فيلم : في غرفة التشريح كامل HD + خلف الكواليس


وأخيراً وليس آخراً ..
وكما وعدناكم أعضاء قروب أبو نواف الأعزاء ..
هذه هي نسخة حصرية للقروب ..
من فلم في غرفة التشريح ..
تم رفع فلم في غرفة التشريح كاملاً وبأعلى دقة ..
رفع الفلم على اليوتيوب استغرق
يوم ونصف ..
حيث أن حجمه 4 جيجا
مليء الشاشة + وضع الدقة على 1080 hd + بوب كورن 🙂
وضعناه هنا بدقة عالية دعماً لجمهور الإعلام الجديد …
نتمنى أن يحوز على رضاكم ..
،

هنا بوستر الفلم ..

فكرة عامة عن فلم في غرفة التشريح :
الفلم يدور حول حياة مجموعة من الطلاب في كلية الطب البشري بجامعة القصيم
بحيث يستعرض مشاهد متعددة داخل نطاق الكلية
كظروف الاختبارات وطريقتها وجلسات النقاش في نظام حل المشكلات ،
ثم يعرج على غرفة التشريح وما تحتويه من خفايا ومواقف حقيقية
حصلت لبعض الطلاب ويكون بينها مشاهد ووقفات طريفة ..
الفلم ذو طابع كوميدي مضحك مبتعد كل البعد عن السخرية والاستهتار .

فكرة :
عصام الطويان

سيناريو وحوار :
عصام الطويان
ناصر الراجح

بطولة :
ناصر الراجح
عبد الرحمن المخلف
منيف المنيف
محمد الحمود
فهد النعيمة
محمد الشريف
عبد العزيز المسلم

مشاركة :
ياسر الزويد
فهيد القصير

كلمات الشاعر :
سلطان العناز

إنشاد وألحان :
د/ عمر النجيدي

هندسة وتوزيع صوت :
محمد الجريس

تصميم الشعار :
محمد الزهراني

تصوير ومونتاج :
مؤسسة العين العربية

إخراج :
عصام الطويان

مشاهدة ممتعة ..
ووقتاً جميلاً ..

عصام
مدونة جزيرة الكنز


تابعوا جديد شبكة أبونواف على فيس بوك وتويتر

   


تعليقات 62

  1. شيء جميل مثل هذي الأفلآم .. الرإآئعة وبصورة جيدة بعيدة عن سمإآجة طإش وسذآجة بعض الممثلين . تحيإآتي لكم ’, و مبآإرك عليكم الشهر . و تقبل الله منآإ ومنكم صآإلح الأعمآإل .

  2. الفيلم بايخ وخسارة الوقت اللي ضيعته عليه .. بالدقيقه 18 تمثيل اللي له لحيه بايخ واضح ترقبه للكاميرا .. بجد صدمه تحمست له ولللاعلانات اللي انعملت له وبالنهايه طلع كذا .. مدري ايش يصنف هالفيلم .. لاهو كوميدي ولا درامي ولا اكشن ولا رعب ولا رومنس .. الشي الوحيد الحلو فيه شخصية (منيف) كانت مميزه ودوره حلو وخصوصا وهو يسحب المفك وراه .. اما باقي الفيلم ياخذ ميه تحت الصفر فالميه .. بااد 🙁

  3. ماشفت المقطع كامل لسى بس شكله مرره حلوو 🙂 وهههه أما اللي جايب تويكس وسنكرز في الاختبار مررره راايق :$: برب ابرووح اصلّي …….ووقته اللي انرسل فيه مش مناسب اووي الله يصلح حالكم بس 🙁

  4. اول حاجة اهنيكم عالفكرة الحلوة وبصراحة كفلم اول لكم وطلع بهذي الطريقة بعيد عن التلكك من بعضكم بالحوار وبعيد عن النظر للكاميرا الي كانت واضحة في الفلم .. فـ هوا ابداع ولكم مستقبل بالنسبة للكوميديا .. في كوميديا بس مو ظاهرة .. يعني مو واضحة في الفلم .. لحضة الاختبار ممكن كانت الكوميديا فيها شوي ظاهر من تعليق الطالب الي ماحل بالاختبار الى الطالب الي جايب معاه 5 اقلام الى تعليق الطالب الاول … والطالب الي حامل المادة معاه .. وكان حمله للزرادية جميل وتقيمي لكم كـ متفرج وليس شي اخر … 7/10 واعتبر النقط الثلاث الي راحت … راحت في نظركم للكاميرا اثناء التصوير التلكك في الحوار عدم ظهور الكوميديا بشكل واضح ملاحضات بسيطة اعتبروها من صديق .. 1- اذا في شخصية في الفلم وظهورها لمرة واحدا اتمنى ان يكون الشخص مخفي زي ماصار في الاختبار كان الدكتور مخفي بس طلع بـ لحضة البحث 2- في شخص او 2 كان ظهورهم طول الفلم ولكن حوارهم قليل ممكن مرتين او ثلاث 3- اتمنى الاعمال القادمة تكون الجامعة فيها طلاب واشخاص مو بس انتو :$ اخيرا ننتظر الفلم القادم بالتوفيق

  5. فيلم طريف .. وين الطرافه بالفيلم !! ليس تجطيم .. ولا حقد وانما انصاف .. لم ابتسم حتى مره واحده !! للأسف ..

  6. رووووووووووووووووووووووووووووووووووعة ما قصرتو وايضا استخدامكم للبدائل رااااااااااائع الله يجزاكم خير

  7. السـلام عليكم يآجماعة ^^ ان شاء الله يكون ردي خفيف بصراحة آنا مافهمت فكرة الفلم اللي كنتو تبغو توصلوها لكن فهمت كم حآجة .. أتمنيت تكتبو شوية معلومـاى عن الفلم فكرتو واهدافو <<ان شاء الله في الفلم الجاي وااخر مرة اقوول بطلو شغلة دفن المواهب <<لا خفنآ B بالنسبـة للتعليقات المتكررة في كل مكان(بياخة سماجة..) كلنا عندنا آراء ونختلف بس لما عندك انتقاد اكتبلهم حل وفكرة تساعدو قول كلمة خير او لاتتكلم الله يهديكم وانتو استمرو انا اكتر شي لفتني وضوح المـشاهدة وكان سبب لمشاهدتي والشي التاني الممثلين بصراحة برضهم متمكنين من ادوارهم.. الله يديكم ألف عافية ونتمنا تواصلو وفلمكم الجاي يكون احلا (على فكرة اقولكم سر )اغلبيتنا مايعرفو يعملو زيكم 😀 واللي ماعجبهم خلينا نشوف ابداعاتكم واتنافسو <<وانا اتفرج:D لاجد شباب ابدعوووووووووووووووووووووووووووونا والله يوفقكم وكل عام وانتو بخير والسلام عليكم

  8. كل عام وانتم بخير اولاً:D و مبروك اتمامكم للعمل اللي تشكرون عليه فقعت ضحححك صراحتاً بدآية جيدة , فكرة جميلة , و مستقبل مشرق بأذن الله يمكن عليه ملاحظات مثل :$ : – الوقت …! – عدد الممثلين …! – الخاتمة …! – الاسلوب السيناريو …! عموماَ ارجع اشكركم للافضل دائماً و بالتوفيق 8)

  9. ههههههههههه صراحة مرة نايس وأحلى شي حقت الكاربال والميتا كاربال ههههه مجهود رائع

  10. التمثيل والإخراج حلو لكن السيناريو والقصه جداً غبيه وتافهه والكوميديا مافيه شي يضحك

  11. عمل رائع .. وفكره حلوووه .. مع وضوح ان الخبرة تنقصكم كثير .. لكن العمل والاخراج والفكره اعجبتني .. والى الامام .. استمروا .. مع الاستفاادة من الاخطاء في هذا العمل ..

  12. أولا مجهود كبير وجبار وتصوير رائع ، في نفس الوقت الفلم يفتقد لكثير من الحوارات وكأننا في فلم صامت ، مصنف على أنه كوميدي وهو ليس كذلك ابدا ، الممثلون جميعهم لا يرقون لمستوى التمثيل ، نتمنى ان يكون الجهد الذي بذلتموه في أشياء اكثر فائدة وتشويق.

  13. فكرة حلوة وفلم حلو مع غياب الفكرة الاساسية. إلا انه ممتاز. لكن لابد من وجود بعض الحمقيين اللي يردون ببعض الردود المثبطة. يا ترى أنا لاأدري ماذا يريدون هؤلاء من أن تكون البداية لهذه الوجوه الجديدة؟ أيريدهم أن يكونوا محترفين؟ يكفي أن المقطع والتصوير والإخراج على اكمل وجه. وأهم شيء خلوه من الموسيقى -جزاكم الله خير-. ولا أزيد على ماقال أخي الجهني.

  14. بصراحه سامج احلي مافيه الكاميرا وضوح عالي ودقيق ااما الباقي مضيعه وقت ضيعت وقتي وبس

  15. اقول لا تعاودها فلم ما فهم وش المقصد منه وليش مثلوا هذا الفلم وش القصة فشله واعطيه 3 من 10

  16. ما قد شفته بس يبدو رائع:D بتابعه قبل السحور بساعه يكون الوقت احلى ان شاء الله :D:D:D:D:D:D:D:D:D:D

  17. انجاز رائع خصوصا كبداية اهه شئ الهدف والاخلاص في ايجاد البديل للفن الهابط الي أفسد حياتنا وضيع اوقاتنا والى الامام

  18. اذا هناك عنوان للسماجه فهو هذا الفلم هو (عنوان السماجه) تحمست من البوستر ويوم جيت اشوف الفلم ادور الكوميديا ما لقيتها وبعدين اللي اللي زود الطين بله ان كم واحد فيهم يطالع في الكاميرا للاسف ما كان الفلم في المستوى الملطوب:~

  19. هذا تعليقي السابق الاخطاء الطبية ,,,,,, وطلاب كلية الطب 30/04/2011 19:27:25 ماادري بعد المسلسل الغبي 37 درجة والذي قلل احترام الناس للاطباء جلستم 3 شهور عشان الفكرة والسيناريو وبالاخر فيلم الله العالم به سؤال يسدح نفسه وش المطلوب منا يعني بتقولوا لنا ان الاطباء ظريفين او ممكن يصيرون عادل امام السعودية مثلا ,,,,,,,, نصيحه لطلاب كليات الطب ركزوا بدروسكم ازين عشان لاتكثر عندنا الاخطاء الطبيه وخلوا هذي الخربطه ماهي لكم تدرون ان اكثر الممثلين عندنا او في مصر من كليه الزراعه ليه ؟؟!! لانه فاضيين و دراستهم اي كلام قالوا خلنا نشغل انفسنا بالتمثيل ومسرح الجامعه واللحين ما شاء الله طلاب كلية الطب من الفضاوه جلسوا 3 شهور يفكرون في فيلم الله يعين بس ولا تدورن لاتخرجتم بكره لا تشيل هم الاخطاء الطبيه لانه الزامي الان التامين الطبي يعني خذوا راحتكم في خلق الله وتعلم عليهم بعد ما تتخرجون لانكم ما كنت فاضيين تتعلمون وقت الدراسه في الكلية شاغلكم التمثيل ياتوم كروز انت واياه والمشكله لا تخرج وهو من جنبها الوظيفة مضمونه باذن الله احلى راتب واحلى بدلات واحلى بدل سكن( خمسين الف ) وهو راس ماله فيفادول ودواء الكحه ويمسك شغل اداري ( رئيس قسم او مدير طبي ) ونروح نستقدم اجانب يلعبون فينا والسبب ما كانوا عيال الوطن فاضين وقت الكليه مساكين راح وقتهم في التمثيل آآآآآآآآه بس زمان كان طلاب كلية الطب نشوفهم في البهو نفرح ونقول هذولي اللي بفكون من الاجانب واخطائهم الطبيه اما الان نقول لا خلو الاجانب اقلها امديه له فتره وتعلم في خلق الله الكلام كثير بس اتوقع هذا يكفي ياظريفيين ===================================== اما الان لا يوجد لدي تعليق هههههههههههههه الحمد الله والشكر بس

  20. فلم سامج لا فكرة واضحة لا تمثيل لا اخراج تابعت لين الدقيقة 8 وما قدرت اكمل لأن ماعندي استعداد اضيع 35 دقيقة على هالفلم صراحة تحيااتي

  21. بسم الله والصلاه على نبينا محمد (ص) اما بعد … ( حسيت اني بالاذاعة حقت المدرسة ههههه) المهم الفلم اعجبني نوعا ما كنت متحمس له كثير بس اعجبني اهم شي طبعا مافيه شي كامل والكامل الله فيه بعض الاخطاء ( كسل اعدها ) واقول استمروا بس للاحسن وبنسبه للانشوده في الفلم 24:55 اعجبتني وش اسمها وشكرا

  22. قسم بالله بايخ ياخي بحياتي ماعمري شفت بياخة زي هاذي اول شي واحد ماحل بالاختبار لا وناجح وبعدين وش دخل ابو جلمبو الي يسحب فيه ابو الشباب

  23. بصراحه بعد ماشفته .. مافهمت عن ايه والى ايش بيوصلون ,, بس أحلى شي لما يجيبون الهيكل العظمي لـ منيف ويقول (مهبول أنت )بفتح الالف.. اول مره اسمعها كذا عندنا ( أهبل انتا ) بكسر الالف خخ ماتزعلوش :$كل بلد ولهجته بس اهنيكم انكم قدرتوا ماتستخدموا الموسيقى في الفلم والى الامام … بدايه ناجحه نوعا ما 😀 وموفقين

  24. الله يعطيكم العافيه اولااا فلم متعوب عليه وواضح أنكم اشتغلتوا وتعبتوا عليه يعني حسيت كنه فلم صدقي <<< بالله ههههههههه ثاانيااااا للأسف انه مو مفهوم نوعا مااا صحيح يدور حول مجموعه من الطلاب لكن وش السالفة اوو وش الهدف ؟؟؟ انه نضحك ؟؟صعب صراحه لانه ماايضحك ومدري شلون قايل .....حسيت أني بس تفرجت وماستفدت شي بالتوفيق

  25. سماجة الفلم كلها كوووم والمقطع من الدقيقه 22:55 إلى 23:30 كووم ثاني ..!!! ابي افهم المقطع هذا ليش صار .؟!! عدته 10 مرات مافهمت المغزى .!! الي فهم قصدهم يفهمني بلييييز

  26. الشهر عليكم مبارك ماشاء الله اها الفلم يعني مجهودكم الشخصي اوك اجل روعه جدا جدا

  27. والي بهرني الكاميرا احترافيه وواضحه لكم مستقبل باذن الله باهر حتى لو كان فيه بعض الاخطاء الي راح تتلاشونها باذن اللله باعمالكم الجايه بس عندكم موهبه روعه

  28. الفلم للترفيه اكيد لانو مالقيت له مغزا او هدف بالاخير اكثر من انو ترفيه وتشكرون عليه (وفلمكم ماراح تلقون له مثيل ) لانه ..مبين انو قلوبكم ماشاء الله على بعض الممثل عادي مخرج المصور معرف ايش رووعه:$ بينكم الفه حلوه فرحتني 😀

  29. (النقد) الي عندي بناء انشاء الله مالي شغل :$بس عادي اعتبروه كلام 1-الممثل بالكواليس اهو الي قال 1.2.3 اكشن :$ 2-اهو الي قال اهم شي خل نسوي زحمه 3- اهو الي قال سو كذا لا تسوي كذا اخلص مع انها وضيفة المخرج اهو الي يحرق دمه عادتـا على الاشياء ذي بس ان دل على شي دل على انو قلوبكم صافيه على بعض والحياة حلوه عندكم كنكم عائله ماشاء الله

  30. يعطيكم العافيه على الفلم وانشاء الله من تقدم في تقدم وتطور بوجود المواهب الي مثلكم كل شي اوك والكواليس توحفه روعه:$ وياليت نلقا فلم سعودي مثلكم كل واحد يتكلم بلهجته العاميه هاذا الي محليه اكثر اتمنى بالفلم القادم:$باذن الله يكون مدته اطول :$ واهدافه احلا فاحلا .. وتتمسون على خير وماقول غير مبروك عليكم وعلينا هالفلم ولىالافل باذن الله وكالعاده الى الامــــــــــــــــ ســـــر ـــــام

  31. الله يوفقك والله ابداع بس لو تكون هناك حلقات او يكون مدته اطول وايضا النشيد مره روووعه بس ما لقيته يا ليت احد يدلني

  32. الله يعطيك الصحة و العافية يا أخي عصام سيلفر على هذا الموضوع الذي هو على شكل فيديو فيه قيم فريدة من نوعها من تعاون و نصائح و ارشادات و ألفة بين الأصدقاء…بارك الله فيك يا أخي على هذا الفيديو…أما الكواليس ذي حلوة و ترويح على النفس و بس.

  33. عمل نااااس مالهم شغل :~بالتمثيل او الانتاج عمل حقيقه لا يستحق الوقت اللي ضيعته عليه :~ مجرد ناس اشتروا كاميرات ومسوين نفسهم احتراف :D:~ كل واحد مسوي نفسه ممثل الله يخلف عليكم من جد سخافه:> على الأقل الواحد قبل ما يسمي نفسه مخرج يتعلم اساسيات الأخراج

  34. الي يقول خلنا نشجع الشباب عشان في المستقبل يعملون شي افضل انا ضد هذا الشي ، ليش اشجع شي فاشل من الاساس ، ما فيها شي لو قلنا انوا هذا مو مجالهم ولا هم مبدعين فيه ابد . اقترح انهم يشوفون شي ثاني يعملونه افضل من التمثيل . من وجهة نظري اني اهدرت 35 دقيقة من وقتي على لا شي ، بالاضافه الى ما يسمى ( بالسماجه ) فهي وصلت ذروتها في هذا العمل . ارجوا عدم اخذ ردي من باب التحطيم او الحقد او او او الخ ، لكن يشهد الله انها كلمة حق .

  35. جدكم هذا فلم ؟؟؟؟ وين القصة وين السيناريو وين الحوار وين الكومبارس وناس ماخذين دور بطولي ليه وهو ما قال الا جملة وحدة بس انا ما احب احطم احد ولا اقلل من قيمة افكاره لكن يجب على من يفكر انه يسوي فلم ان يحترم عقلية المشاهد وين الابداع في هذا الفلم طيب وين الكوميديا اللي مشتغلين عليها 3 شهور فلم صراحة قصته معدومه جدا وكذلك لا يمكن تصنيفه لاي نوع من الافلام يعني لا كوميديا ولا دراما ولا اكشن ولا رعب من اسمه ما ادري صراحة لكن الحق يقال ان الكاميرا ممتازة والتصوير حلو نوعا ما

  36. انا ابي افهم وش السالفه من ناحيه بايخ فهو بايخ واللي قاهرني اخر شي خلف الكواليس غالبا توضع خلف الكواليس على مقاطع تضحك في الفلم خلال التصوير وصراحه الدعوه بياخه ما ابي احبطكم ياشباب مجهود يشكر بس كان ودي تعيدون النظر فيه وفي شي ثاني مدري ليه حسيت ان نص الكاست قصمان مع العلم اني من القصيم اولاه عطن اياه تعالو بس يا عيال وشي ذي إكس راي مالي خلق أولاه هههههههههههههههههههههههه بعدين البوستر رعب والفلم مافيه رعب غير الشخص لما فتح المكان اللي تنحط فيه الجثث داخ والله حاولت و حاولت اعرف سالفه الفلم عجزت من جد مدري كوميدي رعب بايخ اتوقع نوعه بايخ

  37. رحمتكم والله من التهزيء آألي جاكم وربي مااتستاهلونه دقة التصوير ماعليها كلام حلو مرة وفكرة البرنامج خطييييرة وبدايته يوم الإختبار مررررة واقعي بعدين خرب في النهاية المواقف الي بغيتوا تنقلونها وصلت لي فكرتها العيب الوحيد ان مافيه قصة مترابطه من أول الفلم إلى منتهاه عشاان نتحمس معاها

  38. رد 24>>>>يعطيك العافية يشيخ ولا بعمركم شفتو دكتور خفيف دم الحمد لله والشكر بس حتى تحت الكواليس يفترض ان موجود جو فكاهي بس للاسف لا بالفلم >>الكوميدي>> مالقيناه ولا حتى تحت الكواااليس والهدف مفقوود من هالفلم >< :~:~ عساكم على القوة ياشباب

  39. اول اعلان للفلم واللي عرفت انه كوميدي سويت كذا >B وانا اترقب متى يجي عشان نستمتع > 😀 لما نزل وشفت بدايته > :$ لما راحت خمس دقايق > 🙂 لما راحت عششرررررر دقايق > 🙁 لما قفلت الفيديو بعد العشر دقايق > 🙁 لانه ماينقال عنه فلم مجرد تصوير للاسف ياشباب الشخصيات كانت غير كوميديه ونوعآ ما مافيه نص كوميدي الشي الحلو التصوير جدآ جميل وواضح هذا اللي اقدر اثني عليه اتمنى لكم التوفيق بأعمال اخرى يعني وثائقيه والا شسمه الكائنات والطبيعه كذا يعني

  40. والله حرام هالتصوير المبدع على الفلم السقييييييييم .. صدق من قال حرام ضيعتوا اوقاتنا .. بعدين تكفوووون انقذوني خلوني اشفق عليكم ولو لثانية وش فكرة الي يجر المفك .. لاااااا اكيد صاحب الفكرة كان يحلم يوم جاب الفكرة تكفون العبوا علينا قولوا انه فيه تكملة للفلم بس مفاجئة ياخي القهر ان جتكم الفرصة انكم تقدمون شي حرام تضيعونها بهالطريقة!!!! ما أقدر اقول الا No Way !!

  41. في شي ما دخل راسي وش دخل الاختبارات في المفك الطويل في كفر السيارة مجموعة افكار لا ترتبط باي صله تحس انو

  42. ابدااااااااااااااااااااع بمعنى الكلمة .. شغل احترافي متعوووووووووب عليه .. وهذي هي البداية فقط .. يعني ان شاء الله نشوفكم في افلام قادمة مثلا فلم في الطوارئ << يحاول يسوي فيلم 😀 موفقين إن شاء الله تحياتي

  43. بصراحه !!!… انا ما عمري شفت سخااااااافه وسمااااااااجه بالشكل هذا ؟؟!!!!!.. انا ما ادري ايش اصنف هذا الفيديو ؟؟!!!!.. لا هو كوميدي .. ولاهو دراما .. ولا هو حتى وثائقي ؟!!!!.. ومع ذلك .. مافهمت ايش الهدف منه ؟؟؟؟؟!!!!!!!!!.. بس ابغى افهم ؟؟!!!!!!.. ايش علاقة المفك في الفيلم ؟؟؟!!!!!!.. وبعدين ابنصحكم نصيحه …. اذا تبون تقلدون اعمال .. لا تقلدون اعمال مثل مسلسل 37 درجه ..اللي بصراحه ما ادري كيف وافق ناصر القصبي يشارك في هذا العمل الفاااااااشل بمعنى الكلمه … شوفوا لكم اعمال ناجحه وفكرتها هادفه .. ((وجيبوا ممثلين يعرفون يمثلون)) .. وبعدين قلدوها … وشكرا ….

  44. بصرااحه انا ما حضرته كله شفت انه ما يستااهل بس فعلا انتم ليش قلتو مسلسل 37 درجه تدرون بس قريت الاسم حسيت انه فعلا فلم يستحق المشااهده لالاسف سخاااااااااافه وباايخ قولت الاصدقااء مشكورين عليه يعني اسمكم تعبتو

  45. شكرا لكم على هذا العمل المتواضع و الذي سيكون الخطوة الاولى لطريق النجاح ان شاء الله

  46. ما اعرف ليه مع انو ما عجبني ولا حضرتو حتى بس حبيت اعلق مره ثانيه وحبيت اني اشكركم على الجهوود المبهره بس لو انك استغليتو الافكاار والجهود الي عندكم على شي ثااني يالله بتوفيق والى الاماام وانا بانتظاار جديدكم

  47. اخرااج الفيلم و التصووير رائع لكن القصة سيئة جدا جاد أنتهى الفيلم وانا ما أدري وش السالفة

  48. السلام عليكم رمضان يجمعنا بالخير والطاعة بحكم اني سعودي ببدأ بالسلبيات هع الفكره شبه مكرره من مسلسل 37 درجة خلو المكان التصوير من طلاب غير الممثلين ! مراقبة الكام قبل الكلام ! >> أول مره يشوف كام ؟ كوميديا بسيطه مره فما يشمل ضمن الافلام الكوميديه بكتفي بالسلبيات >> يعني بنهتم بكلامك الاشياء المرآ عاجبتني بالفيلم دقة التصوير مرآآ عاليه وهذا شيء جميل فكرة بو الدف تحكي واقع الطلبه اصحاب الواسطه أفضل لقطه : لما كان جسم أنسان باين ويعني يكشفون عليه وبعدها اكتشف ان مجسم 100% وبس طولت كثير عليكم

  49. صراحة كنت حاب أعرف ويش المضمون و الهدف .. ما لاقيت شيء يشدني شباب يدرسون طب .. و الحوادث اللي تصير مملة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

فيلم : في غرفة التشريح كامل HD + خلف الكواليس

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول