فضيحة عواد


السلام عليكم ورحمة الله وبركاته
في الحقيقة والواقع انا لا أجيد المقدمات بالمواضيع << ارحمنا يا خلف مشعان كرككركر
ولكن قبل بداية الموضوع وقبل ماعطي المايك عواد يقول لكم القصه احب اشكر كل من رد وعلق على موضوعي السابق سوا بالمنتدى او بالقروب أو بالايميل …وأن شاء الله ان تنال قصة عواد الجديده على اعجابكم
اخليكم مع الموضوع وانتظر أرائكم

(( فضيحة عواد ))

في أحد الأيام الخوالي اللي مافيه أي فرق بينها وبين الأيام الأخرى وذلك بسبب فقداني لحبيبتي<< جواز سفر موو حبيبه ذي كركركر
المهم كنت بذلك اليوم نائم بالصالة عند أمي

شوي انام وشوي اصحى على صوت اهواش امي مع جارتنا ام مرزوق وتصدقون اكتشفت يا عالم إن عقل الحريم فاضي يعني تخيلوا وانا نايم صحيت على صراخ امي وهي تهاوش ام مرزوق انا قلت بس المشكلة فيها قضية أخلاقيه ولا ام عواد ما ترفع صوتها على شي فاضي قمت وسالت امي
عواد : يايمه وش فيه …. (( انا انتظر تقول واحد غازلني ولا حاول يغازل اختك مزنه ..))
ام عواد : كل تبن وانثبر ونام جالسه اتفاهم مع أم مرزوق على عند مين نسهر يوم الخميس الجاي ..
انا اذا تبون الجد طاحت من عيني امي << تقلع بس ههههههههه
شوي الا يقطع حبل افكاري حمدان بأتصاله على جوالي

عواد : الوو يابو راس وش عندك داق هالوقت موو عوايدك<< داق 5 العصر غريبه بالعاده يالقايله او الفجريات كركركركركر
حمدان: عواد باختصار شديد وبدون أي فلسفه كرويه فيه شي لو سويناه اليوم انا وانت بنطلع فوق لكن لو خربت معنا والله ياننا بنأكل تراب ياعواد
عواد : يارجال قول بسرعه الفار بدى يلعب بمخي بسرعه وش ناوي تسوي؟؟
حمدان : اسمع الحين تجيني ولا يكثر واقولك وش السالفه
عواد : يارجال خمس دقايق واكون عندك

والله من الحماس نقزت من عند امي مثل المهبول وماسمع غير امي تقول روح ياعواااد منصوور وان مارجعت فانت منصور والله مع هالكلمه ذي السرعه زادت عندي وانا طالع من الحوش الا واقابل ابوي عنده رجال ابوي شافني اركض الا ويقوم يركض وراي هو مايبي مني شي بس شافني اركض تحمس معي وقام يلحقني عاد انا اكره شي عندي يوم ابوي يلحق وراي يأني احس بمغص ببطني انتم عارفين لو مسكني وش بيسوي والله ياهو بيفقع وجهي مافيه سبب بس ابوي من صغره وهو هوايته يلحق اي شي يركض قدامه ادمي حيوان جماد اي شي واذا مسكه يسحب بوجهه الارض حتى هو دايم يقولي وينصحني اذا لحقتك لاتوقف ترى ان وقفت مايصير لك طيب … المهم عاد انا شايف الزير سالم وتابعت باب الحاره والنصر جايب التون يعني شجاعة الزير وحكمة ابو شهاب ومهارت التون كلها تجمعت فيني باللحضه ذيك واسرع ومع اول لفه يمين بعدين يمين بعدين يسار … الا اطالع ورى الا ابوي ضيعني << مبسوط
واطلع لبيت حمدان ابي اعرف وش الطريقه اللي راح ابتسم فيها وارجع لامي وانا منصور
عواد : حمدان بسرعه قولي وش السالفه ترا دقات قلبي بدت تخوفني << مادري وش تبي هالجمله
حمدان: اسمع شفت اللي سكنوا عندنا بالحاره توهم ؟؟ ناس ماشاء الله شكلهم مطنوخين عندهم خير وسمعت انهم بكرا طالعين للبحر يعني البيت فاضي وش رايك ننقز لبيتهم ونأخذ اللي نقدر عليه ولا احد شاف ولا احد درى؟؟

عواد : قداااااااااااااااااااااااام يارجال ماعاد تفرق معي شي انا بعد مالحبيبه تزوجت << اخس يالحبيب كركركر
حمدان: اما كنت تحب ياعواد؟؟
عواد : على شحم ولا يكثر وقول معي الله يوفقها بحياتها << اخس يالرومنسي
حمدان: امين
غير البشر وعملاق الصرقعه : امييييين << مادري وش دخلهم ذولا بالقصه كركركركر
المهم بعدها طلعنا من بيت حمدان
جهزنا نفسنا للعمليه وفعلا ثاني يوم وحنا ببيت جيرانا
اول شي دخلنا المطبخ ماشاء الله ياعندهم اكل اول مره اشوفه .. ياحضهمكركركركر

طلعنا فوق لغرفة امهم ونحصل فلوس انا حصلت فلوس اخذتها على طول ماتشوف غير الغبره بانحاش إلا حمدان لحق وراي ومسكني << موو شايف خير ابداا خخخخخخخخخخخ
المهم لقينا بالدولاب غير الفلوس ذهب واخذناها وحصل صور للعيله اووف عندهم بنات مزاايين صواريخ لقينااا صور كثيرره واخذنا مجموعه منهااا قلنا نبي نقزز باشكال بناتهم تعرفون عاطلين والرز غالي ,,والدوري السعودي مشفر اول مره بحياتي اشوف قناة تنقل الدوري الفرنسي والدوري حق بلدها ماتنقله كركركركركر
طلعنا من البيت وثالث يوم من قوة العين الشرطه جت واول اثنين نساعد الشرطه وجيرانا انا وحمدان ولا احد شك فيناا لا ومن زود الثقه نجي نسأل ولدهم نقول وش انسرق منكم؟؟

يقول مانسرق شي بس ذهب امي ..
انا بيني وبينكم عصبت سارق 700 ريال ولا فقدوها وش يعني موو شايفين اللي سرقته شي؟؟

مرت الايام والفلوس صرفناها والذهب بعناه وصرفناه ماضل عندنا غير الصور .. ومن يدي ليد حمدان وشوي شوي انتشرت هالصور بعد مادخلها واحد من اخويانا بالنت وصارت هالصور منتشره بشكل كبيررر .. اذا تبون الجد انا ماحسيت بشي عاااااادي .. ولا كاني مسوي شي بالعيله مع اني كنت اسمع جارتنا يوم تجي عند امي تقولها والله ماهمنا الفلوس ولا الذهب حنا مقهورين على الصور اللي نشروهااا اللي مايخافوا الله لكن ماقول غير حسبي الله ونعم الوكيل

مررت السنين وكبرت انا وكبر حمدااان وكبر حبنا معنا<< اقول اها بس ولايكثر
بعد مرور 7 سنوات على حدوث السرقه
وفي يوم من الأيام الخوالي << تراك ابلشتنا بالخوالي حقتك والله لو انها الف ليله وليله

المهم في يوم من الايام وانا نايم صحيت على صياااااااح امي …
انا قلت بس الاسطوانه انفجرت بامي او اختي مزنه طاحت بالبلاعه ككركرككركر
قمت الا امي تقولي الحقناااا ياعواد
عواد :: وش فيه يايمه لاني شايف عليك اثار حريق ولاني شايف اختي تطلب النجده << يمديكم بس على النجده كركركركركر
ام عواد : انفضحنا ياعواد انفضحناااااااااااااااااااااااااا

عواد : اقول يايمه شكلك شايفه لك مسلسل كويتي ومسكه معك فضيحه اليوم
ام عواد: اختك مزنه مسكتها الهيئه تغازل ولد جارنااا …

عواد : لعن ابو بليسها !! ..وياليتها غازلوها لا هي تغازل … ماكملت هالكلمه الا واجيكم على وجهي وماصحيت غير بالمستشفى
حمدان: عواااد عوااااااااااااااد قوووم انا محتاااج لك ياعوااااد لاتتركني لوحدي ارجوك<< والله لو انه ابوك
عواد : وش اللي صار ياحمدان مزنه اختي ليه سوت كذا فيني؟؟

حمدان: فاااااتك يارجال … تعرف سعدون اللي ساكن باخر الحاره؟؟
عواد : ايه اعرفه لاتقولي هو اللي اختي مرقمته ؟؟
حمدان: لااا يارجال ياليت الوصخ يوم اختك تغازل وترقم الولد,, هو كان يصور بجواله والمقطع منتشر والفضيحه الكبرى ان اختك ياعواد مرقمه الولد بصورتها كاتبه رقمها على الصوره ..
عواد : يعني ايش ؟؟ فهمني ياحمداااان
حمدان: على بلاااااطه ما فيه احد بالحاره ماشاف اختك انت وراسك اللي كنه راس معسل<< قفلت اخلاقه
عواد : انت متأكد ياحمدان ولا تمزح معي؟
حمدان: اختك سوداء مثلك صح وفيها حبة خال على خشمها صح؟؟

عواد : بسس خلااااااااااااص ياحمداااان
حمدان: وشعرها فلافل وقصيره ودبه صح ولالا يارخمه؟؟… شفنا اختك يازلابهكركركر
هو قال رخمه من هنا وانا ارجع للغيبوبه مره ثانيه وماصحيت غير بعدها بست شهور
وسبحان الله اول ماصحيت من الغيبوبه جاء ببالي صورت بنت جيرانا اللي ماخليت احد بالحاره مانصبت عليه وقلت له هذي خويتي … معقوله هذا كله اللي صار با أختي من افعالي؟؟<< لاياشيخ

بدري انت وراسك اللي كنه دفايه << يكتب الموضوع وهو بردان
المهم طلعت من المستشفى وحصلت اختي قدامي مادري افقع وجهه ولا اسكت واخليهااا
بس تبون الجد انا اللي قاهرني هي اللي تغازل لا وحركة الترقيم حقتها يعني من زين وجهك الحين عشان ترقمي فيه.
.. اصلا من يوم يعرفون انك اختي ماحد مقرب لك يعني انا اخوك وش تبي تطلع انتي تشبهي اليسا؟؟؟

سكت وخليتها بالقلب تجرح مابقى كرككركركر
وبعدها صرت كل ماجلست لحالي مايجي ببالي غير بنت جيرانا ومايطلع بلساني غير كلمة معقووووله؟؟؟
معقوله بعد 7 سنوااات اللي سويته ببنت جيرانا يصير فيني؟؟ طيب اخت حمدااان ليه ماصااار فيها؟؟<< حااقد على حمدان يبي يشوف اخته كركركركرر
المؤلف يتكلم << لاياشيخ
جلس عواد يصيح كالطفل الرضيع الذي يبحث عن رضاعته<< مسوي يعنني تشبيه أليم كركركركر
فطلبنا منه التوقف عن اكمال القصه . النهايه
(( كانت هذي قصة عواد واخته مزنه في حارة الاسود … بدايه جميله كانت لعواد بالقصه ولكن كما قال حمدان له وقبل بداية العمليه يانطلع فوق او نأكل التراب وفعلا أكل عواد التراب بالنهايه وكما اراد ان الله وان اليه لاراجعون والله يرحم ايامك ياماجد عبدالله…<< ضيع الرجال كركركركر

(( كما تدين تدان حتى ولو بعد حين ))

انتهى

اتمنى ان الموضوع نال على اعجابكم واتمنى بنفس الوقت اني وصلت للفكره اللي حاولت اني اوصلها لكم بطريقه خاصه وباسلوب خفيف عليكم وصدقوني هالموضوع خطير جدا وكلنا غافلين عنه نغازل ونصور وننشر وننسى انه عندنا اخوات وزوجات وبنات …
واختم الموضوع بسؤال لكل من تسول له نفسه الى عمل اعمال مشابهه لاعمال عواد الداشر ..
اللي سويته ببنت الناس ترضاه على اختك؟؟

كتبها لكم : عملاق الصرقعه

:::::::::::::::::::::::::::


تعليقات 13

  1. القصه مضمونهارائع واسلوبك فيهاجدآجدآشيق وممتع للقرائه ونتمنى من ورائها الفائده وليس القراءه فقط والله يهدي شبابنا وبناتنا ويستر عليهم ان شاءلله ومشكورررعالمجهود.

  2. أولا:بدي أحكي عن سيرة النسوان. في منهم طيبين وفي منهم قويين يعني القويين لما يعصب بعصب على أشياء تافهة يعني إنه كل وحدة شايفة نفسها كإنه مافي حدا عايش كويس إلا هي والطيبات لما يصير أي مشكلة بحط النقاط على الحروف يعني بحل المشكلة بالتفاهم والكلام الطيب. تانيا:الشباب حابه أحكي عنهم. الشباب في الكويس وفي السئ يعني بسيرة البنات هاد منتشر لحد هلا لشب السئ يعني على اولتهم نوخذها لحم ونرميها عظم يعني هاد يفكر يتخيل أخته مكانها شو بسوي والله والله ليئتلها الشب الكويس هو إلا بيجي على باب البيت ويطلب البنت يلي بده إياها تالتا:البنات. شو بدي أحكي غير الله يهديهم ويصلحهم وأشكرك على هالموضوع الرائع والجميل عظة وعبره لكل شاب أو بنت السلام خير الختام

  3. الصراحه انك تناولت موضوع مهم وبطريقه جدا رائعه واتمنى ان الي يقرى الموضوع يفهمه ويعتبر لانه فعلا كما تدين تدان وشكرا

  4. انا عواد ونخرعت يوم قريت فضيحة عواد وصدقت ياخي خلصن الاسامي مابقى الا اسمي حاول انك تغيره لاهنت هههههههه <<من زين الاسم عاد ههههههههه

  5. من شق ستر الناس شقوا استاره..ومن ضحك بالثرمان يضحك بلا سن.. الف شكر ياعملاق على الموضوع

  6. فطست ضحك الله يرجك بس قصمن حلوه مره والاسلوب يهبل سلم على مزنه بس شكل فعلا حبيبتك راحت الله يسهل دربك ودربها

  7. بصراحة الموضوع كتير حلو ومفيد وفيه موعظة بس للي يتعظ و بنفس الوقت باسلوب فكاهي وجميل

  8. قصه جميله توضح معنى المثل اللي يقول من دق بابنا بندق بابه واللي بيته من زجاج لايحذف الناس بالطوب

  9. يعطيك العافيه يالمصرقع عالقصه الرائعه بإسلوبك المرح المميز واصل ابداعك يالغالي وننتظر جديدك.. (الله يمهل ولايهمل) …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

فضيحة عواد

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول