عضو المافيا سعد


اتشرف بالمشاركه في هذا القروب الرائد في الابداع والتميز ,, واتمنا ان اوفق في تقديم مايحوز على رضاكم .. واشكر ادارة الموقع على هذا الجهد المبذول والعمل المتواصل في تقديم كل ماهو جديد …

قصة من بحر الخيال .. 🙂

كان لي صديق اسمه سعد وكان يعمل موظف في احد الجهات الحكوميه وكان كل ليله يشوفني يقول مليت ودي اهاجر قلت ياسعد وين تهاجر اقضب ارضك واترك عنك الخرابيط ، قال سعد يعني تبي تقتل طموحي انا لازم افكر لمستقبلي قلت ياشيخ مستقبلك عند اهلك وكلام غير هذا مانبي ، قال سعد يبي يجي اليوم اللي اهاجر ، وانا اضحك عليه واقول انت الحين ماتقدر تروح للجبيل الا معي وشلون تبي تهاجر هاها ـ وسعد متنرفز مني ويجي ذاك اليوم اللي اتصل فيه على سعد وترد علي امه وتقول ان سعد قدم استقالته من عمله وسافر يبي يدرس برا ـ وانا في لحظتها مسكت راسي وقلت سواها ذا الخبل وتمر الايام والشهور وسعد مايجيني عنه اي خبر – الين ايسنا من رجعته وقلنا اكيد مات وضاقت صدورنا عليه – وبعد مرور سنتين – وانا على عادتي بعد كل صلاة عشاء ادخل النت طلع لي سعد اون لاين في المسنجر .. وابقق عيوني ماني مصدق – واكلمه انت سعد سعد سعد (ان هبلت ) ويرد علي ايه انا سعد من انت – قلت انا رفيقك خالد قال اي خالد قلت خالد صديقك وش جاك – انت سعد رفيقي اللي امك نوره – قال سعد وش ذا الكلام خلاص عرفتك – وانا مازلت مبقق عيوني – واقول ياسعد وش فيك وينك فيه – قال وش تبي مني انت الحين – واقول ياسعد ليش تغيرت وش اللي صاير لك – قال ماصار لي شي انت اللي منت طبيعي – قلت انت منتب سعد – وهو يضحك علي ويقول تذكر يوم اقولك ابا اهجر وانت جالس تمسخر فيني – قلت ايه اذكر – واقول وش اللي صاير فيك – قال سعد انت الحين تكلم اكبر مافيا في امريكا – قلت وش تقول انت اكيد ان عقلك فيه بلا – قال سعد ليش منت مصدق – قلت طيب وينك السنين اللي راحت مالك حس ولا خبر وامك مسكينه مايعلم بحاله الا الله – قال سعد امي معها ربها – وهذي الحياة تحتاج تعب وتضحيه – قلت سعد ابا اخبر امك لحظه قال سعد مايحتاج كلمتها وطمنتها بس مسكينه ماتحملت وطاحت من الفرحه بس اخواتي طمنوني عليها – وانا اقول ياسعد ارجع تكفا حرام عليك الي تسويه فينا وفي اهلك – قال سعد مااقدر ارجع اعمالي كثيره ومااقدر اروح واخليها – وانا مازلت الاستفهامات في راسي – واقول ياسعد وش قصتك قلي تكفا – قال سعد اذا جيت خبرتك – قلت وين اجيك فيه – قال تجي تزورني في امريكا – قلت ياسعد انا وجهي وجه روحات – قال سعد انت ماعليك روح قص تذكره وعلى امريكا الشغله سهله وانا استقبلك في المطار – قلت اصبر افكر وارد لك – قال سعد انا في انتظار جوابك – ويعطيني سعد رقم جواله واجلس افكر مدة اسبوع وفي الاخير قررت اسافر – جهزت اغراضي وخذت اجازه اسبوعين واعطي سعد خبر بوقت وصول رحلتي واطير من مطار الشرقيه الى امريكا ويوم وصلت المطار واجلس ادور سعد وينك ياسعد .. والمشكله مافي راسي انجليزي – واشوف لوحه مع واحد رافعها فيها اسمي وعيارتي ( حسبي الله عليك ياسعد ) واروح لمه واقول انا سعد وهو ياخذني من المطار ويركبني في سياره ليموزين طويله وقزازه مضلضل الين وصلنا مكان مثل العماره الادوار ويدخل بالسياره اللين وصلنا السطح ويلا فيه طياره هيلوكوبتر ويقولون لي اركب وانا كلي خوف اول مره اشوف طياره مثل هذي في الحقيقه واركب وانا اتنافض – وهي تطير بي مدة ساعه ونصف متوجهه لم جزيره في وسط البحر ( اجل في وسط اليابسه )




عضو

وانا اكلم سواق الطياره بس مايفهم علي مايعرف الا شوي عربي ويوم هبطنا في الجزيره ويلا هذا سعد وانا الي اروح لمه ركض واحضنه – وصار سعد من اغنياء العالم ويوم ناظرت وراه واشوف ثلابنات

يالطيف يازينهن – وانا انزل راسي مستحي اول مره اشوف بنات كذا ، وسعد يضحك علي ويمسك يدي ويعرفني على الثلاث بنات وقال هذولي يشتغلن عندي – وانا اقول ياسعد وش الهنا اللي انت فيه – معقوله اللي اشوفه الحين اول كان مايزين لك مرزام شخصيك الا انا والحين شف وشلون صرت – قال سعد الدنيا حضوض وانا اخوك وانا من زمان وانا اقولك اطلع من ديرك وتشوف الخير – وقلت والله صدقت ياسعد انا اشهد انه خير – وياخذني سعد لم مكان اقامتي ويقول اعتبر ورحك في بيتكم

عضو

قلت والله ياسعد مافيه امل اتخيل اني في بيتنا – قال سعد ياشين القروى وهو يمزح ها ها ها

عضو

وسعد خلاني ارتاح عقب السفر وانا رحت احط اغراضي في غرفتي وقلت خل اريح عقب السفر

عضو

واجلس اتقلب في سريري ماجاني النوم مستنكر الجمال اللي اشوفه يالله من فضلك طبيعه ترد الروح واجلس اناظر التلفزيون الين جاني النوم

عضو

وارقد وماقمت الا مع المغرب

وانا اروح اروح اجلس مع سعد في بلكونت بيته اللي تطل على جال البحر ومعه سيقار طويله ماسكه معه اثنين واجلس اسولف معه عن قصته ووش صار له وهو يسولف لي ويعلمني وقال انا من اعضاء المافيه الايطاليه والدراهم مثل الزر .. وانا اقول له وش تسوون يعني قال لو اعلمك مسحت رقبك ( يعني مافيه الا ذبح ) واقول له مايحتاج ابد اصل انا ماودي اعرف ، ونسهر سوى ويجيب لي توت ويقولي اشرب وانا اشرب بس صار طعمه متغير وقلت لسعد ترا التوت اضاهر منتهيه مدته ، قال سعد اللي منتهيه مدته دمجك يعني كل شي تشوفه احمر تقول توت ياخي هذا شراب خاص ، وانا من اولها ماجازي لي ذا الشراب ولا عاد شربته بس في النهايه صار وسكي بس لا تعلمون احد ويوم جاء الصباح طلعنا نتمشى في الغابه ونشوف الحيوانات

عضو

وشفت الديك والدجاج – يقول صديقي سعد ان الديك هذا مع الحزام الاسود وثلاث مداليات ذهبيه في التدبير المنزلي

عضو

ولا ذا البعير يقول عنه صديقي سعد انه يعض ورابطين حنوكه لا ياكل احد لانه مره من المرات جاء لمه في الجزيره ثلاث اعضاء من المافيه وابلعهم بشناطهم .. ياربيه منه والله اني ذاك اليوم صرت احلم به ، ياملح بعارينا عنده .. ويقول صديقي سعد ان البعير هذا له ثلاث سنون ذهب ومسيوم منه بثلاث طيارات اباتشي بس ماوافق .. ويقول صديقي سعد ان فتحات خشم البعير ماخوذ من شكلها شكل انوار الفيراري .. ترا سعد صديقي مايكذب

عضو

ثم رحنا نشوف القروده ولقينا القرود شابكه على الانترنت . ويقول سعد ان القرود في الجزيره مثقفات والاسبوع هذا مقيمات دوره لتعلم اجزاء الحاسب واستخدام الانترت .. حتى اني ماصدقت ورحت اشوف ولقيت القرد فاتح على موقع ابونواف يحمل واحد من لقطات الفديو حقات الزراق .. والله ياابونواف اثرك راج العالم وانت ماتدري هههههههههههههههه

ولا ذا البقره اللي تنفخ من جد بغيت اروح امردغها . بس قال صديقي سعد طنشها وخلك اعقل ، من جد الحيوانات في الجزيره عرابجه

ولا الصارور الي وش كبره .. يقول سعد انه مستنسخ من تمساح .. يع والله ان شكله يقرف

عضو

ولا ذا الطير اللي يشبه النعامه يقول عنه صديقي سعد انه من الفصيله النادره ولا ياكل الا ككاو ولو ماكل في اليوم ثلاث وجبات ككاو جاه هبوط في الضغط

عضو

ويسمون نوع الككاو هذا بدحاريب الحاليه

عضو

ايه ويوم خلصنا من الدوران في الجزيره جانا الليل وشبين النار ,, وحنا جالسين عند النار سمعنا صوت ذيابه والله وطقتني النفاضه واقول لسعد خل نرجع للبيت بس قال سعد مانقدر نرجع الحين ولازم تصير النار مشبوبه وانا جالس على اعصابي

واشوف بين الشجر عيون مولعه وانا اتنافض واقول ياسعد تكفى ابي البيت

قال سعد خذ الرشاش وخله في حجرك وان جاك شي ارمه .. قلت ياسعد انت مهبول مااعرف له وابعده عني . قال يالصتيمه وش انت تنفع فيه ، هذي حياة الغاب خطره ولازم تصير صاحب قلب قوي وانا وياه اللين حذ رشاشه

وجلست عند النار انتظر طلوع الصباح بالي هي به

ويوم طلع الصباح وحنا نجي راجعين لم البيت وانا سدر وكل الاوجاع فيني من التعب

عضو

وحنا نمشي طلع علينا نمر وانا اروح اتخبى ورى سعد وسعد عشق الرشاش ورماه .. بس تبون الجد مليت روحي من الخوف

ويوم وصلنا البيت بعد طلعت الروح واروح لم غرفتي ارقد فيها وكل جسمي تعبان ورجلي ماتقدر تشيلني

عضو

ويجيب لي سعد كماده ويحطها تحت راسي ويدهن رجلي ويغطيني وارقد يوم كامل

ومن يوم قمت خت شنطتي وقلت ياسعد يازين ديرتنا زيناه

عضو

والله ان السعوديه على جوها وارضها الجافه احسن مليون مره من العذاب اللي شفته .. اشوفك على خير ياسعد وكثر الله خيرك ولا تم تعود تعزمني مره ثانيه

وانا والله خابر منت وجه مافيه وشكلك صبي في ذا الجزيره ومعزبك رايح منا ولا منا .. وماصدقت تشوفني تنصب عليوين درب المطار معه بس .. وانا والله ارجع لم الشرقيه وابوس ارضها واقول توبه ان طلعت مره ثانيه

وسلامكم

مع تحيات

السيد علك ،، اتمنا ان تحوز على رضاكم


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

عضو المافيا سعد

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول