فيديو + صور : طالب سعودي مبتعث × يامل قلبٍ × صدم الدورية وانحاش


بسم الله الرحمن الرحيم
السلام عليكم ورحمة الله وبركاته
حيا الله أعضاء شبكة
أبو نواف
،،،
ـــــــــــــــــــــــــــــــــــــــــــــــــــــــــــــــــــــ

[ بلوتوث ]

-1-

من فوائد انه يكون عندك اخو صغير
انك تقدر تستغله في شغلات انت ما تقدر عليهن
وتستفيد منه بمساعدتك وقت ما تحتاجه واتحداهـ يقول لا

/

للتحميل اضغط هنا

الحجم [ 315 ك.ب ] النوع [ 3GP ]

-2-

من شاف القطو وهو يترصد للفريسة
اذا نجح وصادها كان حلو وينبسط
بس لو هجت قدام عيونه وهو له ساعة يتعب وراها وش راح يجيه
يبي ينصدم ويجيه احباط .. وأول مرة اشوف قطو يجيه احباط

/

للتحميل اضغط هنا

الحجم [ 637 ك.ب ] النوع [ 3GP ]

-3-

في جنوب المملكة تكون فيه احتفالات
ودايم يكون فيها اطلاق نار ومشاكل
وهذا ثارت فيه البندقية بالارض وطيرته بالسماء بس خفيف

/

للتحميل اضغط هنا

الحجم [ 569 ك.ب ] النوع [ 3GP ]

-4-

طالب سعودي من المبتعثين بالخارج
يشرح في عرض بأحد الحصص عن الملابس
والله يعافيه عطاهم اياهـ بالتفصيل لآخر درجة
وفيه من نفس الكلام سوالف وتعليقات من اخوياهـ وكلام عن الأكل

/

للتحميل اضغط هنا

الحجم [ 1.78 م.ب ] النوع [ 3GP ]

ـــــــــــــــــــــــــــــــــــــــــــــــــــــــــــــــــــــ

[ صوت ]

/

يا مل قلب بنات ( الحضر) شلنّه
شيله على نفس وزن الشيلة الاصلية مع اختلاف الكلمات
حلوهـ حلوهـ حلوهـ واتمنى تعجبكم

للتحميل اضغط هنا

ـــــــــــــــــــــــــــــــــــــــــــــــــــــــــــــــــــــ

[ صور ]
 

مرت علينا ايام بالدراسة كنا نتمنى نطلع للمختبر نشوف البروجكتر
وبعدها بالجامعة صار البروجتكر معلق فوق بالسقف
واذا انسرق الجهاز نبتلش ونجتمع على كمبيوتر المحاضر كأننا أول مرة نشوف شي
وبالاختبار لو يجي السؤال ما جاوبناهـ وقعدنا نهاوش انه مافيه عرض واضح

width=600

التشجيع بألمانيا مافيه فرق كبير عن هنا
بس انه عندهم سيارات تنفتح بيبانه على فوق ومسوين فيهن حركة
بس بهذا اذا انت ولد اهلك افتح بيبانك

/

الشيبان طاحوا بسرق الكيبلات
بس ماهو اي كيابل .. هذولا يلطشون بلاستيك الظاهر
بس انهم جيدين مسوينه مثل الحماية يعني لو يطيحون اتوقع ما جايهم شي

/

ياشين السباك اذا جاك وهو زعلان او محشش
اذا حشش تهون يسولف ويستعبط ويطلع الشغل مش حالك
بس اذا زعل وفر لك الماصورة من تحت لفوق ووهقك
ما لك الا تشق لها شق من تحت علشان ما تصير نافورة

/

يقولون انه كانت امنياته انه يركب بعير
بس يخاف انه يعضه
قال وش الحل؟
اسوي زي البعير واعيش جوي وانا اللي اتحكم فيه وبالسرعة اللي ابي

/

الباب ودرينا انه جاي بالغلط
بس مصرين انكم تستعملونه ليش؟
حاطين الكرسي علشان ما تصير الطيحة قوية ههههههه

width=600

هنا تقف الكلمات وتتحرك المعدة
هنا تذوب الألسن وتعض الشفاة وتصوفر عصافير بطنك
قبل اسبوع طالعين نشوي وقبل يومين شوينا
بس يوم شفت هالصورة تحسفت على طلعاتنا
اطول سيخ مشويات ينعنش الجلسة
تتوقعون يكفينا كلنا يالقروب؟؟

/

بالديرة تنسرق السيارة تقول ميخالف يمكن وانا نايم
بس بالسفر وتخلي سيارتك متعطلة بالطريق وتروح تجيب فزعة
وترجع تلقاها تسذا … قسم ان تقعد تصيح من القهر

/

لسان حاله يقول
تستعبطين انتي ووجهك … اذا فيك خير خلين افك هالعمارة اللي انا لابسها
هذا وانا افكك القنابل علشان عيونك تسوين فيني كذا .. هين بس

/

ما خلا لون ما حطه
حتى الدش مركبه عند الكفر اللي ورا
وعلامة الكولا بعد
الظاهر شوي ويقلع

/

كيف تتعلم الرقص في ثلاث خطوتين
الأولى والثانية واضحات
والثالثة دبر نفسك <<< امحق من مدرس

/

يا يتحدانا يا يبينا ننجلط
باب تفتحه يطلع لك باب ثاني يمنعك من الدخول
وش هالعالم اللي مخهم براا

width=600

ابيكم تحلون معي هاللغز
عندنا هالصورة نبي نعرف كم شخص راكب

/

وهنا صورة جانبية علشان نحاول نشوف العدد

/

هاهـ عرفتوا كم راس بالموضوع؟؟

/

اتوقع كلكم قلتوا سبعة بس لما نعيد النظر مرة ثانية نشوف شي ما شفناهـ

/

وهالحين وصلنا وبننزل بس ما قهرني الا شغلتين
الأولى: ليش كلهم ألتفتوا ورا؟؟ <<< مثل السيارة اذا طقيت الريوس هههههه
الثانية: البزر اللي متعلق ورا أمه هو وقذلته اللي ما أدري وش تبي وشلون ما طاح .. وأمه وش هالقلب اللي معها؟؟

/

تلفزيون على الماشي

/

وحدة من ثنتين
ياغبي .. ياأهبل
مغطي راسك بالسطل يا سطل ومغطي الدركسون بالخوذة
بس الظاهر انه به صعرور براسه وما قدر يغطيه بالخوذة علشان ما توجعه

/

ابي افهم شي واحد بس
هذا هو اللي راكب الدباب أو الدباب هو اللي يسوق فيه واذا وقف وشلون يثبت؟؟

width=600

لا ما شاء الله مخلص بالدوام هو ومكنسته اللي منكسرة
ساحب على ام النظافة وقاعد يشوف الاخبار وبالصفحة الاخيرة من الجريدة

/

سواق الباص يسوي مغريات للركاب علشان يجون معه
بس اكتشفت انهن يحترمون السواقين قووووة
وإلا مخلي نعاله قدامه وداعس بالنوم ولا احد جاء يلطشهن

/

هذا وش نقول عنه هالشايب المهذري
هاجتن به الظاهر .. لا ، وبعد اللي معه يشجعونه
نعنبو بليسه انا لو رقيت لسطحنا دخت

width=600

حرامي بايعها بقووووة
سارقن اودي تي تي زي ما رحتي زي ما جيتي <<< خطمت معه الكلمات
وصادم فيها الدورية وهاجـ(ـن) على رجلينه وهو دب والعسكري معصقل
عز الله اللي يبي يمسكه ويتله مع رقبته زي الحلاوة

/

ياليل البلك اليوم
بس هالمرة جايين ظباط للمكان .. وش السالفة
لاتصير سيارة رئيس الشرطة عندهم او سيارة وزير

/

اذا السباك زعل وقلب الدنيا فوق تحت
هالمقاول وش سوا براعي البيت
خرب الشكل وخرب ابو المنظر وصار البيت الاحمر ماهو زين

/

عاشوا الشنبات اللي في الحته هنا
الله يستر لا يجي يوم ونلبسها مع هالامراض اللي نازلة
الله يقطع ابليسه الشنب اكبر من أفمه على هالكمامة

/

وش تشيل وش تخلي
انت امسك نفسك بالاول لا تجي انت واياهـ مجاوبين بالارض على وجيهكم
بس طلع ماهو بسهل هالباندا … رشيق

width=600

الباب الأول ينبلع وضعه .. كان فيه كرسي
بس هالباب هذا تفتحه ونلقاك في الشارع على طول
وش لووون .. يمكن انت ما تصدق نفسك وش لوون طلعت بالشارع

width=600

على فكرة فيه حمار – أعزكم الله – بالصورة من يقدر يجيبه

/

انا ما ادري اعلق على العربي او الانقليزي
لا عربي صح ولا انقليزي صح
يعني متعوب على الصور وحنا دارين انه لو نطلبه ما جتنا كذا
وبالاخير كل شي خطأ
بس ما اعجبني الا كلمة مطاطا <<< ماش ابطيتوا <<< من اللي يقول <<< لا ماهو أحد

width=600

قبل شوي اسماعيل كان عصير
هالحين صار وجبه … يا جماعة اركدوا لكم على شي خلونا نطلب

/

اقول ياراع المطعم … اطلع مناك براااا بس
وصلت فيك المواصيل لهالدرجة <<< زعل وبدأ يهاوش
قسم بالله ابي اوصل لترجمة ما انا قادر
يبي يعلمنا انها حارة او يبي يعلمنا انها كور او يبي يعلمنا انها شطة
انا اوجعني راسي وتبي تصفى شكله بالاخير على جبن

/

ووصلنا للوداعية اللي بس يشوفها الواحد تتقطر منه البراءة ويحن لأيام الطفولة
يالبى هالنومة وهالحركة اللي قسم اني من أشوفها تطقن العبرة والابتسامة <<< اثبت على شي
ومع الصورة اقول لكم مع السلامة

/

ـــــــــــــــــــــــــــــــــــــــــــــــــــــــــــــــــــــ

وبس انتهينا
أتمنى أني ما أكون طولت عليكم ووسعنا صدركم شوي

width=460


تعليقات 26

  1. يركدون .. يخوي بتجننا أنت وقسمآ :$ وشسمه .. دآيم مبدع وآستآذ وكل آبو شي فآلعآلم يآشييييخ 🙂 يعطيكـ آلف آلف عآفيه يآعم 😀

  2. :$:$:$:$:$اقول ترى مااقدر من الضحك اكتب تعليق على كل الصور انت ماخليت شي ماقصرت مع راعي الحافلة ولاالشايب الطائر ولااعزكم الله الحمار وراعي السيكل (البعير ) تبي الحقيقة انا أقترح على ادارة المنتدى يعطونك الدرع الذهبي للمشاركة صدق انك يركدووووووون

  3. مقطع الفديو للشاب السعودي فظيع بس صراحه يعلمهم بلباس المحترم وانه من عاداتنا وتقاليدنا واهم شي يحسسهم انه لو كان في الغربه بس مايتخلى عن الباس المحترم لك شكري وتقديري أما بخصوص الصور والله روعه عن جد تراني فطست من الضحك الله يسعدك ويعطيك الف عافيه

  4. روعه شي جونآآن<<اثبتي على شي <<تقلد:D بصراحه صور رائعه وفللللللللللله يعطيك العافيه يركدون بانتظار جديدك

  5. السلام عليكم عساك على القوه شكلك وأنا أختك مجمع المحششين كلهم عندك كلهم بكوم والقطه النصابه في كوم ثااااااني صراحه جعل الأبتسامه دوم ماتفارك محياك مثل مارسمتها لنا لكن الي عجبني أكثر الطالب السعودي الله ينور له دربه الله يسعدك

  6. ماشاالله الموضوعات توسع الصدر بقوه عجبني الفديو لطالب السعودي مررررررررة وناسه من جد فله وروعه ويجنن>>تعبر بقوة:$:$

  7. صور مقاطع تعليقات كلها جنااااااااااان سلمتم ودامت البسمة من نصيبكم

  8. اولا شكرا على كل المجموعه بس اللي صور الولد وهو يوقف على الرضيع عند المغسله الله لا يسااامحه وتعليقي على مقطع الصوت فيه ناس تسوي عمل يودي للفضيله وناس تسوي منه عكس ذلك

  9. المصل اللي ارسلته كله .. ماعرفنا شخصيتك منو…لكن الصورة الأخيره عرفنا الشخصية وبكل وضوح بعد ,, عرفناك شخصية محبوبة يا يركدووووون …

  10. :Dالله يعطيك العافية وبجد استانست وخصوصا من التعليقات على الصور….تقبل فائق تحياتي وشكري وبانتظار كل جديد:)

  11. مسآكم آلله بآلخير ~> للحين يضحك عَ آلمبتعث آلسعودي ـههههههههههههههـ شرح وآفي وآهم شي آلتفصخ يوضح ، سروآل وفنيلة ـههههههههههههـ لآ هنت يآلغلآ ~T7MLTEK~

  12. 1- هاني 2- بندرالعبيد 4- نهال 7- كلي غرور ( يسلم كل حرف انكتب ودوم يارب الفرح بوجهك ) 8- بنت بني واآايل 9- هديل ( وأنا أقرأ التعليق .. قلت شكلي سكيورتي بمجمع .. بس بعدين ضحكت قووة ) 10- فرح 11- قمر السعودية 13- أبو تركي 14- سمسمة 15- زقرت 16- بدر اليوسي 17- ابوعبيد ( المطاطا لها معنى خاااااص ) 18- المهند أبو محمد 19- الشاطري 20- اتعبتني جروحي 22- Sh3o0oL 23- al_hamdani 24- prince 25- ابو محمد حياكم الله وشرفتونا بكلماتكم الروعة وعسانا دوم نبسطكم ونرسم الفرح بوجيهكم وعلى قلوبكم 🙂 ========= ========= 3-بدر الشوق ياهلا بالملح والزين كله شوية اذا بجننك ==) تقل أنه يهدد ========= 5- أبو عبدالرحيم وش اللي مزعلك؟؟؟ ========= 6- الجمل الحكيم ربنا يسمع منك ودي أني أطالب بهالدرع بس اخاف يشوتونن مع الباب انا وجهازي وعفشي وحوستي اص بس تراك انت هالحين تدعوا للانقلاب عليهم ويظفوننا انا وانت ========= 12- معاذ افا … وش فينا نحرم ونحلل؟؟ وضح لي بس شوي 🙂 ========= 21- T7MLTEK يا حبكم للي يتفصخ اعجبكم وودكم انه انتم هههههه من ناحية الوافي فـ الصراحة ما قصر أنا كل شوي اغمض عيوني أقول بس هالحين يتشفر المقطع وتسلم يابعد تسبدي على كلماتك يا حبي لك ========= =========

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

فيديو + صور : طالب سعودي مبتعث × يامل قلبٍ × صدم الدورية وانحاش

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول