عيون حارة – فيديو


السلام عليكم

اليوم جايب لكم قصتين عن العين الله يكفينا شرها ..
القصص كثيره واغلبها تعور القلب ..
بس حبيت اجيب الطريف منها ونوسع صدوركم  ..

واهم شي الاخلاق صح ياشباب ؟
   صح صح صح >> الشباب 

اخليكم مع الموضوع

::

::

*·~-.¸¸,.-~*عــيــون حـــارة *·~-.¸¸,.-~*

::


سعود والبلايستشن

هذا واحد حرّيف بلايستشين اسمه سعود .. وفنان في الدوري الياباني ونادرا ينهزم


المهم .. كنا جالسين بالاستراحه وكان هو يلعب مع واحد دلخ اسمه نايف .. مايعرف شي بالدور الياباني .. اي واحد يبي يفوز يلعب مع نايف 

ودايم ينهزم بنتايج كبيره ..بس عاجبني فيه اصراره يعني اذكره مره انهزم من واحد 9 بعده بربع ساعه تحدا نفس الشخص على عشاء يعني شوفوا درجة الدلاخه الى وين واصله فيه 

الزبده
سعود تقدم على نايف الشوط الاول 5 /0 ونايف للامانه كان متحمس ويقول عادي اللي خلاك تجيب الشوط الاول 5 يخليني اجيب مثلك الشوط الثاني
>>> انواع الثقه عنده 

فجأه واحد من الشباب اللي جالسين .. قال يلعن بليسك سعود
انت دايم تفوز 

بدأ الشوط الثاني .. ونايف بدأ يسجل اهداف
وسعود يطالع ويقول بقلبه كبوة جواد الحين اتحسن

 
>> نصاب كيف سمعت اللي بقلبه 

وصلت الدقيقه 44 الشوط الثاني كانت النتيجه 5/5 >>مسوي اثاره
وجت ضربه ركنيه لنايف وجاب هدف بالراس طبعا الهدف بالراس عن هدفين>>> وين يابوو يلعبون بالحاره

المهم ان المبارات خلصت وصفر الحكم
وانتهت المباره بفوز نايف 6/ 5

 
نايف من الفرحه اعتزل البلاستيشن يقول اعتزل وانا بالقمه احسن ماعتزل وانا منهزم 8/0
>>صح ياسامي الجابر
ومن يومها سعود صاير دلخ وينهزم بسهوله

طبعا سعود ترك البلاستيشن لانه ماعاد له وجه بعد مافاز عليه الدلخ نايف وهذا كله من اخونا الطيب الحبوب اللي جاء وصكه بالعين
<< خايف يشوف موضوعه ويصكه عين


التأميـــن والحــــادث

هذا قصه علمني فيها واحد من الشباب

يقولك واحد كان جالس مع اخوه

ويقول لأخوه تصدق تامين الرخصه حقي انتهى وماصدمت ولا مره موو مثلك يالغشيم ماخليت عامود بالشارع ماحطيت لك بصمه عليه

رد عليه اخوه قال اخس يالسواق والله منت هين 

سبحان الله بعد ساعه من كلامه  اخوه صدم بطريق الملك عبد الله
وسيارته راحت فيها .. بس الولد ماجاه شي وطلع سليم <<سليم ولا محمد

ورجع للبيت وبعيونه الشرار وشوي يتضارب مع اخوه <<< والله اذا تبي الجد تستاهل العين

السؤال الذي يسدح نفسه :

من صاحب العين المتسببه بالحادث ..
هل هو صاحب السياره المصدومه … ام شقيقه ؟؟

الكثير من التساؤلات والاسأله بأذهاننا …

كل هذا واكثر .. سنعرفه بالحلقه القادمه >>> متأثر بـ فلونا


 _القصتين اللي ذكرتها واقعيه بس تعرفون لازم نحط شويه بهارات وفلفل
بس قبل لأختم القصتين هذي

العين حق كما قال الرسول صلى الله عليه وسلم

((العين حق ، و لو أن شيئا سبق القدر سبقته العين ))

لكن الواجب علينا التحصن بالاذكار وانشاء الله مايصيبنا اي مكروه .. مثل

(( أعوذ بكلمات الله التامة من كل شيطان و هامة ، و من كـل عيـن لامـــّه))

(( أعـوذ بكلمات الله التامات من شر ما خلق))

وغيرها من الاذكار النبويه .. بس هذا اللي حافظها الحين


*·~-.¸¸,.-~*مقاطع فيديو*·~-.¸¸,.-~*

هذي مقطعين تصلح مع موضوعنا عن العين ــ

فيديو

فيديو


فيديو

هذي فلسفه جديده من شبابنا …بشارع الثلاثين بالربوه
يوقفون السيارات ورى بعض ويشغلون الاسطبات ويخلونها ويروحون

بس تصدقون طالعه حركه


فيديو

ههههههههه اما هذا وربي بايعها .. او انه مأجر الدور اللي فوق

انا اتوقع انه شارب لبن .. وبعدها شرب بايسن عشان كذا مخربها هع هع

اسف على الاطاله

تحياتي للجميع

اخوكم

غير البشر .. مثل طبخ البيت


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

عيون حارة – فيديو

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول