عبســونيات 2 – صور


بسم الله الرحمن الرحيم

هذي زي ماوعدتكم فيها هذي عبســـونيات 2

هذي صوره رومانسيه لأبعد الحدود لاكن فيه شيئ بالصوره مخربها كلها من اولها الى اخرها الصراحه من جد شيئ يقهر الصوره حلوه لاكن ابو صابر مخربها

 صور
والله لو يقولون لي اركب ونعطيك اللي تبي والله ما اركب اجل الدنيا فلت ( وهو العمر بعزأه ولا بعزأه )
صور
انا اول ماشفت العصفور كنت احسبه واقف على حصاة وبعد ما دققت عرفت انه واقف على حيوان اليف( الى الحين يحسبها بقره )
صور
ياعمري على البوسه هذا وهي نصها طين وش عاد لوكان نصها مكياج
يا ويل الليل( تحس اننا من جد شعب سعودي )

صور
كد صار لك موقف مع احد من الشيبان وبدا يهذر عليك ويهاوش ومن ضمن الهوش قال لك ( انت ما تستحي عيب عليك اشبر وجهك )
غريبه اشبر وجهك وش قالولك غرفه ؟ لا كن هالصوره من جد فيها وجه وقاعدين يشبرونه

صور
وهذي صوره من الارشيف حقي لي انا واعيال الحاره اييييه ايام زمان ايام الطواقي والخيول
صور
وهذا حنا بعد ( اخوياي بالحاره ) ولاكن بعد ما كبرناشوي
صور
وهنا بعد اصدقاء الطفوله
ياخي وش اسوي الحنين للماضي وولأصدقاء الطفوله
لاكن لقيت النيقتيف حق الصوره وبعدين احمضها واجيبها لكم

صور
اللي ما يجوزله الموضوع والله لا أوديه لهالمدرسه يعلمونه يوقا
اللي هذا اولها تطليع عيون الله يستر من الباقي
صور
لو انا ميت من الجوع ولي اسبوع ماذقت العيشه ولا طب اثمي شيئ والله ما اكل من طبخ ذولا .
نعن ابو دارك شف الطماط اللوبا الكوسه بالأرض وبجنب رجل ذا البزر
لا ومن زين الامور هالبزر تراه جطل ( لابس من غير هدوم ) واللوبا بين رجلينه . لاكن وش خليت ابو هنود ( اللهم لا شماته )
صور
الزحمه الزايده مالها داعي
ولا مثل ماقال عادل امام ( بالزحمه تلقى لحمه )

صور
وذا الشجيره تقول ليه الشجره تنبت على فوق ؟
وقررت انها تكمل باقي عمرها وهي تنبت على تحت
صور
الله يعين جانا الصيف وجتنا السياحه الداخليه
والناس يجننا من برا علشان يصيفون ( يحترقون ) عندنا
من فرنسا ومن اسبانيا ومن اوربا كلها وهذي صوره لواحد من الف مكان للسياحه
صور
وهذي وحده من المنتدى ( مانيب معلمكم منهي ) وكم مره انصحها ان الدخان يسبب مرض الديزنطاريا ( لا احد يسألني انا ما اعرفه )
ولاكنها تقول ما اقدر ابطله
صور
تخيل لو بيتكم بالقاع هنااااااك !!! تروح للمدرسه كل يوم ولا لا ؟
والله من قله والله لا اتكي بالبيت الين ابوي يشتري لي هيلوكوبتر
صور
شوفوا هاللي ما يستحون
مركبين الكلب ( تكرمون ) بينهم
واللي زاد البيل طنه ( الطين بله سابقاً ) تلقاهم رابطين له الحزام
ومدللينه . مو مثلنا , انا اذكر الى ما صار عمري 14 وانا يركبونني بالصندوق والله قهر
صور
وذا المسيكين مهب مثل الاول معزز مكرم
هذا حالتينه بالصندوق ولادرو عنه
صور
وذي ام هنود مسويه نفسها محافظه على نفسها وعلشان كذا معها شماسه عن المطر
لاكن وش تقول ام هنود يعني مافيه مخ تمشي وهي حافيه الخبله

صور
اوقات يصير للواحد موقف يموت فيه من الضحك ويصير خويه رايحن فيها
هذا اللي صار لنا انا وخويي
انا اللي اصور وهو المسيكين هالحصان مغير يطامر فيه
صور
انا واصدقاي ( مهب حقين الطفوله اللي فوق )
وحنا نسبح في احد انهار ولايه القصيم ( بريده سيتي )
ولاكن وش رايكم فيني ؟ شوفوني انا اللي قدام متعنقط ( متمسك )

صور
والله ما احد قال لك تلبس فنيله حمرا وسروال نص واتميلح قدام ثور بوسط الطين
يعني ماعلي منك انت اللي جبته لنفسك ( الله يعينه على عمليه استخراج قرن ثور من الفتحه السفليه ) ( مجرب )
صور
دايم نسمع احد يقول ( بزر كبر فخذي ) ويصير صح بزر صغير كبر الفخذ
لاكن ذا ما يمشي مع هالفيل , هو صحيح انه كبر الفخذ لاكن اي فخذ

صور
هالأفغانيات وش دخلهن بالموضوع مادري
لاكن وش رايكم مايصلحن طقاقات ( ما يعرف يوصف )
صور
شوفوا ذا الشايب لاهي مع ولده والبعير يبي ياكل ولده الثاني
من جد تخيلو لو ياكله البعير

صور
لا يفوتكم ذا الخبل يحسب انه معه ددسن 81 مطلع يده مع النافذه ( الدريشه ) … دخل يدك عساهس ما تدفن معك
صور
هذي صورتي وانا اتشعمط ( اتسلق ) احدى الجبال الجليديه في الثمامه واللي ما صدق …..
عادي انا ماصدقت
صور
اليوم انا امشي بالشارع ولقيه ابو هنوديين داقيناه سامري
¦من قال لك انا اليوم شايفهم واخذت لهم صوره وهم يقولون:
حنا بني حنود لا صار جنجال ,,, نارد حياض الموت مافيه مشكل

صور
من يصدق ان ذا الشايب عمره 85
مهب مثل شيباننا الله يعزهم الوحد منهم اذا صار عمره 60 مدد رجلينه ولا قدر يرجعهم ثانيه
( لاكن نقول الله يخلي شيباننا لنا )
صور

ياناس من يعرف شبرا امرا شمس نجوم كواكب هوا لعب الدوا
هذي بنيه تلعبها ولاكنها مثل ما تشوفون اخذه الموضوع من جد
صور
هذي الصوره مهداه الى ( السقيم )
ضب 2004
يشتغل بالبر وشتغل بالبحر
يعني برمائي

صور


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

عبســونيات 2 – صور

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول