قصة : لغز ‎(البريء)‎


بسم الله الرحمن الرحيم

قصة : لغز (البريء)

/
تصوير : المصورة حصة الدوسري


تلميح : لمن يخاف على ضياع وقته الثمين يرجى عدم قراءة القصة ولحل اللغز يجب التركيز في مشاهد القصة .

تعود عاطل ان يستقبل أصدقائه (فاصل) و(عاثر) و(وحدي)في منزله الكائن في حي التجار يوميا حيث يقضون وقتهم في لعب الورق او مشاهدة التلفاز وكانوا يسهرون حتى ساعات الصباح الأولى نظرا لسفر زوجة عاطل وأبنائه الى عائلتها في الرياض :

عاطل : ياخي ملينا من البلوت نبي نغير جو من جد من جد أبي أغير جو .

عاثر : صار لي يومين أقولك خلنا نسافر وأنت ماتبي …ياخي تغيير الجو يعني تغير المكان والناس .

عاطل : ياخوي الحرمة خذت الجواز معها وشلون تبيني أسافر.

عاثر : وتعترف بعد أنت ووجهك ……طيب نروح البحرين والا دبي وهذي مايحتاج لها جواز .

وحدي : دبي وين ياعمي هذاك اول الحين ماتخشها الا بالجواز لانهم منعو البطاقة بأثر رجعي !!
خلنا على البحرين بس نشوف أفلام ونتمشى ونرجع .

عاطل (بحرج) : طيب اقدر امر من جسر البحرين بصورة البطاقة ؟؟!

عاثر (بنرفزه) : لاتقولي ان الحرمة ماخذه البطاقة بعد ؟؟

عاطل (بابتسامه غبيه) : أي والله قسم .

عاثر :وأنا اقسم انك غبي..تخلي حرمه تلعب فيك .

عاطل : ياخي خلها تلعب فيني دامها تصرف علي وانا جالس بالبيت .

وحدي : ماقول الا الله لايبلانا …وين فاصل عنك اليوم ؟

عاطل : فاصل جايه ولد عمه من الديره صد ورد ورايحين السوق .

وحدي : أي ولد عم ؟

عاطل : والله مدري بس يناديه ابوفلته .

عاثر : لايكون ولد عمه اللي توه طالع من السجن .

عاطل : افاااا ..وش مسوي ؟؟!!

عاثر : الشركة اللي يشتغل فيها شكو فيه انه مختلس مبلغ وماطلع من السجن الا يوم سدد المبلغ .

عاطل : الله يفكنا من شره لايجيبه الدلخ فاصل هنا محنا بناقصين .

وبعد فتره يدخل فاصل ومعه ضيف جديد .

فاصل : اعرفكم بولد عمي ابوفلته .

عاطل بامتعاض : هلا….هلا حياك .

وحدي : حياك الله يابوفلته وكفاره ياقدع ههههههه .

ابوفلته : أي والله انك صادق ياخوي لاجيت الشرقية من الانتعاش أحس اني كنت بسجن .

عاطل (يحدث نفسه) : وش عنده اللي ماكان مسجون !!

فاصل : وش هالعود الزين ياعاطل ؟ شكله غالي من ريحته .

عاطل : ولا غالي ولا شي هذا شريته من باكستاني عند المسجد اللي ورى بيتييبيع التوله بميتين ريال وجلست يومين اكاسر فيه الين شريت منه التوله بعشرين ريال .

وحدي :كسر خاطري الباكستاني وكنت بعطيه مية ريال من جيبي بس منعني عاطل .

عاثر : والله من دلاختك يوم تفكر تعطيه …ذولي ماينضحك عليهم تلاقي العود مغشوش والا ماباعه بهالسعر .

عاطل : اصلا مارضى يخفض المبلغ الا يوم قلت له ان زوجتي بتشتري الكميه كلها إذا رجعت من السفر وواعدته يجيني البيت بعد أسبوع . .

ابوفلته :والله ان ريحته طيبه ليتني لاحق عليه .

وحدي : بكره تعال صل المغرب عندنا وبتلاقيه مرتز قدام المسجد .

ابوفلته :انا ماشي الديره اليوم والله .

عاطل باستهزاء : عندك فلوس انت ؟

ابوفلته باستغراب ثم ضحكه : هههههههههه أكيد عندي طبعا !!

عاطل : خلاص هات 100 وخذ التوله حلالك .

ابوفلته :ماعندي مشكله بالفلوس لكن ماودي اخذه منك .

عاطل : لا ماعليك …. اذا رجع الباكستاني زوجتي بتعوضني هههههههه .

ابوفلته :اجل دام كذا اتفقنا .

عاطل (يحدث نفسه) : تعااال هذا فلوسه حرام وشلون اخذ منه ….أقول يابوفلته بعطيك العود بس بشرط….ابي فاصل اللي يدفع .

ابوفلته :وش دعوى ياخوي انا ماارضى .

عاطل (بخبث) : كذا لعانه انا ابي اخسر فاصل ههههههه .

فاصل : خلاص خلاص خذ الميه وهات العود اخلص علينا .

وأثناء حديثهم يدخل عليهم جار عاطل الملاصق لبيته :

الجار : مساكم الله بالخير .

عاطل : هلا بوحمد حياك الله تفضل .

الجار : الله لايهينك ياعاطل اذا ممكن بعد اذنك تسكر باب الملحق لان أصواتكم واصله لبيتي !!

عاطل : لا ياخوي ماني مسكر الباب نبي الهوا يخش علينا شوفة عينك مافي شبابيك .

الجار : طيب افتح الباب اللي يودي للحوش وبيجيك هوى !

عاطل : لا انا ابي أشوف الرايح والجاي ماني مسكره اسمح لي .

الجار :طيب الله يجزيك خير ماقصرت ..فمان الله .

عاطل : لو انه جاي بأدب كان سكرت الباب .

وحدي : وشوو!! مابقى الا يبوس يدك وتقول جاي بأدب..امرك غريب !!

عاطل : ياخوي انا حر وش تبي انت.

يسهر الجميع حتى الصباح ثم يودعهم ابوفلته بحجة عودته الى قريته ويشكر عاطل على حسن استقباله ويدخل عاطل منزله متجهاً الى غرفة نومه فيشاهد نافذة الصالة مفتوحة ويذهب لاغلاقها فيشاهد اثار قدم من الطين على الأرض وينتابه الخوف ثم يخرج مسرعاً من البيت ويدخل الملحق ويغلق الباب على نفسهم يتصل على فاصل ويخبره بما حصل ويطلب منه العوده بأسرع وقت,وعندما يصل يتجه الاثنان الى داخل البيت ببطيء ,وبمجرد دخولهما غرفة النوم اكتشفا ان محتويات الخزنه اختفت وصندوق مجوهرات زوجة عاطل اختفى فيجن جنونه :

عاطل يضرب بيده على رأ سه : ياويلي من (ساطره) بتذبحني ياويلي منها ماني بجالس بالديره بهاجر ..بهاجر .

فاصل : امحق رجال والله ؟؟! اسكت خلنا نعرف نتصرف .

عاطل :وش تتصرف مجوهرات ساطره انسرقت يعني انا قيم اووفر .

فاصل : منت بهين ياكراش ..ماعليك بترجع ان شاء الله الحين بتجي الشرطه وتحل الموضوع .

يصل أفراد الشرطة ويظهر علي محياهم التعب والكسل من عناء العمل :

الشرطي (يتثاوب) : خير يابو الشباب ؟

عاطل : بيتي انسرق ياطويل العمر تكفى مابي الفلوس بس أبي المجوهرات .

الشرطي : هذا خامس بيت ينسرق اليوم بنفس الحي .

عاطل : طيب لقيتو السارق حقهم ؟

الشرطي : عمرك سمعت بحرامي ينمسك بهالديره ؟

عاطل : طيب والحل انا ابي المجوهرات تكفون قبل مايكمل الأسبوع .

الشرطي : أنت تشك بأحد ؟

عاطل : لا والله ماشك بأحد ولا عندي أعداء .

الشرطي : خلاص اجل بنرفع البصمات الحين ونبدا بالبحث عن السارق وهذا وجهي اذا لقيناه .

عاطل : وشلون هذا وجهك !!!

الشرطي : احم .اقصد احفظ وجهي عشان لاجيت المركز تعرفني .

عاطل : لحظه لحظه ….عرفت من الحرامي !!

الشرطي :الله يبشرك بالخير …منهو ؟

يمسك عاطل برقبة فاصل : ولد عم هذا هو اللي سرقني .

فاصل : وش تقول انت يامجنون !!

الشرطي : من هو ولد عمه وليش هو بالذات ؟

عاطل : لانه طالع من السجن في جرايم نهب واختلاس وقتل وتذكرت وإحنا سهرانين طلب يروح دورة المياه مرتين ..أكيد المرة الأولى سرق بيتي والمرة الثانية سرق البيوت الاربعه لان الأولى رجع بسرعه اما الثانية تأخر بالرجعة .

فاصل : تعوذ من الشيطان ياعاطل واعقل ولد عمي مايسوي هالحركات وبعدين من قالك انه طالع من السجن .

عاطل : عاثر هو اللي قالي عنه الحرامي ابن الحرامي مايكفيه انه اختلس فلوس من شغله وجاي يكمل على مجوهرات ساطره الضعيفة .

فاصل : يبن الحلال هذاك اخوه اللي طلع من السجن وكانت بسبب ديون موب عشان اختلاس وقتل حرام عليك ياشيخ .

يطلب الشرطي من فاصل معلومات عن ابن عمه ابوفلته ومكان تواجده ويتم القبض عليه في قريته وبعد عدة تحقيقات يتم تبرئته ويطلق سراحه .

السؤال : اذا لم يكن ابوفلته السارق فمن يكون ياترى ؟

– انتهى –
الجائزه ستكون كالعادة تحريك عقلك أكثر وأكثر


شكراً للمصورة حصة الدوسري على الصورة الحصرية

fox
فهد احمد داود
موقعي
www.fdawod.com


تعليقات 149

  1. اتوقع السارق هو العاثر .. لانه حاول يشوه صورة ولد عم فاصل .. و توجه اليه اصابع الاتهام لو يصير اي شيء .. و بما ان تمت تبرئة ولد العم فـ العاثر هو الحرامي ! و الجار ابو حمد ماتوقع له دخل .. لان لو يبي يسرق كان ماجاه بكل هدوء و قاله سكر الباب بسبب الازعاج .. فالسبب لمجيئة مقنع و لاهو بدون سبب او لسبب تافه .. عشان يجس النبض !

  2. السارق هو الجار و لو سمحت ارسل الحل بمشاركة لأنه صعب ادخل كل يوم و افتش كل التعليقات حتى اشوف الحل الصحيح

  3. >> سهران ومالي خلق افكر مين السارق أبي أخمن بس أكييد جاره الي جاء وقال سكر الباب : ) شكراً على الموضوع الفلته من جد

  4. مدري …….. لكن اتوقعه الباكستاني الي قدام المسجد حق العود ….:D

  5. اخو ابو فلتة هو السارق بمساعدة اخيه ابو فلتة .. ذهاب ابو فلتة لدورة المياه للمرة الاولى لفتح نافذة الصالة لاخوه ولم ياخذ وقت كبير لذلك .. وفي المرة الثانية لمساعده اخيه في نقل المجوهرات والاموال واستغرق ذلك وقت كبير كما اوضح عاطل ..

  6. اتوقع الى سرق المجوهرات والفلووس عاثر لانه هوو الى متهم ابو فلته ظلم هذا توقعي وان شاء الله يكوون صح

  7. مدري والله اتوقع انه عاثر لانه قال له ان ولد عم فاصل مسجون وهو كذاب.. عشان ينفي التهمه والشكوك عنه .. لاتنسة تعطيني الحل لان حدي متحمسه اعرف من الحرامي ..

  8. هو واحد من ثلاثة .. إما الجار ، ولازوجته يعني مافيه سرقة يمكن كانو امستعجلين ودخلوا مع الدريشة .. ولا السيد عاطل ، لانه أول ما اكتشف السرقة مابادر لتبليغ الشرطة ، وغير كذا هو أول من اتهم أبو فلته .. ماخليت أحد ..:D

  9. أتوقع بياع العود الباكستاني لانه حلقة الوصل بينه وبين الجيران اللي انسرقوا ولانه عرف عنوان البيت

  10. انا اتوقع انه الجار لان يوم جــاء يـبــغاه يسكرا الباب فــرفض عــاطل فقــاله الجار افتح الباب الي من الحوش فرض فتأكد بأنه لم يفتح الباب فقام بسرقت البيتB واذا خطاء اتوقع من اسماء الغز الحل ؟

  11. 😀 السـلآم عليكم ورحمة الله وبركاته شاكرك على الجائزة احلى شي الجوائز قبل الجواب 🙂 مممم في نظري اقول انه الجار :> او انه فلتة هذا والله اعلم .. تسلم ع القصة الاكثر من رائعة اسعدتني حقا مع الصباح ..

  12. بياع العود لانو وعده انو بعد اسبوع جاي زوجته من السفر وهذا يعني البيت فاضي لمدة اسبوع

  13. :$ اعتقد والله اعلم ..انه يا أما الزوجه ماخذه المجوهرات والفلوس معاها .. او انه جارهم لما دخل البيت ..يبي يستكشف الوضع وشسمه ..:D او ان الزوجه اخذت المجوهرات معها .. و جاء الجار يبي يسرق بس ماحصل شي ..وطبعا تبفت اثار اقدانه يارب يارب يطلع صح .. fox .. يرحم والديم ابي اعرف الجواب B

  14. انا اتوقع انه الجار لانه عرف من انه عاطل ماراح يفتح باب الحوش ويشوف اللي داخل بيته وطالع لكذا اخذ الذهب ..

  15. ما فيه غيره هو الجار قاله سكر الباب عشان يسرق أو أنه حقد عليه وسرق بيته وبيت الاربعه

  16. اول شي القصه حلوه وممتعه ومفرفشه ثاني شي مشكور عليها ويعطيك العافيه ثالثا الحرامي هو … والله اعلم … جار عاطل لكم تحيتي …

  17. طبعاً الحمدلله والشكر ما يزال النوم يخيم >>> والحل هو بياع العود النصاب 🙁

  18. اتوقع يكون الجار لأنه في البدايه تقول انهم يجتمعون كل اسبوع عند عاطل وكانوا يسهرون الين الصبح عنده ولأنهم كانوا يجتمعون كل يوم لأن زوجة عاطل مسافره والجار ما لقى يدخل الا هذا اليوم فا احتمال كبير انه يكون متفق مع واحد على السرقه لأنه يعرف انهم ما يجتمعون الا اذا كانت زوجة عاطل مسافره (ساطره) . وشئ ثاني يخليني اشك في الجار لأن هم قاعدين يسولفون فا ما اتوقع انه فيه ناس بيقعدون يصايحون 😀 وهم يتكلمون في ملحق . وفيه احتمال ثاني انه يكون عاثر لأن ما له اي كلمه من دخل فاصل فا احتمال ضعيف انه يكون هو . واخر احتمال 😀 وهو اقوى شوي من الي قبله 😀 هو يكون السارق عاطل نفسه بس يصير متفق مع واحد ثاني لأن ما قد شفت واحد منسرق بيته ويرجع يصك على نفسه في الملحق 😀 خخخخخخ واتوقع انه الي متفق معه جاره بس عاطل بيي يبعد الشبهه عنه لأن الجار داخل وقايل له بأدب بس اكيد ان عاطل كان متوتر وقال >لو انه جاي بأدب كان سكرت الباب <

  19. السـآرق هـو : العطـل ، العثـر ، الوحيـد . هذآ آخر مآتوصلت بهـ من تفكيـر . 🙂

  20. عندي احتمالين 1- ساطره خذت مجوهراتها معها او حطتها في مكان أمين عشان خايفه عليهم من زوجها او 2-عاطل سرقهم وسوا نفسه بريء وكلم الشرطه وحط البلوى على المسكين ابو فلته

  21. اتوقع الجار هو الحرامي8) لانه عرف ان بالملحق بابين واحد يطل على الحوش وهو مسكر :$ و احسه سكت بسرعه وما ناقش او عصب و عاطل قال لو انه تكلم بادب كان صكيت الباب معناها انه مو متعود منه الادب احم احم ام التحليل و الاستنتاجات انا الله يحفظني بحفظه يا رب يصير صح عشان افرح و احس اني ذكيه:)

  22. B وي وي … طلعت عيوني وانا اركز في القصه شكيت ان السارق هو جاره بحكم ان بيته ملاصق لبيت خويكم 😛 ويمكن يمكن من باب ان حاميها حراميها يكون الشرطي صباحكوا عسل

  23. قصة جميلة والحل والله العالم انه عاثر لانه اختفى ما عاد سولف معهم

  24. هههههههههههه آحلى يآ (آجآثآ كريستي) وآلآ آرثر (كونان دويل) طيب بمآ آني آول وحده 😀 بآشرح آلآجآبه و بآقولك آلشخص بمآ آن آلبيت مو آول وآحد يسرقفي هآلحآره و ولآ وآحد تحرك كلهم يسولفون بآلقصه آعتقد آن آلسآرف هو ( آلجآر ) وبرر جيته بآنه يقول آصوآتكم آزعآج << شآرلوته هولمزه 8)

  25. اتوقع الباكستاني 🙁 << بدينا بالشك بخلق الله انا قلت اتوقع لان ابو حمد الجار قال لعاطل سكر الباب ورفض وهذي عقوبته.. وبعدين عاطل المفهي قال لبو بكس ان زوجته سافرت والبيت فاضي.. وش رايكم مايفع اصير محلل اقتصادي B <<اقتصادي اجل وش دخل المهم الجائزه لاهنتم ملاحظه ودي اتفلسف اكثر بالسالفه بس معليش اذن برب

  26. اتوقع ان السارق هو الجار خصوصا انه تطمن ان عاطل مارح يفتح باب الملحق اللي مطل على الحوش لانه رفض يوم طلب منه طب الجار على الحوش بدون مايحسون لان أصواتهم عالية والباب مسكر ومافي أحد بالبيت وسرق وهرب ان شاء الله يكون الجواب صح

  27. انا اتوقع الجار8) لانه قال له سكر الملحق … حق يصفى له الجو ويعرف يتصرف في البيت:$ B B

  28. السلام عليكم ..!! كنت بقول عاثر بس عاثر كان جالس معاهم :~ اتوقع أنه >> الجااااااااار 😀

  29. آمممممم صرآحــهـ صصعب :~ بس آظــن آنهـ آلجــإر 8) ويعطيـــكـ ربي آلـف عـإفيييهـ Fox آنــد لي بـــإك إذــآ نزلــتوآ آلححححل 😀 تح ـــيتي

  30. !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! لغز عجيب غريب بس انا اتوقع انه الجاار لانه هو الي جاهم بعدين طلع بسرعه

  31. غريب اللغز يا فوكس .. لكن عن نفسي اقول ان تهمة السرقة على الجار ابو حمد .. والمتهم بريء حتى تثبت ادانته :$ وممكن حل ثاني ، ان الحرامي محد يعرفه وجاي يسرق ويطلع 🙂

  32. يا طويل العمر ما يبغاله الــــجـــــارررررررر 8)8)8) مشالله علي اللهم لا حسد

  33. 8)ممكن يكون عاثر لأنه كذب على عاطل لكن أستبعد هذي الفكره وأقول الأقرب أنه يكون الجار يبغاهم يصكون الباب عشان يفتحون الطوايق ويقدر يدخل أو يكون يتأكد أنهم كلهم جالسين قدامه وفي شخص ثاني يسرقهم ومع هذا استبعد الفكره ذي كمان لأنها حل واضح بكون متشوق اعرف الحل الصحيح

  34. اللي كتب هالقصه شناوي عليه يعني ماراح تقول لنا النهايه:( انا ماابي اشغل مخي B شغل مالك وطرش لنا الجواب اوكي:$ قال اشغل مخي قال

  35. اللغز جميييل ..! أعتقد بأن السارق عاثر ، لإتيانه بمعلومة خاطئه في البداية .. ربما يريد أن يُوهم عاطلاً لأجل أن يقوم بالعملية دون أن يُشكَّ به . وربما كان الباكستاني هو الفاعل 😀 شكراً على تحريك العقول ..

  36. اكيييد عاثر هو اللي بيكون الساارق لأنه شكك عاطل في ابو فلته عشان لاحد يشك فيه << :$ وعااثر هذا مايستحي على وجهه الصراحة —–>> تأثر 🙁

  37. السلام عليكم مشكور عاللغز أعتقد وإذا ما خابني ظني أن الجار هو السارق لأسباب 1- لأنه طلب من عاطل انه يفتح الباب اللي يطل على الحوش وعاطل رفض فلذلك هو متأكد انه ماراح يفتحه … وهو بكونه جار عاطل فهو يعرف تصميم البيت من الداخل 2- جميع الاعظاء بقوا سهرانيين مع بعض باستثناء بو فلته والجار وابو فلته ثبتت براءته فما باقي غير الجار 3- خطوات الطين تدل على ان السارق مر من الحوش اللي بطبيعة الحال كان بابه المطل على الملحق مغلق إإحم ……يصلح اصير من السي آي أيه؟؟8):D

  38. زوجة عاطل لآنها راحت لـ الباكستاني وعطته او انه الباكستاني انقهر عودبـ(20)ريال مايصير ثمن انتقم

  39. الصراحة أنا أشك في الجار لأنه قال حق عاطل صك باب الملحق عشان مايشوفة وهو يسرق بيته والبيوت الأربعة إلي قبله

  40. اتوقع انه الباكستاني بياع العود لان عاطل قال له : عاطل : اصلا مارضى يخفض المبلغ الا يوم قلت له ان زوجتي بتشتري الكميه كلها إذا رجعت من السفر وواعدته يجيني البيت بعد أسبوع . الحرمه مسافره والبيت فاضي

  41. الجواب عاثر الأسباب.. 1- الأصرار على السفر…لتسنح الفرصه بالسرقه لخلو البيت. ونرفزته وعصبيته على عاطل..عند رفضه للسفر وهذا يدل على انه يسعى الى شي ما في رأسه. 2-معرفة ان الزوجه غنيه من كلام صديقه(عاطل) زوجها. 3-التشكيك بأبو فلته انه حرامي لابعاد الشبهه عن نفسه. 4-طبعا الجار مذكور بالقصه للتمويه..وهو لم يسرق.. لانه ساكن بحي الاغنياء.. اي انه لا حاجة له بالنقود. 5- تخيلو اطلع من جنبها انا وتحليلي (مسوي ذكي):D.

  42. السلام عليكم أتوقع اللي سرق الجاااااااااااار لأنه طلب يسكر الباب

  43. اشكرك على هذا اللغز اتوقع انه8) عاثر لانه هو الي هو الي يحاول انهم يساافرون وهو الي قال ان أبو فلته توه طالع من السجن على شان يتهمه

  44. أشكـرك على اللغـز والقصـة الحـلوة و اتوقـع الحرامي هو ( عـاثـر ) لأنـه متبـلّي على أبو فلتـة وقـال عنـه انه كان مسجـون بقضيـة سرقـة و اختـلاس .. يمكـن قال هـ الكلام عشان يبعـد الشبهـة عن نفـسه ويخليهـا على أبو فلتـه .

  45. شوكرن كثير عاللغز عن جد حركت مخي 8) السارق والله اعلم انه ابو الجيران قولوا ليه ؟ لأنه طلب من عاطل يفتح باب الحوش وعاطل رفض وهو بهالطريقه تأكد ان باب الحوش بيظل مسكر ويقدر يهرب بأمان 8)8) <–تحس انها كونان يالله علمونا مين السارق ابي اشوف صدز انا ذكيه والا خرطي

  46. صراحة كتاباتك رائعه وتحرك العقل فشكرا على الجائزة الثمينه اما الحل فاتوقع الجار اللي طلب يسكرو الباب انشاالله يكون صح ..

  47. مشكور أخي العزيز على اللغز وحل اللغز الذي المجوهرات من بيت عاطل هو الباكستاني صاحب العود عاطل : اصلا مارضى يخفض المبلغ الا يوم قلت له ان زوجتي بتشتري الكميه كلها إذا رجعت من السفر وواعدته يجيني البيت بعد أسبوع . .

  48. السـآرق هو الجـآر اكييييد لانه طلب يقفل الباب عشان ياخذ راحته انشالله صح بس

  49. صعب انا حاولت وفكرت وقلت يمكن انا الجار الي سرق عاطل لانه منقهر منه بس قلت ليش بيسرق البيوت الثانيه B

  50. أعتقد أن السارق هو جار عاطل , لأنه طلب من عاطل إغلاق باب الحوش , ما أدراه بأن الباب مغلق؟؟؟؟

  51. الجااااااااااار وانا متـأكد الجار : الله لايهينك ياعاطل اذا ممكن بعد اذنك تسكر باب الملحق لان أصواتكم واصله لبيتي !! عاطل : لا ياخوي ماني مسكر الباب نبي الهوا يخش علينا شوفة عينك مافي شبابيك . الجار : طيب افتح الباب اللي يودي للحوش وبيجيك هوى ! عاطل : لا انا ابي أشوف الرايح والجاي ماني مسكره اسمح لي . الجار :طيب الله يجزيك خير ماقصرت ..فمان الله .

  52. السلام عليكم 😀 والله عقدني مرة اللغز بس شكله الجار B B 😮 بس الغازك مرة حلوة يا رجل يالله نشوفكم على خير نشالله تلاقي المجوهرات يا عاطل في أمان الله ماعالسلامة :):):)

  53. السلام عليكم فوكس والله اللقب رااكب عليك اكيد الجار هو الحرامي متفق مع احد يدخل البيت وهو يسوي له حجة غياب وبس 8)8)

  54. اولا مشكوور على هاللغز الحبيب ثانيا : اتوقع انه عاااثر لكي يبعد الشك عنه ولزقها بابو فلته على انه حراامي وما الى اخره اول احتمال ويكوون نسبته الصحيحه ضئيله مرره انه الجار ابو حمد وشكرا

  55. طيب الحل : يمكن يكون الباكستاني بياع العطور ,, مو الله يعطيه العافية عاطل الدلخ ,, معلمه ان زوجته مسافرة ,, ما بقا الا يوديه غرفة النوم بنفسه ,, وفوق كذا هو فاتح باب البيت الأمامي ,, وجارهم جاء عندهم ,, لو فيه شيء مريب ومثير للشك من الجهة الامامية للبيت كان شافه عاطل ,, او كان بلغه جارهم ,, لكن مسكر باب الحوش الخلفي ,, والظاهر ان السرقة جات من ورا البيت ,, وورا البيت المسجد اللي يبيع عنده الباكستاني ,, وما فيه احد ورا البيت الا الباكستاني ,, والباكستاني عنده علم ان ساطرة ما بترجع الا بعد اسبوع ,, عاطل : اصلا مارضى يخفض المبلغ الا يوم قلت له ان زوجتي بتشتري الكميه كلها إذا رجعت من السفر وواعدته يجيني البيت بعد أسبوع والاسبوع ما قد خلص عاطل : طيب والحل انا ابي المجوهرات تكفون قبل مايكمل الأسبوع شكلي تعبت مخي على الفاضي ,, والله اعلم ,,

  56. تسلم يا فوكس على القصة .. وعلى سالفة السرقات عندنا …خخخخخخخخ ولد عمي انسرقت استراحته ..وجت الشرطة رفعت البصمات وعلى حطت ايديك …ما مسكوا احد خخخخخخخ المهم بعد ما تمحصت القصة ودققت … احس ان الحرامي هو الجار .. لانه دخل عليهم بيتأكد اذا باب الحوش مفتوح او لا …

  57. اتوووقع انه الباكستاني لان عاطل معلمة ان زوته بتسافر ومواعدة على هالاساس .. وبيت عاطل قريب من المسجد..

  58. أتوقع ي إنو الجيرآن أو عآثر ! بس عليهم أسمآء خطيرة :p يعطيك العآفية , والصورآ قميلآ قداً () !

  59. امم اتوقع جااره ابو حمد لانه قال الجار : طيب افتح الباب اللي يودي للحوش وبيجيك هوى ! معناته انه سارق البيت ولا وش عرفه بالباب اللي يودي للحوش

  60. اتوقع انه عاثر لانه قال عن ابو فلته انه حرامي وكذا على شان يشويش على سرقته وياليت يكون صح ههههههههههه مشكور ويعطيك العافيه

  61. انا قرأة اللغز و فكرت و اعتقد انه السارق اهو الجار \ \ \ \ \ واتمنى يكون صح :$

  62. امممممممممممم أتوقع جار عاطل ((أبو حمد))… أتمنى يكون الجواب صح وجزاك الله خير

  63. :D:D مادري يمكن صح لاني بدون تفكير فكرت فية الجار : مساكم الله بالخير . عاطل : هلا بوحمد حياك الله تفضل . الجار : الله لايهينك ياعاطل اذا ممكن بعد اذنك تسكر باب الملحق لان أصواتكم واصله لبيتي !! عاطل : لا ياخوي ماني مسكر الباب نبي الهوا يخش علينا شوفة عينك مافي شبابيك . الجار : طيب افتح الباب اللي يودي للحوش وبيجيك هوى ! عاطل : لا انا ابي أشوف الرايح والجاي ماني مسكره اسمح لي . الجار :طيب الله يجزيك خير ماقصرت ..فمان الله . الجار يمكن سرق البيت وسوا روحة يدخل ويقولهم سكروو باب الملحق عشان يبعد الشبهة او سرقة بعد ماطلع من عندهم او الباكستاني بغا يعوض ثمن العوود وراح سرق البيت يمكن مراقبهم وسرق الفلوس لانة عرف انا زوجتة مسافرة برا وبيسرق المجوهرات بدون مايلاحظ او الرجال واعدة بدون اسوبع وضرب الجرس وماحد ردعلية لانهم فالملحق وراح وسرق البيت…8)8) خبرني بسرعة اذا صح او لأ

  64. اتوقع انه الباكستاني بيااع العود لان عاطل الدايخ قال ان زوجته مسافره وانه اذ رجعت بتشتري كميات كبيره من دهن العود

  65. اكبر ظني انه يكون عاثر لانه اتهم ابو فلته وللاسباب ذكروها الي قبلي لكن مادري تقل بديت اشك بالباكستاني والجــــــار لكن اكبر ظني انه عــاثر

  66. اتوقع انو حرمته اخذة الصندوق حق المجورات مع البطاقه والجواز اما على اثار الطين فهي لحرامي كان يحول يسرق وماحصل شيئ 😀

  67. السلام عليكم اعتذر على تأخري بالرد السارق هو بائع العود الباكستاني يسعدني محاولتكم لايجاد الحل والاستفاده بتحريك الذهن ولو قليلاً استمتعت ببعض الردود الفكاهيه اول خمس اعضاء تعرفو على الحل الصحيح بالترتيب احلى بنوته الاسير AKG الحاير 2007 اسير الاقدار اعتذر ان خيبة ظن من لم يعرف الاجابه ويسعدني تواصلكم الدائم كما اشكر الاداره على ماتبذله من جهود تحياتي

  68. اخوي اسف ممكن تقلي كيف طلعت الحل ابي السبب لانو مافي شيئ يدل على انو الباكستاني من القصه

  69. طيب اعطينا تفاصيل القصه شلوون يافوكس ! كيف وصل الباكستاني وشلون سرق المجوهرات !!!!!!!!!!!!

  70. مافي اي دليل في القصة على الباكستاني ولا علشان مسكين وماله ظهر حطيتوها براسه يا عيني عليك يا بستكاني خلوك الحرامي

  71. هلا والله اولا هناك اكثر من حدث وضعته لابعاد الشبهات عن اغلب الموجودين يعني مثلا 1 – الجار اللي اغلب الاعضاء قالت انه هو السارق ابعدت الشبهات عنه لاني ذكرت بان عاطل ساكن في حي التجار وحي التجار مايسكنه الا التجار 2 – بينت الصداقه الحميمه بين اصدقاء عاطل واكيد اصدقائه مارح يسرقونه 3 – ابوفلته بينت في البدايه انه مختلس وباخر القصه ذكرت ان بريء والمسجون كان اخوه 4 – زوجة عاطل لن تسرق مجوهراتها 5 – جمله ذكرتها لتسهيل الموضوع على القراء يوم قال عاطل : اصلا مارضى يخفض المبلغ الا يوم قلت له ان زوجتي بتشتري الكميه كلها إذا رجعت من السفر وواعدته يجيني البيت بعد أسبوع . عاطل اعطى للبائع فكره ان زوجته مسافره 6 – مشهد دخول الجار وطلب اغلاق الباب كان لايصال فكرة للقاريء ان عاطل واصدقائه مكشوفين بالشارع واي واحد يمر يشوفهم وهذا سهل للسارق ومن عاونه بمراقبتهم ولو خرج احدهم من الملحق سيبلغ السارق 7 – اثار الاقدام والطين لشخص قادم من خارج البيت ودخل من النافذه يعني شخص غريب 8 – الصوره المرفقه بالموضوع قد تساعد في الحل ايضا لان هناك شخص خلف الزجاج مخفي الملامح التعايش مع القصه اكثر يساهم في معرفة الحل وهذا مافعله من عرفوا الاجابه مع العلم ان اللغز كان اصعب من المنشور ولكن خففت منه للتسهيل والهدف فقط تحريك الذهن وليس تعجيزه شكرا لك وتحياتي

  72. انا راح اجاوب الا بعرفة وأعتئدإنه حل اللغز هو:::::: إنه السارئ بكون الشرطي لانه على حسب ما ئرات اللغز لما حكى الشرطي ابئى ئابلوني لو لئينا اللص فأنا عشان هيك متوئعة انه السارئ هو الشرطي

  73. السارق وبكل وضوح بين اثنين ياالشرطي او صاحب البيت عاطل وأقرب ماله صاحب البيت وشكرا

  74. ياشين اللي يرد وهو ماقرا الردود هههههه ،، ومع ذلك مااقتنعت بالجواب (( عاطل : لا ماعليك …. اذا رجع الباكستاني زوجتي بتعوضني هههههههه )) هنا يمكن نقول الجواب ! بس هو متى راح أصلاً عشان يجي !

  75. فكره حلوه اهنيك عليها لاكن ملاحظتي انه مافيها تلميح ليش الجواب البكستاني ؟؟ رغم انه قال لرجعت زوجتي اعوضك يعني البكستاني عرف ان الزوجه ماهي متواجده بالمنزل لاكن الزوج موجود معقوله البكستاني يخاف من الزوجه اكثر من الزوج .. تدري وش خطر في بالي ان السارق هو (كراش) لأن فاصل بعد ماعرف بالموضوع قال ؛ منتب سهل ياكراش .. وانت صاحب الموضوع وادرى << يحب يتفلسف بزياده احترامي ؛ ابو بندر

  76. الحل والله اعلم انه اخو ابو فلته المديون والسبب انك قلت في الوصف ان عاطل حصل اثار قدم من الطين واخو فلته من قريه ومديون وتوهـ طالع من السجن اما الباقين فماعندهم دوافع للسرقه ولا فيه شيء يثبت عليهم طبعا من الروايه عموما مشكور على القصه الحلوهـ وايضا اعجبني تلميحكـ في البدايه لاصحاب الانبراشات الغبيه هههههه ….. ردي هاذا قبل اقرى الحل ويوم قريت الحل قلت خل اعطيكم تحليلي اجل جاء كونان ههههههههههااااااااي

  77. اللي سرق البيت اتوقع البآإكستآني , لآنه حقد عليه لما منع صاحبه يعطيه 200 >< وما دفع الا بس 20 ! وعآطل علمه وين بيته , وقال ان زوجته بتشتري كل الكميه اللي عندَه , يعني معهآ فلوس كثيره ! معلومات يعرفها البآكستآني ! ممكن يكون السآرق , وشكرآ ^^

  78. الحل 100% وحدي ركزو على الكلام اللي قالــه كلــه هههههههههههههههههههههههههه اخيــرااا

  79. طبعا ما حد عرف اللص اللص هو عبداللطيف و كاتب اللغز لم يتطرق له لتشتيت الافكار

  80. السارق هو جار عاطل الملاصق والدليل هذا الجار : طيب افتح الباب اللي يودي للحوش وبيجيك هوى ! وش عرف الجار ان الباب اللي يودي للحوش مسكر

  81. ياطويل العمر السارق هو الباكستاني بياع العود الاسباب كالتالي: 1- لان المسجد خلف البيت وطبعا البنقالي مدري الباكستاني هناك 2- هو قاله ان زوجته مسافرة وبتشتري كميه فهذا دليل ان فيه اموال في البيت لانه قال بتشتري كميه 3- النافذة المفتوحه كانت خلف البيت يعني عند المسجد يعني مكان البنقالي يعني انه هو طب وسرق ياطويل العمر 4- ابو فلته من اسمه لاحظوا ابو فلته ماله صلاح في السرقه فلته مايدري وين ربي حاطه فيه الزبدة ان ابو فلته حطوه للتمويه وهذي قصه جميله 5- اثار الطين تدل على ان السارق من الحوش جاي من ورا . ورا البيت موجود المسجد فيه البنقالي وعلمه عاطل ان الحرمة مسافرة وفي فلوس في البيت فجاء الباكستاني من ورا طيب من الحوش فتح النافذة وفتح الخزنه وانننننننننحش ودور له في ذاك الزقت 6- البيوت الي انسرقت جميعها بعد ماجات الشرطه ليش لان بيت عاطل في السعوديه ماتسمعهم يقولون الشرقيه طبعا معروف عنا نحب الجمهره فتجمعوا الجيران عندهم بيت عاطل فخذها الباكساتي فرصه واسرق كل البيوت وطبعا هم اغناء يعني اسرق براحتك واحب اقوول لعاطل (( رووح اشتري توله عوود ذلحين اذا انك رجال)) ههههههههههههههههه

  82. بعدين الصورة الي فوق لو تلاحظ فيها مويه (ماء) يعني كان فيه مطر عشان كذا كان فيه اثار طين

  83. استغرب الحل الباكستاني لانه اذا كان عرف ضروف بيت عاطل فكيف ضروف البيوت الاخرى التي سرقت وفي نفس اليوم أعتقد أنك لم تتنبه لهذه النقطه

  84. اخوي wadoud لم اذكر بأن الباكستاني سرق البيوت الاربعه ولم المح لذلك مثلما لمحت على بيت عاطل وذكر سرقة البيوت الاربعه بالقصه مجرد اسقاط ليس الا تحياتي

  85. آلبكستآني لأن آلبكستآنيه وصخين وأثآر آلطين منه .. . وهم حرميه وعآطل قآله مكآن بيتهم وعآطل هو أصلن مخلي آلبآب مفتوح يوم جآه آلجيرآن فآلبكستآني جآ وسرقه. . . ولآ أن آلجيرآن حقد على عآطل يوم مآسكر آلبآب وسرقه …

  86. مااحد سرق زوجته ماتمن فيه اخذت جوازه وبطاقته كيف تامن تحط عنده الذهب اتوقع زوجته اخذتهم معهاا للرياض وفكره انه اربع اسرقو هاذي تميه عشان ياكجلك انه فيه سرقه

  87. الباكستاني لانه عرف انه زوجة عاطل مسافرة فجا سرق البيت وشكرا وتراكم طولتو نبي الجواب

  88. ما فيه غير… البكستاني اللي باع العوده بعشرين الرجال يخطط وهذا على نياته 🙁

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قصة : لغز ‎(البريء)‎

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول