عج الرياض في حفل توزيج جوائز الأوسكار لأفضل الـ فيديوات والصور


السلام عليكم
يالله حيه أعضاء قروب ابو نواف كلن بإسمه
<< احس ان هذا النشيد الوطني عندكم .. لازم ,,

أدري اني اسم جديد عليكم, ووووووو.. الى آخر نهايه خطاب اللي يرسلون اول مسج للقروب ..
على العموم كان السبب اني ادخل وانلحس بالموقع واطلع واسجل وماتوصل الرساله .. ومدري وش اسوي ولا يزبط .. واترجاه ويتفل بوجهي ..

بس يوم طورتوا الموقع, ونقلتوا لقوقل زي ماقلت سويت انا,
الزبده بالمختصر المفيد لو مر هالمسج عبر جمارك القروب بإذن الله تكون فاتحه خير وبركه , وبيجيكم كلشن طيب ..

زي مادريتوا عن العج اللي جا, وزي ما كانت وكالات الأنباء السعوديه تتسابق بأنها توصل للمشاهد معلومه قيمه وهي انه ترا كان فيه عج قبل 3 ساعات ..
لكل من ماشاف العج او عنده مشكله بالنظر , يدري من الأخبار انه جانا عج ترا ..
ومعلومه للي مايدري, نسبه الغياب في اليوم اللي بعده وصلت من 60% – 80% في كثير من المدارس .. دليل ماهناش ثقه بأرصادنا الجميله
,
,

يعني بالعقل ! عقب 3 ساعات من العج جايبين اخبار .. ترا فيه عج , والسبب الوحيد اللي خلاني انا والوالده
نناظر الأخبار .. هو اننا ننتظر واحد من الأرصاد يتكرم ويعلمنا وش راح يكون بكره !!!!
يعني العالم يدرون انه فيه عج .. محد يبي الا يعرف وش بيكون بكره ! اهم شي هذا ..
كنه محد بيعيش, خلاص محد تكلم عن السالفه ..
,
,

المهم, هههههههههه موقع الأرصاد باين انه صار على الريحه .. صار يحط كل يوم عواصف ترابيه هههههه عشان محد يقول ماقلنا لكم ,

بالمختصر المفيد .. << ياذا المختصر المفيد
بما انه عندي خلفيه بتصميم مقاطع الفديو ومن هالخرابيط , وقاعد اطقطق على ادوبي بريمير هالأيام .. قررت ونفذت الآتي :
حاولت اجمع كم فديو وكم صوره, وعدلت عليهم عشان يكونون يحتوون على الزبده بس ..
صراحه مع انه عج يعتبر شي شين .. بس والله الصوره صاحبه المركز الأول, روعه وتخوف بنفس الوقت , أهني من التقطها ,
وطلبت من احد الغالين يعدلها ويشيل التشويش ويفخمها .. بحيث صارت ممتازه ..
فديو والله تعبت عليه بس لجل قروب تهون مدينه او شي زي كيذا ..
وفيه مفاجأتين بالفديو مقطع صوتي قديم يذكر الواحد بالخوف !!,
وصوره لقيتها فللله وركبت مقطع صوت عليها وقعدت اضحك بدون توقف
(الفديو مسجل عليه وقت دخول الغبار ووقت الصور)


هديه لكم الصوره صاحبة المركز الأول


قريبا بالرسائل الجايه :
أول كتاب الكتروني شرح للبلوت, بالصور والأمثله و حول 30 صفحه ..
وأفكر اسميه ورقه بلوت عشان حبيب القلب, بس حقوق الملكيه المشكله, مابي اتمرمط بين الأقسام وسجون وحوسه ..
,
,

لأي ملاحظات أو آراء ,
Mr.jo0j0o@msn.com

ملاحظه: يفضل ارسال مسج فقط .. وخاصتن لجمعيه حمايه السحالي ..

تحياتي,
كان معكم الفقير الى ربه
‎Mr. jo0j0o
مع السلاحف


تعليقات 12

  1. اهلين مستر جوجو بدايتك كانت حلوه بس المشكله في الفديو يعني حبيت يكون بالنهايه مافيها الله واكبر ياحمام يعني يمكن لان الوضع كان غضب من ربي يعني اللي اقصده لو حطيت قران او دعاء اتوقع كان بيكون من افضل التقارير اللي اطلعت عليهم .. وتقبل رأيي بكل رحابه صدر .. اختك ..

  2. وش المركز الأول والثاني .. وينهوبه صار التصويت والحوسة ذي ؟ والله يعطيك العافية وانجز علينا بسالفة الكتاب لأني ما لقيت أحد يعلمن ولا يغرك السيدورقة اسمه بلوت بس انه ما يحوووف إلا للأونو بس

  3. فيديو بطل وخشتن جديدهـ ورهيبه وواعدهـ وكل ابو شي <<خانه التعبير 🙂 ذكرتني بحرب الخليج هع :$ عوآفي يآبطل

  4. مشكور عالمشاركة بس حبيت انبهك انك مأرخ الفيديو غلط انت حاط التاريخ بشهر 4 والصحيح شهر 3 اصلا 4 مابعد جاء ياليت تعدله

  5. احنا يصير عندنا في البحرين غبار لاكن اشوي ولين صار البنات معظمهم يغيبون ليش عشان الرئتين مالتهم وشعورهم لا تتلبد بالوصخ وفي ذي الوقت احب اطلع لان مافي احد شي انت بروحك في الشارع

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

عج الرياض في حفل توزيج جوائز الأوسكار لأفضل الـ فيديوات والصور

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول