..:: عين تشربك شوف وعين تظماك .. لا ذبحني ظماك ولا رويتك ::.. فينيسيا ج1 ‎


::
::

border=0
حي هالشوف ما تنمل دنياك …
شف سواة العيون ليا لقيتك border=0
عين تشربك شوف.. وعين تظماك ..
لا ذبحني ظماك .. ولا رويتك border=0

/

/

يا مسااااااااااااااا الورد border=0
يا هلا والله ومليوووووووووووون غلا border=0
مشتاق ؟ .. شويه والله مشتاق …
ولهان ؟ … ضاع الوله فيني …
اول شي … كيفكم … واخباركم … وان شاء الله ياااااارب .. يارب .. يارب .. بصحه وعافيه …
من زماااان عن التقارير …
ومن زماااااااااان عن تضبيط الصور .. والاجواء الحلوه ..
ومن زمااااااااااان عنكم border=0
مدري .. بس احسني أول مره أكتب تقرير border=0
مثل البزر اللي أول يوم له بالمدرسه وابوه منزله .. وداخلن مع الباب ودميعته ع خده الايسر مثل كيذا ( border=0 ) << ترى ذي دمعه بس من الحماس جايه من فوق …
/

/

حباااااااااااااااااااااايبي border=0
اليوم بعون الله .. راح أبدا معكم سلسله تقارير … يعني مو تقارير تقارير border=0 .. سواليف أكثر منها تقارير border=0
قبل ما أبدأ … خلونا نتفق اتفااااااااااق border=0 … نسوي هدنه مدري دهنه مدري وش ذيك border=0 .. المهم ..
وش الفايده من هاللي بكتبه ؟ … الفايده اول شي .. سعه الصدر border=0 … جد والله border=0 … يعني انا انسان انبسطت … يا اخي ابيك تنبسط معي فيها شي ؟ border=0
ثاني شي .. للفايده … لما يكون شخص مجرب شي .. حلو كثير كثير انه يفيد غيره بالمعلومات هذه كله …
ثالث شي … لا تدقق ع اللي اكتب border=0 .. جد والله .. تراني ما اراجع اللي اكتبه … ضامن هالكيبورد ع خشتي واكتب وبس border=0 .. وع عفويتي .. يعني زلت لسان او غلطه .. لا تسوي لي فيها ثمن شسمه border=0 ..
رابع شي .. انت مروق ؟ مضبط طقوسك ؟ .. هاااااااااااادي ومتاااااااااسعن صديرك ؟ … كمل واقرا التقرير .. اما ضايق صدرك والا مكدرك شي .. لالالا .. سكر هالصفحه .. وتعال بعدين .. و الله ما راح امسح شي …
بس ع فكره .. ترى ما فيه شي بالدنيا وقسم بالله يستاهل ان الواحد يزعل نفسه ويطفش ويكدر خلقه … طالع تحت .. شف جسمك .. انت بخير ؟ … ملااااااااااااااايين يتمنون انهم مثلك الحين .. امنيه يصيرون مثلك … قل الحمد لله border=0 .. ووسع صدرك بس border=0
الشي الخامس … لازم تجيب مفرحاتك معك اثناء التقرير border=0 … طيب لغير العارفين وش هي المفرحات ؟ border=0 .. الحين أول لما نروح البقاله … ويعطيك ابوك والا اخوك كيس صغير .. ( باغه ) << يا قدمك border=0 ..
المهم تاخذ هالكيس وتجلس تلف وتجمع فيها .. حلاو مصاص .. فشفاش ( وليس فشار ) … جالكسي .. كيتكات … كيندر .. فصفص .. ببسي مع ثلج border=0 …. ألخ … الاشياء هذه وش اسمها ؟ … هذه انا اسميها مفرحات border=0 … تنتقل بك من درجات الحزن والكآبه … الى فوق فوق فوق border=0 .. عاد الحين زد عليها هوليستون رمان border=0 border=0
الشي السادس … جوالك .. البيبي .. الايفون .. التويتر .. الفيس بوك … كلهم طفهم border=0 … بزر حولك ارجفه ( قرب رجلك له .. ثم اسحبها بشويش يمك .. ثم مدها بقوه في ظهره .. لين ينقلع ) <<< يا ساااااااااااتر border=0 … المهم تفرغ للتقرير .. كيفي يا اخي border=0 ..
طيب ادرعم ؟ ( اي الانطلاق + فهاوه ) … نبداااااااااااااا ؟
هياااااااااااااااااا بنا border=0
/

/

الرحله خططت لها من 3 شهور قبل الرحله border=0 … الرحله حددت لها شهر 2 .. فبراير .. فبديت التجهيزات من شهر 11 تقريبا … وانا ادهر border=0 .. ( يعني متحمس وكيذا ) …
احترت في البدايه وين ارووووووح له .. وخاصه أن هالفتره من السنه .. اوروبا بارده .. وثلوج وامطار border=0 .. مع اني احب هالاجواء .. بس قلت خلينا نركز بعنااااااااااااايه .. عشان يكون كل شي مضبوط واوكي border=0
قلبتها براسي .. وقلبتها .. وقلبتها .. وقلبتها لين دخت ونمت border=0 .. لالالا .. رسيت آخر شي ع ثلاث مدن ….
اول شي .. فينيسيا بإيطاليا border=0 … ثم منها لبرشلونه بأسبانيا border=0 … ثم منها لباريس border=0
يعني خطي يا طويل العمر مثل كيذا …

border=0

يميدك ع الطياره بس border=0 ؟ … اهم شي وقفتها اخر شي في المواقف وكيذا border=0 … وش يديرك انت بس عن الطيارات ووين توقف … عندك طياره خاصه ؟ .. شفت كيف .. اجل كمل كمل التقرير بس border=0
طيب ليش انا اخترت فينيسيا ؟ … اخترتها عشان عندهم مهرجان الاقنعه border=0 .. راح اشرشح امه بعدين border=0 … وليش اخترت برشلونه ؟ .. عشان بحضر مباراه للبرشه واسلم ع ميسي والعيال border=0 … وليش اخترت باريس … مدري border=0 … <<<< نصاااااااااااااااااب border=0 .. مختارها عشان ديزني لاند بس ما يبي يقول border=0
عاد اقول لك border=0 … بعد ما حددت المدن .. والتواريخ .. وزعت الأيام ع كل مدينه .. خليت فينيسيا شسمه .. كم جلست هناك border=0 .. وقسم بالله نسيت border=0 << زهايمر شباب border=0 … جلست تقريبا 5 ايام … ومن ثماااا .. برشلونه 6 ايام .. وثم ثمااااااا .. باريس 4 ايام … ثم تكيت بدبي 4 ايام .. ( تكيت = اي جلسه براحه شديده ) <<< لا عاد تفسر ..
المهم خلصنا الحين من المدن … والتواريخ .. وتوزيع الأيام … بديت بحجز الطيران … الطيران اخترت .. طيران الامارات border=0 ..

border=0

يا أخي طيران الامارات شي border=0 border=0 … بس لو يحطون دعاء السفر .. يا سلاااااااااام … وبعد لو يغطون ركيبات مضيفاتهم كان يا سلامين border=0 … بس عاد وش نسوي .. الخطوط السعوديه حدها جده … والطياره تأخرت يا ابويااااااااااااااا border=0
بعد ما حجزت الطيران .. انتقلت لمرحله الفنادق … اييييييييييييه صح نسيت اقول لك شي border=0 … يا فيه موقع حجوزات فنادق شي border=0 .. شي border=0 .. ودك تدخل الشاشه وتخمه border=0 .. لا جد يعني border=0 … موقع كل فنادقي تقريبا منه … اللي هو …

border=0

للدخول للموقع … اضغط هون ،،،
طبعا وصلت لهالموقع بعد مقارنه اسعار … الفنادق .. عن طريق هالموقع الرائع
border=0
هذا بس تحدد ايامك وكيذا .. وهو يبحث لك عن ارخص سعر لفندقك اللي حطيت اسمه .. ويعطيك المواقع المضمونه اللي تقدر تحجز منها ..
عاد انا كل ما حطيت فندق نط لي ذاك اللي فوق DHR … وقال هنا ارخص شي … وايش مميزاته بعد .. ان معظم الحجوزات يعطيك الفطور معاه border=0 border=0 … اوروبا فنادقه الفطور لحاله اغلى من سعر الغرفه border=0 … الله واكبر عاد يالفطور … زيتونتين خضرا .. و 3 زيتونات سودا .. وطرف جبنه صفرا . وحبتين توست وريحه بيض border=0 ..
/

/

الحين العده كلها جاهزه .. وضبطت أموري كلها … من شناط .. ومفرحات بالطياره … المفرحات شرحتها فوق .. ارقى الله لا يهينك عاد border=0 … باقي الكاميرا border=0 .. انا عندي كام من اول كانون دي 450 … بس يا اخي تقطع الظهر من كثر ما تشقلها border=0 … تعبت وانا شسمه … ففكرت اني اشتري وحده غيرها .. اصغر .. وفيها مميزات … وبعد ما دورت .. ودورت .. ودورت .. داخ راسي ونمت border=0 .. لالالالالالالالالا وشو نمت border=0 … رسيت ع هالكام ..
border=0
الله الله border=0 border=0
هالكام هي Sony NEX-5 … صراحه شي شي شي هالكام border=0 .. اول ما جربتها … رجفت كامي الأوله .. ( رجفت فسرتها فوق بس هالمره مو ظهر بزر .. هالمره خشه الكام ) …
هالكام صغيرررررررررره بس بروفيشينال .. ومعاها عدسه ثانيه … وتحطها بجيبك وعاااااااااادي .. وهذه اول ميزه انها صغيره border=0 … من مميزاتها بعد .. العزل اللوني border=0 border=0 .. كيف العزل اللوني ؟ .. يعني مثلا قبل ما تصور منظر .. تختار في اعدادات الكام .. انه ابي اللون الاحمر .. خلاص الكام تصور لك اي شي قدامك لونه احمر border=0 .. وباقي الألوان تخليها اسود وابيض border=0 .. وغير كيذا فيها ميزه التصوير البانورامي border=0 .. ومميزات بالهبل … شوف هالتقرير فيديو عنها …


/

/

بعد ما ضبطت كل اموري .. وجهزت كل العده … توكلت على الله border=0 .. وكانت الرحله الفجر border=0 .. احب رحلات الفجر .. الناس نايمه وانت رايح المطار border=0 border=0 … كان مسار الرحله .. الرياض – دبي – فينيسيا …
وصلت مطار الرياض .. وخلصت كل الاجراءات .. ثم منه لمطار دبي … جلست بدبي تقريبا ساعتين وشوي border=0 .. قشيت من عطور المطار ورحت border=0 .. ع طاري العج border=0 .. يا اخي مدري ليش كل ما اروح مطار دبي اشتري عطور border=0 .. صح انها ارخص من برى بس كيذا تحس فيه شي يمسكك مع علباك ويقول اشتر .. ( علباك = اي مؤخره جبهتك border=0 ) …
بعد ما وصلت مطار دبي … غيروا لنا الطياره .. و جابوا وحدتن كبيرررررررررررره border=0 .. نفس طيارتي البرتقاليه اللي فوق جنب بيتي border=0 … بس برضو الله يهديهم خطوط الامارات ما حطو دعاء السفر border=0 … ولا غطوا ركب الشسمه border=0 .. المشكله اذا جت جنبك .. بدك فطور ؟ تكون ركبتها محاذيه لك … تبي فطور والا رجفتك ؟ border=0 … ( عاد لو تقول فسر لي رجفتك شسمه عاد border=0 ) border=0
المهم بعد ما كلن استقر في كرسيه <<< اهم شي كرسيه .. حسيتنا فصل ..
وبدأت الرحله border=0 ..

border=0

أحب أسافر مع سحابٍ تعلى … وأحب فوق الغيم لمتع البروق …
طبعا في الطياره ما اعرف اناااااااااااام border=0 .. يطفون الانوار ويشغلونها ومدري وشو .. وانا عيوني كيذا border=0 … يا اخي فيه ناس اول ما تجلس ع مقعدها بالطياره .. لالالا مو مقعدها .. كرسيها border=0 .. اول ما تجلس .. ع طول اخخخخ ينااااااااااااااام border=0 … عادي أي مكان ينام فيه border=0 .. ما شاء الله ما شاء الله …
طيب ع بال ما نوصل … تخبرون المشوار طويل border=0 … وافلامهم بالطياره قد شفتها border=0 .. خلونا نتكلم شوي عن فينيسيا … صعبه ننزل في مدينه ما نعرف وش هي من لحيه border=0
فينيسيا … تسمى مدينه العشاااااااااااق border=0 … مدينه الرومانسيين border=0 .. المدينه العائمه .. ليش العائمه ؟ .. لأن الماء يمشي بين ارجلها border=0
اسمها سابقا ( البندقيه ) … كانت لنا border=0 .. كانت للمسلمين .. ( كاااااااااااااااااااانت .. ولا تبكي على شي كان وانتهى border=0 ) …
هالمدينه هااااااااااااااديه .. ورااااااااااااايقه .. تشوف ناسها .. تحس انهم يبون يعيشيون يومهم وبس .. يبون ينبسطون وبس .. يبون هاليوم يعدي ع خير وبس … طيب بكره ؟ ما علي منه … وبعده .. ما علي منه .. طيب وامسك ؟ .. نسيته border=0 ..
اقول شكلنا وصلنا … خلونا ننزل border=0 ..
/

/

وصلت فينيسيا border=0 … كانت الاجراءات بالمطار جدا ميسره .. ولا فيه عراقيل ولا شي <<< قويه عراقيل …
اخذت التاكسي .. وع طول للفندق …
طيب خلونا نتكلم عن الفندق border=0
الفندق اسمه ..

border=0

The Bauer Hotel

الفندق من فنادق الخمس نجوم ***** مثل ما تشوف بالصور .. ما يوصله التاكسي border=0 .. طيب وش السواه ؟ … التاكسي يوصلك لمنطقه قريبه من الاوتيل … ثم يجيك القارب … وياخذك لحد باب الاوتيل border=0 ..
اول ما وصلت .. وعطيتهم رقم الحجز وكيذا .. ع طوووووووول دخلت الغرفه ..
اول ما تدخل الأوتيل .. يقابلك هالشي ..

border=0

border=0 border=0
لأن فوق فيه بوتيك يبيع فساتين << اكيد فساتين يعني بوتيك يبيع جح مثلا ؟ border=0
وطبعا لازم الصوره المعرووووووووووووفه border=0

border=0

لازم نشوف السيراميك بارد حار دافي border=0
وبرضو من الاشياء الجميله في ممرات الأوتيل ..

border=0

الاغريق border=0 <<< تسمع بالأغريق يا بو border=0
و
border=0

ترى كيذا اذا بغوا ينامون .. امزح لا تصدق border=0

المهم درعمت لغرفتي … ووصلت ..

border=0

تشوف الجدران انت بس border=0 … مجلدينها .. ناقصها طابع border=0 <<< ها ها ها
طبعا ترى فنادق الخمس نجوم في معظم اوروبا مثل كيذا border=0 … خشب وشي يصرصر تالي الليول وكيذا يعني border=0
.
border=0

سريرهم هذا يجيب الحكه border=0 .. ويمشخ الجسم border=0
الا هي يمشخ والا يمخش border=0 … يااااااااااربيه شكل هالكوفي اللي قدامي مضروب .. وينك يا قوقل … قوقل يقول كلها صح border=0 .. مشخت سيارتي … مخشت سيارتي … المهم مدري border=0 ..
عاد اقول لك … مفرشهم يمشخ الجسم … والله مو انا يعني ياااااااااااي border=0 .. والانسان الرقيق border=0 .. لا والله border=0 … بس طلعت اشياء وخطوط ع جسمي border=0 … وقسم وش فيك تطالع مو مصدق border=0 .. يااااااااارب يارب يارب يكتب لك ربي يوم زياره هالاوتيل وتعرف اني صادق border=0 ..
المهم انا ما استحملت … وانزل للريسبشن .. قلت يا ناس ابي انام .. انا ما جيتكم أتحكحك ؟ … قالوا اصبر شوي .. وتجي عجيز للغرفه … عمرها 15245.23 سنه الظاهر .. وقالت كل الفندق نفس كيذا … كأنها تقول .. يا اخي حنا حاطين حراشف مو جلد .. تبي والا نام بالأرض border=0 … عاد تصدقون أن الأرض انعم border=0 … المهم قلت مالي دخل .. جيبي لي واحد ثاني يعني واحد ثاني .. ما قصرت العجيز وجابت لي واحد .. ونمت بالأرض border=0 …….. لالالالالالالا border=0 .. نمت فوق السرير بس برضو يمخش وقسم border=0
.
ناخذ جوله ع الغرفه … نشوف اهم شي … حمامهم border=0 ..

border=0

ما فيه تلفون تكلم سويسرا border=0 … بس يعجبني الحمام .. مذهب وكيذا border=0

border=0

هنا المكان الخاص بالرطرطه border=0 … ( الرطرطه = اي كميه من الماء منتشره في كل مكان من غير سيطره عليها ) ..

border=0

مناشفهم بكل مكان … مير لوني فارشها بدال هاللي مخشني border=0 <<< يالليل border=0
.
وهذه العده اللي شيسمه ..

border=0

أحلى شي ان كل شي بحرفي border=0 .. ترى انا قايل لهم من اول border=0 … اني بسكن عندكم وكيذا .. وابي كل شي بحرفي border=0 … فقالوا اوكي .. عاد تشوف كل شي حرف بي .. وبي .. وبي … حتى المفرش اللي يجيب التسّه border=0 .. ( التسّه = اي ضيقتن بالخلق مع شعور ودي تقلب بطه من الطفش border=0 ) …
.
نكمل صور الغرفه .. لازم نطير شوي border=0 ..

border=0

وش تبون الناس يقولون عني border=0 ..
جاي فينيسيا ولا طرت border=0 … يا عيب الشوم .. يا عيب الشوم ..
.
وهذه صوره اخرى ..

border=0

ترى فيه قناه الجزيره border=0 .. والعربيه border=0 … بس هذه حقاتنا .. والباقي شي ما ينفهم .. حتى بالشوف ما ينفهم border=0 … عاد انت سو نفسك شايب هاليومين دامك عندهم …
..
بعدها طلبت لي كوفي .. وجلست ع الشباك شوي …

border=0

الجو كان بديع border=0
بديع مسعود border=0 .. تعرف اغنيته ( رايق ) border=0 ؟ …
رايق حبيبي يا بعد عمري
رايق حياتي يا نظر عيني
شكلك كلامك وجهك السحري
يهوس يخذ كل ما فيني
لونك رهيب بلونك الخمري border=0
ذوقك ولبسك دوم يغريني

تذكره ؟ .. اذا ما تذكره ما عشت طفولتك … كان مسوي فيديو كليب .. لابس ملون .. ويلاحق وحده في حديقه border=0 .. وهي تركب المرجيحه بخلاقينها border=0 … وهو بس يلاحقها border=0 … وهي مستحيه .. وهو يقول لها … شكلك كلامك وجهك السحري border=0 .. فانوس مو خشه border=0 … وهي تسوي حركه الحيا border=0 … اللي تروح عند عامود وتمسكه بيدها وتجلس تلف عليه بشويش border=0 … والا يقول

شوفك يخلي الدمي بي يجري
صوتك يناجيني يناديني

خف علينا ياااااااااااااااااااا border=0 … المشكله انه اذكر القناه الأولى يعيدون المقطع .. مع كميه الكلام الاباحي اللي فيه border=0 .. ولا عندهم اي مشكله … واذا خلصوا من الفيديو كليب .. يجيبون فيديو كليب محمد عمر … حق كرت احمر ههههههههههههه …
كرت احمر … مطرود مطرود اطلع على برى .. ويجيك فايز المالكي يصرخ border=0 … وقسم بالله مدري وش نحس به وحنا نشوف هالشسمه border=0 … وعاااااااااايشين border=0
.
المهم احس اني شطحت..
عاد اقول لك .. جلست ع الشباك شوي … تشوف هالجو border=0

border=0

كااااااااااااان برد border=0 <<< يعشق البرد border=0
المهم شوي .. ما لي عشر دقايق جالس .. الا صار المنظر قدامي border=0 ..

border=0

نزل شوي سنوووووووو border=0 border=0
.
شوف هالصوره تتحرك وكيذا border=0 ..

border=0

يا عيني border=0 border=0
/

/

طيب يا حلوين … كيذا تقريبا ننتهي من يومنا الأول … نبذه بسيطه ع مسار الرحله والتقارير كيف بتجي border=0
مجرد تذكير .. ( اي صوره عليها توقيعي .. تراها من تصويري .. غيروه لا )
طبعا اليوم بس مجرد تسخين border=0 … يعني بس الظاهر 36 صوره border=0 .. والحلقات الجايه 50 صوره في الحلقه واكثر border=0 border=0
لا تبعد .. وتابعناااااااااااا …
لأن بعد ما اخلص فينيسيا ..

border=0
.
راح ابدا في الراااااااااااااااائعه جدا جدا برشلونهborder=0

border=0
.

ثم اختمها بكم حلقه عن الهايمه border=0 .. باريس …

border=0
border=0 border=0 border=0

/

/

border=0
/

/

في الحلقه الثانيه من فينيسيا … راح ننزل للشارع border=0 .. ونتعرف اكثر ع كل شي .. واهم شي لازم نعرف وش قصه هذه ؟

border=0

وش سالفتها بالضبط ؟
وليش تطالع كيذا border=0
كولوووووووووووووه .. كوووولوه في الحلقه الثانيه .. ان شاء الله border=0 ..
نمشي ….!!!!! … border=0
ما أسمع …. نمشي ؟؟؟ … border=0
لالالالالالا border=0 … تمشي فين يا سيدي border=0…بما ان الحر بدا وكيذا border=0 ..خذ برد ع قليبك …
.
.
border=0

يا هو باااااااااااااارد ويجيب العااااااااااااااافيه border=0 border=0
/

/

يا حلوين … اللي عنده استفسار .. او سؤال او ملاحظه .. او الاسعار … او اي شي .. ممكن هون عن طريق المدونه … او ممكن عن طريق حسابي بتويتر

border=0
Maistro_9@

/

/

اشوفكم على خير …
دمت في أمان الله وحفظه border=0
دمت بكاااامل عافيتكم ،،،
و … و … وطبعا ….
لكborder=0 …. انت بس … مو لغيرك ..

border=0

المايسترو ،،،

border=0

هُنالك قطارات ستسافر من دوننا ..
وطائرات لن تأخذنا أبعد من أنفسنا ..
هُنالك في أعماقنا ركن لا يتوقف فيه المطر border=0 ..
هُنالك أمطار لا تسقي سوى الدفاتر ..
هُنالك قصائد لن يوقعها الشعراء ..
هُنالك ملهمون يوقعون حياة شاعر ..
هُنالك كتابات أروع من كاتبها ..
هُنالك قصص حب أجمل من أصحابها border=0 ..
هُنالك عشاق أخطئوا طريقهم للحب ..
هُنالك حب أخطأ في اختيار عشاقه ..
border=0
هُنالك زمن لم يخلق للعشق ..
هُنالك عُشاق لم يخلقوا لهذا الزمن ..
هُنالك حُب خلق للبقاء ..
هُنالك حُب لا يبقي على شيء ..
هُنالك حُب في شراسة الكراهيه ..
هُنالك كراهية لا يضاهيها حب


تعليقات 3

  1. السلام عليكم ما شاء الله عليك مبدع x نشيط والصور روووعه لا تحرمنا من جديدك 🙂

  2. الحمدلله على السلامه ومتحمس جدا للتقارير الباقيه بالتوفيق وياليت تتكلم اكثر عن الاسعار 🙂

  3. اموت بهالمدينه احبها كثير اكثر مكان بالعالم نفسي :(ياليتني كنت ك. ..ابي فيها يومين )ف بس يه..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

..:: عين تشربك شوف وعين تظماك .. لا ذبحني ظماك ولا رويتك ::.. فينيسيا ج1 ‎

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول