عودة ملك الخواتم


The Return of the King

صبااااح مسااااااء

الخير

اين كان التوقيت عندكم

The Lord Of  The Rings

او سيد الخواتم

من روائع هووليوود

 وأنجح ثلاثيه في مر التاريخ .. وهو في الأصل روايه قديمه

وللتذكر .. الأجزاء الثلاثه كلها مثلت دفعه واحده

ومجموعها تقريبا 7 ساعات ونصف الساعه

ومثل ماهو مخطط  راح يعرضون فلم كل سنه

وبالفعل عرضو الجزئين الأول والثاني

اللي هم

The Fellowship of the Ring

The Two Towers

مثل ماقلتلكم الأجزاء كلها متصله في بعض واي جزء ماله غنى عن الثاني

والاكيد ان الجمهور ينتظر على أحر من الجمر نزول الجزء الثالث والأخير

واللي تحدد نزوله بتاريخ 17 ديسمبر

الله يصبرنا

وهذي صور جديده للجزء الثالث

The Return of the King

عودة الملك

عودة

(( أراغون ))

الفارس والبطل والوريث للعرش اللي سقط من يد جده

بعد ماتغلب على سوران ونزع الخاتم من يده بسيف مكسور

بس للأسف كان ضحية ضعف الأنسان وحبه للقوه اللي يرمز لها الخاتم في الفيلم


عودة

(( فرودو ))

القزم من الهوبيت

المسكين ابتلش في الخاتم بعد ماتحمل مسؤوليته مكروه

ولازم انه يحتفظ فيه ويقاوم رغبته ورغبة الناس من حوله

وفوق هذا رغبة الخاتم في العوده ليد صاحبه

ومهمته ألقاء الخاتم في بركان جبل النار وهي الطريقه الوحيده للقضاء على الخاتم


عودة

(( الجنيه ))

وفي نفس الوقت كانت حبيبة أراغون , أنقذت فرودو في الجزء الأول

وفي الجزء الثاني كان ظهروها شرفي في لقطتين او ثلاث

يمكن يكون لها دور في الجزء الثالث ! ننطر ونشوف


عودة

(( غوولااام ))

او كخخخوووولاااام مثل ماينطقها هو

ظهر في الجزء الاول بشكل بسيط  بس لعب دور كبير في الجزء الثاني وترشح

لجائزة أفضل ممثل مساعد

مر عليه الخاتم في سلسلة تنقلاته قبل مايوصل ليد فرودو

وظل يلاحق فرودو عشان ياخذ الخاتم منه

نهاية الجزء الثاني كان يبي ياخذ فرودو لمكان خطر عشان يذبحه

تعتقدون وين بيوديه؟


عودة

(( غانديلف ))

او غانديلف الأغبر وهو في بداية الجزء الأول ساحر لطيف وصديق لأقزام الهوبيت

بس لما اكتشف ان الخاتم للحين موجود وقف مع فرودو وساعده وظهرت قوته بشكل ,  وكان خير عون له

في الجزء الأول توقعنا انه مات , بس بداية الجزء الثاني كانت بمشهد مألوف

وهو مشهد سقوط غانديلف بس تبين لنا انه للحين على قيد الحياه

لا وزادة قوته بعد


عودة

(( الدب ))

هي هي هي .. هذا الدب صديق فرودو وابتلش فيه وصار البيبي سيتر ماله

وصار يحميه  من كل شي بس على قده يعني

بس الأهم من هذا انه يعطي فرودو دفعه معنويه للقضاء على الخاتم


عودة

(( القزم والجني ))

القزم بالفأس والجني بالقوس .. قررو في الجزء الأول  انهم يحمون فرودو .. ومعاهم اراغون

وغاندلف والأقزام الثلاثه

لهم فضل كبير في حمايت فرودو وفي النصر في المعارك بحكم قدرته الفائقه في القتال

القزم يعطي نكه كوميديه  للفلم شوي

اما الجني  .. شخصيه متعوب عليها ويعجبك لما يمسك القوس والسهم


عودة

(( القزمين ))

وهم اصدقاء فرودو وصديقه الدب

في الجزء الأول انفصلو عن اصدقائهم بعد ماخطفوهم الجنود الأشباح

نلاحظ انه  في نهاية الجزء الأول صارت قروبات

لما تفرقو .. صار فرودو مع الدب .. والقزم والجني مع اراغون .. والقزمين انخطفو

وفي الجزء الثاني ماحد تلاقى من هالقروبات مع بعض


نصيحه مجانيه : اللي قرا او سمع عن الفلم وانعجب فيه .. لازم يشوف الجزئين الأول والثاني

لأنه ماراح يفهم شي لما يشوف الثالث على طول

وتراهم متوفرين في محلات الفيديو في الخليج كله

الفلم من أجمل ماشاهدت .. واتمنى يعجبكم ان شاءالله


تعليقات 1

  1. واو فرودو مره جميل وعيونه حلوه مره ممكن اسم الممثل اللي في دور فرودو بلييييييييز

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

عودة ملك الخواتم

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول