فـيديو : مطاردة وبلديتنا اللى ما حولك احد

السلام عليكم
اخباركم يا حبايب البي
لكم وحشة لكن الاشغال والدراسة تقطعنا عنكم والدعوة هانت ما بقى الا سنة ونص
الموهيم ان اليوم عندي مقاطع فيديو فقط لا غير وان شاء الله تعجبكم وتحوز على رضاكم
وقبل ما ابدأ بقول حاقة البطولة بإذن الله للحزم وادري ان بعض الناس يقولون مثل حلم ابليس بالجنة لكن ما اقول الا الميدان يا حميدان

مطاردة للشرطة الامريكية ما فيه امل يفلت المجرم
ويكفى انه ما عندهم كرش مثل اللى عندنا
تــحــمــيــل

سلاح خطير جداا يصلح لصيد البعارص
تـحـمـيـل

والله يا الحارس ثبت رجله بخشة اللاعب
احس ان وجهه صار داخل
تـحـمـيـل

عرض للقفاري من بريدة بالسيارات الكبيرة
العرض كان بمهرجان المجمعة الربيعي << اي ربيع المفروض عجاجي
القفاري هذا من يوم انا ببطن امي وانا اسمع بووهـ لكن للحين ما شفته على الطبيعة <<مهوب اول شيء تتمناهـ ولا تحصل
تـحـمـيـل

الصراحة ما اقول الا نقص الذمة عند بعض الموظفين وخاصة البلدية
النظام الجديد للبلدية ان العامل ما يطلع برا المطعم يأخذ الطلبات لكن عندنا يطلع لموظف البلدية
لكن هذا يهون عند موظف يراقب المطاعم ويأكل بالمجان واللى يقول له لا يطلع عليه تقارير وبلاوي
وما نقول الا حسبنا الله ونعم الوكيل
تـحـمـيـل

الشايب مسووي قوي ويتميلح قدام عياله
لكن الحلووة انه جاب العيد
تـحـمـيـل

وبالاخير مجموعة من الطرف << متعوب عليه

سكران يسال مفهي : الهند بعيدة ؟ قال ما اعتقد لان في هندي معانا في الشغل يجي على سيكل
—————-
مفهي يركض سأله خويه : وش فيك مستعجل فيه شي ؟ قال: لا بس افرض صار شي فجأة!
—————-
صيني يبي يشتري 10 علب كوكاكولا دخل بقالة واحد غبي وقال له : ينق شين شانق كوكاكولا
قال الغبي: عشر علب ايش…؟
—————-
ولد يسأل أمه: وش يعني ملاك ؟
ردت: مخلوق من نور يطير في السماء
قال الولد: سمعت بابا يقول لسكرتيرته يا ملاكي بس ما طارت !
قالت الأم: اليوم بتطير
—————-
غبي حب يجامل ويدلع زوجته قال لها : انتي حمامه
قالت: لا أنا غزاله
قالها : المهم حيوانه
—————-
وحدة جالسة عندالتلفون جتهااختها وقالت لها وش فيك ضايق صدرك ..؟
قالت: واحد قليل أدب مزعجنا كل يوم يتصل واليوم مادري شفيه للحين ما اتصل هالخايس!
—————-
دكتور سأل عجوز كم عمرك؟قالت امي تقول يوم حصه الحمود تمشي وانا اقعد
—————-
غبي يضرب زوجته سألوه ليش؟ قال:بنت الكلب ربحت اقامه في فندق مع شخصين
—————-