قصتي مع الخنزير


السلام عليكم ورحمة الله وبركاتهبدون مقدمات
اول مشاركه لي واتمنى ان تنال اعجابكم

قصتي مع الخنزير
اعزكم الله
البلاوي تهل علينا من كل صوب وداهيه
الحمدلله على كل حال
لكن بصراحه الوضع غريب
وش صاير بالدنيا
ياخي خلصنا من انفلونزا العصافير وجتنا الازمه الماليه وخلصنا من الازمه الماليه<<بلا كذب ماخلصنا
وجتنا انفلونزا الخنازير
والخنازير للي مايعرفها هي المرسيدس في مصر
والطفل الدب في السعوديه
وحيوان خشمه مسطح في بقية دول العالم

انا فكرت كثير يوم سمعت قصة هالانفلونزا
قلت ياخي وش عليك انت هي صايره بالمكسيك وامريكا والدول المشابهه لها
يعني مارح تجيك هنا باذن الله
لكن يوم قريت خبر انهم صادو فلبينيه بعدين كفشو سعودي جاي من امريكا حاول يهرب المرض فيهم المرض سكرت المناسم وقمطت ام العافيه
قلت ياولد الدعوه قربت
يوم تاكد الخبر قلت في نفسي
سبحان الله ياخي التقنيات والتكنلوجيا ماتوصلنا من امريكا والدوله المتقدمه الا بعد عشرات السنين
اما الامراض فتجيك ركض كنها متعمده ترفع ضغط اللي يحلمون بالتطور والحضاره
مدري السبب مين بالضبط؟؟دورت لي على احد ارمي عليه التهايم
فكرت في غازي القصيبي
لانه لو مسعود الممرضات في المملكه كان ماجت هالفلبينيه
لكن رجعت وشلت التهمه ياخي ماله دخل الرجال يبي يسعود الجراسين (جمع جرسون) وماهو بفاضي لنا لسعودة وظيفه اهم من وظيفة الجرسون
فكرت بناس بالاخير قلت
هذا ابتلاء من الله سبحانه
عشان كذا سكرت ماي ماوث وقلت توكل على الله
وانا جالس ارمي التهايم دخلت علي امي الله يحفظها
وبدأ الحوار
امي : ياوليدي يافوكس تذكر الاقنعه حقت حرب الخليج؟
انا : وش اقنعته يمه!!1
أمي : القناع اللي كنا نلبسه في حرب الخليج عشان صدام الله يرحمه كان بيفلت علينا كيماوي.
انا: ايييييه .
فقمت برسم سحابه فوق راسي وقلت لها
تقصدين هذ

/

أمي: ايييوه هذا هو.
انا : ليه وش تبين فيه؟
أمي : يقولون ان انفلونزا الخنازير بينتشر وبجهز القناع عشان نلبسه
انا : سلامات يمه وين حنا فيه؟؟!؟
اولا القناع هذا ماله دخل واصلا حتى لو موجود بالمخزن تلاقينه منتهي الصلاحيه.
أمي : انت والله المنتهي احر ماعندي ابرد ماعندك.
أنا: يايمه اسمعيني.
أمي: انطم ورح شف لنا حل درسناك وعلمناك ولا استفدنا منك.
أنا : افاا يمه تمنين علي.
أمي : ماأمن بس من حر مابي,اجل على آخر عمري اموت بسبب خنزير يدربي راسه وينشر امراضه علينا.
تصدق ياوليدي انا اتوقع ان الخنزير يبي ينتقم منا حنا بالذات
أنا: ليش؟
أمي : حنا ماناكله لانه محرم فقال انا واريهم ليش ماياكلوني
انا: يايمه انتي تتكلمين من جدك؟؟!!؟
أمي: امزح معك وش بلاك انت.
انا : تصدقين يايمه انا اشك ان االقصه كلها تاليف في تاليف
أمي: وشلون تاليف يالخبير<ماتوقعتها بتسأل
أنا: والله مدري يمه بس قلت بتفلسف عليك
أمي : رح شف لنا حل اقول بس, ترى الناس كلها خذت تدابيرها واشترت الخبز والحليب والمويا والطحينيه
أنا: وش دعوى يمه حرب هي

رسمت سحابه فوق راسي و قلت لها هذا اللي تحتاجينه

/

أمي : من هذا ؟؟!!
انا: وش عليك منه يمه هذا دميه وعليه القناع المطلوب
لو تبين البسيه طول اليوم ومايجيك شي باذن اللهأمي: انت صاحي؟؟!!؟
مو هذا قناع غبار الرياض
انا: يايمه وزراة الصحه قالت هذا احسن وسيله للوقايه من كل الامراض المعديه باذن الله
أمي : خلهم عنك والله مادرو عنا
انا: وش دعوى يمه قدها تسبين الوزاره
أمي: ايه قدها!!
لو يحسون فينا كان منعو الدخان والمعسل
أنا: وش دخل المعسل والدخان بالخنازير لكن يايمه لو يمنعونها عز الله خسرت الديره.
أمي : مانبي رزق من ورا مضرة الناس.
انا: عاد ولاة الامر ولازم نطيعهم.
أمي: مانطيعهم في شر وانا امك.
أنا: اسكتي يمه ترى ابوي وده يمسك عليك اي شي.
والله لو يسمعك صكك بتقرير للسيكو سيكو وداك بداهيه
انتي تدرين ان ابوي ناوي يخطب.

وفجأه طلعت هذي السحابه فوق راس امي:

/

عقدت حواجبي مستغرب وش يبي هذ

وشوي الا يضرب امي بالمطرقه على راسها دريت عاد ان هذا اللي يسمونه وقع الصدمه
تألمت مسكينه ومسكتني من رقبتي وقالت بصوت مهوب صوتها الطبيعي
وش تقوووووووول
أنا : يمه من ذي؟؟ ……فكيني فكيني تراني امزح
أمي : ايه اشوه بس لاتعودهوالله اني شاكه فيه امس طالع ولارجع الا آخر الليل .
وراحت امي لابوي وبدأت قصه ثانيه مع الوالد لكن مقدر اسردها لان اللابتوب مصنوع لكتابة قصه واحده فقط
انتظروني اذا ودكم
ملاحظه : لو كان احد من اعضاء او عضوات القروب الاعزاء يهوى الرسم الكاريكتيري او الرسوم المتحركه ويرغب بالتعاون معي كرسام في كتابة القصصفارجو مراسلتي وشكر

FOX


تعليقات 45

  1. انا اعرف بس شوي ممكن تعلمني لاني ما اعرف فيه كثير والفتوشوب ودي كان ابدع فيه اتمنى تفيدني ببرنامج او تعليمات بصور وانشالله اكون اساعدك واتستفيد مني وابشر با الي يعجبك:):$

  2. نسأل اللطف بنا من الاشرار إنه سميع مجيب ؟؟ أكثر المشاكل تأتينا من العائدين من الخارج وأولهم الممرضه الفلبينيه ؟؟ وآخرهم الله هو الذي يعلم سبحانه وتعالى ؟ {{ الله يحفظنا ويحفظكم ويحفظ المسلمين آميييييين }}

  3. :$ اخوي العزيز انت فنان وموهووووووووووب ووو وايش كمان وخطير واستمر الله يوفقك ويحفظ لك امك ويبلق اهلك فيك

  4. آحلىآ حوآر شفتهـ .. بين آثنين << عسىآ طلعت بـ فآيده يآ FOX تعوذ من ابليس يآ FOX وتدهن بفوكس وآرقد وآمن ،، ترىآ البلد بخير وآنت وآمك الله يخليها لك ضخمتو الموضوع وهو مسوي رجيم .. كلها 8 حالات من 22 مليون نسمه يعني مآيحتاج ترفع حآلة الطوآرىء القصوىآ .. الحكومه مسيطره ع الوضع ،، قل لن يصيبنآ الا ماكتب الله لنآ ،،

  5. السلام عليكم .. ههههههههههه بصرررراحة سالفة حلووة .. ومبين عندكـ موهبة في كتابة القصص .. بس يبغااالكـ وااحد رساااااااام .. وربي يوووفقكـ يا الغالي ..

  6. والله موضوعك ما عليه بس اذا انت ما تزعل انت تحاول تستخدم عدة كلمات انجليزيه ما ادري هل انت تقصد النقص في اللغه العربيه او انت ما تعرف تستخدمها او تضن انها التطور ارجو منك الاجابه بدون زعل واتمنى من ادارة الموقع رفع هذا التعليق لاني ما قصدت جرح الكاتب

  7. أخي فوكس أعجبني أسلوب أتوقع لك مستقبلاً في عالم القصة بانتظار ابداعاتك

  8. قل لن يصيبنا الا ما كتب الله لنا الله جل وعلا يبتلي عباده بهذه المصائب عل الناس يتعظون ويبتعدون عن المنكرات لكنهم يتمادون في الاخطاء فيتزايد الابتلاء الله يحفظنا جميعا تحياتي

  9. اسلوبك رائع جدا انتظر لك مجموعة قصصية وسلملنا على الوالدة وثاني مرةلاتضيق صدرها

  10. بصراحه اهنيك على القصه وتراك مبدع في سياقتها و تنسيقها الففففففففففففف الفففففففففففف مبروك على هذا الجيل الصاعد بالافكار الرائعه جداً

  11. ههههههههههههههه ههههههه والله ماقول الى ياحليل امك وسوالفها والله يكفينا شر الخنازير وانتم بكرامه وشر مرضها الهم انت الشافي الهم انت الكافي ارحمنا برحمتك يالله ……

  12. موضوع جميل اخوي fox وفي نفس الوقت فكاهي واسلوبك القصصي رائع 😀 ولاحظت أيضا أن القصة تحتوي على اسقاطات جميلة .. كموضوع السعودة والقصيبي .. استمر اخوي على هذا النهج .. ونسأل الله أن يحفظ الجميع بحفظه تحياتي .. اخوك سليل المجد

  13. كان الأولى والأحسن أقتناء الفاظ وتشبيهات بعيدة عن الانسان الخنزير يشبه ( الطفل الدب في السعودية ) وش هذا الكلام والتشبيه اللي ما هو في محله 000 تبي تضحكنا والا نضحك عليك 00 يا ليت تختار كلمات في مواضيعك بعيده عن التجريح او التشبيه اللي في غير محله

  14. اخواني اخواتي الاعزاء 1سوسو 2 قسام محمد 3سلطان كانسر 4ولد آبوي 5 ابـوصـقـر 6عبدالمجيد الحربي 7حسام الدريهم 8 عبدالله 9ريم 10التين والزيتون شرفني حضوركم واسعدتني ردودكم بالنسبه لطلبك اختي سوسو ياليتني خبير فوتوشوب كان علمتك اخوي ابوصقر جايك ركض اخوي حسام الدريهم ياحبي لك هذي قصه والبطل شخصيه وهميه وشخصيته كذا يعني توه متعلم الكلمه الانقلش وقالها مع العلم انها كلمه او كلمتين اللي كتبتها . وبالعكس ماازعل من الحبايب وردك غايه في اللطف شكرا للجميع وسعيد بتواجدكم

  15. ههههههههههههههه….ههههههههههاي:$,والله انك خطير;بصراحه اسلوب قصصي رائع وننتظر جديدك…,ولا يقول الواحد الا الله يستر علينا وعلى اخواننا المبتعثين …

  16. الله ينجينا من الامراض .. الله يغربله ذا الخنزير مابزيناه صاحي نبزاه ومعه مرضه عسى الله يمحاه:> الـآ مــآر مدري وش تحس بووه ..توسع الصدر<< تسانها مااعرسة ترا الوالد أرمل <<قل قـآآ:~ 😀

  17. :$:$:$ << ميته ضحكـ شسمه وووقصم ان القصه توووحفه ياا فووكس:D بس بجد هالخنازير قااامت تخوووف:~ الله يستر بس…..

  18. هلا وغلا بالغاليين AL-OSIIM الهنوف قوت العتيبى سليل المجد بوعمر لولي زهره نواف الحميضي سلطان الغامدي تشجيع منكم لم اتصوره اشكركم عليه اخوي بوعمر انا قصدت ان الطفل السمين هنا البعض يناديه ياخنزير يعني مو انا اللي اخترت اللقب وانما هو موجود اصلا عساك فهمت قصدي شرفني حضورك ورأيك

  19. لي الشرف العظيم ان اشارك معكم وادلي بدلوي اما بعد هذه قصة جيدة ومحاولة ممتازة فشكرا ومزيد من المشاركات

  20. :عجيبه القصه والله شدتني واذا هذي اول مشاركه لك وبها القوه ماشاءالله عليك بالتوفيق ان شاءالله:$

  21. اخوي fox قصة حلو ة وانت موهوب بس حاول وزن السيناريو وترتيب القصة حتى تتكون عندك قصة مثيرة وتحدد اهداف انت حاولت النقد لكن لم توفق بالطرح ومشكوووور

  22. اي والله الله يكفينا شرها هالخنازير 🙁 مشكور فوكس اسلوبك رائع ويوصل المعنى بسرعه خصوصا انه في نآس ما يحبون اللي يستخدم معهم العربية البحته لأنه ما يفهم أو ما يوصل المعنى بسهولة الله يحفظ لك أمك ياحليلها 😀

  23. :Dاولا لن يصيبنا الاماشاء ربي ثانيا للمعلومية الاندومي يجيب هادا المرض لان العلماء الحديثين اثبتوا انو من الخنازير تم طبخه ثالتا لو المرض بيصيبك كان صابك لو ربي يبغى رابعا نصيحة للي جاها المرض تدعى ان الله الله يشفيخا في قيام الليل ولاتقول ربي مايحبني عشان كدا ابتلاني الرب يحب الكل ومثل ماربي خلق الصحة كمان خلق المرض

  24. :Dههههههههههههههههههههههههههههههههههههههههههههههه عن جد رووووووووووووووعه بس انا اعرف اكتب قصص ارسم:(لا وباالتوفيق خيو

  25. انا سمعت من اخوي الدكتور معلومة غريبة و هي ان الافلونزا العادية اخطر من افولونزا الخنازير و افلونزا الخنازير لها دوا

  26. الصراحه القصه ابداع وانا احب هالنوع …..الله يوفقك وانشوف لك نفس النوعيه واحسن. ودي اشارك 🙁 بس اختك ماعندها اي خلفيه عن كتابه او رسم. احب القراءه……والحين بستمتع بقراءة قصصك وان شاء الله للاحسن:)

  27. ما في جديد لكن فيه نقطه استغربتها ومدري ايش تقصد فيها والخنازير للي مايعرفها هي المرسيدس في مصر والطفل الدب في السعوديه وحيوان خشمه مسطح في بقية دول العالم يعني وش معناها هل هي تشبيه الطفل الدب بالخنازير ولا وش قصدك نورني و بالنسبه لانفلونزا الخنازير مجرد كذبه و اكبر كذبه بالعالم

  28. هلا بالغاليين احمد عزوز ام عبدالعزيز زائر heba الجمل الحكيم حـلآ الـروح عضو الحياة انا عاشقه عزوز السلطاان Elaf lpsk سوومه نجومي 34 M_uae نمسه ملاحظاتكم على عيني وراسي ومنكم نستفيد اختي نمسه بالنسبه للنقطه اللي ذكرتيها هي مجرد دعابه بريئه الاخوان في مصر يطلقون على السياره المرسيدس الخنزيره وهنا البعض عندنا يلقبون الطفل السمين بالخنزير اشكر الجميع على الردود المشجعه جدا واعدكم بقصص افضل بالقريب العاجل باذن الله

  29. والله خطيير :$ومبدع واسلوبك مرهـ حلو :Dونرتقب ابداعاتك القادمه الله يعطيك العافيه تحياتي<×الشعطاني×>

  30. هههههههههههههههه قسم بالله حوار روووعه وسردك للموضوع خطير , استمر بكتابتك وربي استمتعت كثيرر فيها .. موفق يافوكس . والله يبعد عنا وعنكم الشر 😀

  31. :$:$:$ والله وضااااااااااااااااااااااااااااااااااااااااااااااااااااااع مستقبل(( امك)) يا فوكس ههههههههههههههههههههههههه مع الخنازير يعطيك الف عافيه بنوته

  32. اقول يافوكس انت تقرب لفايرفوكس؟ :$ ههههه دعابة دعابة بصراحة انفلونزا الخنازير انتشرت في الدول الاجنبية وطلعت الفضايح تصدقون ياجماعة البحرين طلعوا يربون خنازير وحنا ماندري (طبعا هذا اللي سمعته والله اعلم بما تخفي الصدووووور) بس اكيد بتقولون وش درا اللي قالك انهم يربون خنازير؟ انا اقولكم كيف: اول دولة عربية انتشر فيها الانفلونزا هي البحرين (طبعاً هذا الكلام من زميل لي والله اعلم ) <<<فلا يزعلون علينا اخواننا البحرينيين المهم فاكيد انهم يربون خنازير والله اعلم اكرر:لاحد يزعل علينا من اخواننا البحرينيين وشكرا…

  33. ابوك ماكان جنبك اما لو كان خنبك كان بتفزع مع مين لا أمزح ههههههههه

  34. اخواني واخواتي الاعزاء Mayoo0oosh الشعطاني nana بنوته زائر لوفيه مني2 انتحرت a80h هداوي اشكركم على المشاركه واتمنى ان تنال جميع مشاركاتي اعجابكم

  35. هههههههههههههههههههههههههههههههه الصراحة حلوه القصة جان زين أعرف اكتب مثلك ..الله يعيطك ألف عافييية …ونتريا المزيد من القصص تسلم أخوية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قصتي مع الخنزير

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول