::+:: طلاليات ::+::


السلام عليكم ورحمة الله وبركاته
هذي المره حبيت أرسل موضوع من نوع ثاني
واحب انوع لكم في مواضيعي
مره ساخر مره جاد ومره ترفيهي ومره أدبي
ونرحل من فضاء إلى فضاء
ولشدة إعجابي بالشاعر طلال الرشيد رحمه الله واسكنه فسيح جناته
حبيت أخصص موضوع له واتمنى منكم الدعوه له بالرحمه والمغفره
في البدايه
حبيت اخبركم بهذا الرجل لاني التقيت فيه مره وسبحان الله من اول لقاء يصادفه الشخص
يظن بانه يعرفه من زمن بعيد, ابتسامته تسبق مصافحته لك وقفاته مع القريب والبعيد, وشهامته,وطهارة قلبه وحبه للخير
واشياء كثيره لاتحصر كانت اسباب لحب الناس له
هنا أيها الاعضاء الكرام حبيت اهديكم مجموعه من روائعه
لحبي للشعر بشكل عام ولتذوقي لقصائده التي تميزت بمشاعر وشفافيه نابعه من قلب صادق
فقد مات وترك لنا لوحات جميله ستبقى في ذاكرة الشعر



(( محتاج لك ))

انتي بكف وباقي الخلق في كف
متعليه في وسط قلبي ولك شان
في غير وصلك مالقلبي ترى شف
محتاج لك يانور عيني وشفقان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزين عنوان
اريد انا قربك ترى ياغذا الحرف
وان ماحصل موتي ودنياي سيان
—————————–

 ((حبيبتي ))

 حبيبتي لا مـن غديتـي لـي سـراج اتبعـه
وكني غديت من الظما اركض ويطردني السراب
لا تبخلين اليا شربتـك ماشربتـك مـن سعـه
دامي من جروح الهموم الموجعه كلي صـواب
اليوم مرتنـي السوانـي والفصـول الاربعـه
اليوم مريـت الموانـي والمبانـي والسحـاب
اليوم ماكنـي لقيتـك مـر صوتـك ماسمعـه
اليوم ما كني فقدتك مـن سؤاليـن وجـواب
يابنت في خدك وهج سيل الشمـوس الساطعـه
احرق بداخل داخلـي انسـان ماهـو للتـراب
واللي خلق ظلـم الليالـي بالعيـون الهاجعـه
اني من الحرمان اتسائـل وحرمانـي جـواب
يوم الـوداع تخيلـي مالـي حبيـب اوادعـه
محروم انا وتخيلي محروم حتى مـن العـذاب
يابنت لـي قصـه تطـول بكلمتيـن موجعـه
هي باختصار اني انا اركض ويطردني السراب 
 ———-

((يازمان الذل))

يــازمــان الـــــذل .. زل
مابقـى فــي الـنـاس شيـمـه
ومابـقـى لـلـعـدل .. خِـــل
ومـن كـثـر ماحـنّـا صغـرنـا
صـرنـا حـتـى بــدون ظِــل
***
صـرنـا مــا نمـلـئ المـحـل
صرنا أمة تحتقرنا كـل أرذال الأمـم
لا تصدق ياعزيزي بالعروبة والقيـم
***
يـازمــان الـشـيـخ بـــوش
يـكـفـي هـــزأت الـمـبـادئ
يكـفـي أحـرجـت الـعــروش
الكرامة ياطويل العمر ماتكفي النعوش
***
يـازمـان الـبـيـت الأبـيــض
أنــت مـالـك أمــر يـرفـض
تبـغـى هــذا الـديـن أطــول
تبغـى هـذا الـشـرع أعــرض
أنــت أكـتـب وإحـنـا نحـفـظ
يـازمـان الـبـيـت الأبـيــض
***
مــــــووو غـــريـــب
لـو نحـسـب الخـبـث طـيـب
ومــــــوو غـــريـــب
نـصـرخ ولا مـــن مـجـيـب
مــــــووو غـــريـــب
لـو تكـثـر أعــدااد الأراامــل
فـي بلـد مـاا يرضـى الهـواان
أو حكـوومـة مــاا تـجـاامـل
ومــــــوو غـــريـــب لو تعتبر حتى عصاا الكهل العجووز
أسـلـحـة دمـــاار شـاامــل
يـاا زمــن نـهـب المتـااحـف
جاانـاا جيـش الحـقـد زااحــف
جتـنـاا العـلـووج الـزوااحـف
فتـشـووا حـتــى الـعـقـوول
وأسلحتـنـاا فــي المصـااحـف
يـاا زمــن نـهـب المتـااحـف
يــاا زمــن اميـركـاا شـكـراً
إنـتــزعــتِ الأقــنــعــة
وإنكـشـف وجــه الـنـواايـاا
وإتــجـــااه الأشــرعـــة
مــاا نصـدقـهـم خـــلاااص
ومــاا بـقـى مــن نسمـعـه
كـــــل ذولاااء إمـــعـــة
بـــــس خلـكـ مـسـتـريـح
الـــصــــحــــيــــح
يووم هب الحقد من واشنطن ولندن
كـــذب بـإســم الـمـسـيـح
الـكــل فـضّــل يـنـحـنـي
وبـغـدااد اخـتـاارت تـطـيـح
يـــاا زمـــاان الأزمــنــة
خــلــيـــكـشـــااهـــد
إحنـاا مــو نااقصـنـاا وااحــد
هـــو صـــلاااح الــديــن
إحنـاا ألـف ملـيـوون وااحــد
هـــم صـــلاااح الــديــن
إحـنـاا بــس بعـيـب وااحــد
هـــو فـســااااد الــديــن
يــاا زمــاان الــذل .. حِــل
قــلـــت مـاالـك ـمــحــل
إلا بـقــلــووب الأهـــــل
—————————–

((كل العواذل ))

حبيبتـي كـل الـعـواذل تشـابـه
قلبٍ ظلام ووجه يشبـه للأصحـاب
ولامن غدى لك صاحبٍ ينحكـى بـه
لا تسمعين ان كان لك قلب وأحبـاب
الى مشيت الـدرب يلهـث سرابـه
والى سكنت الـدار نادانـي البـاب
وشلون أنـام وهـم قلبـي صوابـه
والشوك ينبت بين جفنيـن وأهـداب
تعبـن أمنّـي الأسئـلـة بالإجـابـه
وأنطر شروق الشمس والشمس بغياب
وتعبـت أناظـر والمعنـى عـذابـه
انك بعيـده والمـلا دونـك حجـاب
أجمع كـلام ومـا أعـرف الكتابـه
وعندي شعورٍ صدق والوقت كـذاب
وكل النجوم إلى أمطرت من سحابـه
حبيبتي دمعك جـرح قلـب وتـراب
واللي وقف مـا بيـن بابـي وبابـه
قلبه ظلام ولابسٍ ثـوب الأصحـاب
————————

(( بعض احوال ))

أنا مقدر أكون  اني حبيب في بعض أحوال
أنا كلي أجي والا أروح بعزتي 
كلي تخيرت الفراق وما دريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منـــك دمع في عيوني مارضى ذلي
رحلت انت وتركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الـندم موّال
سكت ومت بالحسره ولا ادري وشهو احسن لي
أحبــــك كل ما فيني يحبك يا خلي الــبــــال
تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس واهلّي
———————

احساس غريب

الـلـيله احـسـاسي غـريـب
عـاشـق وانــا مـالي حـبيب
حـبيت … كـل الـناس لاموني
حـبيت … كـل احبابي باعوني
قـلـت احـب الـحب احـسن
قـلـت احـب الـحب اضـمن
لا احــــن .. ولا اتــــوه
ولا بـعـد فــي يـوم احـزن
رضـيـت بـاقداري ونـصيبي
صــرت مـحـبوب الـحبايب
وصــار كـل عـاشق حـبيبي
الــلــيـلـه غـــيـــر
شـــعــوري غـــيــر
اشـــواقـــي غـــيــر
حــتـى الاغــانـي غـيـر
صدري سما .. واحساسي … طير
بـــس طـيـفك مـاتـركني
ظــل سـاكـن تـحت جـفني
كــــــان وافــــــي
كــان يـذكر .. وانـت جـافي
انــــــت ويـــنــك ؟
كـان هـذا الـفرق مابيني وبينك
جـيـتـني تـشـكي الـزمـن
وجـيـتـك أبـــي أدفـــى
لـقـيت فــي قـلـبي وطـن
ولـقـيـت بـــك مـنـفـى
————————-

((آخر الحب))

كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك
وكنت احسب اني لقيت احباب قبل اوصلك
واثري توهمت في غيرك وانا كنت ابيـك
تعال نعطـش وتشربنـي وانـا اشربـك
تعال قبل الوعد اجلـس معـي نحتريـك
تعال شفنـي وانـا استنـاك كـم اشبهـك
يطري علي الف راي و راي واحتار فيك
اجي مكان الوعـد والا اسبقـه انطـرك
والا آخذ الموعد اللـي يحتريـك واجيـك
يا آخر الحب ذقـت الحـب فـي اولـك
ويا اول الشوق اقصى الشوق ما ينتهيـك
علمتني كيف اعرفك لين صـرت اجهلـك
ضيعتني فـي متاهاتـك وكنـت ارتجيـك
حبيـب الاحـلام يابـعـدك ويامقـربـك
حـرام يكفـي تبعثرنـي وانـا احتويـك
ان شفتك بحلـم صدقتـه وانـا اتوهمـك
وان شفتـك بعلـم كذبتـه اليـن انتشيـك
اخاف اغمض عيوني وان رمشت افقـدك
واخاف افتح وتصبـح حلـم ولا التقيـك
————————

((بعد حيي))

اليوم يا بنـت مـن زيـي
الشمس واردت على ضيي
جيت انتخي بالوجيه البيض
يا عزوتي يـا بعـد حيـي
الجادل اللي حلاهـا غيـر
ضيعت في شمسهـا فيـي
بعيونهـا سلسبيـل رمـاح
والموت بالسـود متهيـي
موت وانا اموت انا بالموت
كثيرهـا غـرق شـويـي
لا قلت تكفين قالت جـاك
وان جيتهـا فجـأه تعيـي
ولا قلت مالي و مال الغيد
قالت وهـم بينهـم زيـي؟
وان قلت انا تبت مالي كار
مقفي زمانين عـن غيـي
قالت وهي تلتفـت للنـاس
طلال موتـه علـى يديـي
——————————

((قالت قدر))

قالت قـدر و أقـول يومـك تبينـي
غصبن على الدنيا يدك فـي يدينـي
لا تظلمين الوقت وش ذنـب الأيـام
لا تظلميـن الـحـظ لا تظلميـنـي
غديت مابين ارجـا فيـك واليـأس
هـذا يبـي منـي وهـذا يبيـنـي
إن قلت شمت وخاطري طاب كذاب
وان قالت أبيك ارخصت نفسي بعيني
خيرني أمري بين أصعـب خياريـن
موتي أنا أو موت الحسـاس فينـي
لكن زمانـي المـر علمنـي أنـي
أموت محني لجـل قلبـي جبينـي
والله ما تلقيـن حبـي مـع النـاس
روحي وهـا لأيـام بينـك وبينـي

——————————
ولازال الكثير واختياري لروائعه يحير
دعواتكم الصادقه لهذا الرجل بالرحمه والمغفره
 ——————————
 واهديكم في النهايه هالتصميم


Comments 12

  1. ذكرتني بطلال الرشيد الله يغفرله ويرحمة اللهم وسع عليه قبرة وابدل سيئاته حسناااااات وجميع موتى المسلمين اميييييييييييييييييييييييين

  2. وعليكم السلام والرحمه مشاركة اكثر من رائعه وخصوصا انها شي من احساس الامير طلال الرشيد الله يرحمه ويغمد روحه الجنة … **للعلم اول مره احاول اضيف تعليق ع مشاركتكم … والسبب اني فعلا حبيت هالمشاركة … وايضا لعشقي لقصائد واحساس طلال الرشيد … وحبي له كأنسان لما سمعت عنه من طيبه وانسانية تسلم اخوي والله يرحم الامير طلال الرشيد ويسكنه فسيح جناته

  3. مشكور على هذي القصائد الرائعه التي اخترتها من بعض قصائد طلال الرشيد وجداًحلوووووووووووووه ……… والله يرحمه ويرحم اموات المسلمين اجمعين ….

  4. آآآآآآآآآآآآه ياطلال يافقيدنا الغالي رحمك الله رحمة واسعة واسكنك فسيح جناته شكرا على الموضوع الذي انزل الدموع من عيوني الله يرحم الأمير طلال الرشيد

  5. يعطيك العافية ماقصرت انا من زمان ادور على كتاب الرشيد الله يرحمه بس كله مخلص في جرير. جزاك الله خير . ذوقك رفيع

  6. مشكور اخوي ما قصرت طبعا ما احد ينسى طلال الرشيد الله يرحمه ويغفر له ويوسع عليه في قبره ..اللهم امين واسلوبه في طرح شعره كان غير رحمه الله

  7. بصراحه الموضوع جدا رائع لانه باحساس مرهف وانا من عشاق قصائد الرشيد وياليت دائما ماننسى شاعرنا المرحوم وشششكرا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

::+:: طلاليات ::+::

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول