كل الجنوب يصير جنب الشمالي
لا يا وطن لا تحسب انا مدابير * لوالدهر في بعض الاحيان مالي
طالبك لاتجفل من الوقت وتذير * وكلٌّ ابناك وبالله الاتكالي
وان كان ما شفت السعد والتباشير * عيبُ علينا لبسنا للبدالي
نذرً على لحرسك وافديك واغير * ديني وعرضي فيك واغلىحلالي
واللي ياثر فيك بيات تاثير * ابرى منه لوكان عمي وخالي
وان مت واخذتني صروف المقادير * والله لوصي فيك حتى عيالي


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قصيدة بـ500.000 ريال

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول